الكتاب كنت اعتقد انه هيكون نسخة مخففة من قواعد السطوة يعيبه الاختصار المخل ...الاخطاء الاملائية الكثيرة . و قلت و ماله يمكن يعلمنى حاجة . و ياخد 4/5 /b>
لينقسم ل جزئين ..جزء مقولات مباشرة عن الدهاء لا اعرف ما فائدتها و جزء اخر عن الشخصيات بشكل مجرد ولد امتى و مات امتى و قام بغزوات و حروب ايه و تعدادها كام ... يخلط المؤلف و بشكل غريب ما بين القوة ..الادارة ..السيطرة .. الفوز العسكرى و الحربي و الدهاء فمثلا جيش 300 الف انتصر على جيش 250 الف ...فين الدهاء ؟ ما طبيعى ينتصر و يفرض انه بيحكى عن جيش 250 الف هو اللى انتصر على 300 الف ...فانه لا يحكى تفاصيل كيف تم هذا الانتصار و ما دخل الدهاء و الذكاء فيه
واضح ان الكاتب كان بيكتب عن الشخصيات بمقدار ما قرأه عنها ..قرأ عن فلان كتير تكون النتيجة فصل مطول عن فلان ...قرأ عن فلان قليل او ملحقش ف بيستعين ب المسلسل اللى اتعمل عن الشخصية عشان يطلع منه اقوال قالها الشخص الشهير او ملخص ل حياته و شكرا و عشان كدا نقص الكتاب نجمة كمان عشان ضعف البحث
بقا 3 / 5
و كانت القشة التى قصمت ظهر البعير ...الناهية بالنسبة لى ف الكتاب حينما قام ب حشو الكتاب ب خرائط عن اتساع كل امبراطورية تاريخية و حينما افرد فصل ل احدى شخصيات مسلسل Lost بصفتها رمز للدهاء