أغنية لم تغنها داليدا

by بسنت حسين

أغنية لم تغنها داليدا- قصص قصيرة


حركة السحاب لم تستطع ان تشغلني عن نوستالجيا العيد و اجواء الاحتفال...
ليلة العيد، امي تشغل الراديو في المطبخ حيث تشدو الست ام كلثوم:" يا ليلة العيد آنستينا و جددتي الامل فينا..."

لم يكن هناك ما يعكر صفوي سوي مشاكسة اولاد عني لي، و يثير غيرتي فستان ابنة الجيران الاجمل من فستاني، و تتطلع طموحاتي الي مجموع العيدية.
كنت المدللة لدي جدتي لاني احمل نفس اسمها، تعطيني العيدية اول واحدة، بل و تكلفني بتوزيع الحلوى علي اطفال العائلة، كمكان ذلك يرضي غروري و لم اعي الحكمة من وراء ما تفعل.

82 pages, Unknown Binding

First published October 27, 2014

Reviews

[Mahmoud Elmoustapha · Rating 4 out of 5]

مجموعة قصصية تعتبر العمل الأول للكاتبة السكندرية "بسنت حسين"
أدهشنى عنوان المجموعة وخصوصا عندما اتطلعت على الفهرس و لم اجد قصة تحمل ذلك الإسم ، وهو ما آثار فضولى لمعرفة ما هى الأغنية التى لم تغنها داليدا !
المجموعة تحتوى على ١٣ قصة قصيرة ، تنوعت احداثها بشكل كبير و ان كان يربط بينهم خط واحد ألا و هو ان البطل فى كل قصة تكون أنثى
من ناحية السرد و الوصف فالكاتبة اراها ابدعت فى نظرى فيوجد قصص لا تتعدى صفحتين و كأنها عشرون صفحة ، بالإضافة ان وصفها للحدث لا يشوبه التطويل او المط فى التفاصيل بحيث يمل القارئ ؛ استخدمت اللغة العصرية فى الكتابة ، و اللغة اراها ليست بالضعيفة وليست قوية و لكن فى نظرى تحتاج الى مجهود بسيط لتطويرها اكثر ..اسلوب الكاتبة عموما بسيط و سلس و هو ما جعلنى انهى الكتاب فى يوم واحد

بالنسبة للقصص
١- سرد ذاتى ليوم : عيشتنى الحالة جدا .. حسيتها ان الكاتبة بتتكلم عن نفسها
٢- اصل و صورة : بين الواقع و الخيال .. فعلا الواحد مهما كان الواقع سئ بإيديك ممكن تخليه حلو حتى لو بالخيال .. شايفها تنفع فيلم قصير جداا
٣ - بعد المائة بواحد : التيمة معروفة و عجبتنى المعالجة الجديدة فيها .. بس استغربت شوية على حكاية ان راجل و ست يكشفوا مع بعض دى
٤- انفجار : قوية جدا .. و حلوة اوى النهاية المفتوحة اللى فيها
٥- je suis malade : شايفها ناقصة تفاصيل .. او اعتقد انها اتكتبت على عجالة
٦- حضور غيابى: تصوير لبعض عيوب المجتمع بطريقة مختلفة
٧- كلاكيت اخر مرة : عجبتنى الحبكة ، لخبطتنى فى الاول و خليتنى اقراها مرتين ، حلو استخدام الفلاش باك و الفلاش فوروارد فيها
٨- ليلة العيد : وجعتنى حالة النوستالچيا اللى فيها
٩- سؤال وسؤال : قصة مختلفة تعتمد ع الحوار اكتر ، بتوضح المشاعر اللى بتتغير مع الوقت
١٠ - لديك ٢ رسالة جديدة : اتكتبت كإنها سيناريو بطريقة المونتاج المتوازى .. التساؤل اللى فى الاخر لخص كلام كتير اوى
١١. معذرة انا فى الطريق : الغموض اللى فى القصة دى أحسن ما فيها .. شغلتنى كتير و خليتنى افكر فى اللى حصل بينى و بين نفسي
١٢- غمضة عين : تهت فيها و مافهمتهاش
١٣- فيروزيات : الاخيرة فى الكتاب تعتبر خمس قصص قصيرة جدا .. و رغم ان النوع دة صعب بس اتضح لى انها متمكنة وشاطرة .. حسيت فعلا انها اتكتبت على انغام فيروز

فى النهاية تشعر من القصص ان هناك اغنية فيها مشاعر مختلطة .. الكتاب جميل بالنسبة لاول تجربة ، اتمنى منها فى الاعمال القادمة انها تنوع فى الابطال شوية ، و اتوقع للكاتبة انها هاتكون ليها شأن كبير فى مجال الأدب و بالأخص الأدب النسائى
و عموما اعجبتنى جدا الاغنية و يا ريت كانت غنتها داليدا

[هيثم Elwazery · Rating 1 out of 5]

نص (درافت) فقط هو ما اعجبني في هذه المجموعة