الطلقة الأخيرة

جنايات #5

by رحاب فكري

Genres: Audiobook

Unknown Binding

About the author

رحاب فكري طبيبة وروائية وكاتبة مصرية غلب على مؤلفاتها الطابع البوليسي.

تُصدر للكاتبة رحاب فكري سلسلة روايات بوليسية بعنوان «جنايات» عن دار سما للنشر والتوزيع

وقد تحويلهم الي دراما صوتية علي موقع أوديوهات

Reviews

[Ahmed Halawa · Rating 2 out of 5]

عزيزي قارئ الريفيو ارجع عشان في حرق للاحداث جاي ⚠️⚠️
الحلقة دي فيها حاجه غلط كلها علي بعض من اول الشك الغير مبرر في اهل المجني عليه
ل اخطاء كبيرة جدا في حبكة الحلقة و ده اللي انا هكلم فيه
- من غير المعقول اني الضابط هيدخل المشرحة و هيبدا يتريق علي الطبية الشرعية و برده من غير المعقول اني الطبية الشرعية تقول للضابط زميلك ده بلاش يجي معاك المرة الجايه هي مش عزبة .
- من المنطقي و الواقعي اني اي حد بيطلع رخصه سلاح بياخد تدريب عليه عشان يعرف يتعامل معاه .
- السلاح و ده في الغالب اما بيضرب اخر رصاصه الاجزاء بترجع للخلف و بيبان انه فضي من الذخيرة فعدم رجوع الاجزاء دليل علي وجود ذخيرة في السلاح
-نيجي بقي للاجراء اللي قرر فريق التحقيق العبقري انه ياخده عشان يحل القضية و هو اخضاع المشتبه فيهم لفحص بقايا البارود و اثر الدم
الاجراء ده تم اتخاذه بعد مرور مدة من حدوث الجريمة فحل من المعقول اني فخلال المده دي كلها الجاني فضل علي جسمه اثر البارود !!
طب ازاي و جاني محامي و شاطر و عارف انه ده كويس فطبيعي انه غسل جسمه كويس ده غير اني الاثر من المده هيروح ده باستمرار الجاني انه يغسل جسمه
ذكر برده اني الجاني طلع ايجابي لوجود اثر دم علي جسمه اثر الدم علي التربة او الملابس او اشياء مادية حتي لو تم تنظيفها ب الكلور ممكن يفضل اثار و بتظهر بعد رش ماده اللومينول و التعريض للضوء بتظهر بلون ازرق بس ده في حاله وجود الدم علي سطح او تربه
هل اثر الدم هيفضل علي جسم الجاني اشك اني ده ممكن لاني الاغتسال و العرق هيدمر الاثر ده

[Donia Darwish · Rating 5 out of 5]

#اوديوهات_الكورنر
#الطلقة_الأخيرة
#رحاب_فكري
المدة ⏰: 1:11

رائف حلمى دكتوراه 👨🏼‍🏫 فى القانون الجنائى و أستاذ فى حقوق القاهرة فى الخمسين من العمر
البلاغ : طلقة فى الدماغ من مسدسه الخاص 🔫
الشكوك بتحوم حوالين طلابه
اصله معروف انه حبوب صديق الطلبة
وله طلبات خاصة مايمنعش يستخدم نفوذه فى شوية احتياجات يجيبهاله فلان وفلان وكله فى مصلحتهم علشان رسايل الدكتوراه
اللى يجيبله بقالة واللى يجيبله شاحن 🔌 للتاب
أما البنات فـ مفيش مانع من حلة محشى من ايدين الحلوات 😉
طيب وايه اخبار المدام ولا حارس العقار ما نسألهم هما كمان ممكن نطلع منهم بـ جواب على علامات الإستفهام ⁉️ اللى شغالة فى الدماغ 🧐
نبدأ التحقيقات ونشوف مات ازاى ، حد عملها ولا هو اللى قرر يتخلص من الحياة 🤷‍♀️

اول اوديو اسمعه على ابليكشن #اوديوهات واحب أشكر Shimaa Allam على هديتها ليا 🎁 بأسبوع تجربة للروايات الصوتى 😍 حبيت الموضوع قوى 💙 وشكلى كده هـاخد قرار الاشتراك 😍
الاداء ممتاز وممتع وخفيف الدم
الحدوتة نفسها بالجريمة تشد لآخر ثانية 💙

#مكتبة_دنيا
#قراءات_٢٠٢٢
Audiohat اوديوهات

[Nour Alaa · Rating 2 out of 5]

Audio

[هند أحمد السيد · Rating 3 out of 5]

الرواية: الطلقة الأخيرة.
الكاتبة: رحاب فكري.
دار النشر: أوديوهات.
المدة: ساعة و11 دقيقة.
بعد التشجيع المستمر من القراء لسماع هذه الحلقة، بدأت الأحداث باكتشاف البواب لجثة الدكتور في القانون الجنائي رائف، بعد أن مات أثر طلق ناري في جانب رأسه الأيسر، مع الاشتباه بزوجته وأبنائه وطلابه وزميله الدكتور وأسرة البواب، ليبدأ الرائد خالد وعمرو وأحمد التحقيق في هذه القضية الشائكة ذات النهاية الغير متوقعة.
كنت قد قرأت أول أربعة أجزاء من هذه السلسلة، وحقيقة لم تعجبني كما أبهرني الأداء الصوتي الرهيب الذي غير منظورة للرواية بشكل كبير،مع الأداء الرائع للرائد أحمد والرائد عمرو، على الرغم من اعتراضي على عدة نقاط في الرواية منها طريقة كشف القاتل وطريقة تعامل خالد مع الدكتور الشرعي الغير مبررة، وكيفية وقوع القاتل في هذه الأخطاء على الرغم من كونهم محاميين، على الرغم من إبراز الكاتبة لمشاكل الدكاترة وما يتعرض له الطلبة تحت أيديهم.
أتطلع قدماً لسماع الأجزاء التالية.
#الطلقة_الأخيرة
#سلسلة_جنايات
#رحاب_فكري.
Audiohat اوديوهات

[أحمد إبراهيم · Rating 4 out of 5]

جريمة مقتل أستاذ جامعي كبير في شقته باستخدام سلاحه الخاص المرخص
تعتبر واحدة من أجمل الحلقات وأروع الحبكات بالتأكيد أنصح بمتابعة البرنامج بشدة من خلال أوديوهات.
#أحمدمجدي

[Maha · Rating 4 out of 5]

حلوه جدا جدا 🥰

[Ahmed Gohary · Rating 3 out of 5]

مقتل أستاذ جامعي بطلق ناري ، حلقة مميزة تناقش قضية مهمة وهي استغلال بعض داكترة الجامعة لطالبي الدكتوراة واستغلال مناصبهم لتحقيق منافع خاصة

[Dr Asmaa Fouad · Rating 4 out of 5]

الجريمه عبقريه