رقص ومغني

by فؤاد حداد

Genres: Poetry

177 pages, Unknown Binding

About the author

فؤاد حداد من أبرز شعراء العامية في منتصف القرن العشرين، فهو المؤسس الحقيقي لشعر العامية الملحمي في مصر، وكان دائما ما يعرف نفسه قائلا: أنا والد الشعراء فؤاد حداد. أطلق عليه كذلك فنان الشعب، حيث استلهم من الشعب المصري، عدد من الملاحم التي كتبها، مثل أدهم الشرقاوي.
ولد فؤاد سليم حدٌاد بحى الظاهر بالقاهرة، والده سليم أمين حدٌاد ولد في 5 يونيو 1885 في بلدة 'عبية' بلبنان في أسرة مسيحية بروتستانتية لوالدين بسيطين اهتما بتعليمه حتي تخرج في الجامعة الأمريكية في بيروت متخصصا في الرياضة المالية ثم جاء إلى القاهرة قبيل الحرب العالمية الأولي ليعمل مدرسا بكلية التجارة­ جامعة فؤاد الأول ­ ويحصل علي لقب البكوية وعندما تنشأ نقابة التجاريين في مصر تمنحه العضوية­ رقم واحد، وما زالت كتبه وجداوله تدرس باسمه حتي الآن.
أما والدته فهي من مواليد القاهرة في 19 يونيو 1907م جاء أجدادها السوريون الكاثوليكيون الي مصر واستقروا فيها وولد أبواها في القاهرة. أبوها من عائلة أسود التي جاءت من دمشق الشام وأمها من عائلة بولاد من حلب، وفي المعتقل تحول "فؤاد حداد" إلى الإسلام.
تعلم في مدرسة الفرير ثم مدرسة الليسية الفرنسيتين، وكانت لديه منذ الصغر رغبة قوية للمعرفة والإطلاع على التراث الشعري الذي وجده في مكتبة والده، وكذلك على الأدب الفرنسي من أثر دراسته للغة الفرنسية. اعتقل فؤاد حداد عام 1950 لأسباب سياسية، ثم عاد واعتقل مرة أخرى عام 1953.
نشر حداد ديوانه الأول "حنبني السد" بعد خروجه من السجن عام 1956، واعتقل مرة أخرى عام 1959 لمدة خمس سنوات، وخرج ليكتب في شكل جديد لم يكن موجودًا في الشعر العربي، وهو شعر العامية فكتب أشعار الرقصات مثل "الدبة" و"البغبغان" و"الثعبان" وغيرها.
كتب "المسحراتي" لسيد مكاوي 1964 وكتب له البرنامج الإذاعي "من نور الخيال وصنع الأجيال" 30 حلقة عام 1969 والذي كانت أغنية "الأرض بتتكلم عربي" قطعة منه. أصدر 33 ديوان منها 17 ديوان أثناء حياته والباقي بعد وفاته ولابنه الأكبر هو الشاعر أمين حداد، وهو يعتبر أحد الشعراء الذين خرجوا من عباءة والده مسحراتي الشعراء، وله ابن آخر هو أيمن حداد ويعمل في مجال المسرح.

Reviews

[BookHunter M ُH َM َD · Rating 4 out of 5]

فنان فقير على باب الله
الجيب مافيهشي و لا سحتوت
و العمر فايت بيقول آه
و القطر فايت بيقول توت
صحيتني ليه يا شاويش يا شاويش
أنا كنت سارح في الملكوت
لما بنام بحلم و باعيش
لما بافوق مابافوقشي باموت
و تقول عليا كبير السن
و أنا في قلبي ولد كتكوت
و تشوفني بأبكي و باشعي و ائن
و الدنيا لسه بنت بنوت
اشمعنى قلبي ضناه الشيب
من الشقا مهري و منكوت
قال إللي قال العيب في الجيب
و الجيب مافيهشي و لا سحتوت
و العمر فايت بيقول آه
و القطر فايت بيقول توت
على المحطه يا ولداه
حتى المحطه كمان هتفوت
*****
طلعت أدب السقف أترجّ
نزلت أدب البير اعرجّ
العالم ماله؟ العالم وجّ
قال كلت حبيبك؟ كلته يا حاج
و يا حبيبي كان طعمك فج
إن كنت حبيبك أنا برضه محب
*****
يا شمس ياللي بتطلعي من الشرق
شقيت صوتي انشقّ
يا سحابة الحق
يا معرّقه الكون
يا مورّقه اللون
يا ناضجه و نيّه
يا أمّ و بنيّه
ياللي انت في النار انت في الميه
دمّين في عرفي و شهد في عنيّه
أنا ترجمانك حسّ منك وتر
لوني منك أتر
يا ضجة الأرياف
حنجرتي و السياف
و رقبتي مالها كتاف
شعّت شعانينك
و انا من مجانينك
عفاريتي ساكنينك
و عليّ تحنينك
و ماليش في تهنينك
يا ضجة الأرياف ماليش في الهمس
أنا الفصيح أنا ترجمان الشمس
*****
أبّوح يا أبّوح
كلب العرب مدبوح
و امّه عليه بتنوح
بنت القبيلة عند رأس كليب
شقّت عليه الجيب
مات لم يصبه الشيب
يا أبو قلب لسه قليب
*****
البني آدم يا بتنجان
يعيش الدنيا و يضمن جنة
بالمجان
عايز يرجع صبي تلميذ
يمشي يهزر مع مزاميز
تضحك في خدودهم
غماميز
يلبس شجري و يركب
مجري
عقله الحجري غوى
التقميز
البني آدم يا بتنجان

شميت قلبه لقيته بارود
خدته أشعه طلع نمرود
جوه العقده لبد مفرود
و لا فلّايه رايحه و جايه
في جبلايه ملانه قرود
البني آدم يا بتنجان

أيها فرده عاوزه تعيش
تمشي تغني تقول تهويش
و حياة دقني لتصدقني
إبليس عتقي ما رقعنيش
و حياة داءها لتصدقها
و تفرقها من البراطيش
البني آدم يا بتنجان

ياما شكالي الحما و الضرّ
كلمني في ينفع و يضر
بيني و بينه بدرت الدر
بعد موالسه رفع الجلسه
قال يا أبالسه خلفا در
البني آدم يا بتنجان
****

[Ahmed Ibrahim · Rating 4 out of 5]

"الليل يصبّح ويمسي
وتفكّريني وتنسّي
وأفطم على ريقك نفسي
وأتوب من الخمرة الليلة
الليلة يا سمرا يا سمارة
الليلة يا سمرا"

[Amr Mohamed · Rating 3 out of 5]

أيام بشمس وليالي قبل أهل الكهف ما يخشوه ، أمر المَلِكْ
الظالم بقتل كل كلابْ المدينه، نزلوا العساكر، استقطعوا
نهارهم زى التاريخ لما يستفرد بشعب ضعيف، كانت
ظلالهم تقيله وماشيه فوق الأرض، ومات للكلبه المغنيَّه
ولدها الرضيع ومات لقطمير الرضيع أمَّه.. قعدت ترضعه
في الخرابه، تهرْب عينيها وعينيه من الدمع والدبانْ
لبق النورْ

وانا أبجديه حنانْ في زمن شايب
انا في الخرابه زرعها الغايب
وأم بتغني بحس أليف

خد مني وخد من احْضاني
القلب اللي بيجرى عليكْ
والنورْ اللي حيملا عينيكْ
وادّفى بالشمسْ في ظلي
وانت المسكين اللي فِضِلْ لي
وانت اللي صغير علشاني
واللي خلقني أم هداني

خلتني أعمل لك شجرَه
على رمله وترابه وحجرَه
فجرت حناني والفَجرَه
ولا حسوا بعطفي وحناني

يا صغير يا اخضرْ يا حبايبْي
يا نصيبي من الدنيا ونايبي
يا ضناي اللي بيرضع قلبي
رضَّعتْ معاك اللي ضَناني

غَمض لي وفْتح لي عينيَّ
نسينْي العالم حواليَّ
فكرني وصبرني شويَّه
عيشْني في الحلم التاني

خد مني وخد من احْضاني
القلب اللي بيجرى عليكْ
والنورْ اللي حيملا عينيكْ

[Heba Tariq · Rating 5 out of 5]

تأمل الأغانى دى
الليلة يا سمرا
http://www.youtube.com/watch?v=pNWOx4...
دى سحالى
http://www.youtube.com/watch?v=1tzDbp...
طلعت أدب
http://www.youtube.com/watch?v=gDi5gm...

عقد الفل و الياسمينا
http://www.youtube.com/watch?v=BlRuNM...
آه و أه و يا فرحة قلبى
http://www.youtube.com/watch?v=QocWrA...


سمعتهم , ها , إتبسطت , اهو الكتاب كله كده

#موجود فى الجزء الرابع من الأعمال الكاملة

[Heba Hssn · Rating 3 out of 5]

أبيات داخل الكتاب مناسبة لوصفه
******
لا وانت الصادق
ديوان التسالى
بالمزاج والقهر

[عمر فؤاد · Rating 4 out of 5]

العالم ماله؟ العالم وجّ
قال كلت حبيبتك؟ كلته يا حج
ويا حبيبي كان طعمك فج
إن كنت حبيب أنا برضو مُحِبّ

[Gamal · Rating 5 out of 5]

يا ضجة الأرياف مليش فى الهمس
أنا الفصيح أنا ترجمان الشمس

[Muhammed · Rating 2 out of 5]

انا مفهمتش حاجة بس هي مبهجة .

[M. Ashraf · Rating 4 out of 5]

ديوان حلو جدا
اكتر من قصيدة متغنية على Youtube
تساعدك مع الكتابك او سهل تغنيها انتا بكلماتها السهلة و على القافية :)
من احلى الدواووين لفؤاد حداد لغاية دلوقتي في الأعمال الكاملة.

[احمد اسماعيل · Rating 4 out of 5]

ليس هناك من كتب عامية كفؤاد حداد
من جعل للعامية قيمة

[عمر أحمد · Rating 4 out of 5]

العالم ماله؟ العالم وجّ
قال كلت حبيبتك؟ كلته يا حج
ويا حبيبي كان طعمك فج
إن كنت حبيب أنا برضو مُحِبّ

[Zeyad AlAqad · Rating 1 out of 5]

ايه ده !!

[عبدالرحمن العدوي · Rating 5 out of 5]

لو كان الفن مملكة ف فؤاد حدّاد مَلكها
مَلك طيب حنون
جميل اوي.
هو احسن حاجة اتقالت عن فؤاد حداد ، انه لو الشعراء هيصلوا جماعة فهو يكون الإمام.

[عبدالرحمن عبدالعزيز · Rating 3 out of 5]

رقصت قلبي و كان مجلود
و ال آااه لا صنعة ولا مجهود
أنا اللي مت وأنا المولود

[أحمد شرف · Rating 5 out of 5]

و اللي شرب من نبع حدّاد ما ينزّل القُلة !
يحوي الديوان مجموعة من رقصات الطيور و الحيوانات ، الكلب و الدب ، الحوت و الحمامة، الفار و الهدهد، السمكة و الثعبان ، العرسة و القطّ ، و غيرهم ؛ كل الحيوانات نطقت ، لا بل استنطقها شيخنا فؤاد حدّاد .. اضافة الى اغاني احمد منيب/منير المشهورة " الليلة يا سمرا، اه و اه و يا فرحة قلبي " ، و اشعار اخرى كثيرة .. انا كنت برقص و انا بقرأ ، ، شنوّ هذا ، ما هذا ياعّم حدّاد !

[ولاء الشامي · Rating 2 out of 5]

والشمسْ صنعتها تشمسْ
والقلب صنعته يتحمسْ ..
والآه لا صنعه ولا مجهودْ ..
باغني زى ما باتْنفسْ ..
وآه كاني ما قلتش آه ..