فنديكتا

by أحمد سمير جوهر

لقد مات ميتة تعجز كل الكلمات عن وصفها؛ عثروا عليه في غرفة المكتب ذراعاه مقطوعان وموضوعان على كرسي بجوار باب الغرفة، وإحدى رجليه على كرسي آخر، وقلبه أمامه على المكتب، ولم يجدوا في صدره أثرًا لأي جُرح، كما لم يجدوا رجله الأخرى في جسده؛ مفقودة، أبلغوا الشرطة التي لم يدخر رجالها أي جهد كي يعرفوا ما حدث، لكنهم – وبعد أشهر طويلة من البحث – لم يعثروا على أي شيء، ولم يتمكن الطب الشرعي من تفسيركيف خرج القلب من مكانه دون أي أثر لفتحات في جسده، صرحوا بدفن الجثمان، وقُيدت جريمة القتل ضد مجهول، وظلت القصة تُحكى في الحي لسنوات طوال.

220 pages, Paperback

Published December 1, 2019

About the author

أحمد سمير جوهر هو كاتب مصري شاب وُلد في القاهرة عام 1990و تخرج في كلية الهندسة بجامعة عين شمس.
ظهرت ميوله الثقافية منذ الصغر حيث فاز بعدة جوائز خلال المرحلة الإعدادية والثانوية في القصة القصيرة وإلقاء الشعر، كما قام في مرحلة الدراسة الجامعية بكتابة عدد من المسرحيات.
تُعدّ رواية "شبشب سيادة الرئيس" أول أعماله الروائية الطويلة والتي تم طرحها في المكتبات المصرية في يونيو 2014.

Reviews

[Maha Galal · Rating 5 out of 5]

حقيقي من أجمل الروايات اللي قرأتها لأسباب كتيير
ا١.الاسلوب الأدبي للكاتب حلو ومميز
٢.فكرة الرواية حلوة وفيها لغز عشان كده مش هتتحرك من مكانك غير لما تخلصها.
٣.الرواية فيها تعويذة انا كنت بخاف بجد وانا بقرأها وساعات مكنتش بكمل قرأتها احسن تحقق بجد
٤.نهاية الرواية مقنعة جدًا ومنصفة والنهاية محبوكة بنفس شغف وانبهار البداية

[نادر ربيع · Rating 5 out of 5]

بجد جميلة جددا وأحداثها رهيبة وطريقة سرد جميله جدا

[Maather Shouhdy · Rating 3 out of 5]

الرواية نصها الاولاني حلو اوي.. نصها التاني من وجهه نظري سئ جدا الحقيقه

[Read With Yora · Rating 4 out of 5]

كتاب أكثر من الروعة 😳 احداث تحبس الأنفاس 🔥 و نهاية غير متوقعة 😮

[Khaled Mohamed · Rating 2 out of 5]

خلينا نبدا بالايجابيات
الاسلوب حلو اوي ومشوق جدا واللغة كويسة
نخش باة عالسلبيات اللي للاسف كتير
اولا في عشوائية فترتيب الاحداث يعني مثلا مبداش من اخر الرواية او نصها مثلا وعمل فلاش باك لا دة هوب حط جزء من نص الرواية على هوب جزء من اخر الرواية وفالنص حشو الاحداث اللي بتكون اتحرقت بالفصل اللي كتبه
ثانيا واضح ان الكاتب متاثر جدا بقصة فيلم واحد من الناس ومسلسل ايوب اللي هو ظلم وبؤس من كل الدنيا وهوبا عاد لينتقم البطل واتحول لسفاح والمفروض نعذره ونتعاطف معاه🤔
ثالثا النهاية كانت كوميديا فشخ
وهنا يجي تاثر الكاتب فتقفيل الرواية بنهاية مطابقة جدا لنهاية فيلم غرام الافاعي وتكتشف فجاة ان مفيش حد فالرواية دي فضل عايش ليه كدا ياعم جوهر
كان ممكن بصراحة تكون احسن من كدا بكتير بس انت استعجلت حبتين ومرتبتش التسلسل بتاعها صح رغم ان الفكرة بتاعتها حلوة جدا
اكيد مش اخر رواية للكاتب اقراها لان فكرته واسلوبه حلو بس محتاج تأني شوية عشان يطلع بالرواية صح

[معتز بالله مصطفى · Rating 4 out of 5]

ممتعة جدًا بالذات لو بتحب التشويق والغموض .. مش هتسيبها غير لما تخلصها..
الحبكة مظبوطة وهتعيش مع الشخصيات والتغيرات اللي بتحصل في حياتهم وقد إيه الأحداث اللي بنعدي بيها بتغير في شخصياتنا.

[Aliaa Abdelmonem]

نا قارئه جديده هنا كيف ابدا بالقرأه؟
من أي مكان استطيع تحميل الكتاب؟

[Asmaa · Rating 5 out of 5]

رواية رائعة ومشوقة .. لغة الكاتب جيدة جدا والأسلوب والسرد مميز .

[Tamer Nada · Rating 1 out of 5]

فكرة الرواية تتماشى مع موضة الرعب والقوى الخارقة، إلا إن الكاتب للأسف ينقصه التركيز في التفاصيل والأفعال وردودها. رواية سيئة وغير مترابطة ولا أنصح بقراءتها