المنظر

by تميم البرغوثي

.
.
في العالم العربي تعيش
كما قط ساكن تحت عربية
عينيه ما تشوفش م الدنيا دي حاجة الا الجزم

في العالم العربي تعيش
كما بهلوان السيرك تحتك بهلوان دايس عليه
وفوق دماغك بهلوان دايس عليك
والكل واقف محترم

في العالم العربي تعيش،
مباراة بقى لها ألف عام
لعيبة تجري يمين شمال
والكورة طول الوقت في إدين الحكم

في العالم العربي، تقول للبنت حبيتك
وتبقى البنت بتحبك، وبتموت فيك
تناولك بالألم

في العالم العربي تعيش
تشتم في طعم المية والطعمية والقهوة وروادها وفى مراتك وأولادها وحر وزحمة الأتوبيس
وفي اللي بيعمله إبليس، وفي التفليس
ولو سألوك تقول الحمد لله ربنا يديمها نعم

Genres: Poetry, Ebooks

90 pages, Paperback

First published January 1, 2002

About the author

Tamim Al-Barghouti (Arabic: تميم البرغوثي‎, born 1977, Cairo) is a Palestinian poet and political scientist,Al Barghouti writes poetry in Standard Arabic as well as the Palestinian, Egyptian and Iraqi colloquial dialects. He obtained a B.A. in Political Science at Cairo University in 1999, and specialized in International Relations at the American University in Cairo, from which he graduated in 2001. He received a PhD in political science from Boston University in 2004, and became an assistant professor at the American University in Cairo in 2005. During 2003 and 2004, he wrote a weekly column in the Lebanese Daily Star newspaper on colonialism and Arab history and identity.



شاعر فلسطيني، اشتُهر في العالم العربي بقصائده التي تتناول قضايا الأمة، وكان أول ظهور جماهيري له في برنامج أمير الشعراء على تلفزيون أبو ظبي، حيث ألقى قصيدة في القدس التي لاقت إعجابا جماهيريًا كبيراً واستحسان المهتمين والمتخصصين في الأدب العربي
ولد بالقاهرة، عام 1977 لوالده مريد البرغوثي و والدته رضوى عاشور
حاصل على الدكتوراه في العلوم السياسية من جامعة بوسطن بالولايات المتحدة الأمريكية عام 2004 ،عمل أستاذاً مساعداً للعلوم السياسية بالجامعة الأمريكية بالقاهرة، ومحاضراً بجامعة برلين الحرة، كما عمل بقسم الشؤون السياسية بالأمانة العامة للأمم المتحدة بنيو يورك، وبعثة الأمم المتحدة بالسودان، وباحثاً في العلوم السياسية بمعهد برلين للدراسات المتقدمة وهو يعمل حالياً أستاذاً مساعداً للعلوم السياسية في جامعة جورجتاون بواشنطن،له كتابان في العلوم السياسية: الأول باللغة العربية بعنوان: الوطنية الأليفة: الوفد وبناء الدولة الوطنية في ظل الاستعمار صدر عن دار الكتب والوثائق القومية بالقاهرة، عام 2007، والثاني بالإنجليزية The Umma and the Dawla: the Nation state and the Arab Middle East عن مفهومي الأمة والدولة في العالم العربي صدر عن دار بلوتو للنشر بلندن، عام 2008
له خمسة دواوين مطبوعة هي:

ميجنا، عن بيت الشعر الفلسطيني برام الله عام 1999 وهو ديوان منشور باللهجة الفلسطينية
المنظر، عن دار الشروق بالقاهرة عام 2002 وهو ديوان منشور باللهجة المصرية
قالوا لي بتحب مصر قلت مش عارف، عن دار الشروق بالقاهرة عام 2005 وهو ديوان منشور باللهجة المصرية
مقام عراق، عن دار أطلس للنشر بالقاهرة عام 2005 وهو ديوان منشور بالعربية الفصحى
في القدس، عن دار الشروق بالقاهرة عام 2009 وهو ديوان منشور بالعربية الفصحى
ازدادت شهرته إثر اشتراكه في برنامج أمير الشعراء الذي أذيع على تلفزيون أبو ظبي مؤخرا،عرف بحضور القدس الدائم في شعره وانتصاره لقضية شعبه، ومن قصائده التي اشتهرت بشكل واسع قصيدة في القدس إضافة إلى عدد من القصائد الأخرى منها:

أمر طبيعي
الجليل
جداتنا
ستون عاما ما بكم من خجل
كانت قصيدة في القدس هي الأوفر حظا من حيث الاهتمام على الصعيد النقدي والأ

Reviews

[BookHunter M ُH َM َD · Rating 2 out of 5]

عجبتني جدا قصيدة الشطرنج لكن الباقي مش بنفس المستوي

الملك الأسود في الشطرنج
وقف قلقان
قدامه ميدان
مليان دخان
ورماح وسيوف
بيبص يشوف
الجيش مكشوف
فرسانه الزنج
الموت أستيكة وهمه حروف
سكرات البنج
منبه خوف
خض الفرسان
عدل العمة ونفض العفرة عن القفطان
أصل السلطان
كان ودي عساكره تدافع عنه ف كل مكان
كيف ما بداله
يمينه شماله
ودٌي رجاله
علي أفياله
وخيل خياله
حتي الطابية اللي باقياله
ووزيره وحاله ومحتاله
يموتوا بداله
في الأول كان هادي باله
موتهم مش مشكلة بالمطلق
دول بيموتوا لجل حياته
لكن لما الوضع تطور
فجأة تذكر
إنه العسكر
لو ماتوا
وبقي لوحده
من غير جنده
وحماته
حتما يخسر
حك اللحية ملكنا وفكر
ملك الأبيض برضه مقلق
هو صحيح عايق ومشبرق
لسة العفرة ما وصلتلوش
بس الحظ ما بيحبوش
في العادة بيخسر حروباته
وحظ الملك الأسود يفلق
جند الأبيض هاجم أيوه
بس مفرق
والدنيا مش دايما حلوة
يبقي عدوك عايز غلوة
تيجي عليك من دونه البلوة
الأبيض فاقد أعصابه
والأسود موته علي بابه
من فتحة ما بين فارسين
بصوا علي بعض الأتنين
لحظة وجات العين في العين
الأتنين بصوا علي بعض
والقتلي ماليين الأرض
عرض الأول ع التاني
قام التاني قبل العرض
وادي يا سيدي نص جوابه:
بعد السلام
يا جلالة الملك الهمام
أعرض عليك وقف الخصام
عارف جلالتك طبعا انه اللعبة دي
ما بتنتهيش
إلا إذا واحد من الملكين يموت
لكن إذا ماتوا الجنود م الجانبين
نقدر أنا وإنت نعيش
و اللعبة تخلص بالتعادل
وعليه يا صاحبي المبجل
أطلب إليك ارسال جيوشك للتقاتل
حيث تُقتل
وأنا كذلك بالتبادل
و اللعبة تخلص بالتعادل
زي ما أسلفت لك
ويا حبذا أيضا إذا ما حلفت لي
وحلفت لك
إن العداوة بينا تصبح كالمفيش
وبلاها جيشا
ثم السلام أحسن ختام
يا جلالة الملك الهمام
قُبل الحل الأنساني
من غير كاني ولا ماني
وراح الجند المتفاني
ميت فاني
وفضلوا الملكين الأحرار
يتلقوا مباركة وتهاني
لاجل إيقاف إطلاق النار
صبح الأسود والأبيض
أحسن أحباب
وبقوا جيران الباب في الباب
صبح الأبيض والأسود
زي الأخوان
ما بقاش ده أبيض ولا ده أسود
لكن ألوان
واتشبًك نسج الأنساب
زينة وبهرج سلطاني
نور الرضا تحت تيجانهم
ماليين نشرات الأخبار
وفضلوا العسكر ف ميدانهم
موتي حافظين الأسرار.

[Hussam Aql · Rating 2 out of 5]

.اعتدت على تميم في الفصحى.. ومن محبيه، العاميّة ليست كاره

[Nouru-éddine · Rating 3 out of 5]

***

[Muhammed Hebala · Rating 5 out of 5]

انا لاول مرة اقرا شعر لتميم البرغوثي..ولكن ادهشني اسلوبه و اختيار كلماته , لدية براعة وابداع فى اختيار الافلاظ وتعددها وتنوعها غير عادى
ذكاء لفظى فعلا عالى جدا

____________________________

قصيدة أوضة دي تحفة بجد

أنا اللي حاطط أحزاني في الأحباس و إن مرة هربت تحبسني أحزاني
و هيّ شاطرة تضحك على الحرّاس و أنا في ضلوعي سجني و سجّاني

____________________________

في العالم العربي تعيش
كما قط ساكن تحت عربية
عينيه ما تشوفش م الدنيا دي حاجة الا الجزم

في العالم العربي تعيش
كما بهلوان السيرك تحتك بهلوان دايس عليه
وفوق دماغك بهلوان دايس عليك
والكل واقف محترم

في العالم العربي تعيش،
مباراة بقى لها ألف عام
لعيبة تجري يمين شمال
والكورة طول الوقت في إدين الحكم

في العالم العربي، تقول للبنت حبيتك
وتبقى البنت بتحبك، وبتموت فيك
تناولك بالألم

في العالم العربي تعيش
تشتم في طعم المية والطعمية
والقهوة وروادها
وفى مراتك وأولادها
وحر وزحمة الأتوبيس
وفي اللي بيعمله إبليس، وفي التفليس
ولو سألوك تقول الحمد لله ربنا يديمها نعم

في العالم العربي تعيش
كما دمعة في عيون الكريم المحنة تطردها يرجعها الكرم

في العالم العربي تعيش
تلميذ في حوش المدرسة
من غير فطار
عينه على الشارع وبيحيي العلم

في العالم العربي تعيش
بتبص في الساعة وخايف نشرة الأخبار تفوت
علشان تشوف ع الشاشة ناس
في العالم العربي
تموت

____________________________

الملك الأسود في الشطرنج
وقف قلقان
قدامه ميدان
مليان دخان
ورماح وسيوف
بيبص يشوف
الجيش مكشوف
فرسانه الزنج
الموت أستيكة وهمه حروف
سكرات البنج
منبه خوف
خض الفرسان
عدل العمة ونفض العفرة عن القفطان
أصل السلطان
كان ودي عساكره تدافع عنه ف كل مكان
كيف ما بداله
يمينه شماله
ودٌي رجاله
علي أفياله
وخيل خياله
حتي الطابية اللي باقياله
ووزيره وحاله ومحتاله
يموتوا بداله
في الأول كان هادي باله
موتهم مش مشكلة بالمطلق
دول بيموتوا لجل حياته
لكن لما الوضع تطور
فجأة تذكر
إنه العسكر
لو ماتوا
وبقي لوحده
من غير جنده
وحماته
حتما يخسر
حك اللحية ملكنا وفكر
ملك الأبيض برضه مقلق
هو صحيح عايق ومشبرق
لسة العفرة ما وصلتلوش
بس الحظ ما بيحبوش
في العادة بيخسر حروباته
وحظ الملك الأسود يفلق
جند الأبيض هاجم أيوه
بس مفرق
والدنيا مش دايما حلوة
يبقي عدوك عايز غلوة
تيجي عليك من دونه البلوة
الأبيض فاقد أعصابه
والأسود موته علي بابه
من فتحة ما بين فارسين
بصوا علي بعض الأتنين
لحظة وجات العين في العين
الأتنين بصوا علي بعض
والقتلي ماليين الأرض
عرض الأول ع التاني
قام التاني قبل العرض
وادي يا سيدي نص جوابه:
بعد السلام
يا جلالة الملك الهمام
أعرض عليك وقف الخصام
عارف جلالتك طبعا انه اللعبة دي
ما بتنتهيش
إلا إذا واحد من الملكين يموت
لكن إذا ماتوا الجنود م الجانبين
نقدر أنا وإنت نعيش
و اللعبة تخلص بالتعادل
وعليه يا صاحبي المبجل
أطلب إليك ارسال جيوشك للتقاتل
حيث تُقتل
وأنا كذلك بالتبادل
و اللعبة تخلص بالتعادل
زي ما أسلفت لك
ويا حبذا أيضا إذا ما حلفت لي
وحلفت لك
إن العداوة بينا تصبح كالمفيش
وبلاها جيشا
ثم السلام أحسن ختام
يا جلالة الملك الهمام
قُبل الحل الأنساني
من غير كاني ولا ماني
وراح الجند المتفاني
ميت فاني
وفضلوا الملكين الأحرار
يتلقوا مباركة وتهاني
لاجل إيقاف إطلاق النار
صبح الأسود والأبيض
أحسن أحباب
وبقوا جيران الباب في الباب
صبح الأبيض والأسود
زي الأخوان
ما بقاش ده أبيض ولا ده أسود
لكن ألوان
واتشبًك نسج الأنساب
زينة وبهرج سلطاني
نور الرضا تحت تيجانهم
ماليين نشرات الأخبار
وفضلوا العسكر ف ميدانهم
موتي حافظين الأسرار.

____________________________



____________________________

ده تار طويل
من جيل لجيل
والطلقتين
متحوشين
والرد دين
يا إٍسرائيل

إزاي حننسى ظلم فات
وهو متعاد ع الشاشات
ضرب العيال بالدبابات
هد المدارس ع البشر
كيف تتنسي بحر البقر
والدم فوق الكراسات
نفس الوطن نفس القتيل
وده تار طويل
من جيل لجيل
والطلقتين
متحوشين
والرد دين
يا إٍسرائيل

حق الجنود الأسرى فين
يتقتلوا متقيدين
سرقوا دبلهم م الايدين
وحقهم في القبر راح
وجراح تفكرنا بجراح
صبرا وشاتيلا ودير ياسين
نفس الوطن نفس القتيل
وده تار طويل
من جيل لجيل
والطلقتين
متحوشين
والرد دين
يا إٍسرائيل

____________________________

أدِّي التحية العسكرية للعيال
عدلوا ميزاننا بعد ما ميزاننا مال
وصباع بيتشاهد وبيعيد السؤال
يا مصر مين فينا اللي تحت الاحتلال

أدِّي التحية العسكرية للبنات
شنط المدارس ضد صف الدبابات
تبكي ولا تقبل تعازي في اللي مات
تغلب دروع العسكري بطرحة وشال

أدِّي التحية العسكرية للشجر
يطرح علم غصن الزتون اللي انكسر
يطرح شرر، يطرح بشر زي القمر
وان يقطعوه تفضل عروقه في الرمال

أدِّي التحية للي إدى الحق صوت
أدِّي التحية لشب حب الأرض موت
أدِّي التحية العسكرية للبيوت
تتهد تبقى حجارة في إدين الرجال

أدِّي التحية العسكرية للقبور
فيها زهور لؤلؤ بحور وبدور تدور
فيها بذور يوم القيامة والنشور
مهما حصل ثابتة ف مكانها لا تزال

أدِّي التحية العسكرية للغضب
وطريق مشي في المسيح لما انصلب
وحمام يطير بين المآذن والقبب
فوقها علامة نصر تشبه للهلال

أدِّي التحية العسكرية للعيال
عدلوا ميزاننا بعد ما ميزاننا مال
طرحوا سؤال و يا ويلنا من رد السؤال
يا اخواننا مين فينا اللي تحت الاحتلال

_________________________________

[mare · Rating 3 out of 5]

نصوص قصير لتميم البرغوثي
رأيي كان مختلف من قصيدة لقصيدة في قصائد تستحق مكانها ولكن في اخرى لا
من اجمل الاوصاف وصف الشطرنج في حالة التعادل وكانت قصيدة ابداعية
في قصيدة الغزالة يلي يفديها النبي ما حبيتها لانو اساسها خاطئ والقصة ضعيفه اذا ما كانت موضوعة
ومن القصائد المميزة يلي كتبها عن والده مريد البرغوثي في المنفى

[Nehal Elekhtyar · Rating 3 out of 5]

اشعار جيدة وحلاوتها انها بالعامية الجميلة المفهومة

... اهم ما اعجبنى منها

..........................................
أنا نملة واقعة ف رغوة الصابون
قاعده أرَفَّس هل أكون أو لا أكون
مجنون
لا في تحتي أرض اسند عليها
و لا ف إيديا حاجة أمسك فيها
أصرخ الحقوني يا ناس ح أموت
،نَفَسي اتقطَع و لا حدَّ حاسس بيّا
،ملغي من الحساب
و كأن ربّي حطّني ع الأبجدية سكون
ما أنا نملة واقعة في رغوة الصابون
* * *
و الرغوة من حَوَالَياَّ كبرت
زي مارد لسه سايب قمقمه للتو
واقف يطقطق ضهره و يشمّ الهوا
رِجلُه أمامي و راسه فوق في الجَو
بيبُص لي كده باحتقار
و أنا في الكرامة مفيش هزار
أنا قلت أزعق فيه فتحصل معجزة
يمكن إلهي يسخطه مثلاً أو انه يختفي
،و ما هوش بعيد على ربنا
،تبقى تراجيديا تتقلب كرتون
ما حصلش طبعاً للأسف
و فضلت نملة ف رغوة الصابون
* * *
نفش الصابون أصبح ميدان تحرير
و من الرغاوي وقف مجمّع و البشر طوابير
إشارات مرور زحمة و زفّة ماشية بالزمامير
باليل تلاقي الإعلانات وَيّا المثقف
قايمة بالتنوير
و الحُكم للون الرمادي
المنتخب بالإختيار الحر للجماهير
جماهير
إذا ما شفتها لما تقوم الصبح
من نومها و تسعى لشغلها
دقَّق على الكفين و في الرجلين
تلاقي مطرح المسامير
يا ميدان سخيف
كما حصة التعبير
يا ساطور مخيف
فوق البشر مسنون
أمرك و أمري يهون
ما أنا في النهاية نملة و انت رغوة الصابون
* * *
نَفَش الصابون أصبح بلاد عربية
مصحف شهيد رايح يرُدّ الضيم
عن أرض العرب
مصحف ذهب
بيمرجحه صدر البنيَّة ف سلسلة دهبية
يا بلاد عجب
هزيمتها قطعة عفش جُوا كل بيت أساسية
زي الستاير و الكَنَب
،أمة رغاوي بس أحزانها حديد
مَلوِي و متزخرف كأبواب القصور
و الموت يهاتي مشغّلينه مسحراتي
يلف ف كل الشهور
مش بس شهر الصوم
إصحوا بقى من النوم
أو نامي نامي للأبد يا عيون
يا أمة ساكن فيها لكن بيها أنا مسكون
أمرك و أمري يهون
ما أنا في النهاية نملة و انتي رغوة الصابون
* * *
نَفَش الصابون بقى هوَّ هوَّ الكُون
إطلع على القمر الصناعي و شوف
تلاقيها ورطة و كلّنا فيها
و ما لكش مهرب منها غير ليها
ما تشوفش من حواليها إلا سواد
و خلطة من العدم و الخوف
نقطة و طايرة في الهوا
يا نعيش سوا يا نموت سوا
كوكب لوحده قوي
كأنه طفل تاه من أهله
أو مخطوف
إنزل من القمر الصناعي و شوف
شوف بهلوان
وشّه سبع ألوان
عمل سلطان
قعد ع العرش
يحكم عليك، تضحك تقول ده هزار
و تُدرك لما يبقى الدم منك للركب
،إنه ما بيهزرش
شوف الأمل يوجع
كما الروماتيزم في العضم العجوز
،شوف بحر مالح
لو تعوز تشرب
و لو تشرب تعوز
يا سيرك يا للي اسمه اصطلاحاً كون
يا ضخم يا زغَنّون
أمرك و أمري يهون
ما أنا في النهاية نملة و أنت رغوة الصابون
* * *

..............................................................................



.............................................................................



..............................................................................



..............................................................................



..............................................................................



..............................................................................



.......................................................

[ياسمين Thabet · Rating 3 out of 5]

ياموت اذا تسمح
تصبر علينا شوي
عشان اموت يا موت
مش لازم ابقى حي؟
ياموت اذا تسمح
خليني اعرف احب يا موتي حلفتك
ياقلب جوة العب تعبتني معرفتك
بين القلوب بتشب وتمردك آفتك
وعليك غضب بيهب من السلاح أفتك
ومن الصباح اوضح
ياموت اذا تسمح تصبر علينا شوي
عشان اموت يا موت مش لازم ابقى حي
يارافع الرايات والنعش يتهادى
ياشعب دي علامات يوم حشد وشهادة
حنحاكم السنوات جرايمها بزيادة
ع الصبح في المرايات شُهدانا ياسادة
مبتسمة بتصبّح
ياموت اذا تسمح تصبر علينا شوي
عشان اموت يا موت مش لازم ابقى حي
غصة على غصة يانشرة الاخبار
من اول الحصة فهموا كبار وصغار
المسجد الاقصى تحت الحصار محتار
وصفوف ومنرصة من عسكر كفار
صوت الادان يجرح
ياموت اذا تسمح تصبر علينا شوي
عشان اموت يا موت مش لازم ابقى حي
شفت الولد بيصيح والجندي بيسدد
طير الكرامة جريح على طير جريح يسند
يبكي بدمع مسيح للارض بيعمد
وسمعت صوت الريح بالحق يتشهد
وباسمنا يسبح
ياموت اذا تسمح تصبر علينا شوي
عشان اموت يا موت مش لازم ابقى حي








اول مرة أقرا لابن اعظم كاتبين
تميم البرغوثي

كتاب شعر جديد في عنوانه ومحتواه واسلوبه
تميم رجل مختلف في ألمه في تغريده في صياحه

شعره مختلف كمان...يمكن استغربت شوية تنقله في نفس الجمل من العامية للفصحى
ومع ذلك فهو من افضل من كتب بالعامية شعر
باعترف ان في حاجات كتير وجمل مالهاش لزمة كدة تحس انها عاملة زي الدبوس
وباعترف ان في عدد من القصائد ماكنتش حلوة

بس في قصائد كانت في قمة الروعة زي :

هدية
في العالم العربي تعيش
الشطرنج
الله اكبر
التار الطويل
ادي االتحية العسكرية
وطبعا ياموت اذا تسمح دي احلى قصيدة في الديوان كله


تشوقت كتير اقرا باقي اعمال تميم

[Mohamed El-Attar · Rating 3 out of 5]

.

مش كل الديوان حلو .. ومش كل القصايد عجبتنى
بس فيه قصايدة رائعــــة بجـد
تميم ليه بصمة واضحة فى أشعاره

خصوصا فى قصائد زي : النملة - الشيال - أوضة - فى العالم العربى تعيش

متفرد دايماً فى صوره وتراكيباته وتشبيهاته
دايماً جديدة ومبتكرة ومش تقليدية وواقعية ومن روح عصره وبيئته اللى عايش فيها ، سواء خفيفة الدم منها .. او الحزينة والموجوعة ، أكبر مثال فى قصيدته الشهيرة فى العالم العربى تعيش :

فى العالم العربى تعيش
كما قط ساكن تحت عربية
مايشوفش م الدنيادي حاجة
إلا الجذم

و

فى العالم العربى تعيش
كما دمعة فى عيون الكريم
المحنة تطردها
يرجعها الكرم

.

[souria zergoune · Rating 5 out of 5]

قالت لي مالك شايل هموم الناس .... قلت لها سيبك هي اللي شايلاني

في العالم العربي تعيش
تبص على الساعة
وخايف نشرة الاخبار تفوت
علينا تشوف على الشاشة
ناس في العالم العربي تموت

كتاب " المنظر " للشاعر العبقري تميم البرغوثي هذا الشاعر الشاب المبدع كعادته حتى بالعامية المصرية يجيد فن الشعر بإمتياز انا عشقت تميم في رائعة " في القدس " وزاد عشقي له في هذا الديوان الشعري الجميل جدا .... انصح بقراءة هذا الكتاب خاصة لعشاق الشعر . :)

[Yasmeen Rushdy · Rating 4 out of 5]

ازاى حننسى ظلم فات
وهو متعاد ع الشاشات
ضرب العيال بالدبابات
هد المدارس ع البشر
كيف تتنسي بحر البقر
والدم فوق الكراسات
نفس الوطن
نفس القتيل
وده تار طويل من جيل لجيل
والطلقتين
متحوشين
والرد دين
يا إسرائيل.

[Israa Al-gburi · Rating 3 out of 5]

تميم البرغوثي شاعر فلسطيني شاب ذو موهبة شعرية فذة , تميز في برنامج أمير الشعراء بشعره الفصيح والقائه المسرحي الرائع للشعر , أذكر أني تعرفت عليه شاعرا أول مرة عام 2010 بعد مشاهدتي لمقطع فديو يلقي فيه قصيدته التي يجاري فيها معلقة ابن كلثوم " معين الدمع لن يبقى معينا " ومنذ ذلك الحين أغرمت به شاعرا – رغم تفضيلي الشخصي لشعره الفصيح على العامي – إلا انه يبدع في النوعين بالاضافة لابداعه في كتابة المقالة .

الديوان يحتوي على قصائد جميلة حمل فيها كعادته هموم وطنه وقضيته .. فشعر تميم شعر قضية .. قد يمر على قصائده غير المتعمقيين في الشعر فيرونها عادية او ما دون ذلك ولكنها في الحقيقة ليست كذلك .وأنصح من يجد صعوبة في تذوقها بالبحث عن القصائد ملقاة على صفحة
Aj+ عربي
في الفيس بوك ..
المجموعة مليئة بالتشبيهات والاستعارات الرائعة , أحببت في قصيدته الأوضة كيف يشبه عقله وما فيه من فوضى بغرفة مليئة بكراكيب الكتب والشعر وسجادة الصلاة في قصيدة " الأوضة " حيث يقول

ودماغي اوضة مكسورة الترباس

يقدر يبات فيها القاصي والداني

تلقى على أرضها الكتب أكداس

مرمية بينها هدومي وقمصاني

والشعر شخبوط في صفحتين كراس

منقوش على الحيطة وبخط قرآني

ودماغي عايز لها بتاع متين كناس

ينظفوها من عقلي وجناني

وقصيدته النملة ..التي يشبه فيها حال الأنسان في هذا الكون كنملة عالقة في رغوة الصابون ليس لها أرض صلبة تسند أقدامها عليها .. وفي قصيدته شياب الكوتشينة حيث يشبه الحكام العرب بشياب الكوتشينة الذين لا يتغير حالهم مهما قلبت أوعدلت الكارت في قوله

دة نصيــبك ونصيبهم

ونصيب كــــل الأمة

تعدلهم تقلبـــــــــــهم

يفضلوا زي ما همة


free photo hosting for ebay


وقصيدة في العالم العربي تعيش
https://www.youtube.com/watch?v=__Dg4...


وقصيدة الشطرنج
https://www.facebook.com/ajplusarabi/...

________
ملاحظة *
التقييم الحقيقي
3.5

[Salma Osama · Rating 3 out of 5]

جميل

[Rachelle Ghanem · Rating 3 out of 5]

ذكاء في اختيار الالفاظ، جمالية في نظم القوافي

[Khaled Abdel dayem · Rating 1 out of 5]

الكتاب الرابع والسبعون من تحدي القراءة لعام 2023

للاسف لست من مغرمي الشعر العامي بشكل عام

لم يعجبني الديوان

[أحمد رفاعي · Rating 3 out of 5]

أكرر دائما أنني غير هاو للعامية في الكتابات، لكن هناك بعض الكلمات لابد أن توضع على شكل معين بلغة معينه، قرأت لتميم شعر فصيح وكان رائعا، وها أنا أقرأ له عامية... الديوان من ناحية التقييم فهو متوسط... من الواضح في لغة تميم البرغوثي عجزة عن كتابة الكلمات كلها بالعامية فيتخذ كلمات قوية اللفظ وعربية قوية فصيحة في هذه الفراغات. أعجبني الديوان واتمني أن كتاب العامية الذين يعتبرون أنفسهم شعراء أن يقراوا مثل هذه الدواوين على الرغم من بساطتها لكنها لغة عامية جميلة محترمة... حاجة تنفع تتقري.

[أحمد الباب · Rating 5 out of 5]

والأوضة فيها مولد نبي وقداس
والقصد دوشة مش حاجة رباني
وشيخ ينادي في الناس يدق أجراس
هو اللي دايم وكل شئ فاني
وفيها بياع ينادي ع الإحساس
الحزن أصلي والضحك براني
خوف العرايس وجرأة الأعراس
تفصيل وجاهز غالي ومجاني
وفيها عسكر تستعرض الأفراس
جيش شحاتين تحت راية سلطاني
وفيها لمة من كافة الأجناس
بكل لهجة بيزنوا في وداني
فيها فلسطين وعراق وحفلة كاس
في مجلس الأمن جوَّها هاني
وفيها نشرة أخبار وناس في أكياس
وبرود مذيعة قاعدة بتنعاني
وشعوب بتلفظ في آخر الأنفاس
بيقولوا شربت سم الفران تاني
وفي لانتحار لازم القضاة تحتاس
مين اللي مجني عليه ومين جاني
ودماغي فيها بدائع ابن إياس
كأنه دوب زمانه في زماني
ودماغي عايزالها بتاع ميتين كناس
ينضفوها من عقلي وجناني

************************

الشطـــــــرنج <3

************************

ده تار طويل
من جيل لجيل
والطلقتين
متحوشين
والرد دين
يا إٍسرائيل

إزاي حننسى ظلم فات
وهو متعاد ع الشاشات
ضرب العيال بالدبابات
هد المدارس ع البشر
كيف تتنسي بحر البقر
والدم فوق الكراسات
نفس الوطن نفس القتيل
وده تار طويل
من جيل لجيل
والطلقتين
متحوشين
والرد دين
يا إٍسرائيل

حق الجنود الأسرى فين
يتقتلوا متقيدين
سرقوا دبلهم م الايدين
وحقهم في القبر راح
وجراح تفكرنا بجراح
صبرا وشاتيلا ودير ياسين
نفس الوطن نفس القتيل
وده تار طويل
من جيل لجيل
والطلقتين
متحوشين
والرد دين
يا إٍسرائيل

************************

أدي التحية العسكرية للعيال
عدلوا ميزاننا بعد ما ميزاننا مال
طرحوا سؤال وعجزنا عن رد السؤال
يا اخواننا مين فينا اللي تحت الاحتلال

أدي التحية العسكرية للبنات
شنط المدارس ضد صف الدبابات
تبكي ولا تقبل تعازي في اللي مات
تغلب دروع العسكري بطرحة وشال
أدي التحية العسكرية للعيال

أدي التحية للي إدي الحق صوت
أدي التحية لشب حب الأرض موت
أدي التحية العسكرية للبيوت
تتهد تبقى حجارة في إدين الرجال
أدي التحية العسكرية للعيال

[ريحانة · Rating 3 out of 5]

هذه أول مرة أقرأ فيها للشاعر تميم البرغوثي بعد أن سمعت إلقاءه في عدة محافل.

كنت أشك في قدرتي على استساغة الشعر بالعامية، ولكن أربع قصائد بالتحديد من هذا الديوان غيرت رأيي:
* أوضة
* الشطرنج
* أنا المؤدن
* يا غزالة يفديها النبي

كنت أتمنى لو تمت إضافة شرح لبعض الكلمات العامية لغير المصريين.

[أحمد صــــلاح · Rating 3 out of 5]

الديوان صدمة صعبة شوية
لكن اللي يخلي الواحد يرتاح
إن الديوان أولى محاولاته بالتأكيد
قصيدة "نملة" يمكن هي سبب الصدمة
قصيدة خانوا فيها التشبيه كتير جدا
أما القصايد الباقية اللي عجبتني
فهي
"في العالم العربي
الشطرنج
أصل البكا في الفرح و الضحك في الأحزان
أوضة
الشيال
يا غزالة"
و بالتأكيد "حمد لله على السلامة"
ديوان جيد و إن كان بيمثلي صدمة

[Rema · Rating 5 out of 5]

اول ديوان اقرأه لتميم
تحففففففة

[Amira Elfayoumy · Rating 5 out of 5]

أدي التحية للي ادى الحق صوت
أدي التحية لشاب حب الأرض موت
أدي التحية العسكريةللبيوت
تتهد تبقى حجارة في ايدين الرجال
أدي التحية العسكرية للعيال


ديوان رائع من تميم المبدع

[Ahmad Medhat · Rating 3 out of 5]

فيه قصايد جميلة أوي و فيه قصايد مستواها ضعيف نسبيا

بس في المجمل ديوان جميل يعني كعادة تميم

[Mona Elkhatib · Rating 3 out of 5]

يا غزالة يفديها النبي
الشطرنج
الله اكبر
:-)

[Hana Yehia · Rating 5 out of 5]

هي تاني مره أقرا لتميم البرغوثي...... اسلوبه رائع جدا و له طريقة روعة في اختيار الكليمات و مبدع في اختيار الافلاظ ....

[محمد مصباح · Rating 3 out of 5]

متوسط .. وجميل كاول تجربة للشاعر

[رانـيا أشرف · Rating 3 out of 5]

دقق على الكفين وفي الرجلين
تلاقي مطرح المسامير
يا ميدان سخيف
كما حصة التعبير
يا ساطور مخيف
فوق البشر مسنون
امرك وامري يهون
ما انا في النهاية نملة وانت رغوة صابون
***
مصحف دهب
بيمرجحه صدر البنية في سلسلة دهبية
يا بلاد العجب
هزيمتها قطعة عفش جوا كل بيت أساسية
زي الستاير والكنب
___
والموت يهاتي مشغلينه مسحراتي
يلف في كل الشهور
مش بس شهر الصوم
إصحو بقى من النوم
او نامي.. نامي للابد يا عيون
يا امة ساكن فيها لكن بيها انا مسكون
امرك وامري يهون
ما انا في النهاية نملة وانتي رغوة الصابون
***
بعدين دي لعبة وليها اصول وأساس. وكل عاني يسند علي عاني.
وان سبت نفسي انا حانداس. قاصد كتيبة افيال، وقاصداني.
___
ودماغي اوضة مكسورة الترباس. يقدر يبات فيها القاصي والداني.
***
شيلني شيلته شربت انا المقلب. ثم اختفى فجأة كانه خيال.
****
الشمس ديب أصفر السحنة شديذ الحيل
هربت منه وعايز ضلة للتقييل.
***
عازز عليا اسيبك يا قليلة الجار
وان كان ماعزش فغصب عني مش مِختار
رسمالي وان كان مافيش فايدة في رسمالي
قعدت ازق لنفسي الفكرة بصعوبة
ايش حيلة ادم لو التفاحة معطوبة.

[Moaz · Rating 4 out of 5]

“أنا نملة واقعة ف رغوة الصابون
قاعد أرَفَّس هل أكون أو لا أكون
مجنون
لا في تحتي أرض اسند عليها
و لا ف إيديا حاجة أمسك فيها
أصرخ الحقوني يا ناس ح أموت
،نَفَسي اتقطَع و لا حدَّ حاسس بيّا
،ملغي من الحساب
و كأن ربّي حطّني ع الأبجدية سكون
ما أنا نملة واقعة في رغوة الصابون

[Ahmad Dakka · Rating 3 out of 5]

" الحزن أصلي والضحك برّاني"

[Abeer · Rating 3 out of 5]

مع إني من كارهي الدواوين العامية.. بس معرفتش أكره الديوان دا.. بسبب صياغته الكويسة للكلام وإختياره لمصطلحات قوية.. عكس كل كاتبين العامية..

[Hamza El · Rating 4 out of 5]

في العالم العربي، تقول للبنت حبيتك
وتبقى البنت بتحبك، وبتموت فيك
تناولك بالألم

[Zeyad · Rating 5 out of 5]

حلو جدا