الأنثى التي أنقذتني

by غادة صلاح جاد, هاني صلاح (تصميم الغلاف), وسيم أحمد رزق (صورة الغلاف)

ببساطة و صدق و دقة علمية، تشاركنا غادة صلاح جاد رحلتها مع سرطان الثدي منذ لحظة إصابتها بالمرض، ثم فترة العلاج، وصولاً إلى الفصل الأخير و الأهم في الحدوتة، لأنه لا يحمل النهاية و إنما هو بداية لحياة جديدة مليئة بالتحديات.

152 pages, Paperback

Published January 1, 2017

Reviews

[zahraa esmaile · Rating 3 out of 5]

بوست سطور بتاريخ 1/3/2019
سكان كوكب #سطور الكرام
حان الان موعدنا اليومى وكتاب جديد فى #كل_يوم_كتاب_مع_زهرة
والنهاردة اخترت لكم كتاب مش مشهور
ولكنه م الكتب المحببة ليا
والمفيد لينا كلنا...خصوصا البنات
الانثى التى انقذتنى ل غادة صلاح جاد
الكتاب من عنوانه بيتكلم عن رحلة الكاتبة مع سرطان الثدى
الضيف غير المرغوب فيه
الى ظهر فجأة فى حياة الكاتبة
على مدار 152 صفحة
وكتاب مقسم ل ثلاثة أجزاء
بتاخدنا الكاتبة معاها فى رحلة المرض من البداية وحتى التعافى
ف الجزء الاول
الى بعنوان التشخيص والصدمة
بنعيش مع الكاتبة اول واقسى اللحظات
لحظة(انتى عندك سرطان ثدى)
لحظة بتقف عندها حياة اى ست ف الدنيا
وتبدأ تسال نفسها
ليه انا؟؟؟هتعالج ولا هموت؟؟؟فاضلى قد ايه
والصدمة الاولى دائما هى الاصعب
بنعيش اللحظة دى
وبنشوف رد فعل الناس القريبة منها
بداية من الزوج(الى موقفه كان حيادى بشكل مستفز)
والعائلة والصحاب
الجزء الثانى
مرحلة العلاج ومساندة الاهل والاصدقاء
بنعيش مع الكاتبة لحظات العلاج الكيماوى الاولى
او(الكيمو) زى م اطلقت عليه بعد كدة
بنشوف معاها البدايل ومطرق لعلاج
وبنسافر معاها برة مصر فى رحلة علاج واستشارة
بنعيش المعاناة كاملة
سواء جوة مصر او برة مصر
بنعيش كمان اللحظات الاقسى لما شعرها بدأ يقع
ك أثر جانبى متوقع ل الكيماوى
والجزء الثالث من الكتاب كان الخاتمة
الحياة مابعد السرطان
*فصل يقول :النور دائما يخرج من ثقب الألم.
بنشوف تاثير السرطان على الكاتبة
الى بقت فجاة شخصية عامة
وعملت كتاب مبسط لالاطفال الى مامتهم بتتعرض لالاصابة بسرطان
واغنية (لسة جميلة) الى كانت فكرة واتعملت بسرعة جدا
لمساندة مرضى سرطان الثدى
الكتاب جميل
لغته سلسلة وتجربة انسانية قد ماهيا مخيفة
الا ان مشاركتها مهمة جدا
كمان فيه معلومات اولية عن النوع دة من السرطان مهمة جدا
وانواع العلاج الكمياوى وطرقه
_قواعد ال "بريست كنصر" الأربعون : عرض معلومات عن الكانسر "بالسين" :')) بطريقة فكاهية إضافة جميلة جدا وجعلتها معلومات طبية تخلو من الممل(منقول نصا من ريفيو ÑaDaa Samïr ع الجود ريدز)
الكتاب بيدى رسالة مهمة جدا
الامل موجود طول م ربنا موجود
وان الصحة نعمة حتى لو مفيش فلوس
الحمد لله على نعه التى لا تحصى
الكتاب غير متوفر الكترونيا
ولكنه من اصدار دار الشروق 2017
ويستحق جدا الاقتناء
وشبهه جدا كتاب ل انيسة حسونة بعنوان
بدون سابق انذار
ان شاء الله هرشحه يوما ما
بكدة انتهى كلامى عن كتاب النهاردة
استنونى بكرة وكتاب جديد فى #كل_يوم_كتاب_مع_زهرة
دمتم بود
دمتم قراء

الريفيو الاصلى
كتاب جميل
من اسمه واضح
بيحكى عن تجربة شخصية مع سرطان الثدى
عجبنى جدا اسلوب الكاتبة ف السرد
حسيت انى واحدة صاحبتها وبتحكيلها ف قعدة صفا
عن الصدمة والخوف والوجع
والقوة واليأس والامل
مشاعر كتير
ومعلومات اكتر عن النوع دة من السرطان
عجبنى جدا قوة الكاتبة ف المواجهة
وطبعا ليا تحفظات على طريقة تعامل زوجها مع المرض
من قلب المحنة...بتتولد المنحة
كتاب رائع
ولكن كنت اتمنى المزيد من تفاصيل المرض ورحلة العلاج
تعليقى الوحيد على الكتاب
ان الكاتبة اسهبت ف وصف مرحلة مابعد المرض
وانها ازاى بقت شخصية عامة
دة حلو...بس كنت اتمنى مياخدش الحيز دة كله
ثلاثة نجوم
وكتاب مفيد
#الكتاب_رقم_59_لسنة_2017
#تجربة_شخصية

[ندي الخواجة · Rating 3 out of 5]

كتاب كافي لمعرفة ما احتاجه عن مرض السرطان عامة أو كما يسمي ب "اللهم احفظنا" وسرطان الثدي خاصة.

*الفصل الأول "التشخيص والصدمة" اقوي فصل واظهر أيضا قوة البطلة "غادة صلاح".
_الحجاب، لا دخل بينه وبين ما حدث لكي كعقاب من الله كما ظن البعض، الغريب انك مرجعتلوش تاني بعد اللي حصل كنوع من الخوف من الله، أو حتي كمحاولة لتحسين خاتمة كرد فعل طبيعي تماما.

*الفصل الثاني "مرحلة العلاج ومساندة الأسرة والأصدقاء"
نعمة كبيرة جدا من ربنا إنك لم تعاني من أي مشكلة مادية أو معنوية بل كان عندك فرصة انك تسافري دول تانية كنوع من الاستشارة أو الهدوء، "ماشاء الله"،،
_الكيماوي أو في رواية أخري "الكيمو" دلع ماسخ علي رأيك،.
تصوير حالتك مع الكيمو بال" جميلة والوحش " تصوير حلو، حوارك مع الكيمو كان شيق جدا، و جعلتيه قابل للتفاوض دليل علي وجود أمل في العلاج مهما كان وحشا* قبيح الصورة والصفات ويؤذي من حوله حتي من تعيش روحه بداخله.

الفصل الثالث "الحياة ما بعد السرطان " :
*فصل يقول :النور دائما يخرج من ثقب الألم.
مشاركتك في جمعية مكافحة سرطان الثدي، ظهور في برامج تلفزيونية، ترجمة كتاب لمساعدة الأطفال في فهم ما تمر به الأم "mummy's lump" ، مشاركة في محاضرات في جامعات للتوعية،.. الخ. اعمال عظيمة.....
كنتي مصدر الهام للكثير، كنت مستنية تساعدي الغير قادرات علي العلاج، لمعلوماتك هناك الكثيرات يعلمون بالفعل بالمرض وأيضا في الوقت المبكر ولكن لا يسارعن بالعلاج، مش عشان ده مرض ميئوس منه كما تقولين ، بس عشان لا باليد حيلة أو لا باليد أموال..
_لسه جميلة : الأغنية كان دايما في حاجة بتمنعني اني اتفرج عليها، وحمد لله عرفت ان الجميل اني اعرفها من هنا واعرف تفاصيلها و انها فعلا فريدة من نوعها.
+ الفصل كان في تفاصيل زيادة جعلته ممل بعض الشئ.
...
*بالنسبة لزوجك : لم تقولي صراحه أنه تركك وحدك أو خيب ظنك، لكني انتظرت طوال الكتاب أن أشعر به في أي جزء أو حتي ان أبحث عنه بنفسي، لكنه لم يحدث،لم اجده.

*ريهام : موقف إنساني، ستشعر بنتيجة كل ما فعلته معك.

*سوبر ميرو : بحبك والله.
...
_قواعد ال "بريست كنصر" الأربعون : عرض معلومات عن الكانسر "بالسين" :')) بطريقة فكاهية إضافة جميلة جدا وجعلتها معلومات طبية تخلو من الممل.
_الاغاني المصاحبة: فكرة في مكانها، لكن لم يكن هناك داعي لذكرها في نهاية الكتاب،، خالص.
_مفاهيم خاطئه حول سرطان الثدي : جزء مهم ومفيد وفعلا صحح معلومات غلط عندي.
....
كتاب عظيم كأول كتاب.
مبارك لكي الشفاء.

[Menna Mohammed · Rating 3 out of 5]

الكتاب كان تجربه جميلة... بتحكي فيها الأستاذة غاده صلاح عن تجربتها مع سرطان الثدي؛الكتاب بيحكي عن تجربة المرض من منظور انساني و التجارب الاجتماعيه اللي مرت بيها مع الحديث عن حالتها الصحيه و تأثير العلاج الكيماوي و الإشعاعي و الهرموني عليها محاولة شرح معاناة مريض السرطان. الصراحه الكتاب مليان طاقه إيجابيه و بيظهر شخصية الاستاذه غاده و طريقة تفكيرها.
و اللي متعجبه منو أن الكتاب قدر يوصل ليا مشاعر كتير فعلا بس الكتاب بيتكلم عن تجربه مع المرض أكثر ما يكون مرجع علمي و يحتوي علي بعض المعلومات البسيطه..اللغه العربيه فصحه كويسه و الحوار بالعاميه.

[Ghada · Rating 4 out of 5]

كتاب مفيد جدآ :
غني بالمعلومات، شديد الصدق و ملهم لأقصي درجة.
تحية حب و إعجاب لصاحبة القصة والقلم