စီးဆင်းမြဲပင်

by နေမျိုး

Unknown Binding

About the author

‘ဆိုင်းသမား’စာအုပ်ကို ရေးသားခဲ့သော ရွာစားစိန်တင်ဟန်သည် နေမျိုး၏ ဖခင်ဖြစ်သည်။ မိခင်မှာ ဒေါ်စိန်တင်ဖြစ်သည်။ ၁၉၆၃ ခုနှစ်၊ မတ်လ ၁၄ ရက်၌ မန္တလေးမြို့တွင် မွေးဖွားခဲ့သည်။ ပန်တျာနှင့်ပန်းချီပန်းပုကျောင်းမှ လုပ်ငန်းပန်းချီအထူးပြုဖြင့် အောင်မြင်ခဲ့သည်။ နေမျိုးသည် ရသစာပေရေးသားခြင်းအပြင် ကဗျာရေးခြင်းနှင့် ပန်းချီရေးခြင်းအနုပညာတို့ကိုလည်း လေ့လာလိုက် စားဖန်တီးသူဖြစ်သည်။ ၁၉၈၉ ခုနှစ်၌ မဝင်းမေနှင့်လက်ထပ်ခဲ့သည်။ မန္တလေးမြို့ တွင် သားသမီးများနှင့်အတူ နေထိုင်လျက်ရှိသည်။

Reviews

[Linn · Rating 5 out of 5]

စာရေးဆရာက သူ့ရဲ့ သေဆုံးသွားတဲ့ ဇနီးဖြစ်သူကို သတိရစိတ်နဲ့ ဇနီးဖြစ်သူရဲ့အကြောင်း သူတို့ တွေ့ဆုံခဲ့ပုံ၊ ချစ်သူဖြစ် လက်ထပ်ပြီး သားသမီးများပွားစီးရာမှ ဇနီးသေဆုံးတဲ့အချိန် အထိ အချိန်ကာလ အဖြစ်အပျက်လေးတွေကို ရိုးရိုးရှင်းရှင်း နည်းနည်း ဒန် ဒန် နဲ့ သူက တစ်ယောက်ယောက်ကို ပြန်ပြောပြနေသလိုမျိုး အေးအေးဆေးဆေး ရေးထားတာဖြစ်ပါတယ်။ ကြားဖြတ် သူဖြတ်သန်းရတဲ့ ကဗျာဆရာ၊ ဝတ္ထုတိုရေးဆရာတွေရဲ့ ခက်ခဲကြမ်းတမ်းမှုတွေလည်းပါသလို စာပေမိတ်ဆွေတွေအကြောင်းလည်းပါပါတယ်။ ICON မဂ္ဂဇင်းမှာ ၁၄ လ တိုင် အခန်းဆက်ဝတ္ထုရှည်အဖြစ်ပါခဲ့တဲ့ စာကို စာအုပ်ပြန်ထုတ်ဝေထားခြင်းဖြစ်ပါတယ်။ စာရေးသူဟာ သူ့ဇနီးနာမည် မဝင်းမေ နဲ့လည်း စာအုပ်ရေးထားတာရှိပါသေးတယ်။ ဒီစာအုပ်ဟာလည်း အဓိက မဝင်းမေ အကြောင်းပါပဲ။