عاطف الطيب رائد الواقعية المصرية المباشرة

by هاشم النحاس

391 pages, Paperback

Published January 1, 2016

Reviews

[Mohammed omran · Rating 4 out of 5]

كفايه فيلم الحريف مع عادل امام ومحمد خان احترم هذا الرجا
-فيلم الحريف لعادل إمام بالنسبالي مش مجرد فيلم..دا مجرد واقع عايشينه وهنفضل عايشينه طول العمر..الفيلم بيحكي عن الناس اللي بتعيش طول عمرها بتجري ورا اكل عيشها من غير ما ترتاح..الناس الموهوبه المدفونه تحت الأرض وبيوصل علي حسابهم ناس بدون مواهب..الناس اللي بتعيش طول عمرها تحلم..الناس اللي بتخسر كل حاجه حلوه عشان رزقها ضيق.

-الفيلم اختار حِرفه واحده بتعبر عن باقي الحِرف واختيار حرفه كره القدم لانها اقرب للناس.. لاعب كره شوارع حريف والعبقريه ان الشخص اللي بيستغله وبيتربح من وراه اعرج بعكاز يعني مستحيل يبقي عنده موهبه زيه ودا حقيقي كام واحد بيتعب في شغله الوقتي وفي الاخر يلاقي غيره بيوصل..

-لما امه ماتت مأفورش في مشاعره ماهي مش عايشه في جنه عشان يزعل، ولما راح لابوه يقوله امي ماتت رد وقاله كلنا هنموت معاك سيجارة..ماهو ابوه صاحب حِرفه هو كمان وعارف اللي فيها.

-الفيلم دا فشل في السينما والناس مكملتش الفيلم وحصل خلاف بين عادل امام والمخرج محمد خان بسبب تبادل الاتهامات..محمد خان قاله انت معملتش الدور زي مانا عاوز وعادل امام قاله انت كنت بتاخد كادرات بره الفيلم وبتهتم بحاجات جانبيه بوظت الفيلم..مرت السنين والفيلم اتعرض في التليفزيون مره واتنين وبعد سنين طويله طلع جيل جديد من الشباب صنف الفيلم كواحد من أفضل الأفلام في التاريخ وتجربه محمد خان في الكادرات والإخراج بتتدرس للناس الوقتي،واداء عادل امام اتصنف بإنه الأفضل في مسيرته.

-اخر ٥ دقايق في الفيلم وصوت عادل امام وهو بينهج مستمر طول المشهد لدرجة ان النهجان اختلط بالموسيقي التصويريه..يخليك تتعب نفسيا وتحس بمعاناه البطل وانت بتتفرج..

-احمد ذكي كان رفض الفيلم، ولما شافه كان هيتجنن وناقد فني اتصل بيه بيقوله مبروك علي فيلمه شادر السمك وعلي فشل فيلم الحريف،رد احمد ذكي وقاله انت لا ناقد ولا تنفع تبقي ناقد الفيلم عظيم وانا ندمان.

-علي صورة الcover بتاع الفيلم مكتوب بخط رفيع "اكتشفت بعد فوات الاوان ان الحياه مثل الكره..أجوال" والمعني واضح انك مش مهم تبقي حريف المهم انك تجيب جول يكسبك في النهايه، مش مهم تبقي مجرد حرفه او موظف لازم تفكر ايه اللي ممكن يغير حياتك..!!

-لو بتدور علي فيلم فيه عويل وصريخ ومشاهد مطاردات وأفوره في الحزن او الفرح او الحب بلاش تتفرج..انما لو عاوز فيلم من كتر الوجع مبقاش فيه داعي للصريخ، كل الفكره انك بتعيش وخلاص واي حاجه تحصل تحصل وانك مجرد بتعدي أيام.فانا أنصحكم بالمشاهده❤️

"الحريف-عادل امام-محمد خان-عاطف الطيب"