ثلاث غرف للقتل

by شريف سالم

ماذا يحدث حين يلتقي ضابط يطارد سلسلة جرائم غامضة بطبيبة نفسية تحمل ماضيًا ليواجها معًا قاتلًا مهووسًا؟ ذلك القاتل الذي لا يرى ضحاياه ضحايا، ويرونه هم المنقِذ، حتى اللحظة الأخيرة. لكن الجرائم ليست الجزء الأكثر رعبًا في هذه الحكاية. الرعب هنا يكمن في الـ "ثلاث غرف"!!!! هناك من سوف ينجو من (لعبة الفئران)، وهناك من سيرتدي (خاتم الجحيم)، ولكن الأسوأ حظا هو مَن سيعيش لمواجهة (بينوكيو)

191 pages, Paperback

Published January 1, 2026

About the author

شريف سالم، كاتب مصري من قنا مواليد عام 1984، في اطار تشويقي نفسي وفلسفي يركز في رواياته على استكشاف حدود النفس البشرية وتأثير المجتمع عليها، صدر له حتى الآن ستةروايات لاقت نجاحًا ملحوظًا:
"قانون الدويني": فازت بجائزة أفضل رواية شبابية من قناة الروائي وتصدرت قائمة الأكثر استماعًا على ستوري تيل.
"الموت يبتسم للجميع": حققت مبيعات عالية في فيرجن ميجا ستور.
"دماء بنكهة الفانيلا": صُنفت ضمن الأكثر مبيعًا على موقع ارييد.
"جنتنا وجحيمهم": تتناول العوالم المتناقضة.
"سيدة الكوابيس": تمزج بين الرعب النفسي والتكنولوجيا وحصدت تقييمات مرتفعة على جودريدز وأبجد.
ثلاث غرف للقتل: العمل الاحدث في الرعب النفسي
يتميز أسلوب سالم بجمع التشويق والتحليل النفسي، مع حبكات سريعة وشخصيات معقدة تقف على حافة التشويق، مقدمًا للقارئ تجربة لا تُقرأ فحسب، بل تُحس وتترك أثرًا عميقًا.

Reviews

[شريف سالم]

ثلاث غرف للقتل رواية جريمة لا تنشغل بمن هو القاتل بقدر ما تسأل، متى يفقد المجتمع بوصلته الإنسانية؟ حين تختلط مبررات الجريمة بأخطاء الضحية، ويصبح التوحش احتمالًا منطقيًا لمسار الحداثة والتطور
هنا، لا توجد إجابات مريحة… فقط ثلاث غرف، ولا فرصة للنجاة

[Ahmed Magdi · Rating 4 out of 5]

هناك روايات تقرؤها لتستيقظ على الواقع الصادم بعيدًا عن المثالية الزائفة للوجوة الناعمة تُجبرك على رؤية الجانب المظلم للإنسانية. 
ثلاثة غرف للقتل اعتبرها جزء ثان من رواية دماء بنكهة الفانيلا وأنا سميتها (صابون برائحة الخوخ)  وبإقتباس "الحرية للبشر تزيدهم حيرة " تتعمق سطور الرواية في سوداوية النفس والتلذذ بالسا*دية والفضول يقتل الإنسان يوقعه في شر أعماله أو يبرز شرها. 
بدأت أفهم شريف سالم بالعالم بتاعه، شخصياته، الأماكن التي تبدأ من مدينة نصر ومحيطها مجتمع صغير بيكونه شبيه لمسرح الجريمة الأكبر، ويمكن وقت الرواية الأولى من كام سنة الموضوع كان تناوله قليل ولكن بعد فضائح جزيرة إبستين وبروز الفضائح والفتن الإدراك بقى واعي أكتر وندعو الله النجاة والسلامة من كل سوء.
*بعض الصفحات كانت تحتاج تدقيق لغوي

[Ezzat Tonsy · Rating 4 out of 5]

​«المَوْتُ يُعَلِّمُنَا أَنْ لَا نَنْسَى الخَوْفَ، وَالحَيَاةُ تُعَلِّمُنَا أَنْ نَنْسَى المَوْتَ»

رواية صغيرة ولكنها دسمة ومؤلمة ولن تنتهي بنهاية ترضيك لكنها نهاية مأساوية واقعية..

قِراءة أُولى للكاتِب شريف سالم، رِواية مُمتِعة وتِستحِق الإشادة..

× الأخطاء الإملائية مزعجة جداً، وتجعلنا نتساءل عن دور المدقق اللغوي. أحياناً كنت أشعر بخلل في بناء الجملة، وكأن الكلمات لم تُوضَع في مكانها الصحيح.

[Donia Darwish]

عندما يجتمع المال مع السلطة
هل يصبح نعمة أم نقمة ❓
المفروض يبقى نعمة عندك وفرة فى المال تقدر تساعد نفسك وغيرك تعمل مشاريع تشغل ايادى كتير، هتمنع بطالة هتحد من معدلات الفقر
هتقل الأمراض ويكتر الخير بين الناس وتزهز وتبقى عال العال مع الكل ويعم السلام على أهل البلاد 😄

( حاسة أنى فى حصة دراسات ) 👆🏻😄

أحلاااااام
خلينى عايشة فى الأحلام
بدل السواد اللى شوفته مع #شريف_سالم فى روايته #ثلاث_غرف_للقتل 🤦🏼‍♀️
ما هو برضه أنتِ اللى غلطانة يا دنيا ما هو باين من عنوانها أن الرواية مش هتبقى روزيه 😄 أنتِ اللى ما بتتعلميش 🤷‍♀️
تخيل بقى الحياة الحلوة اللى رسمتهالك فوق 👆🏻 ديه، ألغيها تماما وحط مكانها لو اجتمع المال + سلطة + خلل نقول عقلي ولا نفسى هتفرق 🤔❓
اعتقد كانت ممكن تفرق
بس هو خلل صاحبه مدركه ومبسوط به وألا وهو "حب التعذ*****يب "
معانا فلوس كتير كتير و الفقراء على قفا مين يشيل( شوية عنصـ****رية إنما ايه 👌) ياترى نعمل بهم ايه
نستخدمهم فى شغل
لأ لأ
نتسلي بهم ونضيع الوقت … هو ده
نعمل عليهم حفلات تعذيب ونستثمر ونجيب مشاهدين من بلدان كتير بدل ما هما كده شحاتين وفى الشوارع متنطورين
هنعمل خدمة للوطن اهو ونخلصهم منهم 🤷‍♀️
احنا بنضحى من أجل الآخرين
كده كده محدش ببسأل عنهم
يعنى لو نقص ١٠٠٠ منهم مش نبقى رحمنا الناس من وجودهم.
شوفتوا بنخدمكم ازاى 🤔
ديه وجهة نظر 👀 الأغنياء اللى فى الرواية 🤷‍♀️

📌الكل هنا يبحث عن الطريق السريع للربح بأى طريقة سوى العمل والتطور، ومن الواضح أن التسول مصدر مضمون للربح وسهل.

طيب ومن وجهة نظر اللى فى ايديهم الأمن والأمان
تفتكروا لو عرفوا حاجة زى كده هيتعاملوا ازاى
معروفة طبعا … الكل سواء احنا بندافع عن كل الناس غنى وفقير كله لازم حقه يرجع والعدل ياخد مجراه واللى يطبق على الأمير يطبق على الغفير ولا ايه 🤔
بكمل باقى الأحلام حسيتوا صح 😄🤷‍♀️
مش بقولكم سواد 🤦🏼‍♀️

📌 كلاهما يعرف أن الأمان العصري الحقيقي ليس منع الجريمة من الحدوث، بل من التداول.

الرواية ديستوبيا بالنسبة ليا
مفيش مدينة فاضلة خلاااااص ديه خليها للأحلام
عارفة أن الواقع مليان مآسي كتير بس احنا بنحاول نخبى عينا عن بلاويه
ونشوفلنا من أى زاوية شىء ايجابي نصبر نفسنا به
لأنك لو فكرت شوية فى عقول البشر ونفسياتهم واللى مخبينه ورا بدلهم هتترعب و غالبا مش هتعرف تعيش.
رواية نفسية فكرتها مرعبة مابخلتش فى وصفك يا شريف ولا كأنك بتستمتع بتعذ***يب القراء غلبت صاحبنا " بينوكيو "😉 وهتعرفوا مين بينوكيو لما تقروا الرواية ديه.

مش هينفع أقول استمتعت بها 😀 أحسن يتقال عليا خلل 😂 بس ممكن أقول أنى اترعبت من فكرتها ومتشكرين يا شريف وصلت فكرتك وحصلنا التوتر والرعب وكده يبقى نجحت 😄🙋‍♀️

#مكتبة_دنيا
#قراءات_٢٠٢٦
#دارك_للنشر_والتوزيع

[محمد مصطفى · Rating 5 out of 5]

كالعادة فكرة غير تقليدية من شريف سالم وإثارة وتشويق حتى اخر صفحة

[Rosel · Rating 5 out of 5]

الروايه جميله اوي بكل تفاصيلها المرعبة وقد ايه فهمتنا ان ممكن فعلا الانسان يغلب الشيطان في شره الغريب انه بداتها وملفات قضية ايبستين ظهرت ع الساحه تاني والشبه ال بينهم كأن الروايه هي ال اختارتني شكرا للكاتب ع جمال الرواية دي 💕

[Hussein Ismail · Rating 4 out of 5]

حين يتجرد البشر من الانسانية بشكل كامل ترى وقتها تحول البشر الي ادوات.. فقط.
نزول عميق في اقذر مستويات النفس دناءة ..
رواية رغم حبكتها الجيدة تضغط علي اعصابك مع كل خطوة وكل لمحة لغرف القتل الثلاث.
نتمني الا يكون البشر قد وصلوا لهذا المستوى من انعدام الانسانية .. وان كنا نغض البصر عن الدلائل
٤/٥ .. احسنت يا @شريف

[Emyriad · Rating 5 out of 5]

رواية جريمة نفسية دموية
مليئه بشرور النفس البشرية
الروايه مرعبه في فكرتها وهتحس بضيق تنفس و إنت بتقرأ ان ازاي بشر بتستمتع بالالم الجسدي و التعذيب
هتشوف ثمن الانسان حسب ظروفه ومكانته ف المجتمع مش قادره أتكلم كتير عشان موصلش لحرق الاحداث
بس الروايه فيها صدمات نفسيه و للاسف بتوضح جانب موجع وبشع من الواقع اللي عايشينه ...

[Mohamed Fathy · Rating 5 out of 5]

مليئه بالتشويق والإثارة

[Henwa Ali · Rating 5 out of 5]

رواية سودة بس مشوقة وعظيمة