ഉപ്പിലിട്ടത്‌ | Uppilittathu

by Rafeeq Thiruvallooru

ഒരു മുത്തുമാല കോര്‍ക്കുന്ന സൂക്ഷ്മതയോടെയാണ് റഫീക്ക് ഈ കവിതയില്‍ വാക്കുകള്‍ എടുത്തുവെച്ചിരിക്കുന്നത്. എന്നാല്‍, മുത്തുമാലപോലെ വലിച്ചാല്‍ പൊട്ടുന്നതല്ല കാവ്യഘടന. ഓരോ വായനയും കൂടുതല്‍ ദൃഢമാക്കുന്ന ജൈവവികാസം ഇതിലുണ്ട്. ഓരോ സന്തോഷത്തിലും വെള്ളതേച്ചും ഉരച്ചു മിനുസപ്പെടുത്തിയും പുത്തനാക്കുന്ന നമ്മുടെ വീട്. മാഞ്ഞുപോയ വര്‍ഷങ്ങള്‍ കവി ഉരച്ചെടുക്കുന്നു. ഓരോ ഉരയ്ക്കലിലും തെളിഞ്ഞുവരുന്നുണ്ട് പഴയതെല്ലാം. തെളിയുന്നതോ നില്ക്കുന്നില്ല, അവ വീണ്ടും മായുന്നു. ഓരോന്നു മായുമ്പോഴും അതിലും പഴയ മറ്റൊന്നു തെളിയും.- അജയ് പി. മങ്ങാട്

ആഡംബരമില്ലാതെ, സ്ഥലാധിക്യമില്ലാതെ, സന്ദര്‍ഭവൈചിത്ര്യമില്ലാതെ എങ്ങനെ കവിത സംസ്‌കാരത്തിന്റെ പ്രമാണമാകുന്നു എന്നതിന് നല്ലൊരു തെളിവാണ് റഫീക്കിന്റെ 'സാന്‍ഡ്‌പേപ്പര്‍' എന്ന കവിത. ഇത്തരം അനുഭവങ്ങള്‍ അവഗണിക്കാന്‍ ഏത് നല്ല മലയാളിക്കാണ് അവകാശമുള്ളത്?- ഇ.പി. രാജഗോപാലന്‍

94 pages, Kindle Edition

First published June 1, 2014

About the author

കോഴിക്കോട് ജില്ലയിലെ വടകര - തിരുവള്ളൂര് സ്വദേശി. ദാറുല്‍ഹുദാ ഇസ്ലാമിക് അക്കാദമിയില്‍ പഠനം, ചന്ദ്രിക ആഴ്ചപ്പതിപ്പിലും വാരാന്തപ്പതിപ്പിലും സഹ പത്രാധിപരായിരുന്നു. ഇപ്പോള്‍ ദുബൈയില്‍ മിഡില്‍ ഈസ്റ്റ് ചന്ദ്രികയില്‍ സബ്എഡിറ്റര്‍. റഫീക്ക് തിരുവള്ളൂര് എന്ന പേരില്‍ അച്ചടിമാധ്യമങ്ങളിലും, ഉമ്പാച്ചി എന്ന പേരില്‍ ബ്ലോഗിലും എഴുതുന്നു. തിരുവള്ളൂര് (കവിത) റമദാന്‍ ഉറുദി ( ലേഖനങ്ങള്‍ എന്നിവ പുസ്തകങ്ങള്‍.

ഉപ്പ: കുങ്ങന്‍കണ്ടി കുഞ്ഞബ്ദുള്ള
ഉമ്മ: മീത്തലേ പുതിയോട്ടില്‍ കദീശ
ഭാര്യ: സജിന
മകന്‍: റബീഅ്, ഹാസില്‍
പുനത്തുപൊയില്‍ വീട്, തിരുവള്ളൂര്‍ പി.ഒ വടകര, കോഴിക്കോട് 673541

Reviews

[Hrishi · Rating 4 out of 5]

നാടിന്റെയും സ്നേഹത്തിന്റെയും മണമുള്ള മനോഹരമായ കവിതകള്‍