استروكس

by نادر بكر

180 pages, Paperback

Published January 27, 2018

Reviews

[Karim Saber · Rating 1 out of 5]

رواية سيئة جدًا جدًا أمانة يعني، كنت مسافر ولقيت واحد صاحبي شاريها من المعرض في وسط الحجات فقرأتها في المواصلات وكدا.. نجي للرواية بقى، اللغة حدث ولا حرج.. ما شاء الله قمة في السوء، ودايمًا متعودين لما تكون اللغة سيئة نقول عليها "ركيكة" لكن اللغة هنا " مقريفة" على فكرة لفظ مقريفة ده هو مستخدمه ^ ^ مش عارف ليه هو مصمم إنه يستخدم ألفاظ سيئة زي فشخ وميتين امي وكدا.. ليه مش عارف أمانة ^ ^

السرد بقى قمة في السوء ما شاء الله

الحوار: زي ما بنقول.. أي كلام في أي مكان وأي حاجة في أي حاجة عشان تعمل حوار أي عيل ماشي هيعرف إنه ساذج

الحبكة والقصة عمومًا فيلم عربي مهروس ألفين مرة، مش عارف واحد كل شوية بيتهاياله حجات، وبعدين في الآخرة يطلع عوالم موازية وبعدين لا ده عقله الباطن وبتاع!! لا ياراجل!!

مساء الفل ^ ^

[Olivia Safwat · Rating 1 out of 5]

هو اللي انا قريته ده للأسف لا يرقى لمسمى رواية خالص.. خليني اكون امينة واقول ان كاتب "الحتة" دي موهوب وخياله واسع وعنده افكار.. لكن مش مدعى للفخر خالص انك متكونش قريت ولا رواية ف حياتك ومتعرفش اذا كان في قواعد للسرد ولا لأ عشان للأسف في قواعد للسرد والحبكة والتسلسل وعرض الافكار والحركة بين فصل والتاني .. والنوع اللي انت داخل تلعب بيه ده بالذات لازمله شغل كتير جدا ودراسة كتير جدا وسد ثغرات كتير اوي ممكن تظهر لعيل صغير مش حد قرا قبل كده.. مع كامل احترامي ليك ككاتب رواية مبتدئ (وعارفة انك كتبت سيناريوهات قبل كده) دي مش لغة موضوع تعبير لحد في أولي اعدادي حتى.. الموضوع معالج بسطحية فظيعة ومسلوق جدا وكأن القارئ جالك في وقت انت مستعجل فيه.. دي كانت تصلح draft لأول رواية في حياتك هتشتغل كتيييير على نفسك عشان تبقى رواية بجد.. من حيث اللغة والعرض والدراما والمعلومات العلمية والقصة اللي اتظلمت واتعرضت عرض مفكك جدا وضعيف جدا ..

اتمنى الرواية الجاية الاقي الافكار الكويسة دي معروضة عرض محترم وباين فيها مجهود ومتكلفة شغل اكتر من كده وربنا يوفقك

[Mohammed Sayed · Rating 5 out of 5]

اكتر روايات بعشقها ف حياتي هي الروايات اللي فيها جانب نفسي.. بجد ايه العظمة والابداع دا.. انا كنت حاسس بكل حرف ف الرواية كأن انا اللي عايشها بالظبط.. حسيت فيها شوية من فيلم اسف على الازعاج وفيلم A beautiful mind وان الlevel بتاعها ف الدقة عالي زيهم.. متوقعتش ابدا بعد كتاب "اللبوسة" ان نادر ممكن يكتب حاجة بالعظمة دي.. حقيقي حقيقي من أعظم الحاجات اللي قريتها ف حياتي وتستاهل تبقى ضمن الfavorites ♥️

[Sarah K. Lotfy · Rating 2 out of 5]

توقعت حاجة احسن من كدة بكتير .. طريقة السرد و الوصف ضعيفة محتاجة شوية حلوين عشان تطور .. الخط كبير اوي و صفح فاضية كتير و مع ذلك مكملتش ١٨٠ صفحة!! معجبتنيش لا للأسف توقعت حاجة تانية بس يحسب لها اني شدتني اكملها للاخر عشان اعرف النهاية ..