دليلك من الجامعة للشغل

by وائل فرج

Unknown Binding

Reviews

[Aya Khaled · Rating 4 out of 5]

كتاب مهم جدا للناس اللى داخله جامعه و الخريجين بس المقبلين ع الحياه الجامعيه نسبه استفادتهم هتكون اكبر وهتوفر عليهم كتير ..
طب ليه ؟
انا فى الأول توقعت ان الكتاب هيتكلم عن سوق العمل واحتياجاته وفتره ما بعد التخرج عاماً ولكن ..
الرحله بدات بدرى شويه

اولا
ف مقدمه الكتاب حسيت انى بقرأ ل هبة السواح وتسميه مصطلحاته كانت قريبه جدا لأسلوبها بشكل كبير
وكان الكلام يتشابه مع كلامها فى ( فصل التغيير ) من كتاب شهرزاد اون فاير بس الفرق هنا إن وائل بيتكلم بصفه خاصه عن الشغل فقط ودى نقطه حمستني جدا للكتاب

ثانيا
الكتاب بيتكلم عن مرحله الجامعه بما فيها من احداث و مواقف شخصيه حصلت مع الكاتب اللى من خلالها بيبدأ رحله بحثه عن الكارير
ومن موقعى هنا الآن كخريجه اقدر اقول ان معظم المواقف اتكررت مع اغلبنا تقريبا ..

من خلال النص الاول من الكتاب كان بيناقش نقط معينه زى اكتشاف نفسك ، شغفك ، مواهبك ، اهدافك
وازاى تستفاد فى خلال سنواتك الجامعيه - ولكن ميمنعش ان الكلام مفيد برضو للخريجين -

وبعد ما تخلص المراحل دى اللى بيسميها الكاتب محطه الإدراك ، تنتهى بيك الرحله الى اخر فصل ف الكتاب واللى بيبدأ يناقش ازاى توظف كل ما تم شرحه ف النص الاول من الكتاب ده ف الشغل
وتقسيم مجالات سوق العمل والطرق المتاحه بعد التخرج بوجه عام
ومميزات وعيوب كل مجال فيهم

[Kamal · Rating 2 out of 5]

فيه أفكار حلوة كلها بتاعة ناس تانية، ولكنها غير مكتملة، وغير مستغلّة ولا مخدومة كويس.

[mohamed · Rating 5 out of 5]

حينما تختلط السيرة الذاتية والإرشاد أو الكوتشينج، لن تصبح التنمية البشرية عبئا. حينما تقارن نفسك بوائل فرج ولو أكبر منه قليلا أو أصغر منه قليلا فستفهمه عن قرب، خاصة وأنه أوجز ولم يزد عن حده. وصل لكل نقطة يريدها من اقرب طريق وبدأ من الثانوية العامة والشخصيات حيث استطاع أن يصل من تحليل وتشخيص ما لدى كل منا ليعبر جسرا صعبا أسماه"اختبار الجدية" وهو موضوع حقيقى شخصى ومتكرر، ثم خطط خطوطا عريضة تصلح للجميع من حديث التخرج لمن يريد التغيير لمتعددى المهارات، وعرض سوق العمل الحديث ببساطة يحتاجها الكبير والصغير. لكن أهم ما تجده فى هذا الكتاب أنه طالبك أيها القارئ أن تكون حيا لا مجرد عايش، مؤمنا بوجود البرنس داخلك.
تحياتى للمؤلف المجتهد والشاطر فى قراءة الناس والذى بدأ كتابه أن الكتب لا تغير إلا من يريد ذلك ويبحث عنه.

[Maryam Moemen · Rating 4 out of 5]

مهم جدا للي داخلين الجامعة..
الكتاب مش بطال اطلاقًا.. بس الأحلى، بيتكلم في تجارب مشفتش حد اتكلم عنها قبل كدة.. تجارب هي "حياة" الجيل ده..
أسلوب المُحاضِر اللي استخدمه الكاتب.. كان لطيف.. مزهقنيش..
كتاب سهل و يستاهل يتقري

[Mimireads · Rating 4 out of 5]

مهم جدا للي داخلين الجامعة..
الكتاب مش بطال اطلاقًا.. بس الأحلى، بيتكلم في تجارب مشفتش حد اتكلم عنها قبل كدة.. تجارب هي "حياة" الجيل ده..
أسلوب المُحاضِر اللي استخدمه الكاتب.. كان لطيف.. مزهقنيش..
كتاب سهل و يستاهل يتقري

[سلمى · Rating 1 out of 5]

كتاب تنمية بشرية وانا مش بحب التنمية البشرية ولكن قرأته في محاولة اني اساعد اختي بقراءته معاها وبردو نعمل حاجة سوا (فكستلي في الاخر بس مش مهم) ممكن يكون ممتع لحد بيحب التنمية البشرية وممكن يفيد لو حد هيعرف ياخد الكلام العام بتاع الكاتب ويوظفه بطرق عملية حقيقية
الكتاب موجه لطلبة الجامعة وانا فعلا اشتريته في اولى جامعة (كانت التنمية البشرية ترند) وبيتكلم عن ازاي تحدد انت عايز ايه وازاي تحقق اهدافك
الكاتب بيشرح نظريته في المقدمة وبيقول ان في 3 خطوات لمعرفة انت عايز تعمل ايه، اول خطوة الادراك وهي انك تعرف نفسك وتعرف انت عايز ايه بجد وتاني خطوة هي تحدي الجدية ويقصد بيها الفشل والمعوقات اللي بتبقا في طريق النجاح وتالت خطوة التنفيذ وهي انك تبدأ تتحرك في اتجاه هدفك، الكاتب بيتكلم عن ال3 خطوات دول وفي نفس الوقت بيحكي قصته في الجامعة
الكتاب كله تحس انه محاضرة تنمية بشرية مطولة، اساليب بسيطة وعامة بطريقة الناس كلها تقدر تrelate ليها هو حتى مكتوب بالعامية المصرية، بيتكلم بمفاهيم عامة وتنفع مع الناس كلها بس في نفس الوقت كلامه مش عملي وفي holes كتيرة في المنطق اللي بيتكلم بيه، بيحط امثلة ملهاش علاقة اوي بالجزء اللي بيشرحه

[Lolou Elshal · Rating 4 out of 5]

خلصت الكتاب وحقيقي من الكتب الي تساعد على اكتشاف الذات وبتخلي الواحد يعمل overview لحياته ويصنف رغباته صح. مفيد خاصة للمبتدئين او لطلبة الجامعة زيي خلاني اعيد نظرتي في بعض القرارات الي كنت هاخدها وخلاني اتأكد من قرارات كنت محتارة فيها.
الي معجبنيش ان الكاتب لما كان بيستعين بمراجع تانية كان بيختصر بزيادة يعني جيت في عدة مواضع خاصة في النص الثاني من الكتاب وكنت حاسة ان الجزئية دي مثلا ممكن الشرح فيها يكون ازيد من كده للتوضيح.
في المجمل تجربة جميلة ارشحه لطلبة ثانوي و جامعة مش بس كده بل أي حد حابب يكتشف نفسه ويتأكد من قراراته في مجال الشغل والدراسة.
اه.. نسيت اقول ان الغلاف جامد.

[Abdelrhmankhalil · Rating 2 out of 5]

كتاب ملوش علاقة بالأسم ، هو مش دليل ولا حاجة هو مجرد سرد لمواقف -ملهاش اى اهمية- حصلت مع الكاتب ف فترة الجامعة ؛ بتحصل ف حياة اى طالب كل يوم.
حقيقى مستفدتش باى حاجة من الكتاب غير بشوية العبارات اللى الكاتب مقتبسها من كتب تانية او من اقوال مأثورة.

[Antwan Emeel · Rating 5 out of 5]

لكم كنت اتمنى لو قرأت ذلك الكتاب في سن المراهقة، لكانت حياتي قد تغيرت ❤️

[Mohamed Galal · Rating 5 out of 5]

كتاب مفيد ومركز ومترتب بطريقة منطقية
بيخاطب الشباب من خلال تجربة المؤلف
فبيتحول من مجرد تنمية بشرية لخلطة من المحاضرة والسيرة الذاتية
ممتع فعلا