Malayalathinte Suvarnakathakal- M.T. Vasudevan Nair

by എം.ടി. വാസുദേവന്‍നായര്‍ | M.T.Vasudevan Nair

മലയാളിയുടെ ഏറ്റവും പ്രിയപ്പെട്ട എഴുത്തുകാരന്റെ ഏറ്റവും പ്രിയപ്പെട്ട കഥകൾ

357 pages, Kindle Edition

Published March 29, 2020

About the author

കഥാകൃത്ത്, നോവലിസ്റ്റ്, തിരക്കഥാകൃത്ത്, ചലച്ചിത്ര സംവിധായകന്‍. 1933 ജൂലൈ 15-ന് പൊന്നാനിക്കടുത്ത് കൂടല്ലൂരില്‍ ജനിച്ചു. അദ്ധ്യാപകനായിരുന്നു. മാതൃഭൂമി ആഴ്ചപ്പതിപ്പിന്റെ സഹപത്രാധിപര്‍, പിന്നീട് പത്രാധിപര്‍ (1956-'81). മാതൃഭൂമി പീരിയോഡിക്കല്‍സ് എഡിറ്റര്‍ (1988-'99). കേന്ദ്ര സാഹിത്യ അക്കാദമി അവാര്‍ഡ് (കാലം), കേരള സാഹിത്യ അക്കാദമി അവാര്‍ഡ് (നാലുകെട്ട്), വയലാര്‍ അവാര്‍ഡ് (രണ്ടാമൂഴം), ഓടക്കുഴല്‍ അവാര്‍ഡ് (വാനപ്രസ്ഥം), ജ്ഞാനപീഠ പുരസ്‌കാരം എന്നിവ ലഭിച്ചു. തിരക്കഥയ്ക്കുള്ള സംസ്ഥാന, ദേശീയ അവാര്‍ഡുകള്‍ പലതവണ കിട്ടി. നിര്‍മ്മാല്യത്തിന് മികച്ച ചലച്ചിത്രത്തിനുള്ള 1974-ലെ ദേശീയ അവാര്‍ഡും. കാലിക്കറ്റ് സര്‍വ്വകലാശാലയുടെയും മഹാത്മാഗാന്ധി സര്‍വ്വകലാശാലയുടെയും ഡി.ലിറ്റ് ബഹുമതി. 2004-ല്‍ പത്മഭൂഷണ്‍ ലഭിച്ചു.

Madath Thekkepaattu Vasudevan Nair, popularly known as M. T., was an Indian author, screenplay writer and film director. He was a prolific and versatile writer in modern Malayalam literature, and was one of the masters of post-Independence Indian literature. Randamoozham, which retells the story of the Mahabharata from the point of view of Bhimasena, is widely credited as his masterpiece.
At the age of 20, as a chemistry undergraduate, he won the prize for the best short story in Malayalam for Valarthumrigangal at World Short Story Competition jointly conducted by New York Herald Tribune, Hindustan Times, and Mathrubhumi. His first major novel, Naalukettu (The Legacy), written at the age of 23, won the Kerala Sahitya Akademi Award in 1958. His other novels include Manju (Mist), Kaalam (Time), Asuravithu (The Demon Seed), and Randamoozham (The Second Turn). The emotional experiences of his early days went into his novels, and most of his works are oriented towards the basic Malayalam family structure and culture. His three novels set in traditional tharavads in Kerala are Naalukettu, Asuravithu, and Kaalam.
Nair was a screenwriter and director of Malayalam films. He directed seven films and wrote the screenplay for around 54 films. He won the National Film Award for Best Screenplay four times, for: Oru Vadakkan Veeragatha (1989), Kadavu (1991), Sadayam (1992), and Parinayam (1994), which is the most by anyone in the screenplay category. In 1995 he was awarded the highest literary award in India, Jnanpith, for his overall contribution to Malayalam literature. In 2005, India's third highest civilian honour, Padma Bhushan, was awarded to him.

Reviews

[Manoj Unnikrishnan · Rating 5 out of 5]

അച്ഛന്റെ പുസ്തകശേഖരത്തിൽ തുന്നൽ വിട്ട്, പുറംചട്ടകൾക്കുള്ളിലൊതുങ്ങി, പേജുകൾ വീണുപോകാതെ, നിറം മങ്ങിയൊരു പഴയ പുസ്തകമുണ്ട് - “എം.ടി.യുടെ തെരഞ്ഞെടുത്ത കഥകൾ”. 1983ൽ നാഷണൽ ബുക്ക് സ്റ്റാൾ പ്രസിദ്ധീകരിച്ചത്. എം.ടി.യുടെ കഥാലോകത്തേയ്ക്കുള്ള ആദ്യ ചവിട്ടുപടിയായിരുന്നു 457 പേജുകളുള്ള ആ ഹാർഡ് കവർ പുസ്തകം. ഓപ്പോളും, കുട്ട്യേടത്തിയും, ഓളവും തീരവും, ഇരുട്ടിന്റെ ആത്മാവും, നിന്റെ ഓർമ്മയ്ക്കും, പള്ളിവാളും കാൽച്ചിലമ്പും മനസ്സിൽ കുടിയേറിയത് ആ പുസ്തകത്തിൽനിന്നായിരുന്നു. ചെറുപ്പത്തിൽ ഒരുകാലംവരെ എം.ടി.യുടെ എല്ലാ കഥകളും എന്റെ കൈയ്യിൽ ഉണ്ടല്ലോ എന്നൊരു വിശ്വാസമായിരുന്നു. എന്നാൽ പോകെപ്പോകെ ആ പുസ്തകത്തിൽ ഇല്ലാത്ത കഥകളും എം.ടി. എഴുതിയിട്ടുണ്ടെന്നു മനസ്സിലായി. എന്നാൽ പിന്നെ ആ കഥകളുംകൂടി വേണമല്ലോ എന്ന ചിന്തയായി. പക്ഷെ, പിന്നീട് ഓരോ പുസ്തകം കാണുമ്പോഴും അതിൽ ഞാൻ വായിക്കാത്ത ഒന്നോ രണ്ടോ കഥകളും ബാക്കിയുള്ളത് മുഴുവൻ എന്റെ അമൂല്യനിധിയിൽ ഉള്ള കഥകളുമാവും. അതുകൊണ്ട് വാങ്ങില്ല, ഇനിയും കുറേക്കൂടി വായിക്കാത്ത കഥകളുടെ സമാഹാരം ഇറങ്ങട്ടെ, എന്നിട്ടാവാം വാങ്ങുന്നത് എന്ന് വിചാരിക്കും. അങ്ങനെയിരിക്കുമ്പോഴാണ് Kindle Unlimited-ൽ ഈ പുസ്തകം കണ്ണിൽ തടഞ്ഞത്. നോക്കിയപ്പോൾ സാധാരണപോലെ കൈയ്യിലുള്ള കഥകൾ ഉണ്ടെങ്കിലും കുറച്ചധികം കഥകൾ വായിക്കാത്തതാണല്ലോ എന്നു കണ്ടത്. അങ്ങനെ വായന തുടങ്ങി. ഇതും ഒരു നിധിയായിരുന്നു. ഈയടുത്താണ് എം.ടി.യുടെ കഥകൾ കൂട്ടിയിണക്കി മനോരഥങ്ങൾ എന്ന മിനി സീരീസ് കണ്ടത്. അതിലെ കഥകൾ പലതും ഈ പുസ്തകത്തിൽ വായിച്ചു. കഥകൾക്ക്, കഥാപാത്രങ്ങൾക്ക് വെള്ളിത്തിരയിലെ താരങ്ങൾ മുഖങ്ങളും ഭാവങ്ങളും നൽകി. വായന കുറച്ചുകൂടി നന്നായി.

ഈ സമാഹാരത്തിൽ ഉൾപ്പെടുത്തിയ പന്ത്രണ്ട് കഥകൾ താഴെ ചേർക്കുന്നു.

1. വിത്തുകൾ
2. ഓപ്പോള്
3. കർക്കിടകം
4. കുട്ട്യേടത്തി
5. ഇരുട്ടിന്റെ ആത്മാവ്
6. വില്പന
7. ചെറിയ, ചെറിയ ഭൂകമ്പങ്ങൾ
8. പെരുമഴയുടെ പിറ്റേന്ന്
9. ഷെർലക്ക്
10. കാൽപ്പാന്തം
11. കാഴ്ച
12. ശിലാലിഖിതം

ഇനിയും കുറച്ചുകൂടെ കഥകൾ എനിക്ക് കൈക്കലാക്കാനുണ്ട്. പറയാനിനിയും കഥകൾ ബാക്കിയുണ്ടായിരുന്നോ കഥാകാരന് എന്നറിയില്ല. എങ്കിലും പറഞ്ഞതത്രയും എനിക്ക് വായിക്കണം.

[Sijo · Rating 5 out of 5]

Quite a reading experience!

MT is unique. In Malayalam literature, nothing can replace his talent! Each short story in this collection opens a different world...

[Amal Thomas · Rating 4 out of 5]

മലയാളത്തിലെ തന്നെ ഏറ്റവും മികച്ച ചെറുകഥകൾ.

[Inshad · Rating 4 out of 5]

4.5

[Harikrishnan CR · Rating 5 out of 5]

അപ്പുവിനെല്ലാം ഓപ്പോളാണ്. അവന് ചോറു വാരി കൊടുക്കുന്നതും കുളിപ്പിക്കുന്നതും കൂടെ കിടന്ന് ഉറക്കുന്നതുമെല്ലാം ഓപ്പോളാണ്.

എപ്പോഴും വഴക്ക് പറയുന്ന വല്യമ്മയെയാണ് അവനിഷ്ടല്ലാത്തത്. വല്യമ്മ വഴക്ക് പറഞ്ഞു ഓപ്പോളേ കരയിപ്പിക്കും അപ്പുവിന് വല്യമ്മേ നന്നേ ഇഷ്ടല്ല

ഇതിനിടക്കാണ് തന്റെ കൂട്ടുകാരൻ കുട്ടിശങ്കരൻ തനിക്കു കിട്ടിയ ഒരു വലിയ രഹസ്യം അപ്പുവിനോട് പറയുന്നത്..

ഓപ്പോൾ ഓന്റെ അമ്മയാത്രേ..!!

എന്തോ ഓന് മനസ്സിലാക്കാനായില്ല..

പിന്നീട് ഒരു ദിവസം സ്കൂൾ വിട്ടുവരുന്ന അപ്പുവിന് ഓപ്പോളേ കാണാൻ കഴിയുന്നില്ല.വല്യമ്മയുടെ പ്രലോഭനം ഒന്നും അവന് ആശ്വാസം ആകുന്നില്ല.അവന്റെ സങ്കടത്തിലും നെടുവീർപ്പിലും കഥ അവസാനിപ്പിച്ചപ്പോൾ വലിയ സങ്കടമായി...🙂

ഒരുപാട് നല്ല കഥകളുടെ പുസ്തകം..അന്നും ഇന്നും എംടി ഒരു മഹാ വിസ്മയമായി വാക്കുകളിലെ നിർമ്മാല്യമായി എന്നിൽ നിറഞ്ഞു നിൽക്കുന്നു. വായിച്ചു തീർന്നിട്ടും , ഓപ്പോളും ,ഇരുടിന്റെ ആത്മാവും കുട്ട്യേടത്തിയും ഒരു നൊമ്പരമായി മനസ്സിൽത്തന്നെ നിൽക്കുന്നു !!