தேவதைகளின் தேவதை

by தபூ சங்கர்

தேவதைகளின் தேவதை.
***********************
எதற்காக
நீ கஷ்டப்பட்டுக்
கோலம் போடுகிறாய்.
பேசாமல்
வாசலிலேயே
சிறுது நேரம் உட்கார்ந்திரு
போதும்.
****************
நீ குளித்து முடித்ததும்
துண்டெடுத்து உன்கூந்தலில்
சுற்றிக் கொள்கிறாயே...
அதற்குப் பெயர்தான்
முடி சூட்டிக்கொள்வதா.
***************
தான் வரைந்த ஓவியத்தை
கடைசியாக ஒரு முறை
சரி செய்யும் ஓவியனைப்போல
நீ ஒவ்வொரு முறையும்
சரிசெய்கிறாய்
உன் உடையை.
***************
இலைகள் காய்ந்தால்
உயிர் உள்ள கொடியும்
பட்டுப் போகிறது.
உன் உடைகள் காய்ந்தால்
உயிரற்ற கொடியும்
உயிர் பெறுகிறது.
**************
நீ யாருக்கோ செய்த
மௌன அஞ்சலியைப்
பார்த்ததும்.....
எனக்கும்
செத்துவிடத் தோன்றியது.

-தபூ சங்கர்

127 pages, Paperback

Reviews

[Dineshsanth S · Rating 2 out of 5]

காதலன் காதலியை வசப்படுத்துவதற்காய் சொல்லும் அழகான பொய்களின் தொகுப்பு.பல இடங்களில் மிகைப்படுத்தப்பட்ட வர்ணிப்புகளில் காணாமல் போயிருந்தது காதல்.

[Kasiviswanathan · Rating 5 out of 5]

படித்ததில் ரசித்தது

காதலை தன் எழுத்துக்கள் கோர்ர்த்துள்ளார் தபூ சங்கர்,

நா முத்துகுமார் ஒரு பேட்டியில் தபூ சங்கர் இல்லாமல் காதல் கவிதை இருக்காது என்று சொன்னது மிகையாகாது....😍😉

நன்றிகள்

[Saravanan · Rating 4 out of 5]

ஒரு பானை சோற்றுக்கு ஒரு சோறு பதம் என்பது போல் இதிலிருந்து ஒரு கவிதையை சொல்லலாமென்றால் எந்த ஒன்றை சொல்வதென்று தெரியவில்லை.