سالب 2

by مي رضوان

بسم الذي جعل الكلام عزوة
يسند معانا في الليالي السود
يا حسرة ع اللي لسانه بات معقود
محروم من الشكوى
بسم الذي جعل القلم مأمور
بالحق ينطق أو بصوت باطل
بالاختيار
الحق نور.. الحق نار
الحق سور فاصل
بسم الذي سوى البنان.. ألوان
بسم الذي خلق البشر.. أكوان
بسم الذي خلى الكلمة بالمجان
اهديني للكلمة.

120 pages, Paperback

First published January 1, 2015

Reviews

[Marwa Eletriby]

العمر اغلي من انتظارك للصنم
.
علشان نتيجة البحث من دايمًا في صالح حد
سيب اللي تايه يهتدي لوحده
.
وأنتي اللي عاوزة معجزة ترجع إيمانك بالحياة
.
سبحانه من قادر يعدي خيط النور في خرم الشيش بعد أما كان مسدود بجيش ضلمة
.
في طرق كتير للابتكار
معرفش منها ولا طريقه
ترجعني تاني - بعد كل اللي حصل - اهتم
.
حبيته
.

[سلمى سليمان · Rating 3 out of 5]

مي لخصت حالتها وحالة الديوان كله وهي بتقول:
"نأسف على العطل الفني
كان غير مقصود
أنا عاوزة اقول حاجة
تطلّع م الموود
لكن هوانا المتحني
دخان وبارود..."

الديوان أشبه بهلوسة وهذيان من أثر الصدمة، كتبته لإنها محتاجة تقول للصدمة إنها قادرة تحبسها ع الورق.

مي بتكتب اللي هي مصدقاه وعيشاه من غير مغالاة وده شيء صعب -لو تعلمون اد ايه- على أهل الشعر.
القصيدة الأخيرة هي أثيرتي.

[Ala'a El-Nabawy · Rating 2 out of 5]

محاولة معقولة بس بردو ليس إلا تنفيس عن ضغطات الحياة ... مش لاقية بين الشعراء الشباب اللي يبعبر بلغة شبه هو و يفجأنا بمعاني في الحياة مش واخدين بالنا منها .. و الاهم لسة مش موجود اللي يبتكر استعارات جديدة باللغة!

[Menna Magar · Rating 3 out of 5]

:) لسه مي بتقدر تلمس الوتر الحساس جدا
لسه بصدق مي
لسه مي بالنسبالي مهمة لارتباطها بكتير جدا في خيالي
شكرا يا مي عشان لسه بتكتبي

[Asmaa Elsharawy · Rating 4 out of 5]

ما بين قول تميم " وتبقى عايز تقول له يا أخي آسف، قُل لي بس أعمل إيه؟ " و " لكن نصيبك في أنفاسي أشيله إزاي! " .. ميّ قالت سالب اتنين.

"سُبحانه .. هيبلّ ريق قلبك بشَربة مَي."

حـيّ!