بُعد رابع

by محمود عصام

يا واخد كل حاجة معاك
ولسه هناك أنا في البُعد مش زيك
طب إزيك

Genres: Poetry, Audiobook

160 pages, Paperback

Published January 1, 2013

Reviews

[نهى مختار · Rating 4 out of 5]

يا واخد كل حاجة معاك .. ولسه هناك
أنا في البُعد مش زيك .. طب إزيك
يا ساكن كل شراييني
أنا بتوحشني أخبارك
يا أول حد يلغيني
وأول واحده تختارك
صباحي بخير .. بـ غير غيرك
ياريتني بكون في تفكيرك
ياريتني سكنت مشوارك


هبعدك عنك المسافة الممكنه .. وابكي انك مش هنا

نتعب فـَ نبعد فـَ نتعب نعود .. نشيل الحواجز ونعمل حدود .. تايهين بنحب في ناس تايهين

محمود عصام حد رسمته ولاقيته قدامك
شاعر مهندس بيعافر على مهله عشان يحقق نفسه

[سيد السيد · Rating 4 out of 5]

شاعر متمكن من عناصر الصياغة
موسيقاه موجات تصحبك في رحلة التلقي
اختياراته الأسلوبية كحديث الأصدقاء بلا تكلّف
حسه درامي في اختيار المواقف
عينه ترى من زوايا متعددة
وعيه الجمالي بدور المتخيّل في اكتشاف الواقع واضح
إدراكه لوظيفة الشاعر في منح الصوت للفراغ الذي يبدو صامتا يضيف لمفهوم ما وراء الإبداع

[شريف سالم · Rating 4 out of 5]

جميل وبسيط ومن القلب

[Ahmed Sallam · Rating 4 out of 5]

عمنا وعم الشعر كله نجيب سروركان بيقول:
" الشعر مش بس شعر لو كان مُقفى وفصيح
الشعر لو هزقلبك وقلبي , شعر بصحيح " !

الديوان لمس قلبي فعلا ..

بلاش تجنب ناس بلا داعي
وبلاش غباء إن كنت مش واعي
إرجع لأول نور يشوف بصرك
وإنسى اللي سابك حتى لو كسرك

جمع مشاعرك حتى لو أشلاء
خلي الجراح تشتاق
إن إنتوا تاني ف مرة تتقابلوا
وإكتب لبُكره .. نقطة تُحسبله
يكسر عينين
كل اللي كان قبله "

[Aya Abed · Rating 4 out of 5]

خلينا نتفق علي حاجة هل محمود شاعر كويس اه كويس بيعرف يغزل شعر اه بيعرف بيعرف يوحد قصيدة تخليك تقول الله بيستسهل اه بيستسهل وبيستسهل جدا وده شئ يضايق يضايق جدا
قصيدة زي بالطو جلد ، نقطة فاصلة ، اراكم نرتجف نختل ، وديني هناك ، مشهد مش هيتكرر ، تخيل لو مفيش نسيان ،لو بكره اتعاش من ست سنين تقول ان الراجل ده عاوز يعمل حاجه حلوه هل عملها للاسف لا بيسعي يكتب حاجه حلوه بس مش بيسهي للكمال
محمود عاوز يكتب شعر قصصي واضح جدا انه بيحاول بس مفيش ولا بعد من الاربعه لمسني بالرغم ان القصة تلمس بس معرفش يخليها تلمس( بعد السويس باتنين كيلو)
محمود يصنف كأدفي صوت سمعته او هتسمعه في حياتك لذلك بنصحك تروح تسمع القصيده وبنصحه ينزل اسطوانه مع القصيدة ايمانا بان الشاعر لازم يستخدم مميزات
الفصل الخامس من اروع اروع حاجه قريتها
الفصل الخامس عامل زي فرحة روايه انتهت بنهاية حلوه

[Toka Elsayed · Rating 2 out of 5]

🔷️️اسم الكتاب : بْعد رابع
🔷️️اسم الكاتب : محمود عصام
🔷️️نوع الكتاب : ديوان شعر عامي
🔷️️اصدار عن : Darak publishing - دارك للنشر والتوزيع
🔷️️عدد الصفحات : 160
🔷️سنة الإصدار : 2017
🔷️

❞ • أنا مش هتكلم وانا سايق‏
‫قدامنا دقايق
‫وهنوصل
‫أنا أصلًا خلصان
مش فايق
‫مش ناقصة كلام أهبل ساذج
‫يتْعب أعصابي
‫ولا ليا مزاج إنِك تتغابي
‫فياريت تناميلك رُبعَايّة
‫ما فاَضلش كتير
‫وعشان ترتاحي مفيش حاجة
‫ربنا مش كاتب غير الخير ❝

‏ديوان شعر عامي ربما بعض قصائده تليق أكثر كأغنية ، لا أنكر تمكنه من القافيه والسجع ، وإن كنت ما زلت على رأيي ، لا اعتبره شعراً ...

غلب عليه في هذا الكتاب الحكاوي والمواقف ، ورؤية مختلفه من زوايا متعدده ....

وشكرا 😁

#بُعد_رابع
#محمود_عصام
#مراجعات_تقى_إسلام

[zahraa esmaile · Rating 1 out of 5]

#ماوراء_العالم
#قراءات_2021
#بعد_رابع
تحذير:ريفيو قاسي
ديوان شعر حجمه صغير...تجربة صوتية لاتتعدى ساعة وربع
ولكنها تجربة سيئة جداً معايا
بداية الديوان كانت مبشرة ف لقطات الشاعر بروزها باحترافيه
ولكن
جرعة الحزن فوق المحتملة...ليه السواد دة كله ف ديوان شعر؟؟؟
والقاء الشاعر معجبنيش في سابقة أولى
المعروف ان الشاعر هو اكتر شخص يعبر عن شعره...والقاء الشاعر ضعيف للغاية
تجربة سيئة...كملتها فقط لاني مكنتش فاضية اختار حاجة تانية
نجمة واحدة وديوان شعر معجبنيش
انتهى الريفيو
#الكتاب_رقم_34
#كتب_صوتية
34/100
7-مارس

[إيمان · Rating 5 out of 5]

كريم ادم كعادته بيعمل غلاف بسيط و معبر عن المضمون مع لون جرئ يكسر الواقع و طبعا يستحق اول نجمة...
محمود عصام قدر يخطف 4 نجوم اجباري ، وجعني جداااااا و بكاني في الفصل الاول و الخامس و اللي استحق كل واحد منهم نجمة لوحده و النجمتين التانين متوزعين علي رقم جارح ، أجمل شيء حصلي، ضد رغبات احتياجها ، شاشة سوده، وحده في بلكونته، نراكم نبتسم نحيا، نراكم نرتجف نختل، وديني هناك، بالطو جلد.
الكلام الحلو مش وزن وقافية و فصحي الكلام الحلو اللي يدخل القلب يعيشه الحالة و محمود عصام اجاااد و مس القلب

[Ameerah · Rating 4 out of 5]

سمعت الكتاب صوتي .. الالقاء جميل و احساس يوصل الكلمه

[Shady Hussein · Rating 3 out of 5]

استمعت للديوان وقد استمتعت به لكن قابلني بعض القصائد كانت ضعيفه لكن المجمل لطيف والإلقاء حلو اوي

[Renad Sherif · Rating 5 out of 5]

حقيقي الديوان عظمة بمعنى الكلمة، مش مجرد بتقرأ كلام مُقفى لا ده فيه وسط الكلام حكاية بتحسها اكتر من كونك بتقرأها ♥️👌🏻

[Yosh · Rating 1 out of 5]

استمتعت إليه بإلقاء المؤلف، نجمة لحضور الاحساس ولبعض ما ورد فيه وهو ولسبب أجهله يبدو مألوفًا جدًا.

[أماني العازمي · Rating 3 out of 5]

ككتاب صوتي على ستوري تل، رائع.

[Sarah · Rating 3 out of 5]

❞ هى اللّى بتكتب تفاصيله .. هى اللّى بتعزف أوتاره ..‏

‫كان أكتر حد بيإذيها .. كان أول حد بتختاره ❝

[ToTa Mah. · Rating 5 out of 5]

انا مقتنعه جدا ان مفيش ديوان كامل .. مهما كان الشاعر كبير و عظيم بيفضل العمل اللي بينتجه ده ناقص جزء .. ناقص لمسه .. ناقص حاجه لو كانت موجوده كان هيبقى كامل .. ف النهايه في اعمال عاديه .. و اعمال ممتازه .. و اعمال مميزه .. و اعمال اشبه للكمال ..
الديوان ده تقريبا مسبش حد ملمسهوش .. مفكرهوش بتجربه مرت عليه او ع حد يعرفه ..
الديوان اشبه الى ان يكون ديوان قصصي لولا وجود النقاط الفاصله .. و دي اول ميزة للديوان .. كان ممكن يكون ديوان قصصي بحت و كان هيبقى روعه و لكن تحسباً لوجود اشخاص ممروش بأي قصه او اي حدث تناوله الديوان فكان وجود النقاط الفاصله له دور مهم جدا لكسر الروتين و لفصل الاحداث و للناس اللي ملقتش نفسها ف الشابترز القصصيه تلاقي نفسها في القصائد المنفصله العاديه ،، الديوان فيه احداث كتير مرتبة و منسقه و متتابعه و مفهومه و واضحه و محسوسه ملموسه جدا جدا و واقعيه
- الفصل الاول قبل السويس ب ٢ كيلو .. لخص كل انواع الفراق .. فرق الاب .. الابنه .. الزوجة .. حتى فراق الكلب .. كل فراق اتكتب بطريقه تختلف عن الفراق التاني .. مكنش في روتين او ملل او تكرار بالعكس كل قصيده تشد اكتر للقصيده اللي بعدها
- الفصل التاني لو بكره اتعاش من ٦ سنين .. شابتر تقيل .. محتاج تركيز و محتاج فهم .. فكرة لغبطة الوقت دي فكره جديده جدا معتقدش ان ف حد تناول الفكره دي قبل كده .. بس هو تقيل ع القارئ نوعاً ما

[Hamza El-Kady · Rating 5 out of 5]

يستحق 5 نجوم عند جداره
مواضيع مختلفه من الحياه الاجتماعيه تم رسمها بدقه و بكلمات تفوق الخيال مع موسيقي ناعمه شاعريه هادئه
نادر لما بقيم ديوان شعر ب 5 نجوم لكن حقيقه الديوان عظيم بالتوفيق