Куфер за тројца

by Живко Грозданоски

Книгата „Куфер за тројца“ се состои од три новели: „Ќе те сакам засекогаш“, „Куфер за тројца“ и „За животот на едно дрво“.

“Со голема леснотија и многу хумор, кој понекогаш е урнебесен, а понекогаш многу горчлив и повеќе нè тера на плачење отколку на смеење, авторот зборува за сеопштата „сапунизација“ и тривијализација на секојдневието, вешто поигрувајќи си со конвенциите и општите места од она што е масовна и поп-култура. Боејќи ги приказните со локален колорит, Грозданоски не ги штеди малограѓанштината, глупавоста и плашливоста на просечниот човек“.
Иван Шопов

285 pages, Paperback

First published January 1, 2014

About the author

Живко Грозданоски е роден на 10 ноември 1986 во Кичево. Прво до четврто образование завршува во Бигор Доленци, а петто до осмо во Кичево. Средно училиште запишува во Скопје, во 2001 година, во Американската гимназија „Нова“, како стипендист. Во 2005, во издание на „Нова“ ја објавува збирката поезија „Песок и свила“. Се запишува на Филолошкиот Факултет „Блаже Конески“ во Скопје, на катедрата по Романски јазици и книжевности, отсек италијански јазик – преведувачка насока.

Завршува факултет во 2009 година, а истата година во издание на „Темплум“ (едиција „Магма“) од печат излегува книгата „Отпечатоци врз коцки мраз“, збирка кратка-кратка медитативна проза. Во 2011 година ја објавува збирката раскази „Приказни за тревите и други приказни“ во едицијата „Дамар“ во „Антолог“. Од италијански има преведено неколку книги: „Next – малечка книга за глобализацијата и за светот што доаѓа“, есеј од Алесандро Барико („Антолог“, 2010), „Сенилност“, роман од Итало Звево („Темплум“, 2011), „Коски од сепија“, поезија од Еуџенио Монтале („Магор“, 2013), и „Кал“, збирка новели/раскази од Николо Аманити („Магор“, 2013).

Има искуство со аматерски театар и со филм (во 2006 во Косовска Митровица има изработено краток документарец со наслов “In cage”, кој следната 2007 година е прикажан на филмскиот фестивал во Кан. Моментално ја подготвува магистерската теза на пост-дипломските културолошки студии при Институтот за македонска литература во Скопје.

Reviews

[Sakam Kniga · Rating 1 out of 5]

Avtorot e primer za t.n. pisatel kaj nas sto pominuva bez nezavisna kritika za ona sto go pisuva. Zatoa se sozdava izvrtena slika deka avtorot go sovladal zanaetot na pisuvanje. Avtorot go sovladal samo majciniot jazik i pravopisot, no za zal toa ne e dovolno da se napise, vo slucajov, roman. Se razbira, hartijata trpi se, no vistinskite ljubiteli na pisaniot zbor ocekuvaat daleku poveke. Romanov e zdodeven, suvoparen, bez voopsto da se krene od zemja i da ti go privlece vnimanieto. Zosto togas go procitav? Mi bese preporacan od prijatel. Vsusnost, ne go procitav celiot, potocno se obidov da go procitam, no se otkazav posle nekolku obidi, bidejki si go izgubiv vremeto.

[Магдалена · Rating 4 out of 5]

Интересно, необично.
Не сум љубител на новиве автори што никнаа кај нас, ако се земе предвид колку е искомерцијализирано она што го пишуваат, ама книгава навистина ми се допадна. Авторот actually вложил труд и размислување да ја склопи приказната и да ја напише, по можност малце и да ја искомплицира.
Thumbs up!!!