Япон өгүүллэг, тууж

by Томоко Ибүкүро

“Япон өгүүллэг, тууж” хэмээх уг номд Японы уран зохиолд нэрээ мөнхөлсөн алдартай зохиолчдын сор бүтээлүүд оржээ. Уг номд Нацүмэ Соосэки, Хигүчи Ичиёо, Мори Огайн өгүүллэг, туужуудаас гадна Японы нэрт яруу найрагч Мүроү Сайсэгийн “Нэгэн охины үхэл хүртэл”, өөрийн уран сэтгэмж бүхий зохиолуудаараа нэрд гарсан Изүми Кёокагийн “Коояа уулын гэгээн”, Накажима Ацүшигийн “Уулын сарны дууль” гэх мэт Монголд урьд нь хэвлэгдэж байгаагүй олон зохиолууд багтсан байгаараа онцлог. Түүнчлэн эдгээр өгүүллэг, туужууд нь бичлэг болоод утга санаагаараа тус бүрийн ялгарах онцлогтой, уншигчдад өөр өөр мэдрэмжийг төрүүлж чадахуйц баялаг өгүүлэмжтэй юм.

Тиймээс та Нацүмэ Соосэкитэй Лодон цамхгаар аялж, “Нэг үеийнхэн” зохиолын Мидоритой хамт баярлан догдолж, Мүроү Сайсэгийн сэтгэл рүү өнгийж, мөн өөрийнхөө сэтгэл зүрхийг ч чагнаж, “Уулын сарны дуул”-ийн гол баатартай хамт хүний дотоод мөн чанарын тухай эргэцүүлэх нь дамжиггүй.

363 pages, Paperback

Published January 1, 2017

Reviews

[Urangoo · Rating 3 out of 5]

Хамгийн их сэтгэлд хүрч таалагдсан өгүүллэг нь Лондон цамхаг. Бусад ес нь яагаад ч юм бүр час хийсэнгүй. Нэг тийм час хийсэн оргил, утга бүхий /эсвэл утга нь бүрэн тайлагдахгүй уншигчийг бодолд оруулах/ төгсгөлгүй ч юм шиг. Магад Япон өгүүллэг, тууж уншиж, "бэлтгэл хангаж", амтанд нь ороогүй өөрөөс минь л болж байгаа байх?!

Зүүдний 10 шөнө... ямар нэг авцалдаагүй зүүднүүд үү? Эсвэл? Яагаад 10 гэж?

Нэгэн охины үхэл хүртэл дээр амьдралын сүүдэр дайрсан ч сэтгэл зүрхэндээ хүүхдээрээ л үлдсэн 2 охины тухай, 2уулангийнх нь үхлийн тухай байгаа ч яагаад нэгэн охины үхэл хүртэл гэж?

Хөгшин гэйшагийн таталбар дээр залуугийн байдал яагаад гэйшад тийм чухал, яагаад тэр залууг амьдралынхаа салшгүй нэг хэсэг болгож байгаа юм бол?

Харин Накажима Ацүшигийн 2 өгүүллэг арай өөр. Нэгийг нь өмнө нь уншиж байж. Хятад уран зохиолд шимтдэг болохоор тэр үү?

[Munkhtulga Byambaa · Rating 3 out of 5]

Тэр арван шөнө яаачаад байгаа юм бэ? Хаанаас ч хайгаад олсонгүй, хариултыг нь. Бодвол би өөрөө л олох ёстой юм байлгүй...

[Soko · Rating 2 out of 5]

Орчуулга сайн ч сонголт энэ удаагийнх сайн байсангүй. Орчуулагч Жаргалсайханг эмэгтэй хүн гэж сая л мэдлээ.

[Sodnomdorj]

read a book