إيروس

by أحمد النبراوي

Paperback

Published January 1, 2017

About the author

يعد من أشهر البياطره في مصر رغم صغر سنه وبجانب ممارسته للطب البيطري فقد قام بإخراج فيلم قصير يحمل عنوان ” ديانة قطه” وشارك ايضا في فيلم "بعد الموقعة" مع باسم سمرة و منة شلبي حيث قام بدور طبيب بيطري في الفيلم.
وهو صاحب عيادات "vet for pet" والتي لها عدة فروع بالمهندسين، الشيخ زايد، المعادي، جاردن سيتي، الزمالك، الدقي و الهرم.
متزوج من الدكتورة لبنى عبد الوهاب "مدرس مساعد بكلية الصيدلة بجامعة MSA و لديهما طفلين "كرمة" و "ادم".

Reviews

[Heba Elkhwaga · Rating 1 out of 5]

#ريفيو
#إيروس
#احمد_هشام_النبراوى
#رواية ١٥٦ صفحة

واقفة بقلب فى المكتبة على كتب حجمها صغير عشان قررت افصل فى القراءة شوية لحد اخر السنة عن الكتب الصعبة 🥰
لقيت دي للاسف الشديد 😒😒 سحبتها وياريتني ماسحبتها عشان اسمها غريب 🤔🤔
اقسم بالله عمرى ماقابلت كمية اخطاء لغوية ونحوية واملائية بالكم ده من يوم مابدأت قراءة فى اي كتاب 😏😏 المصيبة انها مكتوبة بالعامية .. امال لو بالفصحي كان ايه اللى حصل ؟🙄🙄🙄ده حتى علامات الترقيم ونقطة اخر السطر والفصلة مش موجودة 😱😱وقفت بعد ٥ صفحات تقريبا وقولت اشوف مين البشمهندس اللى عمل العمليه😷😷 وكانت لى صدمة 😲😲 طلع دكتور بيطرى 😱😱يانهار النيلة ياولاد 😰😰 صورته تحت اهيت 😒😒المهم قررت اكملها مش عارفه ليه الصراحة .. يمكن كنت عايزة اعرف عايز يقول ايه حضرة الظابط🤔🤔🤔
فى الاول بيتكلم عن انه صاحب اكبر سلسلة عيادات بيطرية فى الجمهورية وانه على وشك عقد صفقة بملايين .. فلاش باك بقي وقرر يحكي بقي ازاى وصل لكده ..
بعد قصة حب فاشلة .. قابل واحد صاحبه"كان معاه فى كلية طب بيطرى" ... بيعمل تجارب على الحيوانات عشان يثبت ان شعور الحب هو تفاعل كيميائي فى المخ .. وقعدوا بقي يلتوا ويعجنوا فى سلوك الحيوانات ويقارنوه بسلوك الانسان ...وهكذاااا
المهم استلف فلوس .. وفتح اول عيادة لكن الحال كان واقف .. فبدأ يفكر يعمل ايه عشان ينجح
توصل انه يقتضى بسلوك الحيوانات فى التزاوج .. ويشقط البنات وينام معاهم ..
وكاتب بقي تفاصيل الشقط والحركات واصول اللقاءات والمكالمات.. وحاجه ترجيع 😠😠😠وجاب بقي صاحبه"اللى استلف منه الفلوس" اللى كان فاشل فى العلاقات وبدأ يعلمه بقي ويديله من خبراته .. لحد ما اتجوز وحضر فرحه💃💃وهكذا تنتهي الرواية 🙃🙃اتصدمتوا .. انى اسف 🤪🤪
تقولوا لى بقي ايه علاقة الشقط بالغني الفاحش اللى وصله ... اقولكم ولا اعرف 🙄🙄
تقولوا لى ليه لغي الصفقة فى اخر صفحة فى الكتاب .. اقولكم ولا اعرف 🙄🙄
تقولوا لي ايه معني اسم الرواية .. اقولكم ولا اعرف برضك 🙄🙄
تقولوا لى عملتى ايه لما خلصتيها 😭😭😭
اقولكم عريت الشعرتين اللى حيلتى وفضلت ادعي عليه وعلى دار النشر دعوة ولية فى ساعة فجرية يجيب ويحط عليهم قادر ياكريم
تقييم صففففففررررررررر 😠😠😠😠😠😠😠😠😠😠😠😠😠😠😠😠😠😠

[Soha Nagy]

كتاب كده ازاي تشقط البنات سواء للجواز او غيره وازاي تتعامل معاها كانها حيوان كل ما يحركة هرموناته و الغاء عقل الانسان و الدين و الاخلاق.
الفايدة الوحيدة ان لما الواحد يعرف الاسلوب يبقي عارف الحيوان من طريقته اول ما يشوفه
معرفش ازاي الكتاب ده اتنشر

[Ahmed Safian · Rating 5 out of 5]

حسناً أنا أحب هذا الرجل، لم أتوقع أن يكون ما في يدي بهذا المحتوى، لن أكذب لم أتوقع أن تنتهي الأمور بتلك الطريقة، ولكن صدقاً لم أشعر من قبل بسعادة مثل تلك السعادة التي أشعر بها الآن، ربما أستطيع أن أجمع كلمات تعبر عن شعوري تجاه ذلك الكتاب، بسيط .. جميل.. مسل.. رائع.. هادف، صدقاً لا أجد ما يكفي من الكلمات حتى أصف مقدار سعادتي، ربما ما طرحه دكتور أحمد ليس بجديد ولكنه أضحى بجديد لكونه مبني على قواعد علمية، في كوننا متشابهين مع سائر حيوانات الغابة، في نفس عملية القرب والتودد خلال التناسل، وفي فترة الأمومة وحبنا وخوفنا على ذلك الكائن الذي يخرج من اجناتنا، وكيفية سعينا الدائم إلى فرض سيطرتنا مثل حيوان الغاب على القطيع الذي ننتسب إليه، وغمرتني السعادة حين أشاد بكون اطباء بشري وبيطري لا يختلفون عن بعضهم البعض، هم سواسية ولكن نظرتنا نحن كمجتمع إليهم هي ما زرع ذلك الأختلاف، وهنالك سر أريد البوح به، أنا أحب مادة سلوك الحيوان، والآن زاد تعلقي بها، طريقة ربطه سلوكنا نحن بنو البشر بسلوك اقرب الأقرباء إلينا كالقردة أو الثدييات بشكل عام، أنت نحتاج الجلوس قليلاً والتفكر ياصديقي في كل تلك المعلومات، ربما سترفض الأمر في بدايته كيف نحن نتشابه مع القطة والعجل، ستتضح الأمور في نهاية الرحلة، السؤال هل كنت ادرك كل هذا، سأكون كذابا أن تفوهت بذلك، لم أدرك غير قشور بعض الأشياء، ولكن ما لمسه هو وما توصل إليه يوضح أشياء عديدة لا يدركها بنو البشر عن أنفسهم، نظن أننا أفضل عن سائر الخلق ولكن الحقيقة تبقى وستظل نحن جميعاً كحيوانات الغابة، ربما نمتاز بعقل ولكننا نتمتع بنفس الغرائز وبنفس الرغبات ( سواء كانت جنسية غذائية إلخ)، أنت بحق لا تدرك ما الذي أراه الآن، نعم سمعت من بعض أصدقائي عن بعض تلك السبل المذكورة في الكتاب ( في كيفية إيقاع أثنى الإنسان في قبضة يدك) ولم أستوعب طريقة تطبيقها والتفاصيل المحيطة بيها، وأنا ياعزيزي شخص أعشق التفاصيل، ربما قرأت عن تلك السبل في كتب غربية ولم أستشعر مدى جديتها وفعاليتها، لكن أيروس غير الكثير( يكفي أنه موجه للشباب العربي عامة والمصري خاصة ويستند إلى تجارب واقعية وصادقة من واقع شاب مصري)، وفتح آفاق لم أتطرق إليها من قبل ولمح إلى مدى التشابه الكبير بيننا وبين سائر الكائنات الحية، من هرمونات لفرمونات، ربما يعتبر إيروس أول كتاب يطرح عملية أصطياد الفريسة بحق من نصب الفخ حتى أقتيادها إلى ساحة منزلك الخلفية، لمن أنصح الكتاب لكل شخص لا يتمنى أن يبقى جاهلاّ ولكل من قرأ كلمات ولم يرى أفعال، لا يوجد أقتباس واحد فقط أريد كتابته، هناك العديد،

يعني الفرق بين عبد الباسط حموده ومارلين مونرو ما يزيدش على نصف في المائة في الحمض النووي..
اللي عمله أستاذ مدحت جنان واضح، دخله المصحة النفسية بس في فترة كبيرة أوي من تاريخ الإنسانية كان يبقى طبيعي لما أقوى واحد في المجموعة يجر الست اللي تعجبه في الكهف بتاعه.
فكرة إن اللي بيحدد الراجل والست مجرد حقنة هرمون وطريقة تعامل المجتمع ليه الموضع كان أعقد من كده.
التفكير خلاني أوصل إن ممكن أي واحدة تبقى غبية وتقبل بأي واحد يقربلها بس الفكرة هو جه أمتى مش هو مين.
وكل شخص في الكون غير مصيره بسبب تعلق غامض بشخص بنسميه الحب كلنا نفس الحالة مع اختلاف الظروف الفردية لغز الحب بالنسبالي بقى تحدي إني أفهم أسراره وحاسس إن هيحصل قريب أوي..
أفهمك أكتر الحيوانات غريزتها بتدلها إنها تبعد عن أفراد القطيع المشابهين جينيا معاها وده عشان تنتج ولادها بعيداً عن الأمراض الجينية او التشوهات الوراثية..
عشان كده فيه أشخاص بتحب وتدخل في علاقات سريعة أول ما حبيبها يسيبها هم بيدوروا على مواد في مخهم تعوض النقص اللي حصل ممكن الحبيب الجديد إنه يبقى شخص مختلف تماماً شكلاً وسلوكاً ومع ذلك وجوده بيهون علينا أحزانا وامكتئبنا ببساطة لأنه بيدينا الجرعة اللي محتاجينها الحب مخدرات والجنس مخدرات


لقد كانت رحلة جميلة ولقد ساهمت في تغييري أنا أيضاً يا فادي