اعرف طفلك وعلم عليه

by نهى الجندي

لو لسه أم جديدة طازة، لسه مخلفة، لسه تعبانة نفسيًّا وجسمانيًّا من الحمل والولادة. بتحبي ابنك أو بنتك جدًّا لكن مش قادرة تحسي بمشاعر الأمومة اللي صدعونا بيها طول عمرنا، وحاسة إنك مش طبيعية..
يبقى ده الكتاب اللي بتدوري عليه.
مفيش حاجة هتهون عليكِ كل ده غير ضحكة طفلك وهو شبعان وبيبصلك عارفك إنتِ بس . نهى الجندي بتشارك كل أم - لأول مرة - تجربتها وبحثها بأسلوب ساخر لطيف من لحظة الولادة لحد سن الحضانة. تفاصيل تغذية الطفل وكيفية التعامل مع الفرق بين توقعاتك أو اللي قالولك عليه وبين اللي بيحصل في الواقع، مرورًا بقائمة المشتريات المفيدة فعلًا وإيه اللي ممكن تتجنبيه. وكمان أفكار نشاطات مشتركة مع طفلك ونصائح مش هتلاقيها في كتالوج الجدات؛ وكله من واقع يومياتها مع طفلتها الأولى.

223 pages, Paperback

First published January 1, 2015

Reviews

[Wissal H · Rating 4 out of 5]

الكتاب اللي حط يدو على الجرح بالضبط !!! وكأن الكاتبة تصف معاناتي بالحرف . تجربة الأمومة لأول مرة هو أمر صعب للغاية ممها كانت تحضيرات الأم الحامل لذالك قبل ولادتها من قراءة كتب تربية و تعامل مع الطفل حديث الولادة والإنصات لتجارب الأمهات اللاتي سبقنها في هذه المهمة الجليلة وطرح العديد و العديد من الأسئلة و البحث المتواصل للإجابة عن أكبر عدد ممكن من التخوفات قبل الولادة .. لكن هيهات ثم هيهات بمجرد قدوم البيبي المنظر تبدأ سلسلة من الأحداث التي لم يكن من المتوقع حدوثها أبدا
أولا : ولادة قيصرية مستعجلة مثلا تضرب بكل مجهودات الحامل و التمارين الرياضية التي قامت بها عرض الحائط !

ثانيا: اكتئاب ما بعد الولادة وماأدراك ما اكتئاب بعد الولادة هو الجحيم نفسه

ثالثا : الإخفاق في الرضاعة الطبيعية لأي سبب من الأسباب

لتدخل الأم الجديدة دائرة اللامتناهية من الواجبات و المشاعر المتضاربة وغير المفهومة ... ومعاناة نفسية حقيقية خصوصا الأم المكتئبة !
بعد فترة ما تبدأ الام تدريجيا بالاحساس الايجابي بدورها الجديد
دور الأم ... بكل ما فيه من تضحيات وواجبات واستعابها أن كل ما تقوم به ليس فقط من أجل الواجب بل من أجل متعة حقيقة تحس بها هي .. هي فقط و هنا يكمن سحر الأمومة ...

يارب ترزق الذرية الصالحة لكل مشتاق ولاتحرم أي أحد من نعمة الأطفال لأنهم حقيقة زينة الحياة

[Heba Albaba · Rating 5 out of 5]

بالنسبة للكتاب فبعد أول كام صفحة فيه قمت جبت أقلام الماركر علشان أحدد المعلومات الجديدة أو الأفكار اللي مرت عليا في الكتاب وعجبتني ، حسيت اني قاعده مع أم مثقفه وقارية وليها تجارب ناجحه وجايبه ورقه وقلم وعايز اعرف كل حاجة هي عارفاها منها بحماس كبير *_*

كنت متخيله انه مجرد كتاب فيه شويه خواطر من أم وبتنقل تجربتها لينا بشكل ساخر وبيضحك بس ، أتضح ان الموضوع ممتع بقدر أكبر من ذلك! ، مفيش حاجة ممكن تفرحني في حياتي اكتر من انه يقع في ايدي كتاب ممتع ومفيد في نفس الوقت <3

الجميل كمان انه لفت نظري لحاجه مهمة جداً زي موضوع القراية عن صحة الأطفال و غذاءهم مش بس اهتم بالتربويات و السلوكيات ، ودا حقيقي لابد منه في ظل الفتي والنصايح المتداوله في مجتمعنا وبيطلع ملهاش اي اساس من الصحة

واخيرا، انا كنت بتأثر جدا مع الاحداث ومشاعر نهى وحركات كوكو - بنتها - وبراءة تصرفاتها كطفلة ، ببتسم ويصعب عليا و ازعل واضحك معاها ، الكتاب بحكم واقعيته بيخليه قريب جدا من ان قلبك يحس بيه <3 <3

[فاطِمة طه · Rating 4 out of 5]

كتاب لذيذ، حسيت واحدة صاحبتي بتدردش معايا عن تجربتها مع الأمومة بطريقة عفوية ودمها خفيف. وشاركني رحلتي في أول فترة الحمل. أعتقد هرجع له اقرأ حاجات كتير فيه كنت عاملة لها عائلتين. بس عموما من ألذ وأخف الكتب اللي قرأتها.

[Alaa · Rating 5 out of 5]

جميييييل اوي الكتاب بجد واقعي اوي واستفد منو في حاجات كتير وتصرفات كتير كنت بعملها مع اولادي كل الناس كانت بتنتقدني وطلعت في الاخر صح رينا يجزيكي خير على كل المعلومات الحلوة دي و ان شاء الله مستنين جزء تاني

[Mawa · Rating 5 out of 5]

لا أعتقد أني الشخص الأفضل لتقييم الكتاب كوني لست أمًا، لكن واقعية الطرح وصراحته أعجبتني وشجعتني لترشيحه لصديقاتي الأمهات.
كما أنني استمتعت بقراءته مع أني بعيدة عن التجربة.

[سارة غريب · Rating 4 out of 5]

خفيف ولذيذ؛ بيحكي قصتها مع بنتها، إلي بتتشابه مع قصصنا كلنا.

[Shimaa (Hamssa) · Rating 5 out of 5]

الكتاب دا الواحد مش عارف يعتبره ساخر ولا كتاب تربيه وللا ايه
لكن اياً كان المسمي فهو خفيف ممتع وسهل الواحدة تفهمه
خوفني من الامومة ومن ساعه ما قريته بقيت اشوف اي ام ف الشارع علي انها مسكينة وبيبقي هاين عليا اقولها قلبي عندك .. اداني كميه معلومات هايلة تخليني يوم ما اتجوز واخلف اقدر اتعامل مع هذا الكوكو الجبار رغم اني حرفيا مرعوب ان كائن ميكملش تلاتين سنتيمتر هايقلب حياتي لكن دا لسه ف علم الغيب
من رأيي ان احسن الكتب التربويه هي اللي تجاربها واقعيه وتكون من قلب البيئه بعيد عن كلام اخصائين البتاع واستشاري البتوع والمترجم والعربي والدوشه دي .. دا كتاب ام مصريه لكل مصريه
وخلي الرجاله تعرف البهدلة اللي الستات بيشيلوها
احييكي علي اول عمل ويارب ميكونش الاخير

[Al Mona Kanaan · Rating 4 out of 5]

أكثر ما يميز الكتب المدونة باللهجة المصرية خفّتها و مضمونها الجميل و الأسلوب المقبول القريب من القلب ، هذا الكتاب قد يفيد أي امرأة أو فتاة مقبلة على الأمومة أو الزواج بشكل عام ، روت الكاتبة تجاربها مع ابنتها بأسلوبٍ خفيف و رائع أدخلت فيه المعلومات إلى ذهن القارئ بطريقةٍ بعيدةًٍ عن الملل و التكرار ..
أحببت حديث الكاتبة عن نفسها و تصالحها مع ذاتها و شخصيتها بكامل مميزاتها و عيوبها ، شعرت بكثير من الأحيان بأنّ من تتحدث عنها هي طفلتي

[Yathreb Osama · Rating 4 out of 5]

كتاب جميل خفيف و سهل و مفيد خوفني من الامومة و المعاناة اللي هشوفها بس حسيت اني جاهزة عندي معلومات نوعا ما هتخليني متقبلة اللي جاي و اهو يمكن اكون متوقعة الاسوأ علشان الاقي السئ بس
الكتاب مليان مواقف خلتني اتمنى اولد بسرعة علشان اعيشها مع بنتي المستقبلية و مواقف تانية قلت لا خليها قاعدة جوا مستريحة و مأنتخة

[Alaa Abdelwahab · Rating 5 out of 5]

الكتاب دة بجد رائع جدا جدا جدا , أسلوبه بسيط أوى و بالعامية كله بجد انصح بيه أى أم خاصة لو للمرة الأولى , لإن الكتاب بيتكلم عن المرحلة الأولى من الولادة لحد 3 سنين بس , لكن هو يعتبر داعم نفسى قوى جدا يحسسك إنك مش لوحدك , الكتاب بيتكلم عن الصدمة الأولى و اكتئاب ما بعد الولادة و كل المواقف الغريبة إللى كلنا مرنا بيها بأسلوب ساخر جميل

[Mass Shepl · Rating 5 out of 5]

من زمان مقرتش كتاب بالجمال ده..كتاب ساخر و بسيط و ممتع و مفيد و كنت بفضي نفسي عشان اقرأ فيه...برافو برافو برافو

[Salma Hossam · Rating 4 out of 5]

كتاب جميل ❤ مكتوب بالعامية المصرية ويغلب على أسلوب الكاتبة الفكاهة، أو إن صح القول السخرية الناتجة عن واقع أليم 😄.
ينقل تجربة الكاتبة الأم الجديدة مع ابنتها من سن صفر لسن ال ٣ سنوات تقريبا، من جهة الرعاية (الرضاعة والأكل والشرب والملبس والتطعيم واللعب.... الخ) من خلال نقل تجربة واقعية جدااا للحياة اليومية والمواقف المهمة المتكررة في حياة كل أم جديدة 👩‍👧

أنصح به جدا ل..

🔸️للأمهات المستقبليات: عشان تعرفي هتعدي بايه ويأهلِّك 😅

🔸️للأمهات الجدد: هيساعدك كتير وهيخفف احساسك بالتوهان والضياع وانك مش لوحدك أبدااا 😅

🔸️للأمهات اللي أطفالهم تخطوا سن ال ٤ سنوات: عشان تفتكري انك عديتي بصعاب قد ايه والحمد لله كله بيهون ويعدي 😁🤲🏻

للآباء في جميع المراحل: عشان تدركوا زوجاتكم بتمر بايه نفسيا وجسديا وفكريا وتشيلوا عنهم شوية
.
مجملا الكتاب بسيط جميل، استمتعت بقراءته بالتزامن مع ولادة طفلي الثاني، وممتنة جدا لتوقيته.

أرشحه لأي حد عايز يجيب هدية لأم جديدة

[صالحه · Rating 4 out of 5]

كتاب ساخر و لطيف لنا كأمهات. كنت اقرأه مبتسمه و اهز رأسي اني موافقه على كلامها. فالامومة قد تكون حلم كل بنت و هي طفله تلعب بدميتها حلم وردي جميييل و لكن ليس تماما في الواقع. الامومة شي عظيم و نعمة كبيرة ترافقها الكثير من الطرائف و المواقف و اللحظات السعيده و التعيسة معاً. الامومة تحديات و"شغل جامد". الامومه اربع و عشرين ساعه سبع ايام في الاسبوع. و مع هذا كل شي يهون لان الله خلقنا اقوى من الرجل و نقدر.
الكاتبة ام مثقفة بذلت جهد في صنع خبراتها و قدمته في كتاب خفيف مناسب جدا لامهات سنة اولى. قد لا يضيف الكثير للامهات الخبيرات ولكن هذا الشي لايمنع ان الوحده تقتنيه اذا كانت لازالت في مرحلة الانجاب فالكتاب مثل المراجعة السريعه و اذا الوحده خلاص كبروا عيالها تقدر تقراه و تسترجع الذكريات و تعيش الدراما. مش احنا ستات و غاوين تعب و هم؟! ههههه

[mai Khaled · Rating 4 out of 5]

على رغم اني لسه انسة ولست متزوجة ورغم بساطة الكتاب ولكن حبيته جدا جدا
ليه بقي ؟ عشان حبيت فكرة الام اللي بتحب تبحث وتدور على اصل المعلومة مش مجرد بتجرب والسلام من اي حد لا حابة لبنتها الافضل ،وده لا ينفي انها كانت بتجرب بعض الحاجات عشان تعرف مدي الاستجابة فعلا ،ولكن في المجمل حبيت تجربتها وحبيت انها طلعت زي بتحب الصيف عشان فية نشاط اكتر وحركة اكتر ومش بتحب الشتاء بسبب كثرة الامراض فيه ، وبتحب القراءة وتحب تبحث وتدور حبيت بجد ، بس كان نفسي اعرف دور الاب في الموضوع اي بالظبط ؟؟

[Yasmeen Adam · Rating 1 out of 5]

اسوء كتاب قريته و مقدرتس اكمله!
عيش بلدي ايه اللي اديه لطفلة اقل من٥ شهور
و فطام ليلي ايه لطفلك اقل من ٣ شهور و اصلا فطام ليلي ليه!
و اعشاب ايه اللي اديه لحديقي الولادة!
للاسف اهدرت ٨ ايام من عمري في قراية الكتاب ده!

[Hany Elhamedy · Rating 4 out of 5]

كتاب حلو وخفيف لكل المقبلين علي الانجاب بيوضح لك الطريق لازاي تتعلم وتقرا لتربية طفل حديث الولادة ولان كل تجربة هتكون فريدة ولاته في متشابهات كتير فبلاش تخترع العجلة

الكتاب مش علمي ولكنه تحربة شخصية للكاتبة

[عُلا سيف · Rating 3 out of 5]

كتاب حلو ومؤنس.. لكن صراحة أحبطني وخوفني! سلبيات الأمومة المذكورة بإسهاب كتيرة فعلا والتحديات كانت كتير وتخوف ال لسه هتقدم على الموضوع، وعموما تحس الكتاب سيرة ذاتية لكوكو وأمها.. الملخص مسلية لكن مخيفة

[Amna · Rating 3 out of 5]

تجربة الأمومة لأول مرة تجربة عميقة وتستحق التسجيل.. أشكرك يا نهى لأنك نقلتِ بمنتهى الظرف تجربتك لنا في هذا الكتاب اللطيف.. وأدعو الله أن يحفظ أطفالنا وينبتهم نباتاً صالحاً وأن يُعيننا على تربيتهم وتنشئتهم على الوجه الذي يُرضيه عنا..

[Khuloud Muhammad · Rating 4 out of 5]

لطيف، مفيد، ظريف، كتاب تعليمي، فضفضاتي، وحيفتح عينك على حاجات كتير، أنصح باقتنائه.

[Menna.eissa]

خفيف و ظريف و تخلي الواحد يحس انه مش لوحده في البهدلة ، ممتاز لأي أم جديدة (أو قديمة عادي) و طريقة الحكي خليتني عمري ما هانسي كوكو و أم كوكو

[Najd · Rating 4 out of 5]

حبيت أني أقرا تجربة أم جديدة زيي وكانت فيه أشياء كثير ضحكتني لأني مريت فيها بالضبط

[زهراء الوادي · Rating 2 out of 5]

مقدرتش أكمله
حتى لو بقرأ كتاب بالعامية
كان ممكن يبقا أحسن لو فيه مجهود شوية
حتى لو كان زي بوستات الفيس، برده كان ممكن يكون أفضل بشوية بحث ومجهود
عجبني كأني بقرأ بوستات فيس زي ما قلت

[Shaimaa Gamal · Rating 5 out of 5]

كتاب أكتر من رائع ممتع ومفيد جدا لأي أم جديدة.. اسلوب شيق وممتع مستحيل تحس بالملل
والاجمل كمان المشاعر الجميلة واللحظات الصعبة اللي الأم بتمر بيها اثناء اعتناءها بالطفل في المراحل الأولى من العمر موصوفة بدقة عمري ما شفتها

[Rania · Rating 5 out of 5]

This is the perfect handbook for all new parents. Also, if you are looking for a light fun read, this book is for you. I couldn't put it down once I started reading it. You will enjoy reading the funny stories within the book no matter how old (or young) you are.

[Sameh]

شكرا على المعلومات المهمه

[Waleed Khaled √ · Rating 3 out of 5]

Nice

[Moon · Rating 5 out of 5]

كتاب دمه خفيف ، ممتع ، ينقل معاناة الامهات الجدد بطريقة ممتعه جدا .. اتمني اقرا لنهي اشياء اكثر ❤