Rosallea: Sa Daigdig ng mga Mangkukulam

by Gilda Olvidado, Rudy Villanueva (Illustrator)

Sa daigdig ng mga mangkukulam ay may isang dalagitang magsisimulang mag-aaral ng kulam ng kabutihan. Siya si Rosallea. Isa ba siyang istudyante na marami pang dapat matutunan o siya ang hinihintay na sugo at bituin ng kaligtasan ng daigdig ng mga mabuting mangkukulam at daigdig ng tao? Sa kakaibang buhay ni Rosallea ay higit pa sa dilim ng impiyerno ang kanyang mga kalaban.

279 pages, Paperback

First published January 1, 2010

Reviews

[Billy Ibarra · Rating 2 out of 5]

Tungkol kay Rossalea, isang natatanging kabataan na mayroon palang natatanging kakayahan para labanan ang mga mangkukulam, sapagkat nananalaytay sa dugo niya ang isang kapangyarihan kontra-kulam. Lumalala ang kasamaan sa kanilang bayan ng San Isidro dulot ng pangkukulam ng mga alagad nina Ivna at Labdor---ang siyang mga pinuno ng paaralan ng mga masasamang mangkukulam at nektar, kung kaya't upang labanan ang mga ito, isinama si Rossalea ng kanyang inang si Corazon sa Busilak, ang paaralan ng mga mabubuting mangkukulam, upang mahasa ang kanyang kakayahan.

Mahusay si Gilda Olvidado sa romance novel, pero sa young adult novel na ito, hindi ko alam kung ano ang nangyari. Siguro ay hindi niya lang talaga genre. Sobrang daming loophole na hindi ko alam kung bakit hindi rin nakita ng editor. Parang pinilit lang din na tapusin ang kuwento. Hindi rin madulas ang pagkakasulat---may mga dialogue na ang pagkakasulat, eh akala mo ay nakikinig ka ng radyo na maaari namang isalaysay na lang kaysa sabihin pa ng karakter. May igaganda pa sana ang nobela kung nasolusyunan lamang ang mga loophole at ang paraan ng pagkakasulat. Maganda ang mga ilustrasyon sa loob ng aklat.