Девици и волци

by Александар Алексов

Евгенија е необична девојка. Изгледа прекрасно и невино, но таа е безмилосна. Шокантните сеќавања и тајните од детството се длабок мотив за одмазда. Евгенија има една цел – да ги убие монструмите од детството. Кога е веќе сигурно дека правдата не постои, а вистината е мртва, ѓаволот доаѓа по .

Евгенија го мрази машкиот свет. Решена е да не се предаде на ниту еден маж во животот, но еден погрешен телефонски повик во време кога Евгенија им погледнува во очи на демоните од минатото, ќе го растрепери нејзиното челично срце. Антониј ќе се појави во нејзиниот живот како ветер што дува без правец.

Антониј е осамен, шармантен, неодолив инспектор, нетипичен полицаец кој има празно срце за љубење, но мора да се задоволи со незаситени страсти и трошка љубов од неговата лоша девојка. За него правдата е нешто свето, се бори до последен здив за неа, но правдата знае да има две лица, две вистини. Правдата е и мрачна, ако имаш доблест да ја погледнеш и од зад грб.

Дали ќе ја љуби Евгенија, ако дознае дека направила нешто страшно што се коси по сите негови животни принципи?

Делумно романса, делумно морничав, опсесивен трилер кој обработува болни општествени теми. Имајте на ум дека треба да имате добар желудник и силно срце за оваа книга.

Чувствата за главниот лик ќе ве излудат, ќе се вљубите во неа. Истовремено и ќе ја сакате, и ќе ја мразите.

Евгенија е лик што никогаш не се заборава!

197 pages, Paperback

Published January 1, 2018

Reviews

[Stefani · Rating 1 out of 5]

Уффф... Воопшто не е книга за мене.

[Biljana Ilioska · Rating 5 out of 5]

Предобар психолошки трилер - Браво Александар Алекосов. Книга за животот на Евгенија од нејзиното детство кога на 11 години ја силува во снегот министерот за финансии Герџиков. Животот е уште помилосрден и суров, нејзината мајка се обидува да и помогне со тоа што ја носи во манасир, но таму истото и се случува од страна на отецот и неговиот вонбрачен син. Живее со татко алкохоличар кој ја малтретира и тепа нејзината мајка. Неможејќи да издржи се обидува да се самоубие, но е спасена од непознат човек. Преживувајќи го самоубиството Евгенија има една цел – да ги убие монструмите од детството и да се одмазди. Почнуваат сериски убиства од нејзината страна кои ги планирала во текот на 20 години. Но, во нејзиниот живот ќе се појави Антониј кој е осамен, шармантен, неодолив инспектор, нетипичен полицаец кој го истражува убиството на министерот Герџиков. Двајцата непланирано ќе се заљубат.

Дали ќе ја љуби Евгенија, ако дознае дека направила нешто страшно што се коси по сите негови животни принципи?

Книга која се чита во еден здив. Оценка чиста 10.

[Marina · Rating 2 out of 5]

Премногу нереални моменти.