دیوانی بێکه‌س

by فایق بێکه‌س

272 pages, Unknown Binding

Reviews

[Hêmin · Rating 4 out of 5]

زۆربەی هەرە زۆری کورد ، ناسناوی «بێکەس» بە شاعیری بێ هاوتا ، «شێرکۆ بێکەس»ەوە وەیاد دێنن بەڵام ئەو ناوه لە باوکی شێرکۆوە ، شاعیری گەورەی گەل «فایەق بێکەس» بۆی بە میرات مایەوە. شێرکۆ لە دەفتەری شێعری «خێراکە خەریکە مردن بگات» ئاماژە دەکات کە باوکی لە بەر خەمی کوردی بەش خوراو لە ئاسمانەکانیش هەر بە پەرۆشە و تەنانەت ساتێکیش ئاسوودەیی نییە ، بە بڕوای من ڕاست دەکات. ئەو لە بەیت بە بەیت و وشە بە وشەی شێعرەکانی دا باس لە نیشتمانە خاپوورکراو بەڵام بۆ هەمیشە خۆشەویستەکەی دەکا و هانمان دەدات بە فێربوونی زانست و بە کارهێنانی ئەو عیلمە کە بەهێزترین کەرەستەیە بۆ پێشکەوتن ، خزمەتی نیشتمان بکەین. ڕەخنە له ناپاکی نێوانمان دەگرێت و بە پێچەوانەی حەز و گیرۆدەیی زوری بۆ زانست ، پیشان دەدات کە پێش هەموو شتێک مرۆڤه و لەبەر کوشتنی هەزارەها خەڵکی سڤیل و بێ گوناھ بە بۆمبای ئەتۆم کە دەستکردی ئەو عیلمەیە ، نەفرەتی لێدەکات

فیکری سەرکەوتن بە بێ شک ئەی ڕەفیقان غیرەتە
فەوز و تەعالی هەر بە سایەی هیممەتە
قەومی کورد کە دائیم وا لە حاڵی حەسرەتە
باعیسی فیتنە و فەساد و دوودڵیی ناو میللەتە
قەومی کورد ، شێرانی میللەت ، فیکری وەحشەت لابدەن
وەختی تێکۆشینە ئەمڕۆ ، ڕۆژی عیلم و سەنعەتە

###

قەدری میللەتان بە جارێ شکان
نە حەیاتان ما نە ناو و نیشان
باری تەعنەتان واهاته سەرشان
وەفدی کوردستان ، میللەت فرۆشان
هەرزە وەکیلی شاری خامۆشان

###

هەر دوو گوێم پڕ بوو لە باسی وەعز و سەرفیترە و زەکات
هەر هەواڵی حەشر و نەشرم پێ ئەڵێی تاکوو مەمات
بەسیە لەم مەوزووعە لادە فێری نوێژ بوو کائینات
خوتبەیێکی ئیجتیماعم پێ بڵێ بۆ ڕێی حەیات
ئەی مەلا تۆ بی خودا لەم فیکرە کۆنە لابدە
فەننی تازەم پێ نیشان دە بۆ تەرەققی و ڕێی نەجات

[Noora Ayuob]

....