Gister is verby

by Juanita Aggenbach

’n Deernisvolle verhoudingsroman oor borskanker en die invloed daarvan op verhoudings. Nadine se wêreld stort in duie wanneer ’n doodgewone doktersafspraak ’n skrikwekkende vonnis oplewer. Skielik moet sy nie net borskanker se onmenslike aanslae op haar gesondheid, menslikheid en vroulikheid leer hanteer nie, maar ook die reaksies van hul vriendekring en haar man, Pierre. Maar ook Pierre voel magteloos. Hy soek desperaat na antwoorde en begin stelsematig sy plek in hul verhouding bevraagteken. Hoe het hulle onderskeie rolle binne hulle huwelik verander? Sal hulle ooit eendag ouers kan wees? Hoe leer Nadine en Pierre om mekaar weer opnuut te ondersteun? In Gister is verby wys Aggenbach hoe geliefdes, te midde van talle struikelblokke, kan groei en saam sterk kan word.

403 pages, Kindle Edition

Published October 2, 2017

About the author

Juanita Aggenbach se debuutboek, "Dis my geheim", wat ʼn topverkoper was, is in 2012 gepubliseer. "Op die horison" ver is haar eerste romanse in die Romanza-reeks en ʼn derde boek is spoedig op pad. Wanneer sy nie skryf nie, is sy ʼn deeltydse kriminologiedosent, en speel sy graag kitaar en klavier. Sy leef haar skryf- en musiektalent uit, uit dankbaarheid vir die Here vir wie sy baie lief is. Sy is ʼn huishen en op haar gelukkigste wanneer sy tyd met haar man en twee dogters in hulle huis in Durbanville spandeer.

Reviews

[Madri · Rating 4 out of 5]

Gister is verby bekyk die intieme gesinslewe en die invloed wat trauma daarop het. Dit vertel met deernis en insig (en rou eerlikheid) wat tussen 'n man en vrou gebeur wanneer Nadine op jong ouderdom met borskanker gediagnoseer word.

[Estè Freysen-Odendaal · Rating 4 out of 5]

Nie ‘n ligte lees nie maar ‘n moet vir almal om te kan verstaan hoe jy die groot K uit verskillende oogpunte ervaar