وش القفص

by سارة الذهبى

كلنا بنحب نختار من وش القفص...
مش بس وإحنا بنشتري خضار وفاكهة..
لأ... حتى في علاقاتنا بندوَّر على وش القفص.. عشان نبعد عن البايظ اللي متداري ومش شايفينه... واللي شكله يفتح النِّفس بس لما تركز فيه تلاقيه مدوِّد وخدَّاع... واللي عامل فيها كويس وكله سوس من جوَّه!
عايزين البيرفيكشن، أو بالعامية عايزين كل حاجة مظبوطة بالشعرة زي ما الكتاب بيقول.. في تربية ولادنا... في ستايل حياتنا... في علاقاتنا.. في شغلنا...
بندور في ساقية الحياة عشان كل تفاصيل عيشتنا تكون على الفرَّازة!
وهي دي فكرة الكتاب.. إننا نجيب الحلو من هنا على الحلو من هنا.. عشان نعمل حاجة أوستيك...
حاجة يتقال عليها وش القفص بصحيح..
أشوفكم جوَّه.. ❤️

Paperback

Published January 16, 2020

Reviews

[Hala Elnour · Rating 4 out of 5]

الكاتبه لها قدره مذهله على ادخالك فى تلك الحاله التى تتحدث عنها لتعيش معها كانك اخد اطرافها سواء كان الموضوع ساخر بطعم المر او واقع بطعم الشجن
انتهت فى اخر الكتاب بدرس العمر
تحياتى

[Nashwa Moustafa · Rating 3 out of 5]

فيه فصول كانت جيدة وضحكتني فعلاً
بعكس الفصول الغير كوميدية واللي فيها دروس وعظات بشكل مباشر والفصول الكئيبة مش مناسبة للجو العام للكتاب
والفصول اللي على هيئة رسائل من نماذج وشخصيات سلبية في المجتمع ذي الحيلة ابن أمه كان مفتعل وغير منطقي

[Yomna Seddik · Rating 4 out of 5]

لطيف خفيف جميل

[Sara · Rating 5 out of 5]

An easy to read, light book that makes you laugh but still think about issues that we all face everyday.
A great balance between serious and funny.
Loved it!

[zahraa esmaile · Rating 3 out of 5]

#مراجعات_2020
#وش_القفص
تجربة اولى مع سارة الذهبي
والتجربة كانت لطيفة الحقيقة
الكتاب عبارة عن مجموعة مقالات متنوعة
منها الاجتماعي البحت
منها الانساني للغاية لما اتكلمت عن الغربة...و وجع الفراق
منها الكوميدي لما اتكلمت عن مشاكل الشغالات و غيره
ومنها التجارب الانسانية المؤلمة والمبهجة
سارة عرفت تعمل ميكس حلو قوي
وتنوع المقالات بين مواقف بتحصل جوة البيوت...وسلوكيات عامة
51 مقال مؤكد هتلاقي نفسك ف مقال منهم
ضحكت من قلبي...وحسيت بشجن ف اوقات مع الكتاب
الكتاب لغته سهلة جدا...عامية سلسلة(معنديش مشاكل معاها بشكل شخصي)
ف نفس الوقت اخدت منه ملاحظات لحاجات بعملها...وحاجات لازم ابطل اعملها
ف المجمل الكتاب خفيف...يعكس روح سارة نفسها
يصلح ك فاصل بين مجموعة كتب دسمة...او لاى حد عنده بلوك قراءة
من الكتاب:
*الشخص الى اختارته تقبله....ممكن بحبك ليه وبطريقتك اللي فيها تقدير تخليه يريحك في كل حاجة...بس هيريحك بطريقته اللي هيطوعها عشان ترضيك مش بأنك تغيره كله
3 نجوم لكتاب خفيف
انتهى الريفيو
#الكتاب_رقم_40_لسنة_2020
#كتب_رمضان
40/120

[Maha · Rating 1 out of 5]

أولا لازم أوضح إني من عشاق فيديوهات سارة، بحس كده انها واحدة زينا وشبهنا وبالرغم من إنها اشتهرت على السوشيال ميديا مشوفناش منها تغيير أو غطرسة أو غرور...
طيب إيه سبب التقييم ده؟!
السبب إني حسيت إن اللي مكتوب ده كلام ميتقريش.. هو آخره بوست على فيسبوك... يتشاف فيديو في السريع لكن انه كلام يتحط في كتاب لأ .. محسيتش بيه
ممكن الكتاب يعجب ناس تانية والموضوع اختلاف أذواق.. لكن أنا شخصيا مقدرتش.. حاولت أضغط على نفسي استمر بعد تالت مقالة مقدرتش ..
أو قد يكون الكتاب مش مناسب للي في سني.. محتاج شابات صغيرات لسه في مقتبل العمر بيتعلموا من خبرات الآخرين...
الكتاب ينفع قراءة خفيفة.. على البحر أو في القطار.. قزقزة لب يعني
لكن لو انت متابع فيديوهات سارة.. لا أعتقد إنه هيقدملك جديد..

[Rania Elmorsy · Rating 5 out of 5]

الكتاب ده جميل جدًا
كل واحد فينا هيلاقي نفسه واحد من الشخصيات اللي جواه
أسلوب حضرتك مُميز جدًا وبسيط 😍
تسلم إيدك جدًا 😘
وش القفص دوّر معايا على الحاجات اللي يتقال عليها وش القفص بجد 😅 وكمان جات ف وقتها 😘🤩

[Tharwa · Rating 4 out of 5]

الكاتبة اسلوبها ساخر ف المواضيع اللي تحتاج ذلك و جد و يمس الوجدان ف المواضيع الاخرى الكتاب ف مجمله خفيف و بيه بعض الفرات بها عمق رهيب و تحس ان الكاتبة كتبت اللي نفسك انت تكتبه و مش عارف او انك انت اللي كاتب الكلام ده و هى عرفته منين

[Maha Eshraa · Rating 5 out of 5]

لست متزوجة و بالتالى من دون اطفال و لكن الكتب مش بس للزوجة. المواقف إلى فيه مواقف اجتماعية متنوعة . و فعلا فى كتير بقول ده انا . استمتعت بالقراءة و من المحتوى و قربه من القلب لأن الكلام سلس جدا و كانى بتكلم مع حد قدامى

[Gamal soliman · Rating 4 out of 5]

تحيه واجبه وشكر موصول
وش القفص هو افضل ما كتبت ساره الذهبى بين كتبها الثلاث هناك اشياء تجلت واضحه فى هذا الكتاب وكأنها تملك الكثير لتقوله بعكس كتابتها الاخرى التى لا مقارنه بينهما من الاساس والتى جاءت سطحيه وممله ولا ترتقى للكتابه
استمتعت بما قرات وفى انتظار المزيد ياساره

[محمد عامر · Rating 5 out of 5]

كتاب رائع كعادة سارة الذهبي

[Shams · Rating 5 out of 5]

كانت رحلة لطيفة ولزيزة 💫

[Amal Al Tayeb · Rating 3 out of 5]

كتاب خفيف ولطيف جداً أنتهيت منه في يومين تقريباً

[Ahmed khoudair · Rating 5 out of 5]

كتاب خفيف و ممتع و ربنا يوفقك لكل خير

[Jasmin Tantawy · Rating 5 out of 5]

Loved it

[Hanaa El Naggar · Rating 4 out of 5]

طيب والله لذيذ ودمه خفيف

[Soad Mahmoud · Rating 5 out of 5]

ممتاز فى تجسيده للمواقف الواقعية اللى بنمر بيها فى حياتنا
وتوضيحه لحق كل واحد فى الحياة أنه يختار من وش القفص