الجزيرة

by Muhammed Ahmed Badr

مجموعة قصص منفصلة بأحداثها وأبطالها وأزمنتها لكن مكانها واحد وهو جزيرة في البحر!

17 pages, ebook

First published November 14, 2014

Reviews

[Huda Aweys]

عنوان الكتاب (الجزيرة) اوحى لى انى هاشوف جمال اكتر من كده فى الكتاب ..:) لكن الكتاب خيب املى كان كله دم و قتل و حاجات بتاعة مراهقين و كتب جيب
رواية مشبعه بجو وثنى اسطورى ، اعتمدت فى بنائها على بعض معلومات علمية و تاريخية ، بعضها كان غير دقيق صراحه او تم تناوله بشكل سطحى احيانا ، لكن مجهود طيب من كاتب مبتدأ على أي حال
:) ،،
النهاية كانت لطيفة صورت نزعة العنف اللى بتصاحب التقدم البشري التكنولوجى من وجهة نظرى
ما اعرفش عن الكاتب :)
،،
و مبدئيا رسالة للكاتب عملك دا موش مجموعة قصص قصيرة زي مانشرت هو رواية :) .. ثلاثية روائية او ممكن نعتبرها رواية بتعتمد اسلوب القطع المتوازى مع وجود رابط مكانى ربما ! لكن موش قصص قصيرة :) و دا لا يقلل منك او من عملك طبعا ، قيس ابن الملوح لم يكن ليدري على أي وزن صنف شعره ! فالتصنيفات و التسميات هي اشياء لاحقة يبتدعها المصنفون لا الكتّاب
:) !
،،
ثانيا اول رحلة للفضاء كانت فى أيام الحرب الباردة مابين امريكا و روسيا يعني ياريت تصحح اللى كتبته فى القصة التانية من روايتك حوالين القرية الساذجة اللى آخر معرفتهم عن العالم الخارجى و التقدم كان اللى عرفوه عن وجود الحرب الباردة بين امريكا و روسيا ! لكن ماعرفوش اللى بعد كده من رحلات للفضاء و صعود للقمر زي ما ذكرت ! و اللى كانوا اصلا ايام الحرب الباردة
!
عموما موهوب طبعا و ربنا يوفقك يارب
:)

[Ahmed Oraby]

إحم
هي طلعت مش قصة تقريبًا
طلعت مجموعة قصصية أو متتالية قصصية
وهو أنا كده كده مفهمتش حاجة برضه في كل الأحوال :D
بس عادي بالتوفيق برضك للكاتب إن شاء الله

[ندى محيي الدين]

البداية مشوقة وجذابة : بحر وقارب نجاة وجثث! :P
أسلوب سهل ومع سهولته فهو بعيد عن الركاكة
لغة فصيحة -وهذا ما أحبذ- لكن بعض الأخطاء النحوية قاتلة ككسر اسم أن
لعل فكرة المتوالية القصصية الأساسية هي التأكيد على أن بني البشر دمويون منذ فجر التاريخ
هذا ما استطعت استنباطه أرجو ان يكون استنتاجي صحيحا =D
تُهت في بعض المواطن، مثلا: أثناء الانتقال بين الإله المزعوم وفني الكهرباء
لاشك أنني سأقرأ للكاتب مرة ثانية بإذن الله
أرجو للكاتب التوفيق

[Mohamed Ibrahim]

مبدئيا العمل يصنف كرواية قصيرة و ليس مجموعة قصصية و هي اقرب لروايات الجيب
عجبتني اللغة ، مميزة و سلسة و عجبني الخيال اللي في القصة و الاجواء و ان كانت الاحداث نفسها بها بعض الغموض ،لكن ع كل بداية موفقة و في انتظار المزيد :))

[Samer Zydia]

الاكيد انها ليست مجموعة قصصية يمكن رواية قصيرة "مثلاً" وتناسب فئة المراهقين اكثر بدها نضج اكثر وأظن ان هذا المجال فقير في عالمنا العربي

مع الخبرة ممكن يكون محمد رقم صعب فيه

[محمد عبدالفتاح]

اول ما شفت الكوفر والاسم اتشوقت اقراها بس خوفت لتكون مقلب زي قصص بقع فيها من اسمها او الكوفر بتاع لمؤلفين مشهورين اوي بس اول ما حملتها بدأت تشدني اجواء الجزيرة اللي سكانها اكلة لحوم بشؤ والشخص اللي اعتبروه اله في قصة نياما رجعتني لجو اسطوري مسمعتش عنه من زمان وافتقدته بجد تاني قصه بتتكلم عن نفس الجزيرة في حقبة تاني من الحقب وقصة جديده الفكرة اللي عجبتني اوي ربطهم ببعض وانه ذكر في القصه الانية مصير اكله لحوم البشر وطريقة موت مهندس شاب بسبب تهور اهل البلده والقصه التالته والاخيرة قصه المستكشف اللي افترض افتراض مبني عالقصتين اللي قبليهم وقام بمغامره في نفس الجزيرة صراحة استمتعت فوق الوصف وكنت واخد فترة نفسي مسدوده عن القراية والقصه دي فاتح شهيه كويس اوي اول ما مسكتها محستش بنفسي غير في اخر صفحة ربط الاحداث ببعض مذهب واتوقع ظهور كاتب محترف في الساحة قريبا

[Ehab Nabawy]

فى البدايه قريت الريفوهات لقيتها سابيه لدرجه فكرت انى مقراش
بس قولت اجرب ومش هخسر حاجه ولو وحشه مش هكمله
قريت اول صفحه محستش بنفسى غير فى اخر صفحه
الاسلوب جميل
الفكره حلوه
3 قصص ليهم علاقه ببعض
الاحداث مشوقه فعلا
بدايه كويسه جدا لكاتب ومنتظر منه عمل قادم

[Muhammed Badr]

بخلاف ان كان فيها أخطاء كتير في النحو لكن تم تصحيحها بشكل شبه 99% ومع الوقت والمراجعة هيتم تنقيحها
وطبعا أنا الي كاتبها فلازم أقول عليها حلوة :D

[Sara]

كتاب مراهقين إلي أقصي مدي .