تانجل

تانجل #1

by إسلام شاهين

- "يلّا يا أمّي شدّي حيلِك شوية، الضيوف زمانهم على وصول"
- "وأنا أعمل إيه يعني يا حاتم يا ابني أقطّع نفسي؟ ما انتَ اللي قولت لي متأخر وزنقتني في الوقت!"
- "والله يا أمّي غصب عنّي، أنا ما صدّقت عرفت أجمّعهم كُلّهم، ده إحنا بقالنا ييجي أربع سنين متجمّعناش."
- "ياااااه يا ابني، هو الوقت بيجري بسُرعة كده! ده أنا لسّه فاكرة أيام الدروس والثانوية العامّة كإنّها كانت امبارح، ولمّا كُنتوا بتاخدوا دروسكم في الصالة برّه، ولسّه فاكرة ساندوتشات الجبنة واللانشون اللي كُنت بعملها لكم كإنّي لسّه عاملاها النهاردة الصُبح!"
اتحركت ناحية طبق الكُفتة وخطفت صُباع كُفتة من غير ما تاخُد بالها، لفّيته في منديل بسرعة وحطيته في جيبي، وبعدين قُلت لها:
- "والله يا أمّي..

Genres: Audiobook, Romance, Novels

230 pages, Kindle Edition

Published February 18, 2019

Reviews

[Rogius · Rating 1 out of 5]

1- هتكتب رواية كاملة بالعامية مكانك ع الفيسبوك و نزلها ف بوستات.
2- هتكتب +250 صفحة تلزيق و محن و اشي واحدة بتدور على حد " ارجل منها " على شوية وصف مشاعر و تفاصيل بطريقة ساذجة مايستخدمهاش عيل صغير برضو مكانك ع الفيسبوك وهتلاقي هيح وهاح و شير بالعبيط.
3 - سيبوا الأدب لأهله و برضو خليكوا ف الفيسبوك جلدتين الكتاب والله العظيم اغلى من انه يتكتب بينهم الكلام دا.
4- قدوتك د. أحمد خالد توفيق دا شيء هايل، بس ياريت ماتكتبش تاني- مع اني عرفت ان الشيء دا مكتوبله جزء تاني- من هنا لحد ما تتعلم منه فعلياً ازاي تحترم دماغ القارئ و الذوق الأدبي و تقرر تساهم ف ارتقاءه مش ف نشر بلاعة الكتب اللي عبارة عن بوستات فيسبوك دي و تكتب بدراسة و وعي و نضج و بلغة " تثقف أجيال" زي ما المفروض انك اتعلمت من د. احمد.

[Fatma · Rating 1 out of 5]

راوية ضعيفة جدا لغوياً وفكرياً تكاد تكون سيئة لا أنصح أى أحد بقرائتها حرصا على وقته

[شذى الغماري · Rating 1 out of 5]

مضيعة وقت.. مع احترامي الشديد بدت وكأنها من نتاج علي نجم فرع المعادي - مصر
وكأنه أيضاً أن يعتم ساحات الفكر بأن يصبح روائيا بدلا من الهبد في الاعلام.
للكاتب خيال وعاطفة متوهجين وحضورهما ساطع لكنه لو كتب بالفصحى، وأضاف حبكة روائية بدلاً من فضفضة الأصدقاء في ليلية صيفية لربما فلح في إنتاج عمل مقبول.

[أحمد فوزي طاحون · Rating 1 out of 5]

لا ترتقي لأن يقال عنها رواية، هي مجموعة قصصية لفئة المراهقين فقط، تقييمي لها ضعيفه جدا.

[Hadeel Fouad · Rating 2 out of 5]

لم تقدم جديد ..
لكنها كانت وجبة خفيفة لم أشعر معها بالوقت أثناء انتظاري الانتهاء من الأوراق المطلوبة لاستكمال متطلبات تطبيق أدوات رسالة الماجستير خاصتي بالجهاز المركزي للتعبئة والإحصاء (مدة أربع ساعات ونصف) 😰..
لكني سأتذكر دوما جلوسي في المقهى الساعة الثامنة صباحا مممسكة بالرواية ومستمتعة بفنجان قهوتي الذي احتفظ بحرارته داخل راحة يدي رغم برودة الجو ...

[Ahmed Amin · Rating 1 out of 5]

Poor language , unmature relationships. each relationship story that mentioned One of two individuals whom have been mentioned their personalities s' suffer from neediness ,poor communications, unrespecting , selfishness and so routine.

[Reham Hekal · Rating 1 out of 5]

مقابل أن الكاتب يديني نصيحة عن العلاقات الصحيحة بين البشر واننا نحترم بعض ونوصل لأرض مشتركة
كسر قدامها كذا أمر إلهي ربنا أمرنا باجتنابه زي الصحوبية بين الولد والبنت والتساهل فالتعامل وسفه الحجاب باعتباره حرية شخصية ودا قرارك وقدم الشخص اللي بينصح خطيبته بدا أنه ذكوري متعفن متحكم تسلطي إلخ إلخ إلخ...
وبين انه هو نفسه عنده تخبط فحكمه ع نفس الشئ سفر صاحبته اللي زي أخته مع واحد غريب وشلة منحطة عيب وميصحش وضد مبادئنا
وسفر هو نفسه مع صاحبته اللي بيحبها كام يوم اسكندرية والفيوم عاادي ،،،،ويحك يا فتي :)!!!!!!
وغيره وغيره
أنا مش قادرة اصدق اني سبت سير النبلاء عشان أقرأ دا!!!الحق عليا

[Rawan Ahmed · Rating 2 out of 5]

تانجل هي رواية بسيطة تحكي عن العلاقات العاطفية وتداخلها وتشابكها.
تقيمي لها متوسط .
لكن ما راق لي بها هو تعدد الشخصيات بها و كيفية جعل لكل شخص موضوع خاص به ومشكلة تختلف عن غيره من المشاكل التي يواجهها.
وأخيرا لقد أستمتعت بقراءة تلك الرواية.

[Mourad Ashry · Rating 1 out of 5]

قصص حب مقرره و ضعيفه

[Naglaa · Rating 5 out of 5]

تانجل رواية وليست برواية فهي قصة تحمل في طياتها ثمانية قصص متشابكة
تدور حول محورين أساسيين الصداقة وأهميتها في حياة البشر، والحب الذي يسعى إليه الجميع لكنهم يتركوه يتسرب من بين أيديهم بسبب الأنانية حينا وبسبب الصمت أحيانا كثيرة
أشخاص الرواية أصدقاء رغم اختلاف شخصياتهم ، واستطاع الكاتب أن يغوص في أعماقهم ليخرج منها نقاط قوتهم و ضعفهم وما تخفيه القلوب عن الأعين
أسلوب الكتابة بالعامية الدارجة إلا أنها خالية من الألفاظ الغريبة وغير اللائقة، و أصنفه ضمن أسلوب السهل الممتنع فرغم بساطته إلا أنه يعبر عن مشاعر إنسانية معقدة.
حبكة الرواية جيدة ماعدا القصة السابعة (مريم) كانت تحتاج لحبكة أكبر
الرواية جيدة جدا من كاتب شاب ذو موهبة متميزة و كتاباته تتطور وتكتسب عمقا في كل رواية جديدة
#تانجل رواية أنصح الشباب بها لأنها تتحدث عنهم، وأنصح الأباء والأمهات بها ليفهموا مشاعر الأبناء وطريقة تفكيرهم

[Amira Ragap · Rating 2 out of 5]

تانجل
عبارة عن روايه عامية من النوع البسيط الي مش قادرة احسها روايه فعلاً، ممكن نقول انها قصص قصيره والكاتب حاول يدمجها ويربطها ببعض بأي شكل.
عبارة عن مجموعة اصدقاء اتجمعوا بعد فترة كبيره من غيابهم، وكل صديق بيحكي قصته وهي عبارة عن مشكله عاطفيه وبتنتهي نهاية كئيبة، الي ان يتحدث الصديق الاخير محاولاً تغير نظرتهم للعلاقه الصحيحه، حتي ننتهي الي ان كلاً منهم يختار الاختيار الصحيح من وجهة نظرهم .... نهاية غريبة شوية حسيتها مثالية زيادة عن اللزوم وغير واقعيه بالمرة.
اللغه عامية تماماً السرد والحوار وكله، دي حاجة ضايقتني شوية بس عزائي الوحيد اني سمعتها ككتاب صوتي ومقرتهاش، يمكن تكون مناسبه للمبتدئين ومسلية لعدة اسباب ذكرتها سابقا.
تقيمي 2/5

[Sermeen Abdallah · Rating 2 out of 5]

مبحبش النوع دا من الروايات اللي بتكون مكتوبة بعامية بس بحب أشارك طُلابي الكُتب والروايات اللي بيقرأوها كنوع من أنواع المُشاركة وإني أعرف تفكيرهم ونتناقش سوا..
الرواية بتتكلم عن مجموعة من الصُحاب اللي بقالهم فترة كبيرة متقابلوش وميعرفوش أخبار بعض واتجمعوا في بيت واحد صاحبهم وكُل واحد فيهم بدأ يحكى حكايتة وقصته مع شريك أو شريكة حياته عشان في الآخر وبعد ما الكُل يكون حكى يلاقوا حل لكل مشاكلهم عن طريق إنهم سمعوا مشاكل بعض..
الرواية بغض النظر عن عاميتها الا إنها لطيفة بشكل ما

[Youstina Botros · Rating 2 out of 5]

الحقيقة انها مجموعة من القصص مترابطة مع بعض بشكل ما
اول م ابتديت اقراها عجبتنى جدا ...جو النوستالجيا والبساطة اللى فيها شدونى بس لما كملت شوية لقيتها اختلفت وبقى كلها قصص بتتكلم عن العلاقات ...قصص فيها واقعية وفنفس الوقت افورة ...وبمرور الصفحات اللهفة اللى كانت عندى فى
البداية انطفت ....يمكن تكون الرواية حلوة جدا بالنسبة للناس اللى مبتدئين فى القراية او بيحبوا النوع ده من الروايات بس بالنسبالى ...الرواية كانت يعنى لطيفة

[Shihab Labib · Rating 2 out of 5]

قصة إلى حد ما ظريفة. بس فيها تكرار رهيب إلى جانب النهاية مسلسل مصرى متوقع

[Patrisia michel · Rating 2 out of 5]

مش حلوة ابدا ، بنى الشخصيات ( اللى الروايه قايمه عليه كله ) ضعيف جدا و متناقض ، معرفش بنى الشخصيات دا استحمل جزء تانى ازاى .

[mahmoud · Rating 2 out of 5]

نفس فكرة أصحاب ولا أعز
صحاب بقالهم فترة كبيرة بيتجمعو كل واحد فيهم بيحكي حكايته
بس على نظيف بقا
كليشيهي شوية بس حلو
طبعا استحاله أقرأه كعامية كله لكن سمعته صوتيًا عشان كدا حبيته او استلطفته بمعنى ادق
كتاب لايت
لو وقع تحت ايديك اسمعه .. لو ليك ف العامية اقراه لكن ماتجريش عشان تشتريه مخصوص

[Amira Osama · Rating 3 out of 5]

Didn't like the stories it's just like what happens in the movies not real life but liked the point of view that how talking to each others is important, and what I really learned that it will be always wrong choices to lead us to the right ones.
Don't know how to give my rate to it but I'm really waiting to gather my friends and talk like this after a long time.

[zahraa esmaile · Rating 4 out of 5]

#رحلات2022
#تانجل
رواية اجتماعية درامية لطيفة جدا، بتحكي عن 8 صحاب بتجمعهم الدراسة وبتفرقهم الحياة، بعد سنين طويلة بيتجمعوا ف نفس المكان اللي شافهم وهما بيكبروا، ياترى ايه اللي السنين عملته ف كل واحد فيهم؟؟

على مدار حوالي 250 صفحة و 8 حكايات منفصلة كانت الرواية، بنشوف كل واحد كبر ازاي وشخصيته اتطورت لأنهي درجة، بنتعرف كمان على معاني كتير للحب والعلاقات وحتى امراض نفسية ف حكاية كل واحد

الرواية مكتوبة بطريقة الراوي المتعدد، كل واحد بيحكي حكايته الخاصة، ف سهل جدا تلاقي نفسك جوة حكاية منهم سواء كانت الراوي او الطرف الثاني ف الحكاية

اللغة عامية على طول الرواية سرد وحوار، بالنسبة لي كانت لطيفة جدا ومكنتش حاسة ان لازم فصحى ف حكاية معينة، بالعكس اخدت منها اقتباسات كتير بتعبر عني

المشاهد تصويرها سينمائي جميل، ف عشت التجربة كاملة
وكتجربة قراءة أولى للكاتب، ف أنا مبسوطة فعلاً باللي قرأته

رواية لطيفة...تجربة مختلفة...تصلح جداً لفك بلوك القراءة او تغيير المود
#الكتاب_رقم21
#رواية_اجتماعية
21/120
2-مارس

[My Novels · Rating 5 out of 5]

رواية:تانجل💚
الكاتب:إسلام شاهين
هكتب الريڤيو المرة دي بالعامية لأن أول مرة بجد رواية بالعامية تعجبني أوي كده💚
....
الرواية بتتكلم عن حاتم وصحابه السبعة من أيام الثانوية واللي فرقتهم الأيام من بعد ما كل واحد دخل كليته ولكن حاتم بيقرر أنهم لازم يتجمعوا من تاني وكل واحد يحكي عن حياته ومشاكله وهمومه ويكونوا جمب بعض وسند لبعض بس كان فيه سبب تاني كمان لقراره لتجمعهم...وفعلاً أتجمعوا كلهم ومنزلوش الا والكل كان محدد أنه هيكمل حياته بشكل مختلف وصح💚
....
حقيقي الرواية حلوة جدًا هي مش مجرد مشاكل عادية بين أي اتنين مرتبطين فعلاً ال8 حكايات أثروا فيا بشكل غير طبيعي وأتعلمت حاجات كتير أوي والطريقة اللي حل بيها كل مشكلة كانت لطيفة جدًا وحبيت نهايتها يمكن في الأول توهت من كثرة الشخصيات لحد ما حفظت أسمائهم بس مع الأحداث بدأت أحفظهم وبصراحة الرواية مكانتش تنفع تكون غير بالعامية عشان تقدر تلمس كل حد هيقرأها💚
متوفرة:pdf
عدد صفحاتها:255 صفحة
تقييمي:10من10❤️
اتمنى لكم قراءة ممتعة ❤️❤️

[Alyaa Essam · Rating 5 out of 5]

بجد من احلي الروايات اللي قريتها ❤️ و بالنسبه لي كانت فكره الروايه جديده و ممتعه جدا 💕💕 من حلاوتها خلصتها في يوم بالظبط و زعلت جدا انها خلصت ☹️💜 و نهايتها كانت مقنعه جدا بالنسبه لي 🧡🧡 بحب اشكر اسلام علي رواياته و قصصه اللي علي الفيسبوك لانهم فعلا من اجمل الحاجات اللي بقراها و ببقي مستنيه قصصه و كتباته بفارغ الصبر حرفيا💖💖... و بحب اشكره كمان علي تانجل لانها فتحت دماغي علي حاجات كتير ماكنتش واخده بالي منها 😌... و كل قصه منهم اللي كنت بحس ان انا شبها ف حاجات كتير و العياط مع كل قصه و احساسي بكل واحد فيهم ☹️❤️❤️ فعلا احلي روايه قراتها💜💜

[Abdelwahab Mohammed · Rating 1 out of 5]

بجد رواية مراهقه جدا
ومافيش فيها نضج ديني ولا ثقافي ولا حتي اجتماعي
و حتي اسلوب تعبيره دايما بيعبر عن الأشياء الملموسه
تحسها فيلم عربي مراهقين جدا
و في الاخر بنسخر من شباب اللي طالع و غيره .... ابسط كلمه تتقال شوفوا اللي المحتوي اللي المفروض يخلي العقل ناضج عامل ازاي .... اللي يخلي الانسان يفهم هو عايش ليه مش موجود

ياراجل ديه النصائح اللي موجوده علشان اختيار الشريك اغلبها يتجه للجزء العاطفي اكتر من العقلاني

[Hamza El-Kady · Rating 4 out of 5]

من فترة طويلة جدا مقرأتش حاجه رومانسيه بروح نفسية كدا
علي الرغم من اللغه اللي فالضياع لكن الفكرة ممتازة و حلوه جدا جدا
كان هيكون افضل لو تم السرد بالفصحي بدل العامية لكن علي كل حال الفكرة حلوه جدا جدا و تستحق التجربة و تستحق القراءه لان فعلا أكيد كل شخص هيلاقي نفسه في حكاية من الحكايات

[Aya Abdelhady · Rating 3 out of 5]

تلات نجوم بس عشان نصها الاولاني مكنش عاجبني خالص، كنت حاسه اني بقرأ رواية مراهقين، حب اعدادي وثانوي وجامعه، وناس يدوبك لسه متخرجه، استخدام مصطلح ( ولد ) علي كل الشباب اللي في الروايه بدل ( رجل) مثلا، انا مقتنعه ان الكاتب نفسه سنه صغير، اللغه برضو في النص الاول كانت متضايقاني جدا، رغم ان النص التاني مفيش لغه مختلفه بس يمكن عشان الحكايات نفسها اختلفت وبقيت اعمق فحسيت حتي اني متقبله اللغه بتاعتها، اواخر الصفحات كانت الافضل علي الاطلاق، هي اللي بينت المسج الحقيقيه من ورا الروايه، اتمني من الكاتب الافضل المره القادمه

[Aalaa · Rating 2 out of 5]

تصلح كمجموعة قصصية أكثر من كونها رواية، لكن في كل الأحوال لم أحبها.

[Shahd Eltaweel · Rating 5 out of 5]

My comfort book❤️

[Areeg · Rating 1 out of 5]

احلي حاجة فيه انه خلص😂😂

[إسراء هزاع · Rating 3 out of 5]

حلوه ومشوقه لكن ضعيفه شويه كرواية، مجموعه شباب في سن مراهقه مشافوش بعض من مدة وكل واحد بيحكي عن حاجات مخبيها وهكذا

[مُحمَد رمضان · Rating 4 out of 5]

اسم العمل: تانجل
المؤلف: إسلام شاهين
نوع العمل: رواية اجتماعية، رومانسية، نفسية
صادر عن: تويا للنشر والتوزيع
عدد الصفحات: 255

قريت للكاتب الروايتين تانجل، تانجل 2
ودي تاني مرة أقرأ فيها تانجل .. الرواية حلوة جدا واكيد هتلاقي نفسك جواها بشكل أو بآخر عشان كده كنت قررت من اول مرة قرأتها اني ارجع اقراها تاني، وبما اني مفلس ومش معايا فلوس ومقضيها pdf فقررت اقرأ حاجة من اللي عندي فقررت اقرأ تانجل لاني بصراحة توهت في الشخصيات في المرة الأولى 😂

_اللغة
معروف عن الكاتب أنه بيستخدم اللغة العامية في كل كتاباته حتى على الفيس، ودي لغة الرواية وعشان كده بعمل الريفيو بيها 😅
هي عامية بس مش ضعيفة خالص، عامية مقبولة.
رغم اني عندي تحفظ على نقطة العامية وبحسها بتقلل من أي عمل، لكن في النهاية هي أزواق، وده ميمنعش أن الرواية جميلة.

_السرد
يمكن أجمل ما في الرواية كلها هو السرد لانه بصراحة كان يعتبر شرح وافي للأحاسيس اللي بيحسوها شخصيات الرواية وبيوضحها أكتر.

_الشخصيات والأماكن
مرسومة أوي بدقة تتخيلها وتحس الأشخاص موجودين قدامك.

_الحبكة
ممتازة جدا في ربط الحكايات ببعضها، مش لغبطة وخلاص.

_النهاية
مفاجأة يا فوزي مفاجأة 😅 في ظل أنه منكد علينا طول الرواية ومنتظرين ننهيها بنكد لكن الحمد لله طلع عكس كده.

_التقييم
4/5

_كلمة للكاتب
طبعا الإهداء كان لدكتور أحمد خالد توفيق ربنا يرحمه، اتمنى تاخد منه حتة اللغة على الأقل، د.أحمد كان بيكتب بلغة عربية فصحى لكنها كانت قريبة جدا لينا يعني مش كلام مجعلص تتوه جواه، دي امنية مش اكتر.

_دلوقتي بقا اسيبكم تعيشوا مع الاقتباسات

" يا حبيبي كلكوا اتغيرتوا، حتى انت، فيكوا الي اتغير للأحسن، وفيكوا اللي حاله بقى أصعب من زمان، ولسه هتتغيروا تاني وتالت، ممكن بكرة تلاقي الحال اتبدل، اللي كان مكسور يقوم، واللي وصل في يوم لحد السحاب، تلاقيه وقع، التغيير هو الثا��ت الوحيد في الدنيا "

" الموهبة في البلد دي مش كل حاجة، الواسطة تغلب "

" وبعدين هو الصاحب ليه عند صاحبه إية غير إنه يسمعه ويحاول يساعده! "

" مش بيقولوا السكوت علامة الرضا؟
أوقات بيكون علامة التجاهل والإحراج، بدل ما نرد ردود سخيفة تجرح أكتر "

" أوقات قلة الاهتمام بتكون غصب عننا، أوقات بنبقى عايزين نسأل ونهتم طول الوقت، بس ظروفنا بتمنعنا "

" الوقت الحلو بيعدي بسرعة، معروفة "

" في حاجات عشان تحصل لازم تحصل في وقتها، تأجيلها بيموتها، ولو اتعملت بعد كده بتكون ماسخة وملهاش طعم "

" لو هو فعلا الشخص الصح يبقى لازم القدر يجمعكم تاني "

" مفيش حد في الدنيا يستاهل إننا نغير من نفسنا ومن طبيعتنا عشانه يا نور خاصة لو كنا حابين طبيعتنا دي وقابلينها زي ما هي، وخاصة كمان لو طبيعتنا دي كانت حلوة وكل الناس شايفينها حلوة! "

" " بحبك" كلمة من أربع حروف بس قادرة تهز كيانك وتحولك لإنسان تاني، إنسان مقبل على الحياة وشايف كل حاجة بنظرة مختلفة "

" شيء عظيم لما تحب حد بيشاركك نفس شغفك، وحلمه هو حلمك "

" احنا ممكن نعدي أي حاجة، ونسامح على أي غلطة، بس الخيانة لأ! الخيانة شيء لا يُغتفر! "

" مشكلتنا إننا لما بنوعد مبنفكرش في اللي جاي، بنفتكر اننا هنكون قد وعودنا، مشكلتنا إننا لما بنوعد بنكون في حالة صدق وثقة، بنكون واثقين من كلامنا وفاكرين إننا نقدر نعمل أي حاجة عشان اللي بنحبهم، أي حاجة مهما كانت، بس وقت التنفيذ الأمور بتختلف، بنلاقي إننا بنبقى محتاجين أوقات عشان نحافظ على وعدنا ده ومنخلفوش .. إننا نيجي على نفسنا، ونتحمل حاجات مش المفروض إننا نتحملها، لمجرد إننا وعدنا، لمجرد إننا منخلفش الوعود..! "

" إحساس زي الزفت والله العظيم لما متلاقيش أقرب حد ليك في اكتر وقت انت محتاجه فيه، وتلاقي حد تاني بيقف جمبك بداله! "

" واللي بيحب بجد مستحيل.. مستحيل يخون "

" دور على واحدة تقدّرك، وتقدّر إن انت مش سوبر مان، تقدّر إن هييجي عليك فترات تبقى مش قادر تهتم، وتبقى محتاج بس اللي يهتم بيك "

" دور على واحدة تفرح ببوكيه ورد بسيط في عيد جوازكم أكتر ما هتفرح لو جيبت لها خاتم ألماظ "

" دوري على ولد مهتم بمستقبلك وحياتك العملية بنفس مقدار اهتمامك انتي بيهم، اللي يشجعك عشان مؤمن بيكِ وبقدراتك وانك تقدري تحققي أي حاجة انتي عايزاها، ويثبت ده بالافعال "

" دور على إنسانة فاهمة يعني اية غيرة، وإن الغيرة من شيم الرجولة، إنسانة تصونك في غيابك وحضورك وترفع من شأنك قدام أي حد "

[Maioda El Fouly · Rating 5 out of 5]

الرواية حلوة جدا بصراحة ابتديت أقراها ومسيبتهاش غير لما خلصتها ممتعة جدا وحقيقية أوى وبتبين أهمية الصداقة فى حياتنا واختلافنا عن بعض فى الحب وتأثير اختلافتنا دى على علاقتنا بالشخص التانى ووجهة نظر كل واحد فى الصح والغلط فى تصرفاته والأخطاء اللى أغلبنا بيقع فيها فى العلاقات والفرق بين الحب الحقيقى والمزيف أو حب التملك وحلاوة البدايات والصعوبات اللى بنواجهها فى العلاقة مش معناها النهاية لو فى حب بجد هتكمل العلاقة وهتبقى النهاية حلوة زى البداية ولو مفيش هتبقى علاقة ضعيفة وهتنتهى عند أول مشكلة او صعوبات هنواجهها

[Hager · Rating 2 out of 5]

سيس بس لطيف..