فضول

by محمود محمد محمود

رواية "فضول" تدور أحداثها في إطار من الخيال والتشويق المثير، حول ما الذي يمكن أن يعرفه المرء إذا ما تم منحه الفرصة للبحث والتدقيق في أسرارًا وخبايا أقرب الأشخاص لديه، ليكتشف بعدها أمورًا وعلاقات خفية معقدة للغاية، لم يكن يدور في مخيلته أن تحدث.

297 pages

Published December 1, 2018

Reviews

[Victoria · Rating 3 out of 5]

رواية مليئة بالإثارة والتشويق واسلوب كتابة قوي. الشخصيات مستقاة من الواقع لكن كثرة الأحداث تشعرك كأنك تشاهد فيلما دراميا مثيرا. الكاتب استخدم اللغة العامية بكثرة وودت لو خفف استخدام الكلمات النابية. هناك مثل انجليزي يقول"الفضول قتل القطة" وهذا ما حدث لبطل الرواية مجازيا وفعليا. أحيانا الجهل نعمة لكن البشر فضوليين بطبعهم. بانتظار المزيد من الأعمال القادمة وبالتوفيق.

[Mohamed Jamal · Rating 2 out of 5]

الرواية جيده خصوصا وانها تجربه اولي للكاتب، ولكن يعيبها كثرة استخدام العامية والمغالاة في بعض الأحداث وكأن الكاتب يحاول بكل جهده ان يفاجئ القارئ وان يصدمه .

[Toka Elhossiny · Rating 4 out of 5]

الروايه بتحكي عن "حامد"الشخص اللي مش شايل الدنيا هم وزي ما بنقول كدا عايشها لمزاجو ومش شايل مسؤليه حاجه وهيفضل بعيد عن بيتو واهلو لحد ما هيقابل "فريد"الشخص اللي هيشقلب حياتو وحامد هيكون ليه تاثير كبير علي حياه فريد بس للاسف الاتنين اثرو في حياه بعض بالسلب وفريد هيعرفو علي تجربه هتخليه يكشف حقيقه الناس حواليه عن طريق ان يخليهم يفقدو جزء من وعيهم ويخليهم يتكلمو بصراحه فضول حامد هيخليه يجرب ويكشف حقيقه الناس حواليه وهل هما بيكدبو عليه ولا لا وان الصوره اللي هو شايفه لاهلو ولبيتو دي الصح ولا في صوره تانيه هو ميعرفهاش ....
-احداث الروايه مكانتش ممله خالص وحتي لو كان فيها جزء من الخيال ف محستش معاه بالملل وكنت مندمجه مع الاحداث بس ف الاول كان في جزء لخبطه ف الشخصيات مكنتش فاهمه كانت الاحداث داخله مع بعض دا خلاني متلخبطه بس عبال ما جمعت كنت تقريبا ف الصفحه ال150بش مكانش في شعور بالملل علي الرغم من اللخبطه اللي كانت فالاول بس عرفت ان دي اول تجربه للكاتب ف انو قدر يطلعو بالشكل دا ف الروايه طلعت منو بشكل كويس جدااا وباين المجهود اللي اتعمل فيها وفي انتظار الاعمال الجايه
-اللغه اللغه اللي مكتوب بيها الكتاب سهله وبسيطه كانت الاحداث بالفصحي (البسيطه) والحوار بالعاميه ف الغالب مبحبش العاميه ف الروايات لكن ف الروايه طول مانا بقرأ كنت شايفه ان الروايه لو كانت اتكتبت باي طريقه غير اللي اتكتبت بيه مكانتش هتكون بنفس جمالها وكان هيكون في ملل وقت ما بقرأ
-الاسلوب..اسلوب الكاتب بسيط جدا ومناسب جدا او حد لسه بيبدأ قراءه او حد في فتره انو مش بيقرأ حاجه الروايه هترجعك لمود القراءه تاني او لو حد عايز كتاب خفيف يفصل بيه بين كتابين هيكون مناسب جدا وهرشحو لناس كتير باذن الله
-ف النهايه الروايه حلوه جدا واستمتعت بيها وفي انتظار الافضل من الكاتب
-التقييم 4/5بسبب اللخبطه اللي كانت ف الاول ف الاحداث والنهايه مكانتش واضحه بالنسبالي خصوصا الجزء بتاع صاحب "عصام " مكانش واضح طبيعه الحوار بينهم اي حصل حكي اللي كان واضح خلتا الروايه ولا زود حاجه ورد فعل حامد كان ايه معاه
وتاني حاجه ان الغلاف مش واضح او ملهوش علاقه بالروايه ف لو في توضيح للنقطتين دول..
غير كدا الروايه حلوه جدا واحسن من كتاب كتير موجودين دلوقتي

[Malak Sobh · Rating 5 out of 5]

طريقه الكتابه و سرد الاحداث و غدم توقعها و القصه و الشخصيات و كل حاجه ولا غلطه اتمني من الكاتب انه يكتب كتب اكتر لان بجد اسلوبه في الكتابه ولا غلطه 5من5 بدون تفكير من كتر ما تعمقت مع الكتاب و الشخصيات و القصه و الاحداث بقيت حاسه بشمازاز حرفيا و ده يعرفك ان الكاتب زكي و اسلوبه ممتاز انه يحسسك انك عايش جوه القصه و الروايه بشكل كبير