١١٠ ألف كيلو سواقة

by محيى الدين أحمد

مش أنا الحد الجامد اللى هحكيلك إني شديت مع "ميني كوبر" وزعلته، ولا هحكيلك عن مغامرة خطف الغرزة بين عربيتين تريلة، ولا بعد ما تقرا الكتاب ده هتعرف إزاي تخلي عربيتك "كوول"، ولا هتعرف منين تشتري أرخص "جنوط"، لا هتكلم عن العربية اللى إتسقطلها موتور، ولا هتسمع مني جملة العربية دي بتجيب كام كيلو في كام ثانية، وطبعا مش هتلاقي في الكتاب من أوله لأخره كلام عن "الأوتو كروس" ومش هتقرا عندي أبدا "برن أوت" و"2500 حصان" و"تيربو تشارجر" من الأخر لو أنت من الناس المسحولين في قصة العربيات دي أرجوك رجع الكتاب ده مكانه، الكتاب ده بتاع الغلابة اللي يادوب بيسوقوا وأقوى مغامرة في حياتهم إنهم غيروا فردة كوتش قبل كدة لوحدهم من غير مساعدة.

Unknown Binding

First published January 1, 2014

Reviews

[Engy Ahmed · Rating 5 out of 5]

اول حد يقرا الكتاب اهو :)
المره دي خمسة علي اعتبار مين يشهد للكاتب غير اخته من بعد كدا مافيش هزار بقي :)
الكتاب ممتع وفكرته جدبدة

[Comixawy Comics · Rating 3 out of 5]

لغة عامية بأسلوب راق يرغمك علي متابعة رحلة الكاتب مع العربية و السواقة في مصر ... نجح جدا في رسم ابتسامة ساخرة من شكل الشارع المصري و احوال المرور اليومية و التأمين و برامج الراديو ... كما نجح أيضاً في جمع أسباب اكثر لمن يريد الهجرة و الهروب من البلد ... بالتأكيد ستجد نفسك بين السطور تقول "عندك حق" لأنك بالتأكيد هتكون اتعرضت لأحد هذه المواقف .. تحية للكاتب علي الأسلوب و الفكرة

[Emy Maher · Rating 4 out of 5]

هتلاقى وصف الكتاب هنا هو نفس المكتوب علي ضهر الكتاب هو هو اللي فى مقدمة الكتاب وده فى اعتقادى ان الكاتب عايز ياكد علي انك فعلا هتستمتع بالكتاب اكتر لو انك ماعندكش مغامرات كتير بالعربية او انك ماعندكش عربية اصلا .....وده صحيح :)

[Asmaa · Rating 1 out of 5]

لا تعليق

[عمر بن أسامة · Rating 3 out of 5]

الريفيو هيبقى العامية بما إن الكتاب بالعامية

عارف كتب الأدب الساخر بنت الناس دي اللي مفيهاش ألفاظ دي ولا ابتذال وهستفيد منها حاجة وتضحك ؟! الكتاب دا واحد منهم

الكاتب لخص حياة اللي بيسوق في مصر في حوالي ١٠٠ صفحة
بيحب إيه وبيكره إيه وإزاي بيتنصب عليه وامتا ينزل وامتا يقعد في بيتهم وحاجات كتير


أي حد بيفكر يتعلم السواقة أو بيسوق جديد يقرأ الكتاب دا
أي حد قديم في السواقة يقرأه عشان يفتكر أيام زمان ويضحك

[Doaa Zakaria · Rating 5 out of 5]

لو انت حد بيسوق من فترة هتلاقي الكتاب ممتع جدا بالنسبالك و ده لان الكاتب مش بيتكلم مثلا عن تقنيات العربيات او حاجات مش مفهومة لمعظم الناس لا هو بيتكلم عن مواقف اي حد بيسوق بتقابله يوميا ... بما اني باسوق من حوالي ٨ سنين فا انا اكتشفت ان المواقف اللي مريت بيها واضح ان ناس تانية كتير بتمر بيها ... الكتاب فعلا حلو و ممتع و اسلوبه خفيف و اعتقد انه بيتلكم في موضوع جديد يعني مشوفتش ناس كتير بتكتب كتاب كامل للسواقة و مواقفها و مشاكلها خصوصا في مصر

[Basma · Rating 4 out of 5]

الكتاب دا جميل فعلا :")