За два дена рече „Да“

by Душко Трифуновски

Роман што изобилува со смеа и хумор, зачинет со неочекувани пресврти во животот на млади луѓе. Тој млад и оставен, а таа млада и никогаш вљубена!

152 pages, Paperback

Published January 1, 2018

Reviews

[Никола Митовски · Rating 4 out of 5]

„За два дена рече ‘Да’“ од Душко Трифуновски е вистински освежувачко четиво што се чита во еден здив. Станува збор за книга што умешно ја комбинира секојдневната реалност со препознатлив македонски хумор, полн со иронија и сарказам. Приказната е едноставна, но мошне ефективна – толку жива и шармантна што читателот несвесно се смее гласно дури и во јавен превоз.

Она што особено плени е леснотијата со која авторот гради ликови – блиски, препознатливи, како некој што го знаеме од маало. Хуморот не е насилен, туку природно произлегува од ситуациите и дијалозите, а токму таа природност ја прави книгата толку заразна и симпатична.

Иако се насмеав до солзи, зад сето тоа лежи и критика кон секојдневните апсурди, кои авторот ги разоткрива со финта и умешна доза сарказам.

Одлично четиво за секој што сака да се опушти и насмее, но и да види колку вистините можат да бидат смешни – ако се кажат на вистински начин.

[Biljana Ilioska · Rating 5 out of 5]

Одлична книга полна со емоции.Браво Душко Трифуновски секоја чест за овој роман. Прекрасна романтична комедија која толку многу ме расположи, се смеев на глас, но истовремена полна со љубов која ме исполни со позитивни емоции. Веќе 2 месеци одложував да ја прочитам незнаев дека е толку многу убава. Книга што заслужува да биде најпродавана книга и посакувам да биде преведена на сите јазици. Книга која топло на сите Ви ја препорачувам и која ја оценив со 10+ :-) :-) :-)

[Stefani · Rating 2 out of 5]

Душко ми е пријател и искрено ми е жал што не можам да дадам повисока оценка, ова воопшто не е мој стил на книга, но си зацртав да читам повеќе македонски автори во 2020.

[Eve · Rating 3 out of 5]

2.5/5