What do you think?
Rate this book
أحمد فؤاد نجم: الأعمال الشعرية الكاملة
يعد الشاعر الكبير أحمد فؤاد نجم أحد ابرز الأصوات الشعرية في الغنائية الشهرية التي شهدتها الشعرية الحديثة ، فهو ابن عروس والنديم وبيرم .. واستطاع ان يجعل من شعرخ سجلا حافلا لتاريخ مصر من النصف الثاني من القرت العشرين ، أما ثورة الخامس والعشرين من يناير فقد شهدت ميلادا جديدا له فقد كانت قصائده الجديدة تولد من رحم ميدان التحرير ...
743 pages, Paperback
First published January 1, 1998
123 people are currently reading
3592 people want to read
About the author
أحمد فؤاد نجم
33 books1,044 followersأحد أهم شعراء العامية في مصر، وأحد أشهر اليساريين بها، وأحد ثوار الكلمة، واسم بارز في الفن والشعر العربي الملتزم بقضايا الشعب والجماهير الكادحة ضد الطبقات الحاكمة الفاسدة، وبسبب ذلك سُجن ثمانية عشر عاماً. يترافق اسم أحمد فؤاد نجم مع ملحن ومغن هو الشيخ إمام، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد نكسة حزيران 1967.
قال عنه الشاعر الفرنسي لويس أراجون: إن فيه قوة تسقط الأسوار، وأسماه الدكتور علي الراعي "الشاعر البندقية" في حين يسميه: أحد الحكام العرب وهو أنور السادات: "الشاعر البذيء". في عام 2007 اختارته المجموعة العربية في صندوق مكافحة الفقر التابع للأم المتحدة سفيراً للفقراء، ولد أحمد فؤاد نجم لأم فلاحة أمية من الشرقية (هانم مرسى نجم) وأب يعمل ضابط شرطة (محمد عزت نجم)، وكان ضمن سبعة عشر ابن لم يتبق منهم سوى خمسة، والسادس فقدته الأسرة التحق بعد ذلك بكتّأب القرية كعادة أهل القري في ذلك الزمن.
أدت وفاة والده إلى انتقاله إلى بيت خاله حسين بالزقازيق حيث التحق بملجأ أيتام 1936 - والذي قابل فيه عبد الحليم حافظ- ليخرج منه عام 1945 وعمره 17 سنة، بعد ذلك عاد لقريته للعمل راعي للبهائم ثم انتقل للقاهرة عند شقيقه إلا أنه طرده بعد ذلك ليعود إلى قريته. بعدها بسنوات عمل بأحد المعسكرات الإنجليزية وساعد الفدائيين في عملياتهم، بعد إلغاء المعاهدة المصرية الإنجليزية دعت الحركة الوطنية العاملين بالمعسكرات الإنجليزية إلى تركها فاستجاب نجم للدعوة وعينته حكومة الوفد كعامل بورش النقل الميكانيكي، وفي تلك الفترة قام بعض المسؤولين بسرقة المعدات من الورشة وعندما اعترضهم اتهموه بجريمة تزوير استمارات شراء مما أدى إلى الحكم عليه 3 سنوات بسجن قره ميدان، حيث تعرف هناك على أخوه السادس (على محمد عزت نجم)، وفي السنة الأخيرة له في السجن اشترك في مسابقة الكتاب الأول التي ينظمها المجلس الأعلى لرعاية الآداب و الفنون، وفاز بالجائزة وبعدها صدر الديوان الأول له من شعر العامية المصرية (صور من الحياة والسجن)، وكتبت له المقدمة سهير القلماوي ليشتهر وهو في السجن.
بعد خروجه من السجن عُين موظف بمنظمة تضامن الشعوب الآسيوية الأفريقية وأصبح أحد شعراء الإذاعة المصرية وأقام في غرفة على سطح أحد البيوت في حي بولاق الدكرور بعد ذلك تعرف على الشيخ إمام في حارة خوش قدم (معناها بالتركية قدم الخير) أو حوش آدم بالعامية ليقرر أن يسكن معه و يرتبط به حتى أصبحوا ثنائي معروف وأصبحت الحارة ملتقى المثقفين. من أهم اشعار أحمد فؤاد نجم كتابته عن جيفارا رمز الثورة في القرن العشرين. حصل الشاعر على المركز الأول في استفت
قال عنه الشاعر الفرنسي لويس أراجون: إن فيه قوة تسقط الأسوار، وأسماه الدكتور علي الراعي "الشاعر البندقية" في حين يسميه: أحد الحكام العرب وهو أنور السادات: "الشاعر البذيء". في عام 2007 اختارته المجموعة العربية في صندوق مكافحة الفقر التابع للأم المتحدة سفيراً للفقراء، ولد أحمد فؤاد نجم لأم فلاحة أمية من الشرقية (هانم مرسى نجم) وأب يعمل ضابط شرطة (محمد عزت نجم)، وكان ضمن سبعة عشر ابن لم يتبق منهم سوى خمسة، والسادس فقدته الأسرة التحق بعد ذلك بكتّأب القرية كعادة أهل القري في ذلك الزمن.
أدت وفاة والده إلى انتقاله إلى بيت خاله حسين بالزقازيق حيث التحق بملجأ أيتام 1936 - والذي قابل فيه عبد الحليم حافظ- ليخرج منه عام 1945 وعمره 17 سنة، بعد ذلك عاد لقريته للعمل راعي للبهائم ثم انتقل للقاهرة عند شقيقه إلا أنه طرده بعد ذلك ليعود إلى قريته. بعدها بسنوات عمل بأحد المعسكرات الإنجليزية وساعد الفدائيين في عملياتهم، بعد إلغاء المعاهدة المصرية الإنجليزية دعت الحركة الوطنية العاملين بالمعسكرات الإنجليزية إلى تركها فاستجاب نجم للدعوة وعينته حكومة الوفد كعامل بورش النقل الميكانيكي، وفي تلك الفترة قام بعض المسؤولين بسرقة المعدات من الورشة وعندما اعترضهم اتهموه بجريمة تزوير استمارات شراء مما أدى إلى الحكم عليه 3 سنوات بسجن قره ميدان، حيث تعرف هناك على أخوه السادس (على محمد عزت نجم)، وفي السنة الأخيرة له في السجن اشترك في مسابقة الكتاب الأول التي ينظمها المجلس الأعلى لرعاية الآداب و الفنون، وفاز بالجائزة وبعدها صدر الديوان الأول له من شعر العامية المصرية (صور من الحياة والسجن)، وكتبت له المقدمة سهير القلماوي ليشتهر وهو في السجن.
بعد خروجه من السجن عُين موظف بمنظمة تضامن الشعوب الآسيوية الأفريقية وأصبح أحد شعراء الإذاعة المصرية وأقام في غرفة على سطح أحد البيوت في حي بولاق الدكرور بعد ذلك تعرف على الشيخ إمام في حارة خوش قدم (معناها بالتركية قدم الخير) أو حوش آدم بالعامية ليقرر أن يسكن معه و يرتبط به حتى أصبحوا ثنائي معروف وأصبحت الحارة ملتقى المثقفين. من أهم اشعار أحمد فؤاد نجم كتابته عن جيفارا رمز الثورة في القرن العشرين. حصل الشاعر على المركز الأول في استفت
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 158 reviews
July 29, 2025
الفاجومى شاعر الثورة و التمرد عدو النفاق و تزويق الكلام ابن الشعب و حليف الفقر و الفقراء العامل الضاحك الفيلسوف رحمه الله
و هنقول ايه و الا ايه و الا ايه يا عم احمد
1-
الاسم : صابر
التهمه : مصري
السن : اجهل اهل عصري
لرغم انسدال الشيب ضفاير
من شوشتى
لما لتحت خضري
المهنه : وارث
عن جدودي
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه
عن مطرحه
كان اللى كان
2-
يا شعب ثور داهية تسمك
و شيل اصول اسباب همك
عصابه
بتمص في دمك
و الاسم قال ضباط احرار
شقع بقع يا ديل الفار
3-
يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
4-
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!!
5-
شيد قصورك ع المزارع
من كدنا وعمل إيدينا
الخمارات جنب المصانع
والسجن مطرح الجنينة
واطلق كلابك
في الشوارع
واقفل زنازينك
علينا
6-
الأولة بلدي باسلطن جو موالي و دا الموصوف
و الثانية بلدي باقول الكلمة بالعالي و ع المكشوف
و الثالثة بلدي ياكنزي و عزوتي و مالي و ملو الشوف
7-
ممنوع من السفر
ممنوع من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
8-
ناح النواح و النواحة
على بقرة حاحا النطاحة
و البقرة حلوب .. تحلب قنطار
لكن مسلوب .. من أهل الدار
9-
دا شيعه واحنا سنّة دا فين ومصر فين !
عـــــــايزين يدخلونا نظام ودنك منين
وناس تقول شيوعي وعامل نفسه شيعي
عشان خايفين طبيعي لـــــيبقوا ثورتين
يا أسيادنا اللصوص قرينا في النصوص
لو الإنســـــــان يلوص يغوروا الفرقتين
وشفنا في الكتاب ولقينا الدين حســـاب
وثورة وانتســـاب وعين تســــاوي عين
وســـرقتوا الثورة منا وقلتوا الصبر منّه
وعقب الصبر جنّه وبـــــاب بمفتاحين
ودان المَلُك ليكو وشاع الكفر فيكو
وزاد الفـجر بيكو وعملتوا اســلامين
وكـفرتوا الامام وطفشـــتوا الحمام
وخلاصة الكلام.. يزيد ولاّ الحسين ؟
December 23, 2010
مرجعيّة للشعر العامّي المصري !
"ممنوع من السفر
ممنوع من الغنى
ممنوع من الاشتياق
ممنوع من الاستياء
وكل يوم في حبك تزيد الممنوعات
وكل يوم بحبك اكتر من الي فات
حبيبتي يا مدينة
متزوّقة وحزينة
مخبر في كل عقدة
عسكر في كل مينا
يمنعني لو اغير
عليكي
او اطير
اليكي
واستجير
في حضنك
او انام
في حجرك الوسيع
وقلبك الربيع
اعود كما الرضيع
في حرقة الفطام"
"ممنوع من اني أصبح
في عشقك
او أبات
ممنوع من المناقشة
ممنوع من السكات"
"ممنوع من السفر
ممنوع من الغنى
ممنوع من الاشتياق
ممنوع من الاستياء
وكل يوم في حبك تزيد الممنوعات
وكل يوم بحبك اكتر من الي فات
حبيبتي يا مدينة
متزوّقة وحزينة
مخبر في كل عقدة
عسكر في كل مينا
يمنعني لو اغير
عليكي
او اطير
اليكي
واستجير
في حضنك
او انام
في حجرك الوسيع
وقلبك الربيع
اعود كما الرضيع
في حرقة الفطام"
"ممنوع من اني أصبح
في عشقك
او أبات
ممنوع من المناقشة
ممنوع من السكات"
December 2, 2025
ويشق سكون الكون أرغول
ونغم فنان ثاير مخبول
وعليل على فرشه بيتقلب
ويحايل جرحه المدّاري
ويقول يا طبيب قلبك طيب
اسمعني حقولك أسراري
لو شلت الشكوى على لساني
ورميتها قريب
ما تكونش جراحي مآلماني
أبدًا يا طبيب
أنا دقت الجرح وخدت عليه
يسقيني المر وبردو أسقيه
من بحر الصبر اللي ف قلبي
حتقوللي بتشكي أمال من ايه
ولا من أوجاع
ولا شوق لمتاع
دنا عمري إن ضاع
مش حبكي عليه
أبدًا يا طبيب
يا طبيب دنا جرحي ملوعني
وساقيني الحنضل من كاسي
والنار ف ضلوعي بتلسعني
وأنا لسه صغار و العيا قاسي
ولا عمر الليل مرة سمعني
عليّت الآه على أنفاسي
أبدًا يا طبيب
لكن يا طبيب أنا ببكي بصحيح
وبقول الآه زي المجاريح
ودموعي ف عيني بتتكلم
وبتتألم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا أقول له يا روح القلب آهين
بس أنا لا بودِّي
ولا بيدِّي
دا قدر مقسوم
قدّر لحبيبي يعيش بعدي
م الهنا محروم
أهو دا اللي وجعني وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
لا فرحت معاه ولا هنيته
لو شلت الشكوى على لساني
ورميتها قريب
ماتكونش جراحي مآلماني
أبدًا يا طبيب
ونغم فنان ثاير مخبول
وعليل على فرشه بيتقلب
ويحايل جرحه المدّاري
ويقول يا طبيب قلبك طيب
اسمعني حقولك أسراري
لو شلت الشكوى على لساني
ورميتها قريب
ما تكونش جراحي مآلماني
أبدًا يا طبيب
أنا دقت الجرح وخدت عليه
يسقيني المر وبردو أسقيه
من بحر الصبر اللي ف قلبي
حتقوللي بتشكي أمال من ايه
ولا من أوجاع
ولا شوق لمتاع
دنا عمري إن ضاع
مش حبكي عليه
أبدًا يا طبيب
يا طبيب دنا جرحي ملوعني
وساقيني الحنضل من كاسي
والنار ف ضلوعي بتلسعني
وأنا لسه صغار و العيا قاسي
ولا عمر الليل مرة سمعني
عليّت الآه على أنفاسي
أبدًا يا طبيب
لكن يا طبيب أنا ببكي بصحيح
وبقول الآه زي المجاريح
ودموعي ف عيني بتتكلم
وبتتألم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا أقول له يا روح القلب آهين
بس أنا لا بودِّي
ولا بيدِّي
دا قدر مقسوم
قدّر لحبيبي يعيش بعدي
م الهنا محروم
أهو دا اللي وجعني وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
لا فرحت معاه ولا هنيته
لو شلت الشكوى على لساني
ورميتها قريب
ماتكونش جراحي مآلماني
أبدًا يا طبيب
March 22, 2018
شيد قصورك ع المزارع
من كدنا وعمل إدينا
والخمارات جنب المصانع
والسجن مطرح الجنينه
واطلق كلابك في الشوارع
واقفل زنازينك علينا
و يقل نومنا في المضاجع
ادي احنا نمنا ما اشتهينا
واتقل علينا بالمواجع
احنا اتوجعنا واكتفينا
وعرفنا مين سبب جراحنا
وعرفنا روحنا والتقينا
عمال وفلاحين وطلبه
دقت ساعتنا وابتداينا
نسلك طريق ما لهش راجع
والنصر قرب من عنينا
لينك للأغنية شيد قصورك
من كدنا وعمل إدينا
والخمارات جنب المصانع
والسجن مطرح الجنينه
واطلق كلابك في الشوارع
واقفل زنازينك علينا
و يقل نومنا في المضاجع
ادي احنا نمنا ما اشتهينا
واتقل علينا بالمواجع
احنا اتوجعنا واكتفينا
وعرفنا مين سبب جراحنا
وعرفنا روحنا والتقينا
عمال وفلاحين وطلبه
دقت ساعتنا وابتداينا
نسلك طريق ما لهش راجع
والنصر قرب من عنينا
لينك للأغنية شيد قصورك
July 18, 2018
بعد قراءة الأعمال الشعرية الكاملة للفاجومي؛ أحمد فؤاد نجم أو شاعر الغلابة كما يطلقون عليه؛ اكتشتف ان هذا الرجل ورفيق دربه الشيخ إمام؛ افنيا حياتهما في حب الوطن والحرية و"الناس الفقرا".. وبرغم أني بطلت اكتب من زمن، لكن حبيت اكتب لهم حاجة تفكرني دايما.. برحلتي؛ مع أشعار وعود نجم وإمام
نجم" كان"
شاعر زمان
مهفوف..لكن قادر يشوف؛
رغم الضّلام
وكلبش في إيدين الخلايق
وعالبصاير والكلام
ظابط هُمام؛
(...فين يوجعك)
مين يردعك؟
صوت يِندَهك!
يا شعب يا نبض الوجود
الخلد لك
والملك لك
رغم الظروف
.والناس شهود
"و"الشيخ إمام
موّاله يخرق الحدود
-وسط الخنوع والعطن-
ضربة وتر عالعود
تجعل قلوب الوطن
-ناسُه-
كما جمرة
"لا سيّما "لأه
.يا حبذا ثورة
الله يرحمكم ويجازيكم خير ^^
نجم" كان"
شاعر زمان
مهفوف..لكن قادر يشوف؛
رغم الضّلام
وكلبش في إيدين الخلايق
وعالبصاير والكلام
ظابط هُمام؛
(...فين يوجعك)
مين يردعك؟
صوت يِندَهك!
يا شعب يا نبض الوجود
الخلد لك
والملك لك
رغم الظروف
.والناس شهود
"و"الشيخ إمام
موّاله يخرق الحدود
-وسط الخنوع والعطن-
ضربة وتر عالعود
تجعل قلوب الوطن
-ناسُه-
كما جمرة
"لا سيّما "لأه
.يا حبذا ثورة
الله يرحمكم ويجازيكم خير ^^
July 7, 2012
“قل أعوذو
مدّ بوزه
الجبان
إبن الجبانه
كَل غدانا
قام لقانا
شعب طيب
كل عشانا
_____________________
“بكرة لما قمركو يطلع
والشمس تطلع
ونهاركو يطلع
حيقولوا كان في المكان دا ناس
فيهم طيابه
وفيهم حماس
وكانوا آخر الامر
ناس
وكان زمانهم سجون
وكانوا
مابين سجونه وأمريكانه
وبين ضباب الطريق حيارى
ماحد قادر يشوف مكانه
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
وياما ناس فى المسيره
مشيت
وناس ف نص المسيره خانوا
حتقولوا كانوا
أو ياما كانوا
لكن ح يبقى فى الأمر حاجه
إن اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ماقدرش يقتل فى اى حاجه
روح التفاؤل
بكل حاجه
________________________
“ويا مصر يا أول صوره
فى عيون المولودين
يا مصر يا آخر صوره
فى قلوب الميتين
يا بلدنا
يا بكره ولادنا
يام الدنيا والدين
يام الولدات المجدع
والبنتات الطعمين
يحرم اسمك علينا
ونعيش متغربين
لو سبنا الذل يدوسك
أو عشنا مغلوبين
_______________________
“مصر يا مه يا سفينه
مهما كان البحر عاتي
فلاحينك ملاحينك
يزعقوا للريح يواتي
اللي ع الدفه صنايعي
واللي ع المجداف زناتي
واللي فوق الصاري كاشف
كل ماضي وكل آتي
عقدتين والتالته تابته
تركبي الموجه العفيه
توصلي برالسلامة”
___________________
رائع ومميز جداً أحمد فؤاد نجم
اعجز عن وصفه
March 9, 2013
يام طرحة و جلابية
الزمن شاب و انتي شابة
هو رايح و انتي جاية
مصر يمه يا بهية
يام طرحة و جلابية
الزمن شاب و انتي شابة
هو رايح و انتي جاية
جاية فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي معجبانية و صبية
يا بهية
الزمن شاب و انتي شابة
هو رايح و انتي جاية
مصر يمه يا بهية
يام طرحة و جلابية
الزمن شاب و انتي شابة
هو رايح و انتي جاية
جاية فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي معجبانية و صبية
يا بهية
September 18, 2016
رضي الله عن نجم والشيخ إمام، بغض النظر عن عبناصر يعني
November 13, 2021
السهل الممتنع بجدارة... 🖤
قصائد كتير كنت عارفاها و اكتر مكنتش اعرف عنهم حاجة بس كنت مستمتعة جدا و مستغربة ازاى الكلام على قد ما هو يبان سهل و بسيط كدا على قد ما أثر فيا بشكل كبير جدا جدا و كل فترة لازم ارجع ليهم...
تقريبا مفيش حد ممكن يجرب يقرأه الا و هيلاقي حاجات كتير عارفها و بيحبها و يكمل و هو بيقرأها
و كفاية إنى عرفت إنه ألف القصيدة الأقرب لقلبي دايما " أنا أتوب عن حبك أنا" و اكتشافي الجميل لقصيدة
" الليل ملاح" ❤️
ده غير طبعا إنه مألف تتر مسلسل زيزينا اللى هو من أكتر التترات اللى بحبها ❤️
بالمناسبة فيه قناة اسمها نوتة عاليوتيوب بتعمل الشعر بشكل جميل اوى حاطة لينك القصائد اللى لقيتهم عاملينها
ربنا يرحمه
...
https://youtu.be/bQbbLpc3G5U
مصر يامه يا بهية
يا ام طرحة و جلابية
الزمن شاب
و انتِ شابة
هو رايح
و انتِ جاية
...
https://youtu.be/EHjXNeginWk
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستيلاء
ممنوعةمن الابتسام
و كل يوم في حبك تزيد الممنوعات
و كل بحبك اكتر من اللى فات
....
أنا أتوب عن حبك أنا؟
أنا ليا ف بعدك هنا؟
دانا بترجاك
الله يجازيك
يا شاغلني معاك
وشاغلني عليك
وان غبت سنه
أنا برضه أنا
لا أقدر أنساك
ولا ليا غنا
ولا اتوب
عن حبك أنا
....
https://youtu.be/cLZaV5Aa5rI
إنت فين والكلب فين
إنت قده یا اسماعين
طب دا كلب الست يا أبني
وأنت تطلع أبن مين؟
هيص يا كلب الست
هيص
لك مجامك
في البوليس
بكرة تتولف وزاره
للكلاب
ياخدوك رئيس
....
یا اسکندریه عاشق
وبدی
ارتاح في حضنك
والود ودی
يكون كلامي
عربون غرامی
وبالمحبه
ناخد وندی
یا اسكندريه فيكي الغلابه
على الرزق يسعوا ولا يناموش
صبح صباحهم
مساهم
رجع
وزاد شقاهم
وما ارتاحوش
...
شيد قصورك ع المزارع
من كدنا و عمل إدينا
والخمارات جنب المصانع
والسجن مطرح الجنينه
واطلق كلابك
في الشوارع
واقفل زنازينك
علينا
وقل نومنا في المضاجع
ادي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
...
هما مين واحنا مين
هما الأمرا والسلاطين
هما المال والحكم معاهم
واحنا الفقرة المحكومين
حزر فزر شغل مخك
شوف مين فينا بيحكم مين
...
يمكن اكتر حاجة حبتها - بعد انا أتوب عن حبك طبعا لانها من اكتر القصائد اللى بحبها عموما حتى من غير ما كنت اعرف مي اللى كاتبها - جزئية في قصيدة اسمها الليل ملاح و قرأتها و سمعتها بصوته كتير جدا جدا و كل مرة بتأثر بيها
https://youtu.be/jBHFCDJPlgE
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول يا طبيب قلبك طيب
اسمعني
ح اقولك اسراري
لو شلت الشكوى على لساني
ورميتها قريب
ما تكونش جراحي مالماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي في قلبي
ح تقوللي بتشكي أمال من أيه؟
ولا من أوجاع
ولا شوق لمتاع
دانا عمري أن ضاع
مش ح أبكي عليه
أبدا يا طبيب
یا طبيب دانا جرحي ملوعني
وساقيني الحنضل من كاسي
والنار في ضلوعي بتلسعني
وانا لسه صغار
والعيا قاسي
ولا عمر الليل مره
مره سمعني
عليت الآه على أنفاسي
ابدا يا طبيب
لكن يا طبيب أنا ببكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب في عشه اتنين
واتهني معاه
وإن قال الآه
أنا أقول له يا روح القلب
آهين
بس
أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوی محروم
أهو دا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي
بنيته
وحياة القلب اللي جرحته
و لا فرحت معاه
ولا هنيته
لو شلت الشكوى على لساني
ورميتها قريب
ما تكونش جراحي مألماني
أبدا يا طبيب
3/9/2020
قصائد كتير كنت عارفاها و اكتر مكنتش اعرف عنهم حاجة بس كنت مستمتعة جدا و مستغربة ازاى الكلام على قد ما هو يبان سهل و بسيط كدا على قد ما أثر فيا بشكل كبير جدا جدا و كل فترة لازم ارجع ليهم...
تقريبا مفيش حد ممكن يجرب يقرأه الا و هيلاقي حاجات كتير عارفها و بيحبها و يكمل و هو بيقرأها
و كفاية إنى عرفت إنه ألف القصيدة الأقرب لقلبي دايما " أنا أتوب عن حبك أنا" و اكتشافي الجميل لقصيدة
" الليل ملاح" ❤️
ده غير طبعا إنه مألف تتر مسلسل زيزينا اللى هو من أكتر التترات اللى بحبها ❤️
بالمناسبة فيه قناة اسمها نوتة عاليوتيوب بتعمل الشعر بشكل جميل اوى حاطة لينك القصائد اللى لقيتهم عاملينها
ربنا يرحمه
...
https://youtu.be/bQbbLpc3G5U
مصر يامه يا بهية
يا ام طرحة و جلابية
الزمن شاب
و انتِ شابة
هو رايح
و انتِ جاية
...
https://youtu.be/EHjXNeginWk
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستيلاء
ممنوعةمن الابتسام
و كل يوم في حبك تزيد الممنوعات
و كل بحبك اكتر من اللى فات
....
أنا أتوب عن حبك أنا؟
أنا ليا ف بعدك هنا؟
دانا بترجاك
الله يجازيك
يا شاغلني معاك
وشاغلني عليك
وان غبت سنه
أنا برضه أنا
لا أقدر أنساك
ولا ليا غنا
ولا اتوب
عن حبك أنا
....
https://youtu.be/cLZaV5Aa5rI
إنت فين والكلب فين
إنت قده یا اسماعين
طب دا كلب الست يا أبني
وأنت تطلع أبن مين؟
هيص يا كلب الست
هيص
لك مجامك
في البوليس
بكرة تتولف وزاره
للكلاب
ياخدوك رئيس
....
یا اسکندریه عاشق
وبدی
ارتاح في حضنك
والود ودی
يكون كلامي
عربون غرامی
وبالمحبه
ناخد وندی
یا اسكندريه فيكي الغلابه
على الرزق يسعوا ولا يناموش
صبح صباحهم
مساهم
رجع
وزاد شقاهم
وما ارتاحوش
...
شيد قصورك ع المزارع
من كدنا و عمل إدينا
والخمارات جنب المصانع
والسجن مطرح الجنينه
واطلق كلابك
في الشوارع
واقفل زنازينك
علينا
وقل نومنا في المضاجع
ادي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
...
هما مين واحنا مين
هما الأمرا والسلاطين
هما المال والحكم معاهم
واحنا الفقرة المحكومين
حزر فزر شغل مخك
شوف مين فينا بيحكم مين
...
يمكن اكتر حاجة حبتها - بعد انا أتوب عن حبك طبعا لانها من اكتر القصائد اللى بحبها عموما حتى من غير ما كنت اعرف مي اللى كاتبها - جزئية في قصيدة اسمها الليل ملاح و قرأتها و سمعتها بصوته كتير جدا جدا و كل مرة بتأثر بيها
https://youtu.be/jBHFCDJPlgE
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول يا طبيب قلبك طيب
اسمعني
ح اقولك اسراري
لو شلت الشكوى على لساني
ورميتها قريب
ما تكونش جراحي مالماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي في قلبي
ح تقوللي بتشكي أمال من أيه؟
ولا من أوجاع
ولا شوق لمتاع
دانا عمري أن ضاع
مش ح أبكي عليه
أبدا يا طبيب
یا طبيب دانا جرحي ملوعني
وساقيني الحنضل من كاسي
والنار في ضلوعي بتلسعني
وانا لسه صغار
والعيا قاسي
ولا عمر الليل مره
مره سمعني
عليت الآه على أنفاسي
ابدا يا طبيب
لكن يا طبيب أنا ببكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب في عشه اتنين
واتهني معاه
وإن قال الآه
أنا أقول له يا روح القلب
آهين
بس
أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوی محروم
أهو دا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي
بنيته
وحياة القلب اللي جرحته
و لا فرحت معاه
ولا هنيته
لو شلت الشكوى على لساني
ورميتها قريب
ما تكونش جراحي مألماني
أبدا يا طبيب
3/9/2020
December 11, 2016
أنا أحد الأشخاص الذين وللأسف الشديد لا يتذوقون الشعر
ولكن عم فؤاد نجم يُجبرك على الاستمتاع بما خطّه
ولكن عم فؤاد نجم يُجبرك على الاستمتاع بما خطّه
December 29, 2023
عـ ب ق ر ي
August 10, 2013
في هذه اللحظات العصيبة من عمر الوطن ...بيحلى لعقلي يطحن ويخبز في فكرة حب الوطن ..ويتكلم الناس من حواليا ويحللوا في مية حدث و ألف موضوع مهم ..وبرضو مالاقيش لروحي شئ أهم من أني أقلب الفكرة في دماغي على الجنبين زي الرغيف في الفرن ..وأتمنى لو أقدر أصهرها في آتون من نار وأوصل منها لشئ شبيه بالحالة الأولية للحاجات ...أو ممكن تقول كدة المادة الخام !!...و بقول يمكن تنفعني لما السفر اللي سيرته بقت وسط أي حكايات يبقى خلاص عالباب!.... ليا أهل وصحاب طيبين، بفتكر دلوقتي لما كانوا يكلموني أقضي وياهم كام يوم في الأجازات كنت أتحجج بمية عذر وسبب...و والدتي تزعل تقول: ( سيبكوا منها دي (برّاوية) ما عرف لمين!!) وكنت أقول : (مش بعرف أنام إلا في بيتنا) !!...بيتهيألي لو لقيتها المادة الخام دي جوا مني بصحيح مش هأقول ساعة الجد إلا هما نفس الكلمتين !! .... أهو أصل المحبة اللي أقصده ده مش هاتحتاج ال600 صفحة دول عشان تتأكد إن (فؤاد نجم) كان عنده منه اكتفاء ..هما بس صفحتين وهاتعرف إن هنا مفيش بحبك يا مصر قد الحضارة وعدد الفراعنة وبطول النيل وجمال الشط ...مصرهنا حلوة بهزيمة الحرب وظلم الحاكم وعفرة الطريق وجهل الشعب وبالأصحاب اللي ماتوا والباقي المساجين .. دي فضلت حلوة في عيونه من شباك الزنزانة تمام زي الواقف في البلكون....ومش زنزانة واحدة دول كانوا زنزاين (القناطر وطرة وأبوزعبل وسجن الاستئناف والقلعة) وحتى لما كان يفور الغضب جواه ما تلقى منه غير عتاب ما بين حبيبين ....خسيس والله كل من رمى الناس في عرضهم عشان لفظ أو كلمة خرجت من وهن عمر ولا سنين... وبس من وسط الموت والظلم وركام الزبالة والجهل والغلابة ماتلقى حد حب مصر بجد إلا الأصيل.
هنا مكان وزمان لقا كل قصيدة هاتلاقيه مكتوب...بس يمكن تلقى نفسك بعد كام قصيدة بقيت مسبقاً عارف قبل سطر التاريخ هي اتكتبت امتى وفين ..قبل 67 ولا بعد 73 ..ويمكن تستغرب لما تلاقي أوقات الضحكة أروق من جوا الزنازين أكتر يمكن من أيام النصر ..نفس الضحكة بتبقى تهكم مرّ كل ما يجري العمر في التواريخ...بودي لو أكتب كل اللي عاجبني بس حبيت أوي المقطع الأخير من القصيدة اللي كتبها ل(نوارة ) ..كان بيكلمها طفلة بدلع جميل ..مبهج ودمه سكر وبعدين في الآخر راح قايل:
أبوكي أيوه ماكانش حاجة
لكنه حاول يعيش لحاجة
وجيلك أنتي هايبقى حاجة
ومصر تبقى النهاردة حاجة
وبكرة حتماً حتبقى حاجة
وأي حاجة وماتكونش حاجة
إلا وسببها في الأصل حاجة
وبكرة لما قمركوا يطلع والشمس تسطع فوق كل حاجة
حتقولوا كان في المكان دا ناس
فيهم طيابة ..فيهم حماس
على بعضش عباطة
وكانوا آخر الأمر ناس
وكان زمانهم سجون وكانوا
مابين سجونه وأمريكانه
وبين ضباب الطريق حيارى..ماحد قادر يشوف مكانه
هاتقولوا كانوا وياما كانوا
وياما شربوا وياما عانوا
وياما جالهم وياما جيلهم دفع وكان التمن أمانه
وياما ناس في المسيرة مشيت..وناس ف نص المسيرة خانوا
حتقولوا كانوا ..أو ياما كانوا
لكن حيبقى في الأمر حاجة
إن اللي عربد ..ماسابش حاجة
وساب كلابه على كل حاجة
تهبش وتنهش في كل حاجة
ما قدرش يقتل في أي حاجة
روح التفاؤل بكل حاجة
وفي قصيدة (قال الراوي) بيقول :
حكايتنا كانت من قديم الأزل
ولسة كاينة وياما لسة تكون
طول ماالعمارمسكون ..يالغفلانين ياما
طول مالغضب مسجون ..جوا الصدور ياما
طول ماحنا متعاركين والشمتانين ياما
طول ما احنا نبقى كده ..والجهل فوق كل ده
ممكن نعيد الحكاية ..من أول المشوار
وتلف بينا الرحاية دوار ما بعده دوار
ويخش ديب الصبايا..في عباية السمسار
ياكل فراخنا العتاقي ويدبّح اللي صغار
الحلم يتأخر والشعر يتبخر
ويغرق الشمس ..بحر الضباب لاصفر
يا صاحب العقل فكر ..تشوف أكتر
وحدوه
وفي قصيدة الطنبور..بداية حلوة أوي شبه الموال بيقول فيها:
زهر الجناين طرح والعطر مش واحد
مع إن أصل الشجر طالع في غيط واحد
والحبّ لما انبدر ..مسقي بماء واحد
عجبي على فرعين كان أصلهم واحد
واحد غرز في الطين واللي سرح واحد
والورد لما انقطف يا رب يا واحد
ريحت بيه ألوفات
واللي تعب واحد
أكيد مقدرش أقولك إنه مفيش شتيمة هنا....بس الأهم عندي مليون مرة إنه مفيش سجود وصلاة لبني آدمين ..بيقول فؤاد نجم في قصقوصة صغيرة اسمها مرّ الكلام :
مرّ الكلام زي الحسام
يقطع مكان ما يمرّ
أما المديح سهل ومريح
يخدع صحيح ويغرّ
والكلمة دين..من غير إيدين
بس الوفا ..ع الحر
أما الحنان فكان بس للشهدا واصحابه في المعتقلات او للي منهم ربنا اختاره ..منها قصيدة تحس بعد ما تخلص نفسك لو تبدأ تاني وتحس في اسلوبها يعني ايه الواحد يفضل يشوف حبيبه حتى لو مات حي ..هي لروح صديق له ..اسمه (زكي مراد) بيقوله فيها :
مسافر مسافر..ودايما مسافر
في قلب الخطر ع الطريق الصعيب
تسافر بعمرك وأمرك عجيب
كأنك بطبع العناد سندباد
وعاشق ..وعشقك بعيد البلاد
مسافر تودي الوداد للرفاقه
مسافر تجيب الحليب للولاد
يدور الزمان بالمكان والوجود
يقابلك مسافر وتجري الحوادث وترجع تعود
ويلقاك مسافر
ويوم مااتقابلنا ..قابلتك مسافر
ويوم ماافترقنا ..فارقتك مسافر
مسافرمسافر..يا سندباد
وداير تلف الزمان والبلاد
مسافر كأنك لقيت الحقيقة
مسافر كأنك عرفت المعاد
وطال السفر يا صديقي الحبيب
وكان الأمل في اللقا عن قريب
أشوفك وأبوس ابتسامتك وأضمك
وأقولك همومي وأدوب جوا همك
ونضحك ونحلم في عز النهار
وتضوي ابتسامتك ويحلا الهزار
واسافر طريقي وانا في انتظار
اقابلك مسافر في نفس المسار
وطير يا حمام بالسلام والوداد
وترمي التحية على السندباد
وقول له ان صاحبك في عز انتظاره
بيكتب ويحسب ليوم المعاد
وبات الأمل سندباد في الخواطر
وعاش الأمل في الجوانح مسافر
مسافر مسافر وترمح خيول الزمان بالحوافر
مسافر مسافر ويتعب صديق الطريق المسافر
ينام عالطريق
ونوم الرفيق
نهاية حكاية عن السندباد
بداية حكاية لناس ع الطريق
كان إيه بقى اللي جابني في حضرة (فؤاد نجم) ؟؟.قال من كام شهر كدة اتخبطت في أغنية اسمها (ياللي انتي بيني وبينك سور) لمطرب قديم بصوت حزين أول مرة أسمع عنه أو أسمع له إسمه (محمد حمام) ..تحس في كلماتها حاجة من (فؤاد نجم) وتبقى مش عارف وطنية الأغنية ولا حب بس وانت بتسمعها بتبقى زي ما تكون شايف اتنين ..صحيح مش عارف مين فيهم بره السجن ومين جواه ..بس بتعرف إن واحد فيهم بيسلي التاني من ورا سور بإيقاع وحيد بسيط زي خبط الكف على الحيطان مستمر طول الأغنية.... المهم يعني انها ماطلعتش لفؤاد نجم ولا عرفت للي كاتبها اي اسم ...بس كان واجب برضو نقول للشاعر المجهول اللي دلّنا على حضرة هذا الجمال ..شكراً.
هنا مكان وزمان لقا كل قصيدة هاتلاقيه مكتوب...بس يمكن تلقى نفسك بعد كام قصيدة بقيت مسبقاً عارف قبل سطر التاريخ هي اتكتبت امتى وفين ..قبل 67 ولا بعد 73 ..ويمكن تستغرب لما تلاقي أوقات الضحكة أروق من جوا الزنازين أكتر يمكن من أيام النصر ..نفس الضحكة بتبقى تهكم مرّ كل ما يجري العمر في التواريخ...بودي لو أكتب كل اللي عاجبني بس حبيت أوي المقطع الأخير من القصيدة اللي كتبها ل(نوارة ) ..كان بيكلمها طفلة بدلع جميل ..مبهج ودمه سكر وبعدين في الآخر راح قايل:
أبوكي أيوه ماكانش حاجة
لكنه حاول يعيش لحاجة
وجيلك أنتي هايبقى حاجة
ومصر تبقى النهاردة حاجة
وبكرة حتماً حتبقى حاجة
وأي حاجة وماتكونش حاجة
إلا وسببها في الأصل حاجة
وبكرة لما قمركوا يطلع والشمس تسطع فوق كل حاجة
حتقولوا كان في المكان دا ناس
فيهم طيابة ..فيهم حماس
على بعضش عباطة
وكانوا آخر الأمر ناس
وكان زمانهم سجون وكانوا
مابين سجونه وأمريكانه
وبين ضباب الطريق حيارى..ماحد قادر يشوف مكانه
هاتقولوا كانوا وياما كانوا
وياما شربوا وياما عانوا
وياما جالهم وياما جيلهم دفع وكان التمن أمانه
وياما ناس في المسيرة مشيت..وناس ف نص المسيرة خانوا
حتقولوا كانوا ..أو ياما كانوا
لكن حيبقى في الأمر حاجة
إن اللي عربد ..ماسابش حاجة
وساب كلابه على كل حاجة
تهبش وتنهش في كل حاجة
ما قدرش يقتل في أي حاجة
روح التفاؤل بكل حاجة
وفي قصيدة (قال الراوي) بيقول :
حكايتنا كانت من قديم الأزل
ولسة كاينة وياما لسة تكون
طول ماالعمارمسكون ..يالغفلانين ياما
طول مالغضب مسجون ..جوا الصدور ياما
طول ماحنا متعاركين والشمتانين ياما
طول ما احنا نبقى كده ..والجهل فوق كل ده
ممكن نعيد الحكاية ..من أول المشوار
وتلف بينا الرحاية دوار ما بعده دوار
ويخش ديب الصبايا..في عباية السمسار
ياكل فراخنا العتاقي ويدبّح اللي صغار
الحلم يتأخر والشعر يتبخر
ويغرق الشمس ..بحر الضباب لاصفر
يا صاحب العقل فكر ..تشوف أكتر
وحدوه
وفي قصيدة الطنبور..بداية حلوة أوي شبه الموال بيقول فيها:
زهر الجناين طرح والعطر مش واحد
مع إن أصل الشجر طالع في غيط واحد
والحبّ لما انبدر ..مسقي بماء واحد
عجبي على فرعين كان أصلهم واحد
واحد غرز في الطين واللي سرح واحد
والورد لما انقطف يا رب يا واحد
ريحت بيه ألوفات
واللي تعب واحد
أكيد مقدرش أقولك إنه مفيش شتيمة هنا....بس الأهم عندي مليون مرة إنه مفيش سجود وصلاة لبني آدمين ..بيقول فؤاد نجم في قصقوصة صغيرة اسمها مرّ الكلام :
مرّ الكلام زي الحسام
يقطع مكان ما يمرّ
أما المديح سهل ومريح
يخدع صحيح ويغرّ
والكلمة دين..من غير إيدين
بس الوفا ..ع الحر
أما الحنان فكان بس للشهدا واصحابه في المعتقلات او للي منهم ربنا اختاره ..منها قصيدة تحس بعد ما تخلص نفسك لو تبدأ تاني وتحس في اسلوبها يعني ايه الواحد يفضل يشوف حبيبه حتى لو مات حي ..هي لروح صديق له ..اسمه (زكي مراد) بيقوله فيها :
مسافر مسافر..ودايما مسافر
في قلب الخطر ع الطريق الصعيب
تسافر بعمرك وأمرك عجيب
كأنك بطبع العناد سندباد
وعاشق ..وعشقك بعيد البلاد
مسافر تودي الوداد للرفاقه
مسافر تجيب الحليب للولاد
يدور الزمان بالمكان والوجود
يقابلك مسافر وتجري الحوادث وترجع تعود
ويلقاك مسافر
ويوم مااتقابلنا ..قابلتك مسافر
ويوم ماافترقنا ..فارقتك مسافر
مسافرمسافر..يا سندباد
وداير تلف الزمان والبلاد
مسافر كأنك لقيت الحقيقة
مسافر كأنك عرفت المعاد
وطال السفر يا صديقي الحبيب
وكان الأمل في اللقا عن قريب
أشوفك وأبوس ابتسامتك وأضمك
وأقولك همومي وأدوب جوا همك
ونضحك ونحلم في عز النهار
وتضوي ابتسامتك ويحلا الهزار
واسافر طريقي وانا في انتظار
اقابلك مسافر في نفس المسار
وطير يا حمام بالسلام والوداد
وترمي التحية على السندباد
وقول له ان صاحبك في عز انتظاره
بيكتب ويحسب ليوم المعاد
وبات الأمل سندباد في الخواطر
وعاش الأمل في الجوانح مسافر
مسافر مسافر وترمح خيول الزمان بالحوافر
مسافر مسافر ويتعب صديق الطريق المسافر
ينام عالطريق
ونوم الرفيق
نهاية حكاية عن السندباد
بداية حكاية لناس ع الطريق
كان إيه بقى اللي جابني في حضرة (فؤاد نجم) ؟؟.قال من كام شهر كدة اتخبطت في أغنية اسمها (ياللي انتي بيني وبينك سور) لمطرب قديم بصوت حزين أول مرة أسمع عنه أو أسمع له إسمه (محمد حمام) ..تحس في كلماتها حاجة من (فؤاد نجم) وتبقى مش عارف وطنية الأغنية ولا حب بس وانت بتسمعها بتبقى زي ما تكون شايف اتنين ..صحيح مش عارف مين فيهم بره السجن ومين جواه ..بس بتعرف إن واحد فيهم بيسلي التاني من ورا سور بإيقاع وحيد بسيط زي خبط الكف على الحيطان مستمر طول الأغنية.... المهم يعني انها ماطلعتش لفؤاد نجم ولا عرفت للي كاتبها اي اسم ...بس كان واجب برضو نقول للشاعر المجهول اللي دلّنا على حضرة هذا الجمال ..شكراً.
April 11, 2016
حوالى 60% من القصايد عجبنى جداً
و 35% كويسين
و 5% عاديين !
لو فضلت انزل قصايد جبتنى هخلص اكتر من نص الكتاب :D
اخترت قصيده مش اكتر حاجه عجبتنى لكنى بحبها
------
عن موضوع الفول واللحمه
صرح مصدر
قال مسئول
إن الطب اتقدم جدا
والدكتور محسن بيقول
إن الشعب المصرى عموماً
من مصلحته يقرقش فول
حيث الفول المصرى خصوصاً
يجعل من بنى آدم غول
والبروتين الكامل طيّه
نادر زيه فى ايها فول
تاكل فخده فى ربع زكيبه
والدكتور محسن مسئول
يديك طاقه وقوه عجيبه
تسمن جداً
تبقى مهول
لحمه نباتى ولا فى حاتى
تاكل قدره تعيش مسطول
ثم اضاف الدكتور محسن
إن اللحمه دى سم اكيد
بتزود اوجاع المعده
وتعوّد على طوله الايد
وتنيم بنى آدم اكتر
وتفرقع منه المواعيد
واللى بياكلو اللحمه عموماً
هيخشوا جهنم تأبيد
* * *
يا دكتور محسن يا مزقلط
يا مصدر يا غير مسئول
حيث ان انتوا عقول العالم
والعالم محتاج لعقول
ما رأى جنابك وجنابهم
فى واحد مجتون بيقول
إحنا سيبونا نموت باللحمه
وانتو تعيشوا وتاكلوا الفول
ما رأيك يا كبتن محسن
مش بالزمه كلام معقول
------
و 35% كويسين
و 5% عاديين !
لو فضلت انزل قصايد جبتنى هخلص اكتر من نص الكتاب :D
اخترت قصيده مش اكتر حاجه عجبتنى لكنى بحبها
------
عن موضوع الفول واللحمه
صرح مصدر
قال مسئول
إن الطب اتقدم جدا
والدكتور محسن بيقول
إن الشعب المصرى عموماً
من مصلحته يقرقش فول
حيث الفول المصرى خصوصاً
يجعل من بنى آدم غول
والبروتين الكامل طيّه
نادر زيه فى ايها فول
تاكل فخده فى ربع زكيبه
والدكتور محسن مسئول
يديك طاقه وقوه عجيبه
تسمن جداً
تبقى مهول
لحمه نباتى ولا فى حاتى
تاكل قدره تعيش مسطول
ثم اضاف الدكتور محسن
إن اللحمه دى سم اكيد
بتزود اوجاع المعده
وتعوّد على طوله الايد
وتنيم بنى آدم اكتر
وتفرقع منه المواعيد
واللى بياكلو اللحمه عموماً
هيخشوا جهنم تأبيد
* * *
يا دكتور محسن يا مزقلط
يا مصدر يا غير مسئول
حيث ان انتوا عقول العالم
والعالم محتاج لعقول
ما رأى جنابك وجنابهم
فى واحد مجتون بيقول
إحنا سيبونا نموت باللحمه
وانتو تعيشوا وتاكلوا الفول
ما رأيك يا كبتن محسن
مش بالزمه كلام معقول
------
October 4, 2020
أهم القصائد التي أعجبتني من الديوان بصوت صاحبها أو بصوت الشيخ إمام.
https://soundcloud.com/ahmed-taha-10/...
رحلة لطيفة استمتعت بيها مع شخصية لم أكن أعلم عنها إلا قليلا، سعيد إني كسرت الحاجز اللي كان بيني وبينه.
https://soundcloud.com/ahmed-taha-10/...
رحلة لطيفة استمتعت بيها مع شخصية لم أكن أعلم عنها إلا قليلا، سعيد إني كسرت الحاجز اللي كان بيني وبينه.
April 10, 2013
الكلام كالعادة عن مصر فقط شاعر محلي ديوان يخص فقط مصريين
February 15, 2015
يابهية وخبرينا
على اللى جتل ياسين
فى الصحرا وفى المدينة
اليوم دا ومن سنين
ناس تمشى
وناس تجينا
واحنا متبعترين
ولا صارى ع السفينة
ولا مربط للهجين
والدنيا بتجرى بينا
واحنا متوخرين
يابهية ولململينا
نطرح مليون ياسين
**********************************
اصحى يامصر
اصحى يامصر
هزى هلالك
هاتى النصر
كونى يامصر
وعيشى يامصر
مدى ايديكى وطولى العصر
اصحى وكونى وعيشى يامصر
*******************************
يامه مويل الهوى
يامه مويليا
طعن الخناجر
ولا حكم الخسيس فيا
الصبر حلم العواجز
يطرح زهور الامانى
والقهر عدى الحواجز
وانا اللى واقف مكانى
شايف غيطان البشاير
خايف وكانن ايديا
حتى الحمام اللى طاير
مارضيش يرفرف عليا
يامه مويل الهوى
يامه مويليا
طعن الخناجر
ولا حكم الخسيس فيا
على اللى جتل ياسين
فى الصحرا وفى المدينة
اليوم دا ومن سنين
ناس تمشى
وناس تجينا
واحنا متبعترين
ولا صارى ع السفينة
ولا مربط للهجين
والدنيا بتجرى بينا
واحنا متوخرين
يابهية ولململينا
نطرح مليون ياسين
**********************************
اصحى يامصر
اصحى يامصر
هزى هلالك
هاتى النصر
كونى يامصر
وعيشى يامصر
مدى ايديكى وطولى العصر
اصحى وكونى وعيشى يامصر
*******************************
يامه مويل الهوى
يامه مويليا
طعن الخناجر
ولا حكم الخسيس فيا
الصبر حلم العواجز
يطرح زهور الامانى
والقهر عدى الحواجز
وانا اللى واقف مكانى
شايف غيطان البشاير
خايف وكانن ايديا
حتى الحمام اللى طاير
مارضيش يرفرف عليا
يامه مويل الهوى
يامه مويليا
طعن الخناجر
ولا حكم الخسيس فيا
October 13, 2017
كُتبت هذه القصائد بحب، وما يُكتب بحب يصل إلى القلب مباشرةً.
شعر حر في عشق مصر المحروسة وناسها!
زهر الجناين طرح
والعتر مش واحد
مع إن أصل الشجر
طالع في غيط واحد
والحب لما انبدر
مسقي بماء واحد
عجبي على فرعين
كان أصلهم واحد
واحد غرز في الطين
واللي سرح.. واحد
والورد لما انقطف
يا رب يا واحد
ريحت به ألوفات
واللي تعب.. واحد.
معتقل القناطر ١٩٧٠
أنا أتوب عن حبك أنا؟
أنا ليا في بعدك هنا!
دانا بترجاك
الله يجازيك
يا شاغلني معاك
وشاغلني عليك
وإن غبت سنة
أنا برضه أنا
لا أقدر أنساك
ولا ليا غنا
ولا أتوب
عن حبك أنا
زي ما يحلالك
زي هواك
سهرني عليك
سهرني معاك
دنا عمري ما أخاف من هجرك يوم
ولا قلبي بيفرح غير وأنا وياك
وإن كان أمل العشاق القرب
أنا أملي في حبك
هو الحب
وإن غبت سنة
أنا برضه أنا
لا أقدر أنساك
ولا ليا غنا
ولا أتوب عن حبك أنا
أنا لا أتمنيت
ولا قولت يا ريت
ولا بعدك عني
جعلني سليت
دانا كل منايا أدوق اللوم
ويقولوا عليّ الناس حبيت
وإن كان أمل العشاق القرب
أنا أملي في حبك
هو الحب
وإن غبت سنه
أنا برضه أنا
لا أقدر أنساك
ولا ليا غنا
ولا أتوب عن حبك أنا
تخاصمني كتير
تصالحني كتير
كل دا يا حبيبي مالوش تأثير
توصلني سنين
تهجرني سنين
ماتغيرنيش
دانا حبي كبير
وإن كان أمل العشاق القرب
أنا أملي في حبك
هو الحب
وإن غبت سنة
أنا برضه أنا
لا أقدر أنساك
ولا ليا غنا
ولا أتوب
عن حبك أنا.
القاهرة ١٩٦٢
شيّد قصورك ع المزارع
من كدنا وعمل إيدينا
والخمارات جنب المصانع
والسجن مطرح الجنينه
وإطلق كلابك في الشوارع
وإقفل زنازينك علينا
وقل نومنا في المضاجع
ادي احنا
نمنا ما اشتهينا
وإتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبه
دقت ساعتنا
وإبتدينا
نسلك طريق
مالهش راجع
والنصر قرب من عنينا
النصر أقرب
من إيدينا.
معتقل القناطر ١٩٧٣
إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا أبو المفهومية
مفيش لك دليل
غير عيون الكلام.
سجن القناطر ١٩٧٠
تمّت.
شعر حر في عشق مصر المحروسة وناسها!
(الطنبور)
زهر الجناين طرح
والعتر مش واحد
مع إن أصل الشجر
طالع في غيط واحد
والحب لما انبدر
مسقي بماء واحد
عجبي على فرعين
كان أصلهم واحد
واحد غرز في الطين
واللي سرح.. واحد
والورد لما انقطف
يا رب يا واحد
ريحت به ألوفات
واللي تعب.. واحد.
معتقل القناطر ١٩٧٠
(أنا أتوب عن حبك؟)
أنا أتوب عن حبك أنا؟
أنا ليا في بعدك هنا!
دانا بترجاك
الله يجازيك
يا شاغلني معاك
وشاغلني عليك
وإن غبت سنة
أنا برضه أنا
لا أقدر أنساك
ولا ليا غنا
ولا أتوب
عن حبك أنا
زي ما يحلالك
زي هواك
سهرني عليك
سهرني معاك
دنا عمري ما أخاف من هجرك يوم
ولا قلبي بيفرح غير وأنا وياك
وإن كان أمل العشاق القرب
أنا أملي في حبك
هو الحب
وإن غبت سنة
أنا برضه أنا
لا أقدر أنساك
ولا ليا غنا
ولا أتوب عن حبك أنا
أنا لا أتمنيت
ولا قولت يا ريت
ولا بعدك عني
جعلني سليت
دانا كل منايا أدوق اللوم
ويقولوا عليّ الناس حبيت
وإن كان أمل العشاق القرب
أنا أملي في حبك
هو الحب
وإن غبت سنه
أنا برضه أنا
لا أقدر أنساك
ولا ليا غنا
ولا أتوب عن حبك أنا
تخاصمني كتير
تصالحني كتير
كل دا يا حبيبي مالوش تأثير
توصلني سنين
تهجرني سنين
ماتغيرنيش
دانا حبي كبير
وإن كان أمل العشاق القرب
أنا أملي في حبك
هو الحب
وإن غبت سنة
أنا برضه أنا
لا أقدر أنساك
ولا ليا غنا
ولا أتوب
عن حبك أنا.
القاهرة ١٩٦٢
(شيّد قصورك)
شيّد قصورك ع المزارع
من كدنا وعمل إيدينا
والخمارات جنب المصانع
والسجن مطرح الجنينه
وإطلق كلابك في الشوارع
وإقفل زنازينك علينا
وقل نومنا في المضاجع
ادي احنا
نمنا ما اشتهينا
وإتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبه
دقت ساعتنا
وإبتدينا
نسلك طريق
مالهش راجع
والنصر قرب من عنينا
النصر أقرب
من إيدينا.
معتقل القناطر ١٩٧٣
(عيون الكلام)
إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا أبو المفهومية
مفيش لك دليل
غير عيون الكلام.
سجن القناطر ١٩٧٠
تمّت.
August 3, 2016
بكرة لما قمركو يطلع
والشمس تطلع
ونهاركو يطلع
حيقولوا كان في المكان دا ناس
فيهم طيابه
وفيهم حماس
وكانوا آخر الامر
ناس
وكان زمانهم سجون
وكانوا
مابين سجونه وأمريكانه
وبين ضباب الطريق حيارى
ماحد قادر يشوف مكانه
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
وياما ناس فى المسيره
مشيت
وناس ف نص المسيره خانوا
حتقولوا كانوا
أو ياما كانوا
لكن ح يبقى فى الأمر حاجه
إن اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ماقدرش يقتل فى اى حاجه
روح التفاؤل
بكل حاجه
والشمس تطلع
ونهاركو يطلع
حيقولوا كان في المكان دا ناس
فيهم طيابه
وفيهم حماس
وكانوا آخر الامر
ناس
وكان زمانهم سجون
وكانوا
مابين سجونه وأمريكانه
وبين ضباب الطريق حيارى
ماحد قادر يشوف مكانه
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
وياما ناس فى المسيره
مشيت
وناس ف نص المسيره خانوا
حتقولوا كانوا
أو ياما كانوا
لكن ح يبقى فى الأمر حاجه
إن اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ماقدرش يقتل فى اى حاجه
روح التفاؤل
بكل حاجه
July 17, 2013
من الكتب التي شكلت الانسان الذي انا عليه الان .. لكم سمعت اغاني الشيخ امام و احمد فؤاد نجم من اهلي و اصدقائهم في صغري و خاصة الاغاني الشهيرة اللاذعة مثل حاحا و حلاويلا .. لا استطيع نسيان يوم اشتري ابي هذا الكتاب من معرض الكتاب في القاهرة و اخذ يقرأ لنا منه قصائده المفضلة .. يومها قررت ان اقرأ هذا الكتاب و بالفعل لم اقرأه مرة واحدة بل العديد من المرات و حفظت اغلب قصائده و محاولاتي الشعرية الاولي في العامية كانت مستقاة من اسلوبه.. و كنت القي من قصائده ايضا في الاذاعة المدرسية .. و لحنت بعض القصائد ايضا في محاولات تلحين طفولية بالاذن و الاورج الكاسيو العتيق الذي املكه
هي قصائد تمثل بالنسبة لي الحنين للماضي و الاستمتاع ببساطة الشعر العامي .. الله عليك يا عم احمد يا فاجومي
هي قصائد تمثل بالنسبة لي الحنين للماضي و الاستمتاع ببساطة الشعر العامي .. الله عليك يا عم احمد يا فاجومي
November 6, 2019
" حي علي الكفاح ... شعر أو سلاح "
احمد فؤاد نجم هو قصة مصر بكل تفاصيلها
الفلاح البسيط والعامل المهضوم حقه والناشط السياسي في بلد بلا نشاط سياسي من الأساس
الفاجومي بالذات هو شاعري المعاصر المفضل عشت علي أشعاره وأغاني الشيخ إمام فترة الربيع العربي وماتلاها من إنقلابات
في 18 ليلة فقط تحولت مصر بأكملها لمدمني الشيخ إمام وأشعار نجم الكل يردد ويحفظ عن ظهر قلب
الجدع جدع والجبان جبان ... بينا يا جدع ننزل الميدان
والميدان بعيد عن جوف المدينة .. يا تار الشهيد احنا اهوة جينا
أغنية الجدع جدع
نجم حالة خاصة انتقد عبدالناصر والسادات ثم مبارك وختم الحياة الثورية بإنتقاد سياسات الإخوان المسلمين وحتي الأن مازالت قصائدة المزينة بألحان وصوت الشيخ إمام كالشعلة الشعبية في وجه اي ديكتاتور عربي من الجزائر إلي السعودية مرورا بالمغرب وليبيا وتونس .
وفي النهاية كانت الوفاة للثورة المصرية بالقمع ولنجم بإنتهاء حياته يوم 3 ديسمبر 2013 .
اخر حلقة للفاجومي قبل الوفاة بثلاث أيام
https://www.youtube.com/watch?v=9CWgWrYK350
للأسف الإقتباس من بعض قصائد لنجم لن توفيه حقه بالكامل سأكتفي ببعض الإقتباسات التي اعجبتني و بعض من القصائد المجهولة العظيمة التي صادفتني في تلك الرحلة .
قصائد مجهولة تستحق القراءة :
نوارة
بيان هام
تضليل
حالة
كلام المصطبة
دموع ايزيس
----------
بكرة لما قمركو يطلع
والشمس تطلع
ونهاركو يطلع
حيقولوا كان في المكان دا ناس
فيهم طيابه
وفيهم حماس
وكانوا آخر الامر
ناس
وكان زمانهم سجون
وكانوا
مابين سجونه وأمريكانه
وبين ضباب الطريق حيارى
ماحد قادر يشوف مكانه
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
وياما ناس فى المسيره
مشيت
وناس ف نص المسيره خانوا
حتقولوا كانوا
أو ياما كانوا
لكن ح يبقى فى الأمر حاجه
إن اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ماقدرش يقتل فى اى حاجه
روح التفاؤل
بكل حاجه
-----------
يا شعب ثور داهية تسمك
وشيل أصول أسباب همك
عصابة بتمص في دمك
والأسم قال ظباط أحرار
November 20, 2015
.
كعادة الأعمال الكاملة هناك تقيمان دائماً لها
أولها أعمال الكاتب ، وثانيها للكتاب والطبعة نفسها
بالنسبة لطبعة مكتبة الأسرة
فهي جيدة جداً ، والأخطاء الإملائية فيها قليلة وليست بالأمر الجسيم
وبالنظر إلى سعرها الزهيد فهي رائعة
فهي تستحق الخمسة نجوم
وبالنسبة لأعمال الشاعر الكبير / أحمد فؤاد نجم
فهي رائعة بلا شك ، فهو شاعر مهموم ببلده وبحال شعبها
ثائر ومناضل أغلب قصائده كانت من المعتقلات
قلم لا يلبث ان يصرخ فى وجه الظلم والفساد ليفضحه تارة بطريقة مباشرة وصريحة
وتارة بطريقة مستترة ، ومليئة بالتورية
بالقصائد أشياء كثيرة اعجبتنى جدا
ومنها من مرت عليا مرور الكرام
ولكن فى المجمل تستحق اربعة نجوم
فمكانة أحمد فؤاد نجم الكبير فى الشعر العامي المصرى
فعلاً لا تأتى من الفراغ .. ترفع القبعة لهذا الشاعر الثائر الوطنى الكبير
.
كعادة الأعمال الكاملة هناك تقيمان دائماً لها
أولها أعمال الكاتب ، وثانيها للكتاب والطبعة نفسها
بالنسبة لطبعة مكتبة الأسرة
فهي جيدة جداً ، والأخطاء الإملائية فيها قليلة وليست بالأمر الجسيم
وبالنظر إلى سعرها الزهيد فهي رائعة
فهي تستحق الخمسة نجوم
وبالنسبة لأعمال الشاعر الكبير / أحمد فؤاد نجم
فهي رائعة بلا شك ، فهو شاعر مهموم ببلده وبحال شعبها
ثائر ومناضل أغلب قصائده كانت من المعتقلات
قلم لا يلبث ان يصرخ فى وجه الظلم والفساد ليفضحه تارة بطريقة مباشرة وصريحة
وتارة بطريقة مستترة ، ومليئة بالتورية
بالقصائد أشياء كثيرة اعجبتنى جدا
ومنها من مرت عليا مرور الكرام
ولكن فى المجمل تستحق اربعة نجوم
فمكانة أحمد فؤاد نجم الكبير فى الشعر العامي المصرى
فعلاً لا تأتى من الفراغ .. ترفع القبعة لهذا الشاعر الثائر الوطنى الكبير
.
May 8, 2015
مصر تتحدث عن نفسها بالعامية
=============================
رمى السلام و قال كلام
و اسمع كلامه و حلله
تلقاه بسيط من أوله
تعمل حويط و تأوله
تطلع غشيم
قال الحكيم
العمر ماشي و كل ماشي و له مداه
و كل فرد و له بدايته و منتهاه
الشعب هو الباقي حي
هو اللي كان هو اللي جي
طوفان شديد لكن رشيد
يقدر يعيد صنع الحياة
و الشعب لما يقول يا أصحاب العقول
نسمع و نوعى و نحترم صوت الاله
==============================
كلاب حراسة وكلاب صيد
واقفين بالقيد
يكتفوا عنتر وابو زيد
ويهينوا دياب
الكلب فيهم لايميز
ولايتميز
عن الغورريلا و مطيز
وبظفر وناب
ومدربينه يدق الكعب
فوق راس الشعب
يزرع في قلبه الخوف والرعب
من غير اسباب
غير ان شلة حراميه
وشمحطيه
عايشين في مصر عواطلية
وبياكلوا كباب
===============================
أبوكي أيوه
ما كانش حاجه
لكنه حاول يعيش لحاجه
وجيل أبوكي
كان يعني حاجه
وجيلك انتي
حيبقي حاجه
ومصر تبقي ألنهارده حاجه
وبكره حتما
حتبقي حاجه
===============================
الليل حلك
و البوم سلك
و البحر عطشان
عطشان منهلك
و السهم طاش
اسقي العطاش
انت الكريم وبنسألك
يهوذا خان
اكم يهوذا وباع مسيح
لا يهوذا دام
و لا جرح بيلازم جريح
مليون يهوذا خان امانك و انهلك
و انت اللى باقي
عل السواقي
و منجلك
يفرش حصير القمح
فوق دم المسيح
و انت الجريح
تيجى الاطبا و تسألك
ما اعجبك
ما انجبك
ما احملك
ما انبلك
يا شعب يا نبض الوجود
الحكم لك
و الملك لك
=============================
رمى السلام و قال كلام
و اسمع كلامه و حلله
تلقاه بسيط من أوله
تعمل حويط و تأوله
تطلع غشيم
قال الحكيم
العمر ماشي و كل ماشي و له مداه
و كل فرد و له بدايته و منتهاه
الشعب هو الباقي حي
هو اللي كان هو اللي جي
طوفان شديد لكن رشيد
يقدر يعيد صنع الحياة
و الشعب لما يقول يا أصحاب العقول
نسمع و نوعى و نحترم صوت الاله
==============================
كلاب حراسة وكلاب صيد
واقفين بالقيد
يكتفوا عنتر وابو زيد
ويهينوا دياب
الكلب فيهم لايميز
ولايتميز
عن الغورريلا و مطيز
وبظفر وناب
ومدربينه يدق الكعب
فوق راس الشعب
يزرع في قلبه الخوف والرعب
من غير اسباب
غير ان شلة حراميه
وشمحطيه
عايشين في مصر عواطلية
وبياكلوا كباب
===============================
أبوكي أيوه
ما كانش حاجه
لكنه حاول يعيش لحاجه
وجيل أبوكي
كان يعني حاجه
وجيلك انتي
حيبقي حاجه
ومصر تبقي ألنهارده حاجه
وبكره حتما
حتبقي حاجه
===============================
الليل حلك
و البوم سلك
و البحر عطشان
عطشان منهلك
و السهم طاش
اسقي العطاش
انت الكريم وبنسألك
يهوذا خان
اكم يهوذا وباع مسيح
لا يهوذا دام
و لا جرح بيلازم جريح
مليون يهوذا خان امانك و انهلك
و انت اللى باقي
عل السواقي
و منجلك
يفرش حصير القمح
فوق دم المسيح
و انت الجريح
تيجى الاطبا و تسألك
ما اعجبك
ما انجبك
ما احملك
ما انبلك
يا شعب يا نبض الوجود
الحكم لك
و الملك لك
February 21, 2017
الأسلوب في منتهى الجمال و التميز
و كلماته في منتهى الرقة و العذوبة
و الأفكار كلها حرة و متحررة
لا عجب أنه أحد شعراء العامية
الخمسة الكبار و لا عجب أنه سجن مرارا
من أجمل القصائد :
- ورقة..من ملف القضية
- على الأرغول
- في المعتقل
- الصوت المصري
- انتظار
- بيان هام
- البتاع
- نوارة
- التضليل
- كلب الست
- بلدي و حبيبتي
- عبد المنعم رياض
- المدرس
-عصفور و صياد
- فات الهوى
- جييفارا مات
- سناء الورد
و كلماته في منتهى الرقة و العذوبة
و الأفكار كلها حرة و متحررة
لا عجب أنه أحد شعراء العامية
الخمسة الكبار و لا عجب أنه سجن مرارا
من أجمل القصائد :
- ورقة..من ملف القضية
- على الأرغول
- في المعتقل
- الصوت المصري
- انتظار
- بيان هام
- البتاع
- نوارة
- التضليل
- كلب الست
- بلدي و حبيبتي
- عبد المنعم رياض
- المدرس
-عصفور و صياد
- فات الهوى
- جييفارا مات
- سناء الورد
November 22, 2017
يام طرحة و جلابية
الزمن شاب و انتي شابة
هو رايح و انتي جاية
مصر يمه يا بهية
يام طرحة و جلابية
الزمن شاب و انتي شابة
هو رايح و انتي جاية
جاية فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي معجبانية و صبية
يا بهية
الزمن شاب و انتي شابة
هو رايح و انتي جاية
مصر يمه يا بهية
يام طرحة و جلابية
الزمن شاب و انتي شابة
هو رايح و انتي جاية
جاية فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي معجبانية و صبية
يا بهية
May 5, 2023
أحببببه، لسانه طويل و صادق و واضح! تصالحه مع نفسه واضح و آسر.
March 21, 2015
قمت بكتابة تعليق على الكتاب، ولكن عجزت عن الوصف فحذفته، ومن ذا الذي يقدر على أن يصف مشوار نزيل السجون، عدو كل نظام، الفاجومي، فوجدتني أقيم أعماله الكاملة بأبيات من قصيدة التوبه واصفا بها الكتاب وكاتبه.
أتوب ازاي وأنا أيوب
رماني الوعد والمكتوب
سنين ماشي ورا الأفكار
على كفوف القدم دوار
لا خليت في الدروب مشوار
ولا فوق الورق مكتوب
أتوب ازاي وأنا أيوب
رماني الوعد والمكتوب
سنين ماشي ورا الأفكار
على كفوف القدم دوار
لا خليت في الدروب مشوار
ولا فوق الورق مكتوب
March 2, 2013
من احسن ما قرأت من الشعر
احمد فؤاد نجم عبقرى و لن يتكرر
سهولة الفاظ و افكار بسيطة يكتبها فى القصائد تعجز عن وصف جمالها
و من يقرأ الكتاب ولا يشعر بالثورية قد ملأته فهو لم يقرأه بعد
تحياااااتى لعم نجم
احمد فؤاد نجم عبقرى و لن يتكرر
سهولة الفاظ و افكار بسيطة يكتبها فى القصائد تعجز عن وصف جمالها
و من يقرأ الكتاب ولا يشعر بالثورية قد ملأته فهو لم يقرأه بعد
تحياااااتى لعم نجم
July 29, 2015
عم نجم الله يرحمه كان بيقول الكلام اللي احنا نعرفه بطريقة جميلة مثيرة للدهشة تخليك أول ما تسمعه لاتملك غير السكوت... بيفكرني بكلام الشاعر الجميل صلاح عبد الصبور لما قال: إذا ركّبت كلاماً فوق كلام من بينهما استولدت كلام لرأيت الدنيا مولوداً بشعاً وتمنيت الموت أرجوك.. الصمت
February 17, 2015
أحمد فؤاد نجم شاعر رائع ومبدع ، بل هو مثال للشاعر الذي لا يصيغ كلامه ، ولا يضبط وزنه أو قافيته ، هو فقط يطلق العنان لخياله وأفكاره ، فتجري من بين شفتيه القصائد كما الأنهار ، لا يوقفها جريانها كسر في الوزن ، أو خلل في القافية .
April 24, 2012
من ابدع ماقرأت
كتاب بيتغنى
يعنى وانا بقراه بغنى الى بيقولوا
فية حاجات كتير طبعا من غناوى اسكندريلا
وباقى الفرق الى بيغنوا تراث بس بجد كتاب استمتعت بية جدا وماكنتش عايزة يخلص
كتاب بيتغنى
يعنى وانا بقراه بغنى الى بيقولوا
فية حاجات كتير طبعا من غناوى اسكندريلا
وباقى الفرق الى بيغنوا تراث بس بجد كتاب استمتعت بية جدا وماكنتش عايزة يخلص
Displaying 1 - 30 of 158 reviews