أم فريدة

by بسمة السباعي

نهاية الحياة مش معناها الموت .. فيه ناس كتير عايشة بس حياتها انتهت ..
عشان كده اشبع من مكانك و حياتك قوي قبل ما تسلمهم لغيرك ..
اوعي حياتك تخلص قبل ما تبتديها ..
اوعي النهاية تيجي قبل البداية ..

254 pages, Unknown Binding

Published January 1, 2016

Reviews

[Bookworm · Rating 2 out of 5]

غلاف الرواية رائع لدرجة تجعلك لا تقاوم شراء الكتاب
الكتاب مسلي لولا التكرار و التطويل و المباشره في النصائح علي طريقة اغسل يديك قبل الاكل

[Rana Atef · Rating 3 out of 5]

الكتاب فكرته كويسه جدا، وخلتني افكر في حاجات كتير واواجه نفسي بردو في حاجات كتير واتجاوبت جدا مع الكتاب بالضحك او البكى لكن النيجاتيڤ انرچي اللي وصلتني من معظم صفحات الكتاب مخلتنيش اديه 5 نجوم خصوصا ان الكاتبه مدتناش حلول هي حطت ايدها ع المشكله وبس..
اسلوبها لحد كبير عجبني.، دايما في نجاح بسمه

[Samar dawoud · Rating 4 out of 5]

علي قد ما الكتاب بسيط بس الكلام بيدخل ع القلب مباشر جميل جدا واستفدت منه كتير 💙👌💙👌

[zahraa esmaile · Rating 2 out of 5]

دة نوع من الكتب الى يشدك جدا ف الاول خاصة الغلاف والتقديمة الى ف اخر الكتاب
ومع اول 100 صفحة تقول هايل ولامس جواك
هوب يبتدى الهرى وكانك بتقرا بوستس فيس بوك
بتوصل بعد كدة انك تسال نفسك
ايه الى انا عملته ف نفسى دة؟؟؟
يمكن المشكلة فيا انى مؤخرا بقرا ل ابراهيم نصر الله وكتاب شباب محترمين ف الهلس مبقاش يظبط معايا حتى لو كان من باب تغيير مود القراءة
المهم
الرواية بتتكلم عن بنوتة اسمها عاليا وقصة حياتها من طفولتها ولحد م اتجوزت مرورا بكل مراحل الجواز والتجهيز والبيبى الى وصل بالسلامة
النص الاول كان حلو ودة سر النجمتين
فعلا الكاتبة وصفت مشاعر اى بنت بتتنقل لحياة جديدة وصف دقيق
بس بعد كدة بصراحة
كرهتنى انا ك سينجل ف الجواز وسنينه
كمان وصلتنى ف اخر الكتاب لقناعة ان مفيش حد مرتاح ومفيش حد بيعرف يظبط اموره ولا يعيش ايامه
وبالتالى كلنا خسرانين...ك بنات يعنى
روحى ربنا يسامحك يا شيخة
نجمتين وكفى
#الكتاب_رقم_70_لسنة_2016
#كتاب_لكاتب_من_بلدك

[Sandra · Rating 3 out of 5]

اسلوب الكتابة حلو أوي و كنت بتأثر مع الشخصيات اللي في الكتاب. عيطت و ضحكت معاهم. المشكلتين الواحدين اني في وقت اكتئبت حسيت طب ايه الحل بقى؟ و المشكلة التانيه ان كان في تكرار كتير أوي في الكتاب. بس الهدف من القصة وصللي و أثر فيَّ