وُهاب الشروق

by محمد عصمت

ماذا سيحدث إذا عم الظلام العالم؟ اختفت الشمس وساد الظلام كل شيء؟ لا تقلق.. هذا لن يحدث اليوم؛ لأن وهاب الشروق سيضمنون لك أن تحظى بغدٍ آخر.

312 pages, Paperback

Published June 30, 2021

Reviews

[Youssry Effat · Rating 5 out of 5]

..
ماذا سيحدث اذا تأخر الشروق لمدة ساعة واحدة ؟ ماذا سيحدث اذا عم الظلام ؟
وما غرض هذه الكائنات ؟ وما هى وهاب الشروق ؟ و الكثير من الاسئلة التى تدور بداخلك
اثناء قراءة هذا العمل الجديد للكاتب محمد عصمت الصادر عن دارن للنشر 2021
..
تبدا الرواية بمشهد مثير عن سفينة فى عرض البحر تواجه الكثير من غرضه و امواجه الى ان يهدأ بعد اخراج طاقم السفينة لاحد الصناديق الخشبية
بداخل البحر ، ثم يهدأ البحر !! فى حالة من استعجابو استغراب باقي الطاقم و يحل الهدوء الذي يسبق العاصفة
.
يخطفنا الكاتب فى المشهد السابق للعمل الذي ربما يجعلك كقارىء ان تخمن باقي الاحداث ولكنه يفأجاك بأنها فقط البداية للتعرف على مهمة
منظومة وهاب الشروق ، هى المنظومة العالمية المختصة بمحاربة الشياطين و السيطرة عليهم ، يعرفنا الكاتب علي المنظومة
ونشاطها و نظام التقدم اليها من خلال هادي طاهر احد شخصيات العمل المهمة والبطل الرئيسي و الاساسي اثناء حديثه
مع المستجدين للانضمام للمنظومة
.
نعرف الكثير عن هادى طاهر و كيفية انضمامه للمنظومة ، نعلم ان والده كان احد اكفاء المنظومة و انه خدم المنظومة بشكل منقطع النظير
ولكن يسمع هادى الكثير و ربما الشائعات و التحقيقات المثيرة و الغريبة حول والده وهو الامر الذي يجعل هادى للبحث عن ماضيه والده
و الخوص فى رحلة طويلة يعرف فيها الكثير و يجاهد فيها من اجل والده .. فهل هتكون رحلة موفقة ؟ هل هيقدر هادي يستمر فى الرحلة من دون اى خسائر ؟
.
رواية من روايات التشويق و الغموض و الاثارة .. تمكن الكاتب بشده فى هذا العمل من جميع ادواته
حيث جاءت الحبكة متماسكة بالاضافة للبناء الدرامي للعمل و اضافة الكثير من الصراع الدرامي بالاضافة لجانب الرعب
فجاء العمل متماسك متوازن مكتمل الاركان .. فأصبحت تقرأ رواية رعب متكملة خارج اطار التعاويذ و الدجل والامور
التى استهلكها اغلب كتاب الرعب فى اعمالهم ..استطاع محمد عصمت ان يخرج نفسه من هذا الاطار المعتاد ببراعة مع
تطوره الملحوظ فى اللغة و استخدام المصطلحات اللغوية الجديدة ع كتابته و التى كانت مفيدة جدا للعمل
..

رواية ممتعة مشوقة مرعبة ربما ..رواية مختلفة عن نمط روايات الرعب المصري المتعارف عليها بالاضافة لفكرتها
واهتمام الكاتب بوضع فلسفته الخاصة فى العمل ايضا ليتركك فى نهاية العمل لتفكر ولو لقليل
..

‎ رواية |#وهاب_الشروق
للكاتب|#محمد_عصمت
‎عدد الصفحات | 312
‎الناشر | #ن_للنشر_والتوزيع
..
لو تحب تشوف المراجعة على قناة اليوتيوب : https://youtu.be/ddTDylvdTT4

لو تحب ممكن تتابعني على الانستجرام و اليوتيوب
Instgram : Bookaffe
Youtube : Bookaffe

اشوفك دايما مبسوط بالقراءة
و متنساش دايما ان كتابك اللى جاي هنا فى بوكافية
#bookaffe #بوكافية #youssrybooks
...‪

[Shrouk El-Sayad · Rating 5 out of 5]

الرواية عظيمة جدا ومش لاقية حاجة أقولها غير بسم الله ماشاء الله بجد 😂❤
وعايزة اقول انها لفت معايا ٤ محافظات من ساعة ما اشتريتها وسهرت عليها ليالي لو هطلب العلا مكنتش هسهر كدا

[طارق سيد · Rating 4 out of 5]

نجح محمد عصمت انه يقدم نفسه للجمهور مرة اخري بشكل مختلف ، قدم عالم متكامل صالح لاعادة الاستخدام اكتر من مرة باكثر من اسلوب
تعالي اقولك ازاي في مراجعة مرئية للعمل بدون حرق للاحداث
#كوكب_الكتب
#العراف
https://youtu.be/C4BIR6KTVVE

[Ahmed Gohary · Rating 2 out of 5]

رواية من النوع الذي لا احبة مليئة بالمنظمات السرية والاكشن مع حبكة اقرب للانمي الياباني واسم غريب واحداث مملة

هذا لا يعني بالضرورة ان الرواية سيئة لكنها لا تناسبني

[منار بدر الدين · Rating 3 out of 5]

" لطالما حلم البشر بفرض سيطرتهم على الكائنات الأضعف، صنعوا أحواضاً للأسماك، وحدائق للحيوان.. لو قرأت روايات الرعب، شاهدت أفلامه، ستُلاحظ أمراً واحداً يتكرر على الدوام، ستُلاحظ أن الخير دائما ما ينتصر في النهاية، وهذا أمر غريب غير قابل للتصديق! في دنيانا هذه لم يُعد الخير موجوداً من الأساس كي ينتصر، مهما كان الإنسان خيراً لابد من إثم يلوث نقاء روحه، ستُلاحظ كذلك أن البشر دائما ما ينتصرون على الجان والشياطين التي لابد وأن تنهزم في النهاية من أجل أن تُرضي الجمهور المتعطش لانتصار الخير لكن اسمحا لي أن أسألكما سؤلا واحداً: هل يستطيع الإنسان أن يسيطر على الأنواع المختلفة من الشياطين دون الاستعانة بأي مساعدات خارجية؟! "

اسم الكاتب: محمد عصمت
اسم العمل: وُهاب الشروق
نوع العمل: رعب عن دار نون
عدد الصفحات: ٣١١

الغلاف:
احب أقول في البداية أن تصميم الغلاف، وألوانه حلويين جدا، العناصر الموجودة فيه استغربتها وقت قراءة الفصول الأولى لكن مع انغماسي في القصة أدركت أد ايه هي مترابطة بصلب القصة، والحبكة الأساسية..

ملخص القصة:
أحداث الرواية بتدور في عالم قدرت فيه الشياطين تمنع شروق الشمس؛ عشان تقدر تتجول براحتها، وتنشر شرورها لكن مجموعة من صيادين الشياطين المتمرسين قدروا يوقفوا الشياطين دي عند حدها.. ويأسسوا إدارة
(وُهاب الشروق) اللي بيكون دورها قتل، وحبس الشياطين دي، ووهب الأرض شروق جديد.. بنشوف الرواية من منظور صياد الشياطين (هادي) اللي بيبدأ يواجه سلسلة من المشاكل المتتالية في الإدارة، وبيحاول يحلها قبل ما توصل لتدمير الإدارة كلياً، وكمان بيحاول يوصل للحقيقة اللي بتغير رؤيته تماما لكل حاجة..

الحبكة والسرد:
لغة الرواية عربية فصحى سلسلة بتخلينا نخوض الأحداث بسرعة وبسهولة، وفي النفس الوقت مطعمة بالعبارات الرنانة، والاقتباسات شديدة الواقعية..
فكرة العالم جديدة ومختلفة، ومسار الأحداث من البداية ولحد الوصول لذروة العقدة وحلها تصاعدي جدا.. خلاني مش قادرة اقف في نهاية أي فصل لأنه كان محمس بشكل كبير جدا للفصل اللي بعده..
طريقة عرض الفلاش باك الخاص بالشخصيات كان قوي بشكل ملحوظ، وفي محله تماما لأنه بيجاوب على تساؤلات بتخطر في بالنا تحديداً وقت ظهور الفلاش باك.. التفاصيل الصغيرة اللي بتظهر على مدار الأحداث، وبتترابط كلها في النهاية للكشف عن الحبكة الأساسية للعمل تم عرضها بشكل ممتاز، واحترافي..
عرض أنواع مختلفة من الشياطين اللي منبعها أساطير من أرض الواقع، ووصف سماتها بتأكد المجهود المبذول في البحث، والتقصي عشان العمل يطلع بالصورة وبالمعلومات دي، مشاهد الرعب كانت مكتوبة بشكل ممتاز، وإضافة العنصر النفسي ليها، وربط بعضها بالأشياء المادية -اللي سببت نوع من التروما بعد كدا لبعض الأبطال على مدار حياتهم- كان عظيم جدا.

الشخصيات:
رمادية بشكل مبهر، لازم أشيد جدا بجوانبهم النفسية وتأثرهم بخبرات الماضي المحفورة لسه في ذهنهم، ومأثرة على ردود أفعالهم، وتصرفاتهم بشكل عام، بناء الشخصيات الواقعي خلاني مش عارفة احدد موقفي من بعضهم..
وإذا كانت افعالهم صح أو لا رغم تفهمي لداوفعهم، وتعلقي بيهم.. ودي نقطة للاشادة برده أن هنا مفيش شخصية سطحية لا كل الشخصيات ثلاثية الأبعاد ليها عيوب ومميزات.

الملخص:
عمل رعب ممتاز، أحداثه متصاعدة جدا، وصفحاته بتجبرك على إنهائها في جلسة قراءة واحدة..
السرد، التفاصيل، ومشاهد الرعب رائعة وموترة فعلا..
ثري بمعلومات عن أنواع شياطين، ومخلوقات خوارقية مقتبسة من أساطير من واقعنا بتضيف لنا وبتثري معرفتنا.. حبكة بتفاصيل مترابطة للغاية، وشخصيات رمادية بنفضل متوترين لهم على مدار الأحداث، وخايفين نفقدهم في أي لحظة في عالم بفكرة جديدة، ومختلفة..
ومنتظرة اشوف روايات، وقصص تانية كتير بتدور في نفس العالم، مُرشح بقوة لأي حد بيحب الرعب، الأحداث المتصاعدة برتم حماسي جدا، والشخصيات المبنية بحرفية شديدة..

[Nesreen karara · Rating 5 out of 5]

ابداع كالعادة👏🏼👏🏼 الكاتب المبدع محمد عصمت عنده قدرة على نقل تخيله للقارىء و طريقة سرده التشويقية👏🏼👏🏼

[Ahmed Salah Khalifa · Rating 5 out of 5]

إيه ده إيه الجمال ده بصراحة رجعتني لحبس الأنفاس والحركة بتاعة الراحل العظيم نبيل فاروق...رواية وهاب الشروق فعلا حاجة فخمة جدا من الجلدة للجلدة ..قصة وحبكة جديدة..تنقل في سلاسة وإتقان..كل عمل ليك بيبين نضج عن اللي قبله..شابوه محمد عصمت بتاع الرعب والأكشن

[Jasmin Abd Elghany · Rating 5 out of 5]

لطالما تجاهلنا الهبات التي وهبها لنا الله، لطالما اعتمدنا على وجودها في حياتنا وكأنها لن تنتهي يومًا، ولن نُحرم منها ذا يوم، ولكن يأتي الواقع بأشياء لتغير ما نراه حقيقة رأيناها غير قابلة للزوال، ويأتي وقت المواجهة، أمامك خياران لا ثالث لهما، إما أن تقبل الهزيمة وتسقط كما تسقط الشاه قبل ذبحها، وإما أن تقاتل حتى اللحظة الأخيرة، وحينها سيكون للموت دلالة ستُبقي نهايتك شرف لكل شخص سمع أو سوف يسمع اسمك يومًا ما.
عليك أن تدرك أنّ كِلا الخيارين صعب، لن يلومك أحد على اختيارك، وحدها ذاتك هي مَن ستخبرك أنك أضعت الاختيار الصحيح وهربت إلى الاتجاه الخاطئ، ستخبر�� نفسك كم أنت ضعيف؛ لأنك قبلت أن تعيش دائمًا في الغروب، وأنك قبلت أن يُسرق منك الشروق، قبلت أن تكون تائهًا في ظلام لا نهاية له.
وحدك القادر على صنع الحقيقية القادمة التي بها سيتحول العالم من بركان الظلام إلى نور يشرق كل صباح.
عليك فقط أن تؤمن بالحقائق، أن تفتح عينيك على مصراعيها وأن تصدق كل ما ترى وكل ما لا ترى، فربما تستطيع أن تتقدم حينها للاختبارات، ويمكن في لحظة جد تُقبل، وتصبح واحدًا من أعضاء الإدارة العامة لوهاب الشروق.

#وهاب_الشروق
رواية في أدب الرعب الممزوج بنكهة الفنتازيا، وهنا يقف لساني عاجزًا عن وصف قدرة الكاتب في صنع ذلك العالم الخيالي بتلك الملَكة القوية، كل عمل له يكون الكاتب في سباق، ولكن ليس مع أحد منافسيه، فمنافسه الوحيد هو ذاته، فأنا أرى أنه كل مرة ينافس ذاته على أن يُخرج كل عمل من أعماله أقوى بكثير من سابقيه،
فإلى أين سيصل بنا؟ لا أعلم.
فمنذ قراءتي لوهاب الشروق وعيناي تلمع وكأنها مع كل سطر تبصر شيئًا جديدًا،
شيئًا لم تراه من قبل ولن تراه.
وهاب الشروق رغم أنها رواية بنكهة الخيال؛ إلا أنها على الرغم من ذلك تعبث بقوانينك، فتارة تراك تبحث معهم عن الشياطين، وتارة تسأل نفسك عن مسكن أمنا الغولة.
وما بين هذا وذاك تصل رحلتك إلى أقصاها مودعًا قوانينك القديمة لتبدأ قوانين جديدة، قوانين وضعت أمام عينك من دقائق، إلا أنك تنظر إليها على أنها حقائق وضعت من سنوات وتسأل نفسك كيف غفلت عنها؟، كيف لم تلاحظها سابقًا.
رحلة ممتعة وإن كانت كلمة ممتعة تختزل في أعماقها الكثير والكثير، عليك فقط أن تؤمن فقط بقائدك.

#الفكرة:
تدور فكرة العمل عن إدارة بها أقوى الجنود، وأقوى الباحثون عن الشياطين، إدارة تحافظ على الشعب منهم، هيئة كانت وليدة الحروب التي قادتها الشياطين ليقع العالم في ظلام دامس لا يمكن التخلص منه، وحدهم هم من قرروا التخلص من ذلك الظلام واتجهوا مسرعين للحصول على الشروق الذي ينير عالمهم من جديد، ولكن إن كان هناك خائن بينهم يتفق مع أحد الشياطين على شيء ما، فإلى أين يتجه بهم الحال؟
وإن هناك شيطان يبحث عن شيء، فغير القوى والسلطة إلى أين يتجه بتفكيره، لا أظن أنه يحتاج شيئًا أهم من الانتقام، ولكن مِمن ولمَ؟
وهل يمكن أن ينتصر فما زال هو الشيطان الهارب.

#اللغة:

العمل كُتب سرده وحواره باللغة الفصحى
اللغة كانت قوية تزيد في اعتقادي أن الكاتب يحمل لغة قوية لا غبار عليها، ولكنه يكشف عنها بالتدريج، فمع التشبيهات القوية أصبحت أهيم عشقًا بين صفحات الرواية وكأن هناك شيء يجذبني وأنا كالمخمور.

#السرد:

احتوى معظم العمل على السرد، فكان الأمتع على الإطلاق، وبلغته القوية وتشبيهاته الرائعة استطاع الكاتب أن يضعني أمام عالم رائع، عالم يحتويني عالم أغرق فيه في كل سطر، رحلة من المتعة تمنيت أن لا أفيق منها.

#الحوار:
كان بالفصحي وكان النسبة الأقل في العمل، فقد اختار الكاتب أن نتعمق أكثر مع وصفه للأحداث؛ كما أنني أيضًا استمتعت بالعمل، فعلى الرغم من أنه عمل ممتلئ بالأحداث المريبة؛ إلا أنه كان أيضا ممتلئ بالحس الفكاهي، ففي أكثر اللحظات رعبًا تجد مَن يواجه الرعب بطريقة فكاهية لتتحول من هنا إلى هنا ليصيبك عيار ناري آخر دون أن تنتبه.

#الحبكة:
العمل سار بتسلسل زمني واحد، إلا أنه في بعض الذكريات كأنه يعيدك إلى الوراء لتلقي نظرة على شيء، ثم تعود أدراجك إلى حيث بدأت.
من الأعمال القليلة التي لم أقدر أن أنهيها، كان بداخلي خوف شديد أن ينتهي ذلك العالم كنت أبطئ من قراءتي أعيد قراءة الفصل أكثر من مرة لأستمتع به مرة أخرى ولكن مع الأسف وصلت إلى نقطة تمت وأنا لا أعلم لمَ، لمَ انتهت تلك الرواية فأنا ما زلت متعطشة إلى ذلك العالم.

#الشخصيات:
لعب الكاتب هنا لعبة لا يمكنني إنكارها، فمع خبرتي السابقة في جميع أعماله كنت دائمًا متشككة في كل الشخصيات، فكنت أعلم أنه سيغدر بي وسيجعل أكثرهم طيبة أقواهم شرًّا.

- هادي
بطلي المفضل، وشخصيتي المحببة تلك الشخصية رسمت بكل دقة فما بين الهدوء المبالغ فيه، والغضب الذي يسيطر عليه في جزء من الثانية، ما بين القوة والضعف وقعت أنا في غرامه.

- أكرم
فارسي المغوار، لا أعلم لمَ لمْ أراك في سنك الحقيقي كنت أراك دائمًا في سن الشاب القادر على المواجهة وفعل المستحيل من أجل أن ينقذ صديقه.

- ليلي:
لا أعلم لم لا أحبكِ في البداية ظننت أنكِ تتلاعبين بنا، تظهرين شيئًا من الرِّقة وأنتِ تخفين أسدًا لا يمكن ترويضه، ولكنكِ أظهرتِ عكس ذلك.
ما زال لديّ العديد من التساؤلات عن تلك الشخصية، ما زالت غامضة مهما أظهرَت.

- طاهر
لا أعلم لمَ لمْ أضع لك عذرًا، حاولت بكل قوتي ولكني لم أنجح، ما زلت أمامي ظالم لأشخاص كثيرين وأولهم ذاتك.

انتهى العمل.. عمل أكثر من رائع صراحة أغرمت به، ولكن ما زال يدور في عقلي عدة أسئلة تتشابه؛
هل يمكن أن يتحول شيطان إلى محارب؟
هل يمكن أن يتغير ويصبح شيئًا آخر لا يشبهه؟
وإن كان يمكن أن يحدث هذا، فهل هناك سبب لذلك؟ وما هو؟

أعجبني العمل وأغرمت به حقيقة بالنسبة لي من أقوى أعمال الكاتب، منذ بدايته وأنا مستمتعة به جدًّا.
بالتوفيق للكاتب، وفي انتظار باقي أعماله بشدة.

#ياسمين_عبدالغني

[محمد كمال · Rating 5 out of 5]

#مراجعة_رواية

#وُهّاب_الشروق - #محمد_عصمت

هل سألت نفسك يومًا بعقلية فيلسوف وجودي بعد منتصف الليل: ماذا لو لم تغرب الشمس وظل الدهر نهارًا أبديًا، أو العكس.. ماذا لو لم تشرق الشمس وأطبق الظلام على الوجود..؟ يُخيل إليّ أنها الفرصة المناسبة لتعبث بنا كل الأساطير والخرافات التي سمعنا عنها والتي لم نسمع وتعيث في الوجود فسادًا.

أنا مثلك كنت أعتقد أنها مجرد أساطير وخرافات ربما اخترعتها الجدات لإرعاب أحفادهن فيسمعون كلامهن أو ينامون.. ألا أنني صُدمت يا صديقي؛ كل الأساطير حقيقة كما تقول الرواية.. حتى العظروط!

اعذرني؛ سؤال آخر:

هل جاء على أطراف مخيلتك أن بإمكان البشر الضعفاء مقارنة بالشياطين والمخلوقات الأسطورية، أن يتمكنوا من السيطرة على الشياطين والأساطير وحبسهم داخل أقفاص مصنعة خصيصًا لهم، وإخضاعهم التام لقوانينهم داخل مؤسسة أُنشأت خصيصًا لهذا..؟

أنت الآن في حضرت عالم فريد، يسيطر فيه البشر الفانين على أعتى وأجبر المخلوقات التي لم يتخيلها عقلك بعد.

لم يكن وجود هادي طاهر كعضو فعّال داخل تلك المؤسسة مصادفة؛ وأنما لينقذ الوجود من شر غير محدود، شر سيبدأ معه تحرير كل شرور العوالم، فوق الأرض وأسفلها، على ظهرها وفي جوفها. وجد نفسه بداخل شبكة من الألغاز المُلغّزة المتشابكة، وعليه أولاً الولوج منها.. ثم كشف أسرارها والغموض الذي يكتنفها، ساعيًا في سبيل ذلك إلى تبرءة والده، ذاك الضابط المخلص لنفس المؤسسة التي عمل بها هادي لاحقًا، مؤسسة وُهّاب الشروق.. والذي اتُهم بالخيانة.

لطالما تخيلت شكلاً معينًا للجنّية، وأبو رجل مسلوخة، وهما أخطر وأرعب ما تخيلته. لكنهما على ذلك لم يكونا سوى قطتين ربما، مقارنة بما تعرفت عليهم من مخلوقات اسمًا ووصفًا عبر سطور هذه الرواية.
_____


وُهّاب الشروق.. تحاكي قصص الماورائيات والخوارق بغرائبية وإثارة، عبر أسلوب ساحر جاد، تشعر أنه يسعى لجعلك تصدق ما يرويه لك. لغة رصينة قوية، سرد متماسك بنيانه لا تنفلت منه لبنة، وحبكة محكمة الأركان.. لم يفوتها أن تريح قلبك في النهاية ولكن بعدما أوقعته في قدميك.
______

والآن مع الاقتباس الأعظم:

"منذ بدء الخليقة والشياطين تحاول تعطيل شروق الشمس من أجل أن تعيث بالأرض فسادًا، لكن الشمس تُشرِق يوميًا لتمنعهم من القيام بالأمر، ولكل حاجة وسيلة. ولحاجتهم، كان فيلق من أشر الشياطين، مُهمته الوحيدة كانت تأخير شروق الشمس، باذلين في سبيل ذلك أرواحهم الدنسة ودمائهم النجِسة، لكن البشر لم يقفوا مكتوفي الأيدي في مواجهة الحرب الشعواء التي شنَّتها الشياطين عليهم، وظهرت جماعة من المُقاتلين الأشدَّاء الذين استطاعوا دحر فيالِق جيوش الشياطين، ليهبوا الأرض شروقًا آخرًا.. ومن يومها وهم موجودون دائمًا، حتى لو لم نعرف عن وجودهم، وعن بطولاتهم شيئًا، منذئذ ووُهَّاب الشروق في خدمتنا دون مقابِل. تطوَّر الأمر بمرور الوقت، وتطوَّرت كتائب وُهَّاب الشروق، تعلّموا من أخطاء سابقيهم ووسّعوا من نشاطهم، درّبوا رجالهم ووصوهم على بذل الدم والجُهد من أجل وهب الشروق لشتى بقاع لأرض بشكلٍ يومي، وتطوَّر الأمر من مُجرَّد زُمرة من المُقاتلين الشجعان، حتى أصبحوا.. "الإدارة العامة لوُهَّاب الشروق".
____


#محمد_كمال

[نورهان أبوالفضل · Rating 5 out of 5]

ريفيو عن رواية: #وهاب_الشروق
للكاتب: #محمد_عصمت #بتاع_الرعب
عدد الصفحات: 310
تصدر عن دار #نون_للنشر_والتوزيع

💮 عسى أن تجدي من يهبك شروقاً لا ينطفئ 💮

💢 كان ذلك الإهداء بمثابة أول علاقة خلقها الكاتب بيني وبين كتابه، جعل رغبتي في فك شفرات الشروق تزداد وتزايد حماسي أكثر مع قراءتي لبداية الرواية حيث أُجبرت بلا تحكم مني في مواصلة القراءة وأن أكون بداخل مشهد البداية وكأني معهم على متن السفينة أهاب العاصفه في عرض البحر وانتظر معهم فك الغموض عن نقوش التابوت الموجود على السفينة في حين يتملكك الرعب من هذا الشر الغامض في مشهد رعب أكشن يليق أن يكون بداية مشوقة لرواية من أقوى روايات الرعب التي قرأتها

💢 وتبدأ المتعة وعوامل الجذب في تسلسل المشاهد حتى نصل لإدارة وهاب الشروق

عالم متكامل من الرعب والخيال والفانتازيا مع بطل الرواية وصديقة أكرم لا ترغب في تركه والمرور دون أن تسأل نفسك العديد من الأسئلة ولكنك تقابل إجابتها في مكان آخر من ذاك العالم حيث لا تمل من سبر أغواره

💢 ولاحظت أني أميل إلى تكرار قراءة المشاهد أثناء القراءة، والسبب كان تأثير الكلمات واللغة القوية والتشبيهات التي تمتحن قلمك ككاتب بينما الحوار بالفصحى زاد من قوة الأحداث، مع كلمة النهاية بدأت أنفاسي تخرج رُوَيْدًاِ من داخلي فيما لاحظت أنها كانت حبيسة انبهاري

💢 كانت رحلة ممتعة بالفعل مع شياطين تعتقد أنهم حولك الآن وأنك قادر علي مقاومتهم وتفكر للحظات هل من الممكن أن أكون مررت بمنزل آمنا الغولة من قبل دون أن ألاحظه

وفي النهاية تشعر أنك ممتن للحصول علي الشروق يومياً..

شكر��ً للكاتب علي المجهود المبذول والوقت الذي أنتج عن هذا العمل القوي والممتع، فأنا مازلت تحت تأثير وهاب الشروق حتى الآن وأطالب بجزء ثاني يشبع رغبتي في المزيد من القراءة عن هذا العالم 💙💙

🕳️/ اقتباس:
(منذ بدء الخليقة والشياطين تحاول تعطيل شروق الشمس من أجل أن تعيث بالأرض فساداً لكن الشمس تشرق يومياً لتمنعهم من الأمر.. من رواية وهاب الشروق)

[Marwa Talaat · Rating 4 out of 5]

انتهيت من قراءة رواية "وهاب الشروق" للكاتب "محمد عصمت" في طبعتها الأولي الصادرة عن دار نون بعدد صفحات 311 صفحة.

معروف "محمد عصمت" في السوشيال ميديا بلقب (بتاع الرعب). ومعروف في الأوساط الأدبية بكتابة روايات الرعب. تابعت "عصمت" منذ أن جذبني بروايته "ذاتوي" وكنت حريصة علي قراءة رواياته بعدها كل عام. فهو من طراز الكتاب الأذكياء في تطويرأسلوبهم، ومجتهد في توصيل نفسه لأكبر عدد من القراء عن طريق تنوع افكار واتجاهات رواياته في السوشيال ميديا أو في الأعمال الورقية.

الرواية باللغة العربية الفصحي سردا و حوارا بأسلوب بسيط. ومن الملاحظ أن اسلوب "عصمت" الكتابي تطور بشكل جيد في تلك الرواية. حيث كثر استخدامه لتعبيرات وتشبيهات وأساليب بلاغية أكثر من ذي قبل. تلك الافاضة في الاثراء اللغوي دون تعقيد جعلت الرواية ممتعة في قراءتها. جرعة الرعب بها مخففة ماعدا بعض المشاهد الفجائية وخصوصا في الجزء الأخير من الرواية. ولكن يغلب عليها أكثر الأثارة. ولاتزال حبكة الألغاز التي عند حلها تعطينا لغز جديد، من الطرق المحببة والمثيرة في جذب انتباه القارئ وترقبه. كما تميزت الرواية برتمها التصاعدي في الاحداث مما ساعد علي عدم شعور القارئ بالملل عند قراءتها.

بالنسبة للشخصيات كانت شخصياته قليلة. وكلها باستثناء أحدهم - عدم ذكر الشخصية منعا لحرق الأحداث - كانت شخصيات أحادية أي لها لون واحد أبيض أو أسود، خيرة أو شريرة. كان لي اعتراض علي اسم الرواية لأمر ديني.

رواية "وهاب الشروق" فكرة جديدة دارت احداثها داخل أروقة ادارة سرية لمحاربة الشياطين والقضاء عليها. غلب علي أحساسي عن بداية قراءة الرواية وكأن بها طابع سلسلة رجل المستحيل لدكتور "نبيل فاروق" رحمه الله وحوارت الزملاء داخل أروقة المخابرات. ثم انتقل بي الاحساس بالجو العام للرواية بأنه يشبه الي حد كبير لفكرة فيلم men in black بس بدل ماهو بيصطادوا كائنات فضائية هنا بيصطادوا شياطين.

الرواية في مجملها مكتوبة بحرفية وشائقة في قراءتها، وانتظر جديد "محمد عصمت" المجتهد دائما.
مروة طلعت
21 / 8/ 2021
#عايمة_في_بحر_الكتب

[Esraa Yasser · Rating 5 out of 5]

الرواية العظيمة وهاب الشروق⁦♥️⁩
رواية عظيمة بكل ما تحمله الكلمة⁦♥️⁩
اول حاجة الفكرة ⁦♥️⁩
الفكرة جديدة ومشوفتهاش قبل كده
زى قواعد جارتين ومملكة البلاغة⁦♥️⁩
انا عن نفسى بضم الرواية العظيمة دى لمجموعة الروايات العظيمة الى فكرتها مختلفة زى ارض زيكولا وقواعد جارتين وممكلة البلاغة⁦♥️⁩
الفكرة العظيمة دى تقدر تكون مادة خام نعمل بيها حاجات كتير اووووووى وجديدة كمان⁦♥️⁩⁦♥️⁩
تانى حاجة كلمات والفاظ الرواية ⁦♥️⁩⁦♥️⁩
مش هقدر اعبر عن حسن اختيارها والله حلو اووووووى ♥️
مستمتعة بكل حرف ⁦♥️⁩
كل كلمة وكل لفظ مختاره صح وقادر يوصل الشعور بالظبط⁦♥️⁩
وحاجة زى كده صعبة شوية بما انى فى قسم اللغة العربية فى كلية التربية
عارفة أن ممكن فى كلمات بتؤدى نفس المعنى فى المجمل ولكن بتكون كل كلمة ليها انطباع خاص وليها استخدام خاص بيها تقدر توصلك شعور خاص بيها⁦♥️⁩
تالت حاجة الشخصيات⁦♥️⁩⁦♥️
حلوة جدا جدا جدا جدا⁦♥️⁩ وخفيفة ⁦♥️⁩
لما حصلت المشكلة فى الاخر اختيار تصرفات هادى وباقى الشخصيات مناسب جداا تبعا لطبيعة شخصياتهم ⁦♥️⁩
زى شخصية هادى كده مكنش من السهل توقع تصرفاته وسلوكه بسبب تربيته والى حصل فى طفولته ♥️⁩
بس الرواية وضحت التدريج الى حصل فى شخصيته
وخاصة لما انضم لإدارة وهاب الشروق⁦♥️⁩
وتعليم اكرم لهادى ⁦♥️⁩

رابع حاجة افكار الرواية مترتبة بشكل دقيق جدااا⁦♥️⁩
كل فكرة وكل جملة فى مكانها ⁦♥️⁩
خامس حاجة الرواية دى لازم اقرأها تانى علشان اطلع الاقتباسات لانها حلوة جدااا⁦♥️⁩
الرواية عظيمة جداااااا⁦♥️⁩ كنت عايزة اخلصها علشان اعرف الحقيقة⁦♥️⁩ واعرف ازاى هيقدروا يتلغبوا على الشر ويمنحونا شروقا لا ينطفئ⁦♥️⁩ ونفس الوقت مكنتش عايزها تخلص وهقرأها تانى⁦♥️⁩⁦♥️⁩
وشكرا جدا على الرواية دى يااعظم كاتب ⁦♥️⁩
رواية وهاب الشروق بقلم الكاتب العظيم محمد عصمت⁦♥️⁩⁦♥️⁩⁦♥️⁩

[Ramy · Rating 3 out of 5]

رواية ظريفة و مثيرة .... العنوان كان ملفت اخذت وقت على ما فهمته
وهّاب الشروق جمع واهب "مانح"
و اللى قريت الرواية كلها عشان اعرف يعنى ايه وهاب الشروق او حتى عشان اعرف اى علاقة الكلمة ب محتوى الرواية
و اللى ف اخر انقصتها نجمة من التقييم لعدم مطابقة العنوان لما بداخل الرواية
كان ممكن يكون اسمها صائدو الشياطين
قاتلو المسوخ
جامعو الابالسة
و لن تفرق فى اى شىء تماما
شروق ايه اللى الشياطين عاوزين يأخروه و الادارة دى بتمنعهم يمنعوا الشروق ..!!و بكدا بتكون وهبته للبشرية
عنوان متفزلك و مبالغ فيه

تانى مأخذ لى على الرواية و اللى برضه بسببه نقصت نجمة تانية
...جمل و تعبيرات قالها الابطال لبعضهم تحسسك انك بتتفرج على حلقة مسلسل اجنبي و الترجمة تحت
و كمان ترجمة حرفية قاصرة و ساذجة
....ايه هو اللى " لو كنت فى حذائك ؟"
يقصد i'm not in your shoes
يعنى انا مش ف مكانك او مش هاحط نفسي مكانك
طب ما تكتب بشكل مباشر "انا لو كنت مكانك"
..مش كدا يا جماعة نرتقى شوية
او موقف تعمله البطلة فيتعجب البطل ف تقوله "لا تسأل"
اللى هو don't ask
قصدها متندهشش يعنى ...طب ما تقولى متندهشش لازم يعنى التعبيرات الاجنبية و كمان ناقلينها للعربي بسذاجة

بقية الرواية مش بطال .... ممتعة للقراءة مرة واحدة
قد اجرب ان اقرا لـ محمد عصمت مرة اخرى

الكتاب القادم : موسوعة تراث مصري: المجلد 1

[Shady El-shafey · Rating 3 out of 5]

وُهّاب الشروق
صدرت عن دار ن للنشر والتوزيع
الكاتب : محمد عصمت
سنة صدور الكتاب : ٢٠٢١
عدد صفحات الكتاب : ٣١٠
تصميم الغلاف : عبدالرحمن الصواف
وُهّاب الشروق هي مجموعة من للبشر المُقاتلين الأبطال، ولكنهم ليسوا مقاتلين عاديين فمهمتهم ليست الدفاع عن البشر أو الأرض من أخطار عادية، لكنها أخطار تسببها أشر أنواع الشياطين والجان الذين سمعنا عنهم في الأساطير والحكايات الشعبية وإعتقدنا جميعًا أنهم مجرد خرافات أو أساطير الأولين، ولكنهم حقيقة لا تقبل الجدل، حقيقة تهدد بقاء البشرية علي كوكب الأرض لولا وجود كتائب وُهّاب الشروق..
▪︎محمد عصمت واحد من كُتابي المفضلين الي بحرص دائمًا علي إقتناء أعمالهم أولًا بأول والحقيقة عنري م بندم علي القرار ده، لان الأعمال دايمًا بتكون وجبة دسمة وممتعه وشيقه جدًا بالنسبالي، الكتاب يحتوي علي جرعة لا بأس بها من الرعب بجانب جرعة بوليسية وتحقيقات وإستنتاجات بيقوم بيها أبطال العمل..

[Mahmoud Ezzat · Rating 2 out of 5]

من اقل روايات محمد عصمت في الفترة الاخيره
مش عارف ليه حسيت بربط بينها وبين شركة المرعبين المحدوده، الرواية ٣١١ صفحة كانت ممكن تخلص لا مش ممكن دي كانت لازم تخلص في ١٥٠ صفحة بالكبير ، المط كتير جدا، والحبكة ضعيفه
ولكن عصمت رصيده يسمح

[Donia Sayad · Rating 5 out of 5]

رواية أقل ما يقال عنها أنها رائعة
فكرة وحبكة ولغة وترابط للأحداث وبداية جديدة لكاتب موهوب
أرى أن القصة تحتمل المزيد من الأحداث والأجزاء وأرجو أن تتوالى سلسلة روايات وهاب الشروق ٢، ٣، ٤، ٥ ……
تحياتي وفي إنتظار للمزيد 👌🏻👍🏻👏🏻👏🏻

[Osama Yosre · Rating 1 out of 5]

إدارة لمحاربة الشياطين لمنع عدم ظهور الشروق.... احداث ضعيفه ومط زياده اللزوم فين الاثاره....مجرد وجة نظر

[Michael Youssef · Rating 2 out of 5]

النجمتين لان الفكره جديده فقط
لكن الحبكه سيئة جدا - بعد مقدمة الكتاب الرائعه علي السفينه - كانت الاحداث ضعيفه نوعا ما و اتجهت الي الملل و الرتابه - سهولة القضاء الذي وصفها الكاتب - علي اي شيطان من رجال وهاب الشروق - اكسب الاحداث المزيد من الملل لانك في اي صراع سوف تتاكد ان البطل سيتفوق بضغطة زرار واحد
ناهيك عن موضوع البطل - الكاتب عدد مميزات اكرم وجعله مميز في نظر الجميع و اوحي للجميع ان هادي هوا سنيد البطل او صاحب الدور الثاني في الرواية
ولكن فوجئنا جميعا ان شخص بلا مميزات و ضعيف الشخصيه و قليل الخبره مثل هادي - علي حد وصف المؤلف - هوا بطل الرواية و يجب علينا التعاطف معه و ان نحبه و نشجعه في رحلته لاستكمال الرواية !!!
مضمون قصة الرواية و نهايتها ضعيف جدا - اخذ هادي في اثبات برائة والده - الذي ادخل شيطان للاداره بالفعل حتي لو محبوس داخل الساعه و ذلك امام انوبيس الذي يخشي مفتش الوزاره البشري و يحيك الخطط حتي ينهي ما بدأه مع هادي

في المجمل من اضعف كتابات محمد عصمت

[Fadia Elhaddad · Rating 4 out of 5]

الرواية جميلة و واضح جدا فيها تحسن أسلوب الكاتب
و بالنسبالي بالنسبة لكتب الرعب بتاعت الكاتب ديه تقريبا الوحيدة ال عجبتي هي و ذاتوي
في نقطة معينة أزعجتني جدا بغباء ف الرواية و هي أن الشيطان بيتأذي بالملح و هما ف أي مواجهة مخطرش علي بالهم خالص استخدامه معرفش ده غباء ولا للإطالة في الأحداث المهم ده شيء مزعج جدا
و الرواية جوها تقليدي ال هو أنت حاسه و عارفه شوفته ف أفلام قبل كده و قرأتله
بس تظل جميلة و لكنها كانت طويلة شوية من غير لازمة

[Ahmedamin · Rating 5 out of 5]

وهاب الشروق أفضل حاجه انته كتبتها لحد دلوقت اعتقد انها هتبقى روايتك المفضله بالنسبه ليا كلها إثاره وتشويق تخلص صفحه تقلب للبعدها بسرعه علشان تعرف ايه اللي حصل بعد كده لدرجه خلصتها في جلسه واحده حسيت وانا بقرها انها زي فيلم men in black بس بطريقه مختلفه وجميله استمتعت بيها جدا مع اني زعلت أن أكرم مات واتعطفت معاه بجد شابوه جدا وشكرا على التجربه الشيقة والمتعة دي ويارب يكون ليها جزء تاني

[Nouran Ahmed · Rating 5 out of 5]

الرواية جديده في فكرتها ومشوقة الي حد رهيب.
مزيج ما بين الخيال العلمي والرعب مديها جو حلو اوي خادم الرعب بشكل مرعب ولطيف جدا. الاحداث متتاليه مش سريعه اوي تربك الواحده ولا رتيبه خالص .حدث رعب وراه حدث اكشن وراه حدث اجتماعي تنوع حلو . السرد لطيف واللغه حلوه الاسلوب ممتع يشد القارئ ووسط كل ده الروايه مش طويله.
وتطور الكاتب واضح في كل حاجه. وفي انتظار عظمه اخري

[Mohamed Hegazy · Rating 5 out of 5]

الروايه عظيمه
مش عارف بتجيب الافكار دى منين و كل مره بيبقى فى تطور عن الفكره اللى قبلها
و كل سنه بتتطور كلغة و افكار و سرد فى القصص
عاجبنى انك عامل easter eggs ف الروايات بتاعتك
من انك جايب حته من كتاب مصطفى خضر على حته من روايه النيدلان بتاعت السنه اللى فاتت
و موضوع وجود شخصيات فى اساطيرنا فى الروايه ممتع و جميل
نهايه فوق الرائعه بتفكرنى بنهايه هارى بوتر و الاكشن اللى فيها عظيم

[Mostafa Shaker · Rating 1 out of 5]

بجد من اسوء ما قرأت ، رواية تفتقر لاي منطق او معنى او هدف او اي شيئ ، فعلا لا يفوقها سوء الا رواية الممسوس ، انا نادم جدا على وقتي و حزين ان كاتب كنت احب قلمه اصبح هذا مستوى كتاباته

[Yasser Hussein · Rating 1 out of 5]

رواية للاطفال

[Mohamed Metwally · Rating 3 out of 5]

مسلسة ومشوقة، أحداث سريعة ونهاية جيدة

قرأتها ضمن تحدي أبجد ٢٠٢٤

محمد متولي

[Sadieeee · Rating 2 out of 5]

2 stars because of how creative it is. I didn't like the writing though, felt like it was translated, like the text was originally written in English. I think I would've given it one more star if it was written in English -considering the originally English slangs that were translated into Arabic during the writing process.
The idea is unique, I'll give you that. But it's not really my favourite genre. I also noticed some tiiiny similarities with "The Da Vinci code".

Final review: okay, creative, but weak writing.

[Samuel Nasser · Rating 3 out of 5]

رغم اني بحب روايات الفانتازيا، وبالرغم ان الرواية لغتها جيدة جداً وحبكتها كويسة، ومليانة خيال وده ذوقي في الروايات
إلا إن رغم كل ده الرواية دي دي مستمتعتش بيها زي م كنت متوقع
يمكن ده بسبب إن فكرتها خيالية زيادة عن اللزوم 🤔... لدرجة بعدها تماماً عن الواقع🤔
هي حلاوة روايات الفانتازيا انها تبقي بعيدة عن الواقع، بس في نفس الوقت المفروض الكاتب يقنعني بالفكرة، يعيشني أجواء الرواية والقصة، يدخلني جوة عالم الرواية فأحس اني شخص من شخصيات الحدث
لكن ده محصلش هنا في الرواية... حسيت كأني بقرا رواية بدون روح، الفكرة كويسة وفيها ابداع من الكاتب، بس معرفش يقنغني بيها
هي طبعاً دي اذواق، والرواية دي لو دورت على آراء الناس فيها هتلاقيها ناجحة جداً جداً
لكن أنا اللي مقدرتش احس بيها... أو بكلمة تانية.. مقدرتش أعيشها
بمنتهى البساطة حسيت انها فيلم انمي مناسب لطالب في اعدادي او ثانوي حب يفصل عن ضغط المذاكرة ويعمل escapism من أقصي همومه اللي هي المذاكرة😅

الرواية بدأت بمشهد في سفينة وموجة بتضرب السفينة وبيحاولوا ينقذوا الوضع... والمشهد مش قصير يعني.... لا ده أخد جزء كبير من بداية الرواية
بس أنا اديني خلصت الرواية ومقدرتش أفهم ايه الهدف من المشهد ده وخدم الرواية في ايه!!!!

بعد كدا بتبدأ احداث الرواية الرئيسية.... وهي عبارة عن بتدور عن منظمة اسمها منظمة وهاب الشروق... ودي منظمة مهمة اللي بيشتغلوا فيها انهم يحافظوا على شروق الشمس اللي طبعاً هتبقى كارثة لو الشروق ده مجرد اتأخر بس
طاب ومين اللي بيحاول يمنع الشروق؟؟... وبيتغلبوا عليه ازاي 🤔
اللي بيحاول يمنع الشروق هما مجموعة من الشياطين، واللي كاتب جه بأمثلة منهم زي الأمثلة الموجود فالفلكلور الشعبي في دول مختلفة، زي أسطورة موجودة في ويلز، وأسطورة تانية في اليمن، والأسطورة المصرية الأشهر وهي امنا الغولة
فاعتبر ان كل دولة شياطين موجودين وبيحاولوا يمنعوا ابشروق
لكن المنظمة بتاعتنا دي بيقبضوا على الشياطين دولة ويحبسوهم بأساليب وطرق معينة

ونيجي بعد كدا لأبطال الرواية وهما هادي وأكرم، وهادي ده دخل المنظمة بسبب والده طاهر اللي كان من اكفأ اللي شغالين فيها، فبعد م مات كان هادي ليه افضلية انه ينضم للمنظمة. واللي بالمناسبة طاهر كان صديق مقرب لأكرم

وبعد كدا بتبدأ الصراعات في الرواية بسبب ان هادي سمع اشاعات ان طاهر ده كان خاين.... فبعد كدا بتتمركز الرواية حوالين ان هادي بيحاول يثبت براءة والده لانه كان واثق فيه

لكن بعد كدا بيلاقي مفاجات كتير جدا وصراعات اكتر
فيا ترى قدر هادي انه يثبت براءة طاهر ولا لا🤔

[Saher El-Shall. · Rating 2 out of 5]

تقريباً دى هتبقى أكبر مراجعه أكتبها! وده لسببين، أولهم إنها من أكتر الروايات اللى عصبتنى وثانيهم إنها خليتنى ما أثقش فى مراجعين الكتب على اليوتيوب نهائى.
الرواية دى كانت بدايتها عظيمه بمعنى الكلمة؛ المدخل كان رائع وتحضير الشخصيات والأجواء والمكان كان فعلاً مكتوب حلو جداً، إلا إن كل ده بدأ يتبخر بعد الصفحة 100 مثلاً...
Spoiler alert


غباء الشخصيات بدأ يلوح فى الأفق بشكل متذبذب، وهنا أقصد متذبذب بمعنى الكلمة لأن الشخصيات تلاقيها ذكية جداً وفجأة تلاقيها نفذت أكثر عمل غبى فى تاريخ الروايات زى مثلاً على سبيل المثال لا الحصر
أولاً: لما هادى قرر يقتحم السجن علشان يسأل الشيطان، ناهيك إنه ممكن يسأله من غير مايفتح السجن ويدخل جوه؛ إلا إنه قرر يدخل ويسأل شيطان أغبى سؤال فى الوجود " هل فعلاً أبوه كان خائن ولا لأ" وبعد كدة نلاقى ليلى راحت قررت تدخل وراه ويهرب طبعاً.
ثانياً: ما سبق إقتحام السجن وهنا أقصد ليلى وفتحها للقفل -هى حرفيا جربت 123456 وبعد كدة 654321 ثم إكتشفت إن الأرقام ممسوحه خصوصاً رقم 2 فقررت تختار الأرقام الممسوحة بشكل عشوائى غير مبنى على أى أساس غير إن رقم 2 تكرره، طيب الترتيب يا أستاذه.
ثالثاً: دخوله لحمام مكتب والده وما تلاه من موضوع المرآة ومش هكرره علشان إتعصبت، بس بمناسبة المكتب يعنى، فقفل إيه اللى أبوه أداهوله وهو عنده 12 سنة فى عيد ميلاده علشان يبقى يفتح مكتبه لما يكبر.
وإيه موضوع إنه كل شوية يتكسف ووشه يحمر ده! هو بعد البحث والتمحيص، من الآخر كدة هى مجرد مجموعة أخطاء تمشى على الأرض.
نخش بقى على تقلب هادى مزاجياً لحد المس، هو عصبى بس هادى، ذكى بس غبى، مندفع بس حكيم والأهم من كل ده ليلى من غير ما يعرفها ولا تعرفه قررت إنها تساعده فى إقتحام السجن من غير ماتقول لأكرم اللى هى أصلاً على علاقه بيه؛ صحيح بمناسبة أكرم، بيقولك إن أكرم طلب من مديره إنه يسيبه يتكلم مع هادى على إنفراد فراح مديره سايبلهم مكتبه وأخد ليلى فى إيده ومشى.
أخيراً بقى نيجى للزغلول الكبير؛ بيقولك إن ليلى راحت حاطه رجلها على رقبة الشيطان أقبض فى أكتر حركة غبية ليها من أول الرواية.
ومش هتكلم عن التقليد لإسلوب د. نبيل فاروق رحمه الله ومش هتكلم عن الترجمات الحرفية للتعبيرات الإنجليزى بس هقول إن الرواية إستحقت نجمتين علشان أول 100 صفحة فقط، ولكنها كانت ممكن تخيلنى ما أقرأش للكاتب تانى، إلا أن رصيده يسمح.

[Amira Kotb · Rating 2 out of 5]

عندي كذا مأخذ على الرواية دي
اولا هي رواية واعدة وكنت معلقة عليها أمل كبير بصراحة، بس هى وقعت فى فخ محاولة تقليد الاجنبي بطابع مصري، وده شيء مش لطيف
كذا مرة يتكلم الابطال بتعبيرات انجليزية مترجمة زي (كوني ضيفتي، اخدم نفسك)
كان هيبقى افضل لو الكاتب قال ان البطل استخدم التعبير الانجليزي be my guest فيما معناه تفضلي، لكن الترجمة الحرفية تنم عن حاجتين (ركاكة الترجمة، لان التعبير ده لا يُترجم ب "كوني ضيفتي"، وان الكاتب لا يبذل مجهود فى ترجمة افكاره للغة سردية صحيحة بل هو بيكتب اللي بييجي فى دماغه سواء بقى جه بالعربي او بالانجليزي)

تاني حاجة هى التكرار الممل فى السرد لجمل معينة، زي مثلا جملة (وهو الأمر الذي..) لما ييجي يفسر موقف معين. الجملة دي اتكررت بتاع ٣ مرات فى فقرة واحدة وده شئ برضو ينم عن المراجعة والتحرير لم يتموا على أكمل وجه
كمان الابطال متحذلقين زيادة عن اللزوم، انفعالاتهم مبالغ فيها او مفتعلة

تالت شئ هو الثغرات الموجودة فى الحبكة، زي مثلا ابنة أكرم اللي اختفت، ليه اختفت، وراحت فين، معلومة تبدو مهمة لكن ملهاش لازمة لأن القصة انتهت بدون ما يكون ليها او حتى للشيطان اللي قتل باقى العيلة دور تاني

كمان لم يُذكر فى اى حتة على ما أتذكر ان الساعة دي تضعف قوى الشيطان الأقبض، هي مجرد ملاذ ليه، ولو اتحطمت هيبقى عادي طليق فى الكوكب. وبالتالي كان غريب جدا ان تكون دي الوسيلة اللي يموت بيها، بعد ما خرب الدنيا وصارع اعتى خصومه.

يعني هي الرواية تبدو متعوب عليها، بس كان ممكن تتظبط اكتر من كده

[Zainab Elhady · Rating 4 out of 5]

وُهاب الشروق
محمد عصمت 🫶🏻
التقييم: ٤.٥

‏منذ بداية الخليقة والبشر تحيط بهم الصراعات وكان لصراعاً واحداً منها ‏نصيب الاسد من الأولوية، ‏صراع جماعة معينة من البشر مع أقوى الشياطين كان صراع يومي يبدأ منذ ‏غروب الشمس ‏وينتهي مع شروقها

"من يومها وهم موجودون دائما ‏في خدمة الكوكب وساكنيه ‏حتى لو لم يعرفوا عن وجودهم ‏وعن بطولاتهم شئ، ‏منذ إذن ووُهاب الشروق ‏في خدمة الأرض دون مقابل"

‏هادي هو أحد افراد الجيل الثاني من المنظمة وهذا يعني ‏انه ابن احد اداري المنظمة والذي ‏كان من المفترض أن يكون أحد أبطال هذه الادارة

"مرحباً بك في حديقة الشياطين"
حيث انها تشبه حديقة الحيوانات لكنها لا تحتوى على حيوانات داخل الاقفاص بل تحتوي على شياطين
<لولا سلامك قبل كلامك، لاكلت لحمك قبل عظامك>

يكتشف هادي ان الادارة تتهم والده بالخيانة ولكنه لا يتقبل الامر ويقرر مساعدة والده كما سانده منذ الطفولة ومحاولة اظهار برائته ليكتشف بعدها السر الذي كان يخفيه والده والخطأ الذي سقط به ويحاول تصحيحه

*محمد عصمت من الناس اللي انا متبعاها ومبفوتلوش حاجة يعتبر الحقيقة من اول م بدا برواية الممسوس

فيه تطور هايل في لغة محمد عن الروايات السابقة وباين جداً
وبناء الشخصيات رائع جداً ومفيش ملل ولا سرد بدون داعي
رواية خارج اطار افكار روايات الرعب المصرية اللي بنقراها دائماً وتستاهل الحقيقة💙💙