مريم

by احمد عطاالله

قصه حقيقيه

195 pages

Reviews

[Ali · Rating 5 out of 5]

كتاب قيم جدا
اكتر حاجه عجبتني فيه
الهوامش بعد كل فصل

اسلوب مش بطال

مش مستغرب انها ممكن تكون قصه حقيقه
لانه للاسف في مصر ما تعرفش انته ماشي
تبع الشريعه
ولا تبع القانون ؟
ما اظنش الاتنين
يفوا بنفس الغرض

مثلا تجاره الخمر
وشربها
حرام بس قانوني بدام مش هتسوق :(

ملصق هل صليت على النبي في الوقت الحالي
حلال بس غير قانوني
:(

وفي غيرها كتير

الموضوع اللي عرضه للنقاش
موضوع مش هين
والكاتب جمع من كل الاراء
من الجانبين
مش شايف انه اتعصب لجانب دون الاخر

كتاب قيم ويا رب الناس تاخد بالهم من الموضوع ده

[Eman Elhelw · Rating 4 out of 5]

حلوة مع انها متعارضة مع قناعتى بس بتخلينى اشوف رأى الاخر فى نفس الموضوع والغريب انى تقبلته ومحستش انه انه شيئ مستحيل او غير قابل للنقاش .. الاجمل من ده كله انها قصة حقيقية وبالتالى بتخلينى افكر فى الموضوع بجدية من غير ما انتقد الكاتب .

[Samah Wafik · Rating 1 out of 5]

من اسوأ ما قرأت بالعاميه المصريه. .حيث يحاول الكاتب ايهام القارئ بأن بطل الروايه مسيحي وعلي العكس تماما البطل المسيحي لن يفكر بهذه الطريقه. لا اعترض علي فكره الزواج ولكن اعترض تماما علي رؤيته واقر خطئها وايضا. .كثر شرح المواد القانونيه و اعاده الجمل اكثر من مره يسقط بالقارئ في بحر من الملل. ..خاب ظني تماما بالكاتب

[Somi Alsaman · Rating 1 out of 5]

بالنسبة للرواية فهي لا تمت للعمل الأدبي بصلة، أما بالنسبة لموضوع الرواية فانا مش عارفة الصراحة هم عاملينها مشكلة ليه واحدة ارتضت ع نفسها انها تخالف شريعتهاوتتزوج من غير مسلم وبما انه لا زواج لمسلمة من غير مسلم فعقد زواجها باطل ووجودها معاه زنى واولادها منه هيبقوا اولاد زنى وابوها واخوها ارتضا دا بردوا فممكن يسافروا ويتجوزوا زي ما هم عاوزين طالما هي مش فارق معاها، يعني هم خالفوا امر ربهم بس مستنين القانون!!، وطبعاً كل الهُراء اللي قالوه ع اساس انه بيحتج بيه وعاوز يلاقي مخرج يحلل بيه الموضوع فهو مهاترات مالهوش اي لازمة، عاوزين تتجوزوا وتضربوا بتعاليم دينكم عرض الحائط براحتكم بس ما تحللوش اللي بتعملوه وعاوزينه يبقا عادي وتعمموه..

[Zainab Ellboudy · Rating 1 out of 5]

النجمة دي عشان الغلاف الحاجة الوحيدة ال اعجبت بيعا في الكتاب القصة مملة جدا انا تقريبا مليت من نص الكتاب رغي رغي دا مافيهاش اي نوع من التشويق ال يخليني مش قادرة اسيب الكتاب قبل ما يخلص غير انها المفروض قصة حقيقية بس كان فيه مواقف كتير متتصدقش ابدا زي موقف اهل البطل من جوازه من مريم و برضو ابوها لما راح يطلبها منه و سايبه يقنعه مش حاسة ان ده ال ممكن يحصل في الحقيقة اصلا

[Omnia · Rating 2 out of 5]

برغم اني مختلفة مع وجهه نظر الرواية بس انا حبيت اجيبها واستطلع الراي الاخر
الاسلوب ف السرد كان ممكن يكون اجذب من كدا
خلتني اتعاطف مع البطل ف حاجة واحدة بس هي وقوفه للاخر واستمراره ف مبدأه
بصرف النظر هو غلط او صح

[Reem · Rating 2 out of 5]

كتاب عادى بيحكى مشكله موجوده فى المجتمع بس و ﻻ اوجدلها حل و ﻻ حذر الناس منها هوا اه الانسان بيكسب نفسه لما يحارب عشان حاجه عايزها بس انا مستفدتش حاجه من الكتاب و مقتنعتش بمشكلتو و من رايى تجنبهااا يبقى احسن بدل المشاكل الى بتحصل بسببها

[Mohammed · Rating 4 out of 5]

الروايه تستاهل من 3 ل 4 نجوم
طيب ليه؟ نجمه عشان القصه
نجمه عشان المقال بتاع الحب في زمن الفتنه
نجمه او اتنين tribute لابطال القصه
و (-1) للاغراق في تفاصيل

[Ayaa Salama · Rating 4 out of 5]

نجمة للغلاف..نجمة للبحث والاراء
نجمة لواقعية القصة المستمرة الحدوث بلا اى جدوى..
نجمة للاصرار وحتى لو كان بلا اى امل..

مفيش حل دينى ولا حل قانونى لمشكلة قائمة فى مجتمع متدين بالفطرة ..

[Esraa Alaskari · Rating 2 out of 5]

انا عمري ما بصيت للموضوع ده من ناحية الطرف الاخر. الكتاب خلاني اشوف و أفكر و أحط نفسي مكان الطرف التاني.
اصعب و اصدق قصة حب في الدنيا، هو حب مسلمة و مسيحي.