Се гледаме на врвот

by Коста Петров

Преку 10.000 луѓе во изминатите три години ги посетија елитните настани на компанијата Пи Ворлд. Како глобален лидер во својата област, компанијата секојдневно соработува со најголемите светски брендови и ја менува бизнис- реалноста во над 50 земји ширум светот.

А сето тоа го прави токму оттука, од Македонија.

Во „Се гледаме на врвот“, Коста Петров, дваесет и деветгодишниот основач на компанијата, ве води на патување низ својата животна приказна полна со неверојатни моменти, со подеми и со падови, пријатни и непријатни искуства кои се неодминлив дел од „патот по кој поретко се оди“. А за оној што ќе го избере тој пат и што ќе истрае на него, на крајот го чека заслужената награда. На своето возбудливо патување, Коста Петров се соочува со големите можности на Америка, со горчливите сценарија на Прага, со луксузниот бизнис-центар Дубаи, но и со реалноста на креирање на глобален бренд од Македонија.

Се гледаме на врвот е книга за сите оние што веруваат дека во животот сите се создадени за големи нешта. Влезете во светот каде што сè е можно.

„Книгава ќе има многу читатели. Зошто? Затоа што споделува скапо платени животни лекции со јасна цел: животот да биде подобар со нас. Апликативна духовност достапна секому!“
Јагода Михајловска-Георгиева, писател

Genres: Nonfiction

176 pages, Paperback

First published January 1, 2013

Reviews

[Angelina · Rating 2 out of 5]

Конечно, дојде ред да ја прочитам првата од серијалот фамозни книги на Коста Петров. Не сум љубител на ваква литература од типот на „рецепти за животот“ скоро во стилот на рецептите за готвење. Од пред самиот почеток, немав големи очекувања и тоа се оправда за некои работи.

Паралелно со читањето, си правев список со главните пораки на Google Keep, во спротивно мислев ќе нема ама баш никаков ефект.

Генерално гледано, од стилски аспект книгата е просечна кон прилично едноставна и скромна, меѓутоа тоа е разбирливо, со оглед на тоа дека авторот не е (беше) писател. Но таа едноставност на моменти ме збунуваше, бидејќи зборовите брзо го менуваа своето значење.

Структурата на објаснување ми беше конфузна, немаше доволна градација или постепен премин во нарацијата до самата поента или поука која авторот ја нагласуваше. Целиот концепт на: дефинирање, па негирање, па повторно редефинирање на поимите и поуките беше напорно и исцрпувачки да се следи. Расфрлано изгледаше во рамките на самите поглавја.

Позитивно кај книгата е што имаш на еден куп буквално сѐ што ти треба за сопствена мотивација и директно укажување на влијанието на егото врз целото наше постоење. Објаснетото е прилично очигледно, но некогаш забораваме дека подобрувањето на нас како личности треба да се одвива во сите можни правци од нашите животи, а не да биде само епизодно. Јас ја доживеав книгата како едно упатство за живеење еден несебичен живот, каде што централно место зафаќа токму позитивизмот кој на крај доведува до елиминирање на егото до одреден степен.

Сум во дилема дали да ги купам втората и третата книга: дали да го завршам циклусот книги до крај (од чиста љубопитност) или да ѝ го посветам времето на некоја покреативна книга.

[Blagoj Trajkoski · Rating 4 out of 5]

Interesting book, the first part I really liked when the author tells his life story. In the second part there are conclusions how to became successful from his point of view, but the style of writing by my opinion is to much self-confident in the advises he gives, looking like someone who hes retired, but he is only 30.

[Ivana Oltovska · Rating 5 out of 5]

Top kniga, epa decki se gledame na vrvot bye bye caooo!!! :)))

[Никола Митовски · Rating 4 out of 5]

Најпродаваната книга во последната деценија во Македонија не е само мотивациска порака спакувана во корици – тоа е гласот на секој што барем еднаш се почувствувал заглавен, недоволен или неподдржан, но сè уште верува дека може да стигне на врвот.

Коста Петров, преку едноставен, директен и инспиративен стил на пишување, ги руши границите на стравот, стереотипите и ограничувањата кои самите си ги поставуваме. Тој со леснотија гради мост помеѓу секојдневните примери и длабоките животни вистини. Еден од највпечатливите делови е споредбата:

„Животот е како купување на автомобил… Ако сакате да имате ‘југо’, ќе добиете ‘југо’… Но меѓу нас има и такви кои веруваат дека еден ден ќе возат ‘јагуар’.“

Оваа метафора го отсликува начинот на кој размислуваме за сопствениот потенцијал. Често се задоволуваме со малку, бидејќи не веруваме дека заслужуваме повеќе. Петров нè предизвикува да ги смениме тие уверувања, нудејќи ни избор – да не бидеме ограничени од стари навики и очекувања, туку да го отвориме умот за нови можности.

Особено силен впечаток остава и парафразата на македонската поговорка:

„Пушти си ги нозете колку што ти е долга чергата“, а зошто никој од нас не се прашува зошто би се покривале со черга кога денес имаме јорган?“

Овој цитат го разбива менталитетот на ограничување и скромност по инерција, и нè поттикнува да се стремиме кон повеќе – без вина, без страв.

Јас лично ја читав книгата во подолг временски период, со паузи и прекини поради обврски, училиште и сè што животот носи. Поради тоа, искрено не верувам дека целосно ја апсорбирав. Но токму затоа верувам дека ќе се навраќам на неа повторно и повторно – зашто има што да се научи секој пат кога ќе се отвори. Исто така, верувам дека оваа книга треба да ја прочита секој – без разлика дали е на почеток на својот пат или веќе се искачил на некој сопствен „врв“.

„Се гледаме на врвот“ не е книга што се чита – таа се чувствува. Таа нуди поддршка, водство и храброст за сите оние што сакаат повеќе од она што им било кажано дека го заслужуваат. Нè потсетува дека ние сме возачите на сопствениот живот – а изборот на возилото, насоката и брзината е целосно наша одговорност.

[Teona Krstevska · Rating 5 out of 5]

Изненадена сум од книгава, многу пријатно. Искрено немав големи очекувања, но сите ги надмина. Самата негова животна приказна е доста возбудлива и има многу подвизи и падови и тој никогаш не губи надеж, туку продолжува понатака. Во вториот дел од книгата се покриени доста аспекти кои ги поддржувам. Структурата е можеби малку скромна, како љубител на овој жанр сметам дека има простор за уште 50тина страници за да биде комплетна. Сепак, во секој поглед ја препорачувам книгата, сметам дека вреди да се прочита и поддржи македонското авторство. Коста ме изненади и очекувам наскоро да прочитам уште негови дела.

[El ou el · Rating 5 out of 5]

Колку најважни работи можат да ви се случат во 1 неважен живот?

[b☆ · Rating 3 out of 5]

не знам кој врв ама ок

[Cvetannka · Rating 3 out of 5]

Лесно читање, интересни факти за животот на авторот и како неговата животна сторија му овозможила да избори на застане на врвот и создаде своја кариера.

[Emilija · Rating 4 out of 5]

I really like this book! It shows your way to success in very simple way but very touchable. I agree with everything that is written in it because I believe that everything begins from ourselves and only we can change our life in a better way , but only if we believe that we are the change that is needed. Definitely , my source of encouragement!!

[Marija · Rating 5 out of 5]

Супер книга за сите млади луѓе што незнаат што понатаму во животот