لغز يونس

by نوران السقيلي

تكتمل الحقيقة في عين القانون، ليضع عواقبها بالأيام والشهور والسنين،وقديتطلب الأمر فرض عقوبة أبدية، أو إنهاءها لحظًيا، قد تظن أن أفظع أنواع الجرائم تلك التي ترتكب بحق روح ليصبح مصيرها، دفن الجسد الذي يحتضنها، ولكن لا تزال أفظع الجرائم والتي لا يسلط عليها ضوء تلك التي ترتكب في حق نفس بشرية، تحيا بأرض الله، ولكن بداخلها دمار نفسي تسبب به أحدهم ولاذ بالفرار، لعله زرع بقلبك أمنية، أن تمتلك حياته اللامعة بدًلا من حياتك البائسة، بأي موعد وأي وسيلة سينال الفاعل عقابه؟ وماذا إن اجتمعت الجريمتان في قدر
واحد، ليصبح المجني عليه جانًيا.

201 pages, Hardcover

Published January 26, 2020

Reviews

[Kholoud · Rating 2 out of 5]

A dear student of mine shared this book with me to read, since it's her favorite. She wanted to share with me her readings and in short, this is the best part about it.
The plot is weak, and the motivation for the killing is poorly woven. The writing is mostly psychological cliches, ones that you come across on Facebook posts.

[Salma Sameh · Rating 5 out of 5]

كتاب مسلى جدا، احداث شيقه ، لغه سهله و نهايه غير متوقعه Totally Worth Reading 🖤

[Donia Darwish · Rating 2 out of 5]

احترس من أن تخونك الصورة الاولى 🖼، اللقاء الأول 👫الكلمات الأولى 🗣، أنا كثيرون ☝🏻كذلك أنت 👈🏻 كل منا يمتلك أكثر من صورة 🤳كل منا يمتلك أكثر من غاية 🎯، جميعنا متهمون 🙅‍♀️فى حياة أحدهم، مجنى علينا 🥺 فى حياتنا ، محامون 👨‍⚖️فى الدفاع عن المقربون وإن كانوا مخطئين ، وقضاه 👨🏻‍⚖️فى الحكم ⚖️على غيرنا بالرؤية 👀دون التعمق فى البحث🔎، لربما لا نتفق ❎ ، ولكننا جميعًا إن أكملنا الطريق🛣 للنهاية 🔚، لربما حينها ندرك ما كانت تعنيه متعة الوصول 🚧

"كل منا يمتلك اكثر من صورة" … وقفت قدام الجملة ديه شوية 🤔… هو احنا فعلا لينا كذا وش 🎭ولا تصرفاتنا هى اللى بتتحكم 🎮فى وشوشنا 😶ولا تصرفات اللى حوالينا هى اللى بتغير فينا وتخلى رد فعلنا مختلف فنبان بكذا وش 🎭

ايه رأيكم فى الكلام ده .. ⁉️
طيب ده كده معناه انى شخص سىء 😡 ولا كويس ☺️ولا مودى 🤪ولا مريض 🤕ولا تصنيفه ايه ❓❓

القصة ومافيها
👇🏻👇🏻

مجموعة من الأبطال … يبانوا أسوياء ظاهريا 😎
لكن ما خفى كان أعظم …
يبانوا فلة 🌼وهما فى الحقيقة " قلة🏺

كل واحد له ماضى ⏳أثر عليه وساب بصمة 👣شكلت حاضره 👇🏻
وفى منهم اللى اتخذل واتباع من اقرب الناس فرد فعله كان عنيف
وفى منهم اللى لا حول له ولا قوة مريض 🤕ومرضه ويأسه هو اللى بيحركه 🎛
طيب ياترى سابوا نفسهم لنفسهم 🤔
لا الحلو أنهم قرروا يعالجوا 🩺مشاكلهم عند دكتورة 👩‍⚕️ " ليلى يونس" الطبيبة النفسية المسئولة عن حالتهم …
ياترى هيعرفوا يتجاوزوا مشاكلهم و لا هيفضلوا محلك سر ‼️❗️

الرواية كأسلوب عظمة👌🏻 يعنى بجد تبقى عايز طول ما انت بتقراها 🤓 تاخد سكرين شوت 📲او تصور 📸او تكتب نوت 📝لمقولات انا شايفة ان الكاتبة ✍️ابدعت فى التعبير عن نفس كل واحد فى الرواية 📖

مشكلتى مع الرواية بقى انها لغبطتنى كتير يمكن علشان تعدد شخصياتها … او يمكن الترابط 🪢فى الاحداث كان ممكن يوضح اكثر من كده حساه شوبة مطلسم 🈯️بالنسبة ليا …

الحدث الاساسى شوية مكنش واضح سببه 🤷🏼‍♀️… ليه سبب الكره 😡ده كله من جهة بعض الاشخاص ❓❓

فى حياة بعض ابطال الرواية كان فيه شوية حاجات محتاجة توضح برضه …. علشان كده قولت ان الرواية مطلسمة بالنسبة ليا
النهاية بقى جات كملت على باقيتى 😄 صدمتنى وبصراحة متوقعتهاش نهائى 🤦🏼‍♀️

الرواية جميلة جدااا فى تعبيراتها واسلوبها لكن الاحداث ينقصها بعض الترابط لفك الغموض والا هيفضل لغز يونس لغز لينا كقراء ومش هنعرف نحله 😁

note : للاسف الرواية فيها أخطاء إملائية كتير مش عارفة ده سبب الطباعة ولا المراجعة ولا ايه طبعا مش انا اللى احكم علي الاخطاء فى العادى مبركزش لكن الموضوع كان زيادة قوى فى الرواية فوجب انى انوه علشان الطباعات الجديدة ياخدوا بالهم

[Sherrinaz Fouad · Rating 1 out of 5]

العربي تعبان اوي
ايه مش بيخللوا مراجعين لغة يصححوا الركاكة
في حاجة اسمها يجلس "أعلي” الكرسي
والله تخيلت البطل طاير فوق الكرسي
في حاجة اسمها
انسان "ذا" كذا
اسمها ذو الاسماء الخمسة مضموم بالواو لانه خبر
لم يجد " سبيل" اسمها سبيلا
مفعول به
ارحمينا يا بنتي
انا مش مصدقة نفسي
مستوي متدني من الركاكة و كم رهيب من الأخطاء النحوية و الإملائية
يا بنتي اسمها "ثغرة"
مش صغرة
اسمها "لا قدر الله" مش لقدر الله
انا مصدومة ان في دور نشر بتخرج القرف ده
او اكتبي بالعامية اسهل

[Islam Ahmed · Rating 4 out of 5]

قصة جيدة و مشوقة
و لكن يعيبها بعض الاخطاء الاملائية البسيطة بالاضافة الى تغير اسم مقدم الشرطة فى اول الرواية و منتصفها عن آخرها و هو ما يجب الانتباه له

[Basmalah Hani · Rating 5 out of 5]

لغز يونس
-رواية لغز يونس للكاتبة "نوران السقيلي"
-مزيج من المغامرة والتشويق؛ جريمة غامضة وفريدة، أحداثها مثيرة للأهتمام.. تُرى من القاتل؟
هذا ما تقوم عليه أحداث رواية "لغز يونس" مِمَ يجعل القارئ متشوق لقراءة المزيد فقط للوصول إلى حقيقة اللغز
صراحةً أجمل ما بالرواية هو عامل التشويق بالأضافة إلى طريقة السرد المنظمة تدل على الموهبة والإبداع الحقيقي.
——————————————————
اقتباسات من رواية "لغز يونس" 🕵🏻‍♀️

-كنت أظن أن الشعور بالقوة الكاملة سببه سند البعض، ولكني وبمرور الوقت وبعد أن بدأ من حولي بالتنازل عن دورهم في حياتي بالتدريج حتى أصبحوا غرباء، خوفًا من أن أصبح أحد الأيام حملًا عليهم، أو أذهب لهم سائلة كثير من العون أيقنت أن القوة الكاملة لن تُزهر سوى من داخلك، أنت قوتك مهما كلفك الأمر.

-لست كما تراني، لست كما تعرفني، هنالك جزء خفي خلف ملامح وجهي، هنالك شعور بداخل إحدى زوايا قلبي، هنالك مرحلة بحياتي لم أخبر بها أحدًا ولن أخبر بها أحدًا، مهما كانت مكانتهم بحياتي مهما كنت أحبهم، ولست وحدي من يخفي الأسرار، لست وحدي من يحاول التغافل ليتناسى، جميعنا نعافر، ولكن برغم محاولاتنا المستميتة فجميعنا أبدًا لا ننسى!

-لربما أقوى سببٍ سَاقَنا نحو البدايات هو الاندفاع، لعلها اللحظة النادرة التي نال فيها القلب السيطرة المُطلقة وتمكن من الفوز على العقل في أحد المعارك اليومية، لعل حب التملك، عدم استيعاب النفس البشرية للرفض أو الفشل، وجود الأنا والعند والمكابرة، ما يسوقنا نحو الكلمة الأولى، ومن ثم تبدأ أحد أهم الحكايات دون العلم بأي مفترق ستنتهي، لكننا نأخذ طريق المُجازفة على أمل أن تسير الأمور كما رسمناها في مُخيلتنا فقط على أمل، إلى أن تأتي لحظة الحسم، لتجد كل الذين اختاروا التخلي عن ماضيهم في وقت من الأوقات كانوا يجدون فيه صراع لو بقوا معه لقضى عليهم.
——————————————————
-النوع: رواية
-المحتوى: جريمة وتحقيق
-التقييم: ٥/٥ حقيقي الرواية من أروع الروايات ونادرًا ما بلاقي روايات تستحق الاهتمام والتركيز بالشكل ده.. الأحداث جذبتني جدًا وطريقة السرد ممتازة بجد أكتر من رائعة 📍
-دار النشر: دار تشكيل للنشر والتوزيع
-عدد الصفحات: ٢٠١ صفحة
-قراءة ممتعه أصدقائي القراء 📚

[Sahar · Rating 5 out of 5]

قد تظن أن أفظع الجرائم تلك التي ترتكب بحق روحٍ ليصبح مصيرها دفن الجسد الذي يحتضنها ولكن لا تزال أفظع الجرائم والتي لا يسلط عليها الضوء تلك التي تُرتكب في حق نفس بشرية تحيا بأرض الله ولكن بداخلها دماراً نفسياً تسبب به أحدهم ولاذ بالفرار .
# ليلى يونس طبيبة نفسية تستغل منصبها واسرار مرضاها لتحقيق الشهرة ، وُجدت مقتوله بشقتها.
# خمس أسماء وخمس أشخاص في دائره الإتهام ، من الجاني ومن المجني عليه.

رأيي الشخصي:
# الرواية أسرتني بجد
غير الدراما في احداثها العُمق في الجمل والحوار بين الشخصيات عجبني جدا
ممكن اكون اتوقعت النهايه بس متوقعتهاش كدا 😅
هتفهموا لما تقرؤوها
# مفيش ولا لفظ خارج ودي بقت حاجه نادره الوجود دلوقتي .
# الروايه دي لازم تتعمل فيلم
بجد مستنيه اشوفها كفيلم.

أ/ نوران 😘 انتي بقيتي في ال best writers بتوعي بجد مش مجامله

[Raneem]

نوران بجد كاتبه شاطره اوي الرواية جميله جدا و الفكره مختلفه خالص مش cliche زي معظم الروايات بتاعة الأيام دي بجد انا فخوره اوي بيها انها قدرت تطور نفسها رغم ان بصمجيه كانت حلوه و من اقرب الروايات الي قلبي لكن لغز يونس واضح جدا ان أسلوبها و افكارها تطوروا و هفضل استنى رواياتك للأبد و مستنيه الرواية الجديدة بفارغ الصبر ❤️❤️❤️❤️❤️❤️

[Nouran Khalil · Rating 5 out of 5]

الرواية شيقة جدا و الاحداث مترابطة و النهاية كانت غير متوقعة 😍😍من كتر تطور الاحداث خلصت الرواية فى يومين عشان اعرف النهاية ايه من كتر التشريق بجد انا برشحها جدا للقراية ❤️

[Aya · Rating 5 out of 5]

El rewaya aktr mn ra2e3a 72e2y tar2et ktabet el a7das w el sha5syat kol 7aga bgd 7lwa gdn 72e2y el rewaya deh lazm tkon film w insha2 allah one day htkon

[Wesam Karam · Rating 3 out of 5]

تم إدخال المتعة على عقلى فى غفلة من الوقت بنجاح

[Bassant Hassan · Rating 4 out of 5]

" أنا المهاجر في فصول الدنيا كلها ، أبحث عن لحظة تضيء باقي العمر "

ليلى يونس هي دكتورة نفسية مشهورة جدًا بعلاجها لحالات مستعصية ، الدكتورة دي بتتقتل في بيتها منغير أي أسباب معلومة ، بنبدأ نروح في فلاش باك لخمس حالات بعينهم كانوا بيتعالجوا عند الدكتورة دي ، بنبدأ نعرف حكايتهم واشمعنا هم بالذات اللي مشتبه فيهم ، ياترى حد فيهم اللي قتل ؟ طب ايه دوافعهم ؟
كل دا بنعرفه من خلال الأحداث

الرواية حقيقي من الروايات اللي الواحد بيطلع منها مش بس مستمتع لا كمان مستفيد ، لأن من خلال المشتبه فيهم عرفت أمراض مكنتش أعرفها سواء جسديًا ، أو جوانب مظلمة نفسيًا ، جوانب تخلي حد يستغل كل الناس اللي وثقوا فيه وأدوله الأمان بس عشان يكون ناجح أو مشهور ، بتعرف إن الشخص اللي مهما يكون بيحبك ومستحمل طريقتك السيئة اكيد هيجيله وقت وقدرة تحمله هتخلص لأنه طول الوقت بيدي بدون مقابل ، بنعرف إن الوحدة ممكن تجنن والإحتياج لوجود ناس حوالينا ممكن يخلينا نعمل حاجات مش محسوبة.

الحوارات بين الشخصيات حلوة جدًا ، مش من الحوارات اللي محطوطة وخلاص لأ دا كلام محطوط وموزون كويس أوي وهادف قدرت الكاتبة بيه توضح وساوس ممكن تهاجم ناس كتير ، حبيت كمان إن فصول الرواية مش طويلة أوي ودي ميزة بتخلي القارئ يتحمس لأنه شايف نفسه عمال ينجز في الفصول وممكن يخلص ٦ او ٧ فصول في جلسة قراءة واحدة .

عدد الصفحات ٢٠١
صدرت عن دار تشكيل للنشر والتوزيع

[Dareen Mohamed · Rating 1 out of 5]

رواية زي الخرا و مماطلة فالاحداث ملهاش ٦٠ لازمة و لغة تقفل الواحد من القراية كلها

[Tamtam Zaki · Rating 3 out of 5]

كانت ممكن تطلع أحلى من كده بكتير لو فيه شوية استفهامات لسه لغز لحد آخر الرواية والنهاية زعلتني وظلمت العمل والنجوم دي عشان التعبيرات اللي في الروايات كانت كتير ومش ملاحقة عليهم.

[Eng Samira · Rating 1 out of 5]

بصراحه حتي النجمه كتير عليها
لا قصه ولا حوار ولا احداث مترابطه ولا حتي الجريمه ليها لازمه واسم الروايه ملوش علاقه غير بأخر سطر ولا حتي تدقيق لغوي اخطاء بالجمله
حاجه ف منتهي السذاجه والسطحيه