رائحة الدم

انعتاق #1

by أيوب مدكوري

سيأتي زمن علي قوم قسموا بين البحر والبر. طغت علي قلوبهم البغضاء واحترقوا بنار الشيطان حتي انحفرت لعنته علي أجسام بعضهم قبل انشقاق القمر وانهيار السماء، فيحين يوم لا تنفع فيه قوة ولا جاه، لا مال ولا بنون، وتقوم العنقاء من رمادها وتنفخ الأبواق في السماء معلنة أنه حان يوم الانعتاق

Genres: Fantasy

296 pages, Paperback

Published January 1, 2019

Reviews

[sawsan bhaa · Rating 4 out of 5]

بالرغم ان الفانتازيا مش نوعي المفضل في الروايات بس حقيقي بحترم الكاتب اللي يقدر يخلق عالم او مغامرة فانتازية تعيشنا معاها ⁦❤️⁩
السبب اللي شدني للرواية دي حاجتين اولا لون وشكل غلافها 🙆 😂⁦❤️⁩
ثانيا النبذة ع الغلاف اثارت فضولي وان الرواية حواليها هالة من الغموض بشكل ما ..
الرواية بتتكلم عن ناس مؤمنين بدين "الهلييث" وده ظهر بعد الشر اللي سببه البشر لانفسهم وللكوكب اللي دمروه فربنا ارسل ليهم ملائكة بتعاليمه كفرصة تانية .. بس لان البشر نمرودين فحتى الفرصة دي رفضوها ..
الناس اللي قررت تأمن بالدين ده انتقلوا عشان يعيشوا ع جزيرة منعزلة ويتعبدوا ويمارسوا الدين براحتهم .. المغامرة بتبدا لما بطل الرواية يحاول يساعد صديقه من القبض عليه فيشوف شيء ماينفعش يشوفه لانه بيظهر ان جماعة الايدي البيضاء *اسم الجماعة الحاكمة* بتظهر الصلاح بس هي ف الاصل شيء فاسد .. يهرب البطل واصحابه لاعداء الجزيرة واسمهم الاحاديين جايز يلاقي عندهم وسيلة تساعده انه ينقذ اهل الجزيرة ..
الرواية مغامرة مثيرة ومشوقة جدا وبتتكلم عن أفكار كتير جدا .. الصراع ع الحكم ، اللامنتمي، ...
أكتر شيء لافت للنظر ف الاسلوب والسرد مدى سلاسته .. يعني الرواية خلصت ف قعدتين ، انقطاع الكهرباء له فضل كبير الحقيقة 😂 ..
لمحبي الخيال العلمي والفانتازيا فانا برشح الرواية دي 🌸

[Doaa Shehata · Rating 5 out of 5]

الحقيقة انا ببقى دايما متخوفة من اني أقرأ لكاتب جديد لكن استمتعت بكل سطر في الرواية طريقة سرد جميلة احداث متلاحقة مفيهاش اي نوع من المماطلة الغير محبوبة ..نهاية لائقة ورسالة جميلة رغم اني مش من هواة الخيال العلمي لكن القصة بالرغم من خيالها الا ان احداثها مش فانتازيا مملة
في النهاية احب اقول للكاتب احسنت وفي انتظار المزيد

[Ahmed Mostafa · Rating 5 out of 5]

الرواية دي تعتبر من اللألئ المخفية.. جميلة جدا و لكن للاسف مخدتش حقها في الانتشار و انا الناس تعرفها..

ندخل في المفيد

رواية رائحة الدم هي رواية فانتازيا بتورينا رؤية موازية لكوكب الارض و اواخر حياه البشر اللي عايشين عليه و لكن بفكرة مختلفة عن فكرة القوانين اللي البشر بيضعوها لنفسهم... هنا القانون عبارة عن دين سماوي اسمه الهلييث هو اللي متحكم في تصرفات بعض البشر من خلال اتباع تعليمات الدين ده و ده بيتم باشراف جماعه النورانيين اللي بيحاولوا انهم يخلوا الناس تتبع الدين الاخير في الزمان قبل يوم الانعتاق
*********************************************
ياريت ناخد بالنا ان دي رؤية موازية لكوكب الارض و مش الغرض منها التشكيك في الاسلام او اي دين تاني هي عبارة عن رواية فانتازيا في عالم شبه حقيقي
*********************************************

الرواية في الاول بتديك تلخيص سريع جدا للحياه اللي كانت على الارض لحد ما نوصل للحظة اللي هتبتدي منها الرواية مع البطل ادم و اللي بيكون لسه متخرج من المعبد و اللي المفروض انه يحضر احتفال تخرجه و يستلم شهادة التخرج و اثناء استلام الشهادة بيبدأ يشم رائحة دم... و تتوالى الاحداث بقى...

الكلام ده ميعتبرش حرق لقصة الرواية لان دي اول جزء فيها.. الرواية تفاصيلها كتيرة جدا جدا
*********************************************

لغة السرد و الحوارات كانت العربية الفصحى و كانت جميلة و بسيطة و في نفس الوقت ايقاع الرواية سريع جدا جدا يخليك على مستوى عالي من الفضول و عاوز تعرف ايه اللي يحصل .. ويمكن اللي ساعد على ده هو ان الرواية متقسمة على 3 فصول فقط و مفيش اي فواصل في النص ... فهتلاقي الكاتب عمال ياخدك من حدث للتاني للتالت و هكذا و كل ده من غير ما تفقد سير الاحداث او تحصل اي لخبطة

كمان قدر الكاتب انه يرسم الشخصيات ممتاز جدا فعرف يخليك تكره شخصيات بعينها و تحب شخصيات تانية و عرف يرسم المشاعر و الحالة النفسية لشخصيات الرواية اللي تقريبا كنت شايفهم قدامي و عارف اتخيل الاحداث كويس

الرواية و انتا بتقرا هتحس انها ممكن تكون متأثرة بافكار من قواعد چارتين و هاري بوتر و لكن مش مجرد نقل و خلاص هو عبارة عن استخدام افكار و تحويلها لمضمون الرواية و لكن الافكار نفسها كانت ملحوظة جدا

الرواية بتقدم من خلال دين الهلييث بعض الرسايل للقارئ في الحياه زي اهمية الاهتمام بالعبادة و مراقبة تصرفاتنا و ان ربنا معاك و شايفك

المونلوجات الخاصة ببطل الرواية كانت برده جميلة و بيتوضحلنا منها اد ايه الشخص ممكن يكون متماسك و من جواه يكون بيتكوي بالنيران

*********************************************
زي ما قولت فوق الرواية كان إيقاعها سريع جدا و ده انعكس على النهاية اللي كانت مختصرة بشكل سيء الصراحة و كان نفسي الكاتب يزود 50 صفحة فقط و يقفل بيها الرواية بحيث انها متكونش متسارعة اوي كدا

انصح بيها جدا لحد عاوز يقرأ عمل فانتازيا جميل و بسيط في نفس الوقت

و في انتظار ان الكاتب يكمل جزئها التاني ان شاء الله و اتمنى يكون شغال عليها و ميكونش جاله احباط و قرر يبطل كتابة

[Noura Abdelfattah · Rating 5 out of 5]

حكم الشهرة دى رزق .. يعنى لما تبقى فى روايات مالهاش معنى وتتشهر ورواية زى دى بالجمال والحبكة دى مش مشهورة ولا سمعت عنها ولا عن كاتبها تعرف انها ارزاق
الرواية جميلة مافيهاش غلطة بالنسبالى صح لغويا والاسلوب جميل والحدوتة حلو والخيال رائع والاحداث ماشية بسلالسة مش متكربسة ولا متفبركة تحس انك عاارف النهاية بس مبسوط فيها حلوة وهديها العلامة كاملة لانها فجأتنى الصراحة

[ريحاب · Rating 3 out of 5]

جميلة،بس مش ذوقي.

[Amira Beshir · Rating 4 out of 5]

◀️ الوصف :

- تدور أحداث الرواية في جزيرة "النور" التي تحكمها جماعة "الأيادي البيضاء" ، قبل مئة عام نزل النورانيون إلى أرض الجزيرة ، حاملين معهم عقيدة الهيليث ، التي اعتبرها السكان نوراً إلهياً وفرصة أخيرة لخلاص البشرية.
و مَنْ رفض الإيمان بها ، نُفي خارج الجزيرة ، وأُطلق عليهم اسم "الأُحاديين".

في هذه الجزيرة يتعلم الناس الخوف قبل المشي ؛ فهم يعيشون تحت ظلال نبوءة "يوم الانعتاق" ، اليوم الذي يعتقدون أنه نهاية البشرية.
وبعد مرور قرن كامل على ظهور النورانيين ، وُلد "آدم" شاب لا يحمل الحماسة ولا الإيمان الذي يملأ قلوب الآخرين.
لم يشعر يومًا بأن ما يُفرض عليه من معتقدات يُمثّله، ولم يرَ في "الهيليث" إلا فراغاً لا يصل روحه.
يكبر آدم وسط جيل لا يعرف غير القيود، لكنه يحلم بكسرها، والخروج إلي الجزيرة المحرّمة، وبكشف حقيقة العالم الذي لا يُسمح لهم برؤيته ، و حقيقة هذه الجماعة الغامضة التي تحكمهم وتتحكم بمصائرهم.

◀️ رأيي الشخصي :

- الروايه جميله جداً وأسلوبها سلس ومشوق ، مش هتحس انه اول عمل للكاتب
استمتعت بيها جدا ومحستش فيها بملل خااالص
أحداثها مترابطه والكاتب قدر انه يبني عالم خيالي متكامل الاركان
- برشحها جداااً لأي حد بيحب روايات الفانتازيا ❤️

ملحوظة :

- الجزء ده نهايته مقفوله بس في آخر صفحة من الرواية الكاتب أشار إن في جزء تاني
وعدي ٦ سنين وحتي الآن لم يتم الإعلان عنه ! 🤷‍♀️ ممكن اعرف فين الجزء الثاني 🤔🙆‍♀️

[FARAH SALMAN · Rating 5 out of 5]

بداية هذه الرواية تستحق القراءة وكل ثانية من وقتي ،حبكتها وطريقة الوصول للقصة نجح الكاتب في تمهيدها للقارئ، من يحب كتابات عمر عبد الحميد فإنها قريبة جدا منها، وايضا جمعت الى حد كبير بين بعض الانميات ك "هجوم العمالقة"و"نيفرلاند الموعودة "،واخيرا احي الكاتب على هذه الرواية واؤيد انها تستحق المزيد.

[Nour Mostafa · Rating 5 out of 5]

فكرة جميلة ومؤثرة، واللغة سلسة، استمتعت بقرايتها والاحداث مشوقة.
دي أول رواية اقراها في حياتي وكانت كويسة جدا.
انصح بقرايتها.
24/8/2020

[Book Lover ♥️ · Rating 5 out of 5]

أحببت الفانتازيا فى الرواية وترابط الاحداث الذى جعلنى انهيها فى جلسة واحدة لقد اصبحت من رواياتى المفضلة حقا

[REEM · Rating 3 out of 5]

-رواية جيدة في المجمل، و اعتقد ان اى حد قرأ قواعد چارتين و مهتم بنوعية الروايات الشبيهة بيها دى هتكون قراءة مسلية بالنسبة لهم.
- روايه مسلية بس حسيت ان النهاية و مشاهد المواجهة بين ادم و الايادى البيضاء متكروتة شويتين و مش بالقوة اللى المفروض تكون عليها بناءاً على النبوءة و كونهم شياطين و كل ده.
لأن بالمقارنة مشهد انقاذ الطائر الصغير كان أطول و موصوف بتفاص��ل اكتر بكتير من مشاهد القتال و المواجهات.
فى حاجات كتير متوقعة زى ايغور و علاقتة بادم و خيانات سيزر المتكررة.

[Ali Kha,=N · Rating 5 out of 5]

اول مرة أقرأ فيها رواية خيالية وكنت متخوف في البداية.لكنها الصراحة كانت مفاجأة كبيرة وسارة.استمتعت بكل لحظة قراءة ولم استطع وضعها من يدي حتى انهيتها بالكامل. برافو للمؤلف وفي انتظار الجزء الثاني والثالث

[Saher El-Shall. · Rating 4 out of 5]

مبسوط جدا بالتجربة الجديدة دى، نوعية مختلفة إلى حد كبير على الأدب المصرى، النهاية فقط كانت طفولية نوعا ما. من الكتب اللى لو قرأتها مرة ثانية أظن إنى هبقى مبسوط بنفس القدر الأول.

[Fatma Ismail · Rating 4 out of 5]

وجهة نظري الوحيدة..اعتقد ان كان لازم يشارك أصحاب "آدم" معاه ف اي موقف وميكونش هو البطل الوحيد وهو اللي بيعمل كل حاجة. 🤷🏻‍♀
لكن ف العموم..لطيفة ومسلية جدًا وان شاء الله أكرر القراءة للكاتب تاني ❤

[Sama Riad · Rating 4 out of 5]

اسم الكتاب: رائحة الدم
اسم الكاتب: أيوب مدكوري
عدد الصفحات: ٢٩٥
نبذة عن الكتاب:
"في زمن ما سيأتي الوقت الذي تنقسم فيه الشعوب، سيغضب القدير، سيسحب ملائكته، ولكن لكم فرصة واحدة لتكفير ذنوبكم ولكم ما شئتم من قرار"
تدور احداث الرواية في جزيرة "النورانيون" حيث أعطى القدير آخر فرصة للبشرية ليتبعوا دين "الهلييث".
آمن بهم البعض وشكك البعض في مصداقية الملائكة — فأُطلق على مغادرين الجزيرة "الأحاديين" —.
وعلى خط آخر بعد مائة عام من إنقسام البشر.
نتابع الأحداث من خلال أعين "أدم" ونشاهد تخبطه هنا وهناك ومعاناته كونه مختلف، ولكن هل للإختلاف ثمن؟
يشعر "أدم" ان هناك خطب ما، يدعو دينه للسلام ولكن هل لهذا الأمر صله بالحقيقة؟
تدور بنا الأحداث وتظهر الحقائق من مخبئها.
والأهم تنهض العنقاء من رمادها لتحمي المختار..

____
رأيي الشخصي:
*تنوية هام *:
تدور احداث الرواية في إطار من الفانتازيا حيث يخلق الكاتب عالم مختلف تماماً عما اعتدناه —يمكننا القول عالم موازي لعالمنا —، حيث ان هناك دين يسمي دين "الهلييث" انزله القدير على يد ملائكته "النورانيين".. ولا يقصد الكاتب التشكيك في الدين او غيره *الرواية من وحي خيال الكاتب *
___
اللغة:
السرد والتعليق والحوار باللغة العربية الفصحى

___
الأسلوب:
اسلوب الكاتب بسيط جدا وممتع ولكن الأهم عقليه الكاتب
أحببت تناول الكاتب للأحداث كثيرا الحبكة نفسها مبهرة جدا واحببتها كثيراً
خلق عالم جديد لم يخطئ الكاتب في اي شئ، أتقن كتابه الرواية جدا، اهتم بكتابة التفاصيل ليجذب إنتباه القارئ.
سرعة الأحداث جيدة جدا ربما عانيت قليلا في البداية شعرت ان سرعة الأحداث بطيئة ولكن في المنتصف الرواية بدأت الأحداث في الاشتعال ومعدل التشويق يرتفع.
رسم وبناء الشخصيات كان رائع أحببت شخصية "أدم" بطيبة قلبه
واعجبتني شخصية "سيزار" التي حيرتني كثيرا وفاجئتني كثيرا.
___
النهاية:
النهاية جميلة جدا، ترك لنا الكاتب باب صغير ليستكمل(سلسلة انعتاق)


____
في النهاية رواية "رائحة الدم" رواية من أدب الفانتازيا الخالص
جديدة من نوعها وتناقش موضوع هام ولكن من بين السطور
وانصح بها لمحبي الفانتازيا💙✨
وفي إنتظار الجزء القادم على أحر من الجمر 🥰
____
اتمني منكم زيارة صفحتي علي الانستجرام لمراجعة الكتب و الروايات
لمراجعات أكثر ✨💙
(@sama.books11)

[Amira Sameh · Rating 3 out of 5]

سيأتي زمن علي قوم قسموا بين البحر و البر. طفت علي قلوبهم البغضاء و احترقوا بنار الشيطان حتي انحفرت لعنته علي اجسام بعضهم قبل انشقاق القمر و انهيار السماء فيحين يوم لا تنفع فيه قوة و لا جاه، لا مال و لا بنون، و تقوم العنقاء من رمادها و تنفخ الابواق في السماء معلنة انه حان يوم الانعتاق.
- جدتي علمتني تن لا احكم علي الاخرين و انا لست في وضعهم. لكل شخص ظروفه و لكل منا ردة فعل مختلفة اتجاه اي ظرف صعب.
* فاصل شيق لرحله في عالم الفاتنازيا ، اول عمل اقرأه للكاتب لكن لحد ما جميل و شيق يجذبك من بداية قرأتك له، اسلوب السرد بسيط غير متكلف، انهيتها في جلسة واحدة رغم انه ليس نوعي المفضل في الروايات.
* اعجبتني فكرة ان احساسك و ما يمليه عليك قلبك صواب هما كان مختلف، و ان الله لم يخلق شيئا عبثا، ان كل منا خلق ليقوم بدور ما و يؤدي رساله ما.
الاختلاف تمييز فمهما اختلفت عن الاخرين لا تنزعج، كون الله خلق مميز.
* لا تظهر الحقائق علانية، فالفساد يخفي خلف ثوب الفضيلة، و يعتبروا الدين ستارة لاختفاء خلفها و يستمروا في السلطة و السيطرة علي القوم للوصول للاغراضهم لكن تبقي الحقيقة وجهها الاخر الذي مهما طال الزمان ستظهر عالية كضوء الشمس لتنير العقول و تزهق غياهب الباطل .
#رائحة_الدم
#أيوب_مدكوري

[baby Lopez · Rating 5 out of 5]

رواية كاملة متكاملة. حبكة رائعة، اسلوب سهل وسلسل،معاني وعبر تم دمجها وسط الاحداث جعلت من الرواية عملا مثقلا بالافادة خصوصا للقراء الشباب والمراهقين.
سهولة تخيل الشخصيات ساعدت كثيرا في جعلي ارتبط بجلها، الشريرة منها والطيبة.خصوصا شخصية ادم الفريدة من نوعها، ومايا وسيلينا
لا استطيع التصديق ان هذا هو العمل الاول للكاتب، كمية الابداع في خلق الشخصيات والتفاصيل مثيرة للدهشة، دقة تفاصيل متناهية تجعلك تصدق ان عالم جزيرة النور والارض الاحاديين ويوم الانعتاق حقيقة لا شك فيها..
هذا العمل يستحق نجاحا كبيرا ، وكاتبه دعما اكبر. ان كان الجزء الاول من الثلاثية بهذه الروعة فكيف يا ترى ستكون الاجزاء القادمة؟ متمحسة جدا لتتمة العمل ومعرفة كيف ستكون النهاية لهذه الثلاثية الملحميةـ، التي في نظري من المفترض ان تلقى نفس قوة تسويق ارض زيكولا وقواعد غارتين من طرف دار النشر المكلفة، فهي في نفس المستوى وقد تبدو افضل خصوصا لمن سيقرأ رواية للمرة الاولى
أنصح بها بقوة محبي الفانتازيا وايضا من لا يستهوون هذا العالم مثلي، ستكون مفاجأة سارة.في انتظار الجزء الثاني

[Selsabil Yahiaoui · Rating 4 out of 5]

أطول فترة استغرقتها في قراءة رواية كانت مع هاذي ، لا أعرف السبب ولا أستطيع أن أقول انها مملة القصة جميل و بسيطة لست انتقادية كثيرا لذلك سأشارك بعض النقاط التي ستساعد القراء الجدد في تحديد اذا كانت مناسبة لذوقهم :

١ - القصة ليست بجديدة ولا بقديمة ربما تكون مرت عليك في رواية أخرى قصة مشابهة لها لأنها تتكلم عن شعب في جزيرة بمعتقدات خاطئة حول ما هو خارج الجزيرة و ما إلى ذلك ...

٢ - لكل من يحب التفاصيل في الروايات هذه الرواية لا تهتم كثيرا بها سرده جميل لكن كان من الممكن يكون أفضل بكثير بالنسبة لي ..

٣ - الرواية فيها بعض المصطلحات التي من الممكن أن يجدها البعض خادشة للدين و ما الى ذلك فقط للتنويه..

٤ - النهاية مفتوحة لجزء ثاني اظن مع انه لم بذك وجود جزء لكن النهاية تشير إلى ذاك ..

قراءة ممتعة ❤️

[Aya sufian · Rating 5 out of 5]

اقتباس : ان الاتحاد يخلق المعجزات وان الدين واختلاف الاعراق لايمكن ان يقضي على الدين الموحد لنا جميعا ،دين الانسانية ...

مستغربة انه هذا الكتاب ماشتهر انا سحبته من المكتبة قبل اشهر ولا شعوريا اشتريته رجعت للبيت حسيت غامض من غلافه دورت ع نت ع كاتب عن اراء الناس ماشفت اي شي استغربت وحسيت اني راح اتندم من قريته ماردت اتركه ولا ثانية حبيت شخصية ادم وابدعت بكل ماتحملهُ من معنى وتقييمي خمسة من خمسة بكل جدارة ...

[Lili allam · Rating 5 out of 5]

رواية مليئة بالمغامرات والاحداث المشوقة.والاهم أن الاسلوب سلسل سهل دون تعقيدات وعرض عضلات لغوية.لذلك أنصح بها من لا يحب القراءة او ينوي البدأ بقراءة الروايات.صالحة أكثر للمراهقين والشباب ومحبي الفانتازيا.
شخصية آدم أقل ما يمكن القول عنها أنها أجمل ما في الراوية..رغم ان العمل فانتازيا محض،الا ان ادم يشعرك أنه شخصية حقيقية بتفاصيلها الدقيقة ، عيوبها ومحاسنها.لذلك أحيي الكاتب الذي اخترع هذه الشخصية والتي يبدو أنه استوحاها من الواقع.
متحمسة جدا لقراءة أعمال أخرى للكاتب كوني أحببت أسلوبه البسيط

[Safaa Nasser · Rating 4 out of 5]

The Hunger Games أعجبني جو الفانتازيا الرمزي. أشعر بتأثير
تأخذك إلى الأجواء الأسطورية التي تميز بها محفوظ في روايات على غرار رحلة أبن فطومةو"ليالي ألف ليلة". تشريح لأنظمة الحكم التي مر بها الإنسان و تحليل لفكرة المجتمع اليوتوبي المثالي.. لنكتشف في النهاية أن الدين/المبدأ/القيمة، مهما كانت عظمتها كفكرة، فإن الإنسان هو الذي يطبقها، وهي بالتالي عرضة لأهواء و مطامع الانسان

[Ahmed Aboud · Rating 4 out of 5]

الروايه جميله فعلا وممتعه لدرجه اني خلصتها في يوم واحد فقط ، الكاتب اسلوبه جميل علي الرغم من انها روايته الاولي ( علي حد علمي ) ، الفانتازيا عنده هايله ككتاب اول ،العيب الوحيد بالنسبه ليا هو الجزء الديني ، كنت اتمني ابقي فانتازيا فقط من غير التطرق الي الدين وخصوصا في بعض الحوارات بين النورانيون والاحاديون .
بس في المجمل الروايه جميله فعلا وتستحق القراءة.
وفي انتظار القادم

[منار حارس · Rating 5 out of 5]

عمل جميل جدا، اول مرة أقرأ رواية في حياتي وكنت متخوفة جدا من اني راح أحس بالملل، بس خلصتها في يوم ما قدرت أتركها من إيدي. شخصية آدم رااااااائعة جدا جدا جدا وقعت بغرامو. منتظرة بفارغ الصبر الجزء الثاني عشان اعرف شو راح يصر معو

[Nissrine louly · Rating 5 out of 5]

قصة جميلة مليئة بالعبر الحسنة للجيل الناشئ وحتى الكبار أيضا.أمضيت وقتا ممتعا في القراءة
المقاربة بين الدين والسياسة في قالب أسطوري فانتازيا تمت بلورتها بطريقة سلسلة وممتعة
لغة سهلة جدا دون تعقيدات
أحداث متتسارعة ووصف دقيق جدا لجميع التفاصيل
هنيئا للكاتب ودار النشر

[Hana · Rating 5 out of 5]

رااائعة..فكرتني بروايات عمرو عبد الحميد بل وتفوقت ..حقيقي كانت اجمل صدمة ليا لما اشتري رواية معرفش مؤلفها ولا سمعت عنها قبل كده ولا قرأت review واحد لها بل وترددت جدا قبل ما ابدأها لاكتشف انها من اجمل ما قرأت
شكرا للمؤلف وفي انتظار اعماله القادمة

[Mohamed Ali · Rating 4 out of 5]

رواية جميلة جدا ..يكفى التشويق المستمر طوال القراءة بدون ملل نهائي..وسهولة تخيل الاشخاص...
رواية ممتعة تستحق القراءة...بداية موفقة ف انتظار الجديد

[Ahmed · Rating 4 out of 5]

حلوة جدا فيها شبه من ارض زيكولا
مش عارف فعلا ليه مخدتش حقها في التسويق و الإنتشار و ليه مش ناس كتير قريتها

[Marwan Abdrabou · Rating 5 out of 5]

روايه راءعه جدا

[Basmalah Hani · Rating 5 out of 5]

روايه رائعه بجد🥺♥️♥️♥️

[Fatma waheed · Rating 2 out of 5]

اللي عجبني في الرواية انها نقاشت موضوعات كتيرة بطريقة مختصرة الالحاد الايمان المثلية الخيانة بس معتقدش انه هيكون في جزء ثاني زي ما الناس بتقول مش شايفة ان نهايتها مفتوحة

[Sofia · Rating 5 out of 5]

رواية تستحق كل التشجيع والتنويه.متكاملة من كل الجوانب،واعدة لبداية ثلاثية ناجحة بكل المقاييس.هنيئا للكاتب