Млечни Заби

by Хана Корнети

"Кога пристигна во болницата, Фаик одвај имаше шанса да ја прегрне мајка си пред да биде одвлечен од бран медицински сестри да се снаоѓа во бирократија, бидејќи кога на некој му умира близок човек, една работа на која може да се смета дека ќе го приземји, дека ќе му го врати умот меѓу живите, е бирократијата. Бирократија е, впрочем, многу практичен начин да му се каже на човек среде трагедија дека животот продолжува, повелете сметка..."

Во својата дебитантска книга "Mлечни заби" Хана Корнети впечатливо ни ја приближува својата генерација млади луѓе родени во 1990-тите. Низ расказите за младите индивидуи, за нивните радости и таги, лични победи и порази, надежи и сомнежи, авторката ни ги долувува не само нивниот интимен универзум, туку и начинот на кој тие го согледуваат светот. Ликовите од ова дело се претставени во карактеристични пресвртни моменти од растењето и созреваето, во кои се соочуваат со реалноста која е во расчекор со нивните очекувања и сфаќања, и низ тој судир ги испитуваат своите идеали, развивајќи го својот светоглед и продлабочувајќи го своето Јас.

168 pages, Paperback

Published January 1, 2021

Reviews

[Марија Андреева · Rating 5 out of 5]

Одлична прва збирка! Различни раскази кои зборуваат на различни теми, со добра доза на хумор и сериозност, со еден младешки тон кој ги истражува оние теми за кои сите размислуваме но ги претставува и преку младешки леќи. Младите ќе се поврзат, оние кои не се толку млади ќе се потсетат на сопствените доживување и патишта и нивното сопствено созревање или coming of age.

[Anchi · Rating 4 out of 5]

Најголем дел од расказите ми беа одлични, останатите помалку впечатливи.

,,Ловец на соништа” особено сметам дека е прекрасно напишан.
,,Како да се постават темели” ми беше најносталгичен и најсладок.
,,Лебедова песна” најхумористичен, но со доста сериозна тематика.

Збиркава навистина ми се допадна, иако на моменти некои реченици ми беа конфузни, како да не можам да прогледам низ тоа што авторката сакала да каже. Значи проблемот е најверојатно во мене, не во неа. Посекако е книга што може да послужи за дискусија, а секако би сакала да прочитам и нешто ново од Корнети.

[Blagorodna Budzakoska · Rating 5 out of 5]

Zbirka raskazi koi ni ja otslikuvaat edna generacija na mladi lugje rodeni nekade 1990-tite. So detstvoto ostaveno zad sebe koe seušte im se gleda na licata, im se primetuva vo očite ili go sokrile nevešto kako da sakaat da go čuvaat za nekogas koga ke ostarat... Za detstvoto koe ima lik na eden Nikita.. Nekade izmegju toa detstvo i onaa sredovečnost, site likovi uste ne sozreani se obiduvaat da se najdat sebe. So site padovi, stanuvanja, so seta vedrina što im e karakteristična na godinite, no i so predizvizite, tagata, vistinskiot život ednostavno bez zakrilata na roditelot. Vo nekoj megjuprostor ovie mladi lugje se baraat sebesi, zad niv deteto, pred niv čovekot, pa nekoi so vedrina, nekoi so pretpazlivost, nekoi so hrabrost ili so kolebanje začekoruvaat vo zrelosta. Ima kamenja na toj pat no mladosta nekako im dava sila da gi klocnat, zaobikolat ili se navednat da gi zemat so sebe za nekogas kako spomeni ili potsetnici.

Životot za niv e fakt i smrtta isto fakt, no stravot i od ednoto i drugoto samo ponekogas im pagja na um
Toa ponekogas e klučno...
"Nedostatokot ja odreduva želbata"
"Principite ni pagjaat kako mlečni zabi"
Na mladosta se i e dozvoleno. I da se bide vesel i tažen i ludo hrabar, i nespremen i poleten.. Mladosta e spomeni, iskustva, učenje gradenje. Taa e temel na sekoj čovek....

[Aleksandra · Rating 4 out of 5]

Пишувана со дух и јазик на млад човек, полн со невиност, елан и желба да се освои светот, но со редок талент на (иден) голем автор. Скриена во секој расказ, авторката се открива можеби несакајќи во понекој лик. Возбудливо е да се истражува нејзината мисла, сеќавања и фантазии. Прекрасна збирка која вознемирува, насмевнува, шара по жанрови и стилови, но со јасен израз на искусен раскажувач.

Велат фурни леб треба се изедат дури се порасне - Хана очигледно една фурна веќе има зад себе.

[Teodora Taseva · Rating 5 out of 5]

“Бирократија е, впрочем, многу практичен начин да му се каже на човек среде трагедија дека животот продолжува, повелете сметка.”

Прекрасна збирка!