மழைப்பேச்சு

by அறிவுமதி

வாழ்வின் இன்பமான தருணங்களை இளமைக்குள் ஊடுருவி, இந்த நூலை உயிர்ப்போடு தருவித்திருக்கிறார் கவிஞர் அறிவுமதி. பழுத்த முனிவர்போல் தேகங்களின் விளையாட்டுகளை கலை நயத்தோடு கடலின் ஆழத்துக்கும், வானின் உயரத்துக்கும் பயணித்து மிக நாகரிகமாக தந்திருக்கிறது இவரது தமிழ். இவருடைய சிந்தனா சக்தியும், படிம உவமானங்களும் அபாரம். மெல்லிய வண்ண மலர்களின் நறுமணமும், மனம் சில்லிடவைக்கும் புற்கள் நனைத்து ஓடிவரும் தெளிந்த நீரோடையும், கைதேர்ந்த சிற்பியின் நுட்பத்தில் ததும்பி நிற்கும் சிற்பம் போலவும், நிஜத்தைவிட ஆயிரம் காவியங் களைக் கொடுக்கும் அழகான ஓவியம் போலவும் ஒருசேரக் கலந்து இந்த நூலை வார்த்தையில் வார்த்திருப்பது படிப்பவரை வியக்கவும், பரவசத்தில் லயிக்கவும், இன்பத்தில் திளைக்கவும் வைக்கும். இருபால் இணைந்துதான் மூன்றாம் பாலைப் பருகலாம். ஆனால், இந்த நூல் ஆணுக்குப் பெண்ணாகவும், பெண்ணுக்கு ஆணாகவும் இருந்து திகட்டாத இன்பத்தைத் தருகிறது என்றால், இருவரும் சேர்ந்து படிக்கும்போது அடையும் பரவசத்தைச் சொல்லவும் வேண்டுமோ. இந்த நூலுக்கான கவிப்பேரரசு வைரமுத்து அவர்களின் முன்னுரை, ஓர் ஆய்வுக்கான இலக்கணத்தோடு அழகு சேர்க்கிறது. மூன்றாம் பாலின் தொடர்ச்சியாக சுண்டக் காய்ச்சிய தமிழில் இந்த ‘மழைப் பேச்சு’ ஆனந்த விகடனில் வெளிவந்தபோது வாசகர்களிடம் பெரும் வரவேற்பைப் பெற்றது. தமிழில், இப்படி ஒரு நாகரிகமான மொழி இருப்பதை உணர்த்துகிறது இந்த நூல். ஆண் - பெண் உறவின் இயற்கை தொடர்ந்து உள்ள வரை சர்க்கரையாக இனிக்கும் இந்த நூல் மிகவும் குறிப்பிடத்தக்க ஒன்றாகும்

Poet Arivumathi has narrated this book with captivating moments of early life. His tamil literature is compared with the old sage’s body texture to the depth of ocean and heights of sky. His extraordinary thinking and excellent comparison of his narration with the fragrance of colorful flowers, dew drops over the grass, clear stream of water, the sculpture that was developed by a profound sculptor, the art that depicts thousand different meanings surpassing the original form etc…. is amazing and gives great pleasure for the readers while reading. This book gives great feeling to a man as a women and to women as a man then just imagine when both men and women read it together how immense feeling would they get. The Introduction for this book given by Vairamuthu adds beauty to this book. The book ‘Mazhai Pechtu’ published by Ananda Vikatan as a continuation Of Mundram Paal received a great response from audience. This book make us realize that there is also traditional language in which a book can be written. The remarkable thing about this book is it will remain same until the sweetness in relationship of men and women exists.

Genres: Poetry

112 pages, Paperback

Published January 1, 2013

About the author

அறிவுமதி, (இயற்பெயர்: மதியழகன்) புகழ் பெற்ற தமிழ்க் கவிஞரும் பரவலாக அறியப்படும் தமிழ்த் திரைப்பட பாடலாசிரியரும் ஆவார்.

http://arivumathi.blogspot.com/
https://arivumathi.wordpress.com/

Reviews

[Prem · Rating 4 out of 5]

உறக்கம் அற்ற ஒரு பின்னிரவில் உறக்கமுற எடுத்த இப்புத்தகம் என்னை உறக்கம் மறக்கச் செய்ததே உண்மை. எப்போது இப்பக்கங்களை முழுதும் உணர்வேன் என்ற ஏக்கப் பெருமூச்சு, தூரத்தில் கேட்கும் புகை வண்டி முச்சு சத்தத்தைக் தாண்டி கேட்டிருக்கும். மழை பெய்து பெய்து ஓய்ந்த அந்த தினத்தில் இந்த மழை பேச்சு, பேச்சுத் துணையற்ற எனக்கு துணையாகவும், துணையின் துணையை உணர்த்திய உரையாகவும் இருந்தது.

[Anbukarasan · Rating 5 out of 5]

Lovely poems from one of the best poets of tamil

[Karuppiah · Rating 4 out of 5]

அறிவுமதி அவர்கள் ஆனந்த விகடன் இதழில் எழுதிய கவிதைகள் அடங்கிய புத்தகம். இலைமறைக்காயாய் இன்பத்துப் பாலை கவிதைகளாக்கியவிதம் அனைவருக்கும் மிகப்பிடிக்கும். விகடனில் வந்தபோதே பெரும் வரவேற்பைப் பெற்றது குறிப்பிடத்தக்கது.

[Praveen · Rating 3 out of 5]

all the pages are not for everyone. A very few lines really touched and syncs. இந்த புத்தகம் எல்லாருக்கும் ஆனது இல்லை. இதை படிக்க இளமையான மனம் வேண்டும், பரவி சிந்திக்க இதயம் வேண்டும். சில கவிதைகள் உங்களை தொடும், பரவும்

[Ramprakash Vivekananthan · Rating 4 out of 5]

துளிதுளியாய்
மழை பேசியது..

பெருகிய வெள்ளத்தில்
நீந்திக் கொண்டே இருக்கிறேன்-
கைபற்றி காப்பாற்ற
யாருமின்றி - தனிமையில்!