حب امتلاك

by ماجد سنارة

أحبت بعدك؟ عجبت لك يا صديقي! ألم تهجرها بمحض إرادتك وتركتها تحترق بنيران اللوعة وجحيم الوجد والاشتياق؟ ألم تطردها من قلبك وتوصد أمامها بابه حتى بعد أن سعت إليك سعياً وطافت حول بابه كعابدة متبتلة لعلك ترفق أو تلين لكن دون جدوى، فبالله عليك ما الذي حدث الآن وجعل الحزن يغشى ملامحك ويلقي بظلاله على وجهك؟

135 pages, Hardcover

Published January 1, 2017

Reviews

[Osama Yosre · Rating 5 out of 5]

حب امتلاك - ماجد سنارة
الكتاب عباره عن مجموعه قصصية وكان من ترشيح زميلتنا رجاء من مكتبة الرسم بالكلمات وكنت فاكر انها بدبسنى ولكن لما انتهيت منه حبيت اشكرها
لان اسلوب الكاتب رائع وواضح انه يمتلك ادواته وقادر على التعبير الى جانب تنوع القصص وتحس ان اسلوبه جذاب ويخليك عاوز تعرف باقى كل حكايه
انا بتنبا بانه هيبقى كاتب هايل لان ما يملكه من امكانيات لم اجده فى كثير من كتاب اليومين دول
مش عارف ليه تصميم الغلاف غريب وكتبين على الغلاف من الخلف التصميم سوليمان وفى اول صفحه التصميم كريم ادم ما ترسوليكو على حل

[Claudia · Rating 5 out of 5]

اسم الكتاب: حب امتلاك
المؤلف: مستر Maged Senara
دار النشر: الرسم بالكلمات
تصميم الغلاف: كريم ادم (الشخص دة مبهر ومبدع فعلا)
عدد الصفحات: ١٣٦
مبدأيا احب أنوه أن دة تقريبا تاني عمل للكاتب.. هو مكتوب من فترة طويلة فأكيد طور من نفسه دلوقت.. منقدرش نحكم عليه من الكتاب دة لأنه قديم.. اشطه.. يلا بينا:

اللغة جميلة جدا جدا فعلا.. واحنا عارفين أن دة تاني عمل للكاتب يعني اللغة اتطورت عن كدة وبقيت احسن في الأعمال التانية.. لكن عيب واحد معجبنيش هو استخدام الفاظ مدرسة الاحياء والبعث في الحوار.. يعني في السرد كانت الألفاظ عظيمة جدا وفي مكانها.. لكن في الحوار كانت متكلفة شوية.. لأن مفيش واحد بيكلم صاحبه مثلا هيقوله الصبابة 🤨😂 قد تبدو ملاحظة تافهة مني بس دة شعوري يعني
القصص حلوة جدا في المجمل طريقة الوصف والسرد عظيمة لأبعد حد.. بيقدر يخليك تعيش في كل تفصيله وتحس بدواخل كل شخصية بطريقة عظيمة جدا.
هتكلم على كل قصة لوحدها بطريقة مختصرة (كنت بكتب الكلام دة بعد نهاية القصة على طول علشان شعورها ميضعش مني😂)

امرأه في محيط العذاب
فيها كمية حزن وأسى قفلتني من الدنيا🙂 شعور بالقنوط وعدم الرضا يجتاح صدري بعد نهاية القصة.. والصراحة دة يحسب للكاتب يعني

حب امتلاك
ياااه على الراحة النفسية😂😂 قدرت اتوقع نهايتها من البداية.. ومع ذلك فرحتني جدا😂 وماعتقدش أن هدف الكاتب كان في لحظة التنوير.. لا خالص جمال القصة في التفاصيل انت عايش مشاعر حب وفقد وهجر وانتقام وحاجات كتير وآخر ما القصه تخلص بتفتكر انك سينجل ومفيش اي حاجة من الكلام دة😂😂😂

مقابر الرعب
رعب🙂 متفقناش على كدة🙂😂😂 مشكلتي مع الرعب اني مش بخاف بسهولة.. مش سهل قصة رعب تخوفني.. للأسف.. لكن منكرش أن القصة دي قدرت تحطني في جو من التوجس والريبة.. دة غير أن تيمتها أسطورة منتشرة في الصعيد -بتخوفني شخصيا 😂😂- فتجربة حلوة.. خوفت على ايد كاتب مش بتاع رعب🙂😂

سالي
اكاد من فرط اللطافة اذوب والله.. ايه الجمال والكيوت واللطف دة.. قصة قمر بكل التفاصيل.. شعور بالدفء والسكينة والطفولية البريئة.. حبيت جامد❤️

صرخة في وجه الطغيان
اطول قصة في المجموعة.. الأحداث جميلة جدا.. حبكة اقرب للنوفيلا منها للقصة القصيرة بس جميلة.. لكنها أقل واحدة عجبتني فيهم

لحمه الخميس
بنبوناية النهاية😂😂 ضحكت بجد.. احلى ختام لكل المشاعر اللي بدأت بالحزن للانتقام للخوف للبراءة للفخر والعزة وفي الاخر ضحكة خفيفة.. حقيقي ساعتين قضيتهم مع الكتاب حسيت بكل المشاعر الممكنة.. كتاب رائع❤️

[Noor Maher · Rating 5 out of 5]

رووايه عظيمة اسلوب الكاتب كان في غاية البساطة لا يوجد تعقيد والقارئ لن يشعر بالملل الذي يميز الروايه انها مجموعه قصصية مختلفة في عليه الجمال بالاخص صرخة في وجه الطغيان ..اسلوب الكاتب مميز يتسم بالاتساق والبعد عن الاخطاء اللغوية وترتيبه للاحداث .ننتظر المزيد مثل هذه الروايه الرائعة
دمت متألق ياماجد باافكارك واسلوبك الرائع ❤

[Mareev · Rating 2 out of 5]

الكتاب معجبنيش و مليت من ٣ قصه و طريقه الكتابه فيها لغه عربيه و مع عاميه بحس اني تايهه وانا بقراء

[Taghreed Allam · Rating 5 out of 5]

أبدع الكاتب في التصوير، والتشبيهات البلاغية، وتجسيد المشاهد. كما استخدم معاني ومترادفات كثيرة مما يدل على تمكنه الكبير من اللغة! المجموعة جميلة بشكل مؤلم، وأعجبني أن الكاتب أنهاها بقصة خفيفة وطريفة؛ لتخفف من الوجع الذي سببته باقي القصص.

[Karam El-Hallaq · Rating 5 out of 5]

لغة قوية وتعبيرات أكثر من رائعة، بالإضافة لمعاني عميقة تمس واقعنا، وتحملنا بين طياتها في إطار أدبي قصصي يدعو للتفكر، أنتظر مؤلفات جديدة للكاتب المُبدع.

[Shifaa Esmail · Rating 5 out of 5]

مبدئياً حابه اتكلم عن ماجد ك شخصيه او خلينا نقول ك كاتب بقا علشان نعطى الحق لاهله من اعظم واجمل والطف الناس ال شوفتها ع الرغم من ان لم يكن لى معه تعامل مسبق الا وانى عندما حادثته كى يرسل لى الروايه فما كان منه الا أن اجابنى بسرعه وليس كما يفعل البعض والامر الاخر انه كان يتحدث معى بكل لطف وتواضع ف اللهم بارك

الريڤيو قولت انى هكتبه المفروض البارح واسفه انى اخلفت بكلامى ولكن الابليكيشن لم يكن مثبت عندى فحملته اليوم واول م فعلته هو انى كتبت الريفيو👇👇

طبعاً انا مش من هواة المجموعات القصصيه ولكن قد تعجبنى احياناً مجموعه ف اقرأهاا
و صدقاً وبدون مبالغه هذه من أجمل والطف أن لم تكن الاجمل والالطف ع الاطلاق من بين كل المجموعات القصصيه التى كتبت ♥️
استطاع الكاتب أن ينتقل من قصه الى قصه ويشوق القارئ الى القصه التاليه
اللغه العربيه فصحى ولكنها ليست بالفصحى الثقيله المنفره ولكنها الفصحى التى تجذب القارئ
استمتعت جداً وانا بقرأ تخيلت انى اعيش معهم ف احداث الروايه وهذا كله ان دل فيدل ع براعة الكاتب
كل التوفيق ل ماجد سنارة ♥️🌻

[Khadeeja Salah · Rating 5 out of 5]

اول مره أقرا كتاب مره واحده من غير ملل ولا توقف وده بيرجع طبعا
لأسلوب الكاتب المختلف وسلاسه الكلمات اللي بيستخدمها
يمكن انا من اكتر الناس اللي بتحب تقرأ مجموعات قصصيه بس في الفتره الاخيره بقى اسلوب الكتابه عند معظم الكتاب ممل ومبيشجعنيش كقارئه اني اكمل
من أحسن الكتب اللي قرأتها والله ♥️

[رواية · Rating 1 out of 5]

قصص عفى عليها الزمن و لغة ركيكة جدا جدا