الاكتئاب: أسبابه وطرق علاجه

by عادل صادق

Genres: Psychology

79 pages, Paperback

First published January 1, 2008

About the author

طبيب نفسي و مؤلف الكثير من الكتب في علم النفس، ولد في 9 أكتوبر 1943 وتوفي في 14 سبتمبر 2004.

* رئيس مجلس إدارة دار الحرية للصحافة والنشر بالإنابة.
* رئيس تحرير مجلة الجديد في الطب النفسي.
* عضو مجلس إدارة صندوق مكافحة المخدرات.
* عضو المجلس العربي للاختصاصات الطبية.
* الأمين العام لاتحاد الأطباء النفسيين العرب.
* الأمين العام للجمعية المصرية للطب النفسي.
* رئيس قسم الأمراض النفسية والعصبية.
* رئيس مجلس إدارة مستشفى الطب النفسي بكلية الطب جامعة عين شمس.
* حاصل على جائزة الدولة في تبسيط العلوم 1990.

Reviews

[مصطفي سليمان · Rating 3 out of 5]

أنا أسمي مصطفي سليمان .. وعندي 30 سنة وعندي أعتراف

تم تشخيصي بأني مصاب ب اكتئاب جسيم Major Depression من كام أسبوع ..
وانا حابب أتكلم عن الموضوع دا للانه موضوع حقيقي صعب وخطير بشكل مهدد للحياة بدون أي مبالغة

اولا فيه فرق ما بين الحزن و الاكتئاب
الاكتئاب مرض عضوي حقيقي يصيب الانسان وليس مجرد حالة وبتعدي زي الحزن

اعراض الاكتئاب الجسيم:
طاقتك منعدمة الجسدية والنفسية
احساس بالذنب والخطأ طول الوقت
اضطرابات نوم قوية
فقدان الشهية و الوزن احيانا يكون الأمر معكوس ولكن دون الشعور بالأمر
الرغبة في الموت والانتحار والاحساس بعدم الجدوي ودي مرحلة متقدمة وخطيرة للغاية

بالاضافة ل الاكتئاب الجسيم اللي عندي فيه كمان نوبات فزع panic attack .. قلق Anxiety
ودول جحيم حقيقي ابسط اعراض القلق و نوبات الفزع

قلق Anxiety
التقليل من النفس - الملاحظة الشديدة للتفاصيل - السعي للكمال - مهاجمة الذكريات - نوبة هلع - الخوف من المواجهة سواء كان لعدد كبير او لشخص - اضطرابات المعدة -شد عضلي - خوف غير منطقي - اضطراب في النوم - قلق شديد

نوبات فزع panic attack
خفقان و تسرع القلب - الم في الصدر - صعوبة في التنفس - تعرق - الاحساس بالحرارة أو القشعريرة - رعشة او رجفان - صعوبة في التركيز و التذكر - غثيان أو ألم في المعدة - اسهال - خدران في اليدين

دي الأعراض الخارجية ..اللي انا حابب اتكلم فيه المشاعر المصاحبة للأمر وانا بتكلم هنا علي حالتي انا فقط

الموضوع ليه جوانب كتيره ممكن نتكلم فيها علميا ونظريا ولكن ف الحقيقة ممكن نلخص الأمر بالمشاعر أن الأمر متعلق بالخسارة أو الخوف من الخسارة .. كلها تدور حول الوحدة والفقدان

في عالم مريب زي دلوقتي الموضوع بيبقي جحيم لمن يحاول يتعامل بمشاعره ..جحيم مش بشكل مجازي بشكل حرفي .. انا لغاية اللحظة دي أبويا و أمي ميعرفوش اي شئ عن اللي كاتبه وياريت لو حد يعرفهم ميقولش رجاءا يعني ..

الفترة اللي فاتت ف حياتي اتعرضت لكم من الضغوط العصبية والشخصية أصعب من أني أقدر أتعامل معاها ضغوط مكثفة ف وقت صعب لغاية .. مع الوقت أتحول كل شئ ل جحيم حي عرض لا يتوقف .. ألم صافي تماما غير مبرر ومجاني لولا وجود أبي و أمي كنت أكملت في محاولة أنتحاري في أكتوبر الماضي

آه الأمر بالصعوبة دي بشدة ..

شعور بالانسحاق والهزيمة و التعب و الوحدة و الفقدان و الألم وان محدش فاهم ولا حد مستوعب والكلام لا يخرج من نطاق ..
ان النور ف اخر النفق
ومفيش ليل الا بعده نهار
وان كل شئ بيعدي
وان كل شئ ليه سبب وليه حكمة
وان دا علشان تقوي
وانك هتقدر تعدي
ومفيش حاجة ثابته
والمؤمن مصاب
وان دا اختبار
وهو علشان بيحبك
وهو علشان بيكرهك
وعلشان تقصيرك

ودا اللي مخليني بكتب الكلام دا ، لو انت مش قادر تفهم أو تحس أو تستوعب أو تبذل مجهود أنك تعرف اللي بيحصل متتكلمش فعلا حقيقي مش هزار ولا قلة ذوق !! فعلا أسكت دي نصحية طبية حقيقة

ابتعد عن الوعظ بجد بجد دي كارثة ،سواء الوعظ ديني أو أخلاقي ، ف حالة الاكتئاب دي كارثة حقيقة أنت بتمثل ضغط فوق ما تتخيل علي الانسان دا بتحسسه أنه مخطئ ومذنب ودا شعور كفيل انه يتحول عدة درجاتف الاكتئاب بسرعة شديدة ..
متقولش يا ابني الحياة وامك وابوك ، متقولش الوقت بيعدي اي شئ ، والحياة مش بتقف ع حد الجملة دي لوحدها سبب كافي للأنتحار بالمناسبة !!

انا اتعرضت لنوبة هلع وكنت محظوظ اني أقدر اكتب بعدها ، امبارح كمان اتعرضت لنوبة بشعة لكني مقدرتش أكتب عنها ودا كان شعوري :

" أمس كان شئ حقيقي يجثم علي صدري ، قلبي ، روحي ، أنفاسي
العرق كان يغرقني ، أنفاسي أنسحبت حتي لم أقدر النداء علي المساعدة .. جلست ع الأرض عاجز عن التقاط انفاسي ، شعرت ب كم من القهر
هناك من يقف علي صدري ويتقافز دون اي خوف
أخذت ف نشيج مكتوم ، فصلت الأنترنت كأنه السبب ، ظللت علي الأرض غير قادر ع الحركة اتصبب عرقا
أنفاسي غير منتظمة ولا حتي دقات قلبي
كنت أشعر أن تلك النهاية ..كنت لا أقاوم ..كنت مستسلم وجاهز وفجاءة كل شئ توقف
لم أفهم أي شئ ، مؤخرا لم أعد أفهم أي شئ ولا حتي أحاول الفهم ف اللعنة ع كل تلك الأشياء "

الموضوع بسيط جدا :

لا تحكم .. بس كدا لا تحكم ..

متقولش انا فاهمك وحاسس بيك ، للانك لا مش فاهمه ولا حاسس بيه
متقولش وانا والله عندي مش عارف ايه .. مفيش حاجة اسمها اللي بيشوف بلاوي الناس بتهون عليه بلوته دا لامعني له ، هو جي ليك علشان يتكلم ويرمي هو محتاج مكان آمن مش قادر أو مش عارف
أسكت الموضوع فعلا خطير

15% من المصابين بالاكتئاب بينتحروا !! الموضوع مش كلمتين حلوين واغنية
الموضوع مركب بشكل مفزع ، واحنا مازالنا بنتعامل مع الموضوع بشكل سلبي وعظي
اعمل بحث بسيط ع الانترنت مش هتلاقي خط ساخن للمساعدة المنتحرين دي كارثة حقيقة كل العالم فيه خط ساخن للغرض دا ، العلاج النفسي باهظ للغاية والبديل لك الله !!

ف يعني ميبقاش الجحيم مزدوج لا انت فاهم ولا عارف تساعد وبتفتي وبتوجع أرجوك أفهم أن فيه فرق رهيب رهيب رهيب ما بين الحزن والاكتئاب ، الاكتئاب مرض عضوي يصيب كيمياء المخ ليه ادوية متخصصة في دا فيه اطباء وتخصص كامل ف دا ، الأمر ليس بالسهولة دي

الموضوع أختيار ؟

واحدة من أكتر الاشياء احباطا ، انك تقول ل حد الكلام دا ، انت اللي عامل كدا ف نفسك ! مش حقيقي ، الاكتئاب مش أختيار ، الاكتئاب مرض عقلي ونفسي حقيقي ، الموضوع ليه جوانب علمية حقيقة
الاكتئاب مش اختيار لا عمره كان ولا عمره هيكون ..

تريد أن المساعدة ؟

استشر طبيب

فقط استمع ، كن هناك ، هو يريد حضن دون أن يطلبه ، لا يريد الاجابة عن اسئلة مالك وفيه ايه واحكي ، يريد يبكي ويصرخ دون حكم دون شعور بالشفقة ،دون كلمتين لا معني لهم عن الأمل والحياة والدين ، وكل هذا الكلام الذي لا طائل منه له ، ان كنت حقا مهتم ستري تلك الاشارات ، ستري ما هي السكة التي يسير بها ، الأمر لا يبدأ فجاءة ولا ينتهي فجاءة ، طريق طويل للغاية ، طريق الوصول لمرحلة القرار او محاولة تنفيذه يسبقه العديد و العديد من الاشارات

شئ أخير :
للأي حد هنا بيقرا الكلام دا ، وهو حاسس بالخوف أو بالعار أو مش قادر يقول ، انت مش غلط ، انت عندك مشكلة ودا مش غلطتك ، أكتب وعبر عن اللي جواك ، ملعونة وجهة نظر الناس ليك ، ملعونة احكامهم ، فكر ف السبب اللي خلاك لسه موجود وكلمه حتي لو مش بشكل مباشر ، اكتب ، اعمل فيديو ، صرح ، أنت مش شئ شخص سئ ، و الأكيد أنت مش لوحدك

أنت شجاع .. أنت بطل أنك لسه موجود ، خليك عارف دا كويس قوي ، احنا كلنا بنعافر ، خلينا نعافر سوا أرجوك .

الاكتئاب ليس حزن .. الاكتئاب ليس عار
الاكتئاب ليس جنون .. الاكتئاب مرض
الاكتئاب جحيم عقلي ..
الاكتئاب يحتاج ل مساعدة حقيقة طبية ..

لو مقتنع يا ريت تشارك وتنشر الكلام دا ..

تنويه :
الاعراض المكتوبة دي ليست عامة ، كل حالة اكتئاب هي مختلفة من شخص للاخر
لازم تسئل متخصص لازم تسئل متخصص ، محدش يوصف ل حد ادوية
الحزن و الزعل غير الاكتئاب ..دي كانت قصتي انا ، لا يتم القياس عليها ارجوكم أرجوكم
دي أعراض ظاهرية ممكن تتشابه مع اشياء كثيرة ، وممكن تتنقل بالايحاء
لذا يجب مراجعة متخصص أرجوكم.

#الاكتئاب





**************************************************
كتاب صغير لا يتعدي سعر ال 7 جنيهات هام لفهم الاكتئاب واعراضه وكيفية التعامل مع المصابين به

هل فكر احد ف قرائته؟
لا

هل فكر أحد من اقرباء/اصدقاء من مصابين بالاكتئاب بالبحث عن اجابات او اسئلة؟
لا

الكل يبحث عن الحلول السهلة المريحة للضمائر ، ك مريض أكتئاب جسيم ، ما مررت به من خذلان وعدم تقدير من الناس أكثر بكثير مما أستطيع تلخيصه هنا
الأمر ليس مزحة ولا حزن ، الأمر ليس علاجه الوضوء قبل النوم وأذكار الصباح والمساء
وليس حله
انت روحت للدكتور؟
انت خدت الدواء؟
انت السبب ف اللي انت فيه
انت اللي عامل كدا ف نفسك
انت ليه مش بتحاول
انت مبسوط كدا؟

ليس الوعظ والحكم الاخلاقي والديني

دا بوست انا كتبته من فترة وبعترف فيه ب مرضي الاكتئاب الجسيم وبحاول اشرح و أوعي من خطورته والفرق ما بينه وبين الحزن واخطاره
https://www.facebook.com/dieorfrr/pos...

ياريت تتبرعوا وتقرأو التعليقات

الاكتئاب صديق لا يمل الزيارة وليس بالأمر الهين وكل قصة به هي قصة مختلفة تماما للحكي و البوح

أن كان عندك استعداد ف لتستمع لا يريد منك أحد أي شئ
لا تقول ماذا افعل
لا تفعل شئ
فقط استمع
فقط كن هناك

[Almaha Alhajj · Rating 5 out of 5]

أنصح أي شخص أن يقراه وان لم يصل الى الاكتئاب بعد

[Fatma Mahmoud · Rating 5 out of 5]

تحدث فيه د/عادل عن انواع واعراض الاكتئاب والهوس ((mania ))
والعلاج ف كلا الحالتين وبعض الحالات الخاصة ((كالإكتئاب والحب وفقدان شريك الحياة ))
كتاب جيد لا بأس به ثبت لى ما درسته ف النفسية ف الفرقة الخامسة
خصوصا اسماء الادوية والاثار الجانبية التى تنتج عنها ..

[Mohamed Khaled · Rating 4 out of 5]

"و لأن الاكتئاب بداية هو مرض كيميائي فإنه لا يمكن علاجه بدون عقاقير .. العلاج بالعقاقير يأتي في المرتبة الأولي ثم بعد ذلك العلاج النفسي و البيئي.."
كتاب لطيف بسيط و غير معقد و غير طويل و لكنه غير مرتب بالشكل الكافي .. تشعر انه ناقص و لا تعرف ماذا .. يتناول الكاتب الاكتئاب بشكل عام و يشرح انواعه و اعراضه و الحل الاول للعلاج .. لمن يريد ان يعرف ماذا يفعل تجاه هذا المرض فالكتاب يوفر الطريق بشكل مختصر و أيضاً هو كتاب رقيق جدا تجاه المرضي تشعر بأن الكاتب يأسي بالامهم .. كتاب جيد و مفيد و بسيط

[Roaa Moustafa · Rating 1 out of 5]

اشتريت الكتاب علي اساس انه بيدي نظرة موسعة اكتر عن الاكتئاب وعن الالم الفعلي اللي المريض بيحسه ، لكن الجزء ده كان اقل من 10% ، الدكتور - أو الكاتب- طول الكتاب بيرشح العلاج بالأدوية و العلاج الكهربائي متجاهل الحديث عن اعراضهم الجانبية! ومتجاهل الحديث عن العلاجات السلوكية ، الصراحة أول مرة أندم فعلا علي قراءة كتاب في علم النفس والأمراض النفسية

[Mohammad · Rating 2 out of 5]

المعلومات قديمة جدّا عن تصنيف الاكتئاب، شبيهة بالتصنيفات اللي بلاقيها في الكتابات القديمة، وما ذكرش مثلا التقسيمة بتاعة:

- Major Depression
- Dysthymia
- Adjustment disorder
- Bipolar disorder
- Seasonal affective disorder
- Premenstrual dysphoric disorder
- Post-partum depression

وفي المقابل قال تقسيمة رباعية غريبة:

- الاكتئاب التفاعلي/العصابي
- الاكتئاب الذهاني/العقلي
- اكتئاب سن اليأس
- الاكتئاب الرباعي

مشكلة كبيرة في القراية في علم النفس بالعربي الألفاظ اللي زي دي (عصابي) !! يعني ايه عصابي

مشكلة تانية اختلافهم المستمر في المجال النفسي على التقسيمات والتصنيفات، كل اصدار جديد من الـ
DSM بيبدأ تصنيفات جديدة ويلغي قديم كأن الـ
psychiatry شغال في عملية لا نهائية من التصنيف والتفريعات تطلع على تفريعات جديدة وهكذا وهنا الشغل كله وصفي بيذكر متلازمات وأعراض بتيجي مع بعضها وبيديها اسم "disorder"
لكنه مش بيحاول يوصل لجوهر المرض النفسي.

الكتاب تجاهل جزئية العلاج النفسي الاجتماعي ودخل على طول على العلاج بالأدوية، وفضل يوصف الأدوية وتأثيرها، برضو الأدوية المذكورة قديمة وما ذكرش الـ ssri
، وما شرحش الموصلات العصبية المختلفة زي الدوبامين والسيريتونين مرتبطين بايه.

بيوصف الأدوية زي أي دكتور psychiatrist
بشكل فيه ميل زيادة للأدوية بدون ذكر آثارها الجانبية الكارثية من آلام معدة لدوخة لفراغ نفسي لانك بتكون أحيانا عرضة أكبر للانتحار تحت تأثير بعض هذه الأدوية، وده ما تعودنا عليه من أطباء النفسية عموما.

بيقول ان جلسات الكهربا ليس لها آثار جانبية وآمنة تماما... لا تعليق!

بيدخل في الفصل الأخير في وصف لحالات خاصة أنا الحقيقة بعد أول 30 أو 40 صفحة كنت بدأت أنام، الكتاب قديم جدا معلوماته مملة وغير مجدية وغير منظم أو متقسم كويس ولا يستحق القراءة.

[Amr Medhat · Rating 3 out of 5]

الإعتراف بالمرض بداية العلاج .. كان هذا سبب قرائتي للكتاب ..و قرأته في بداية إصابتي بأعراض الإكتئاب .. وتعرفت علي أسباب إكتئابي وكيفية علاجها بما إنها كانت في مراحلها الأولي وقد ساعدني في المرور من أزمتي .. الكتاب سهل ويسير للقارئ العادي .. أنصح بأن يقرأه أي شخص يري أن شخصيته قابلة للإكتئاب.

[Sherif Sobhy amer · Rating 5 out of 5]

سلاحك للتغلب علي مشاكل الاكتئاب اليومية.

[Hossam Barakat · Rating 3 out of 5]

الكتاب رائع في مجمله ويقدم معلومات جيدة بإسلوب أدبي راقي لكن فقط يعيب عليه الإغراق في بعض التفاصيل العلمية التي قد لا تعني القارئ الغير متخصص

[Maymonah · Rating 4 out of 5]

في حال راودتكم بعض الأسئلة حول صحتكم النفسية أو الشكوك في بعض الأمور النفسية يجب البدأ في قراءة بعض كتب الدكتور عادل صادق ، من الكتب المثرية من الناحية الطبية والحالة الاجتماعية درس فيه الجانبين وجوانب أخرى ، وأخص هذا الكتاب لان موضوعه متادول وشائع الانتشار ويشخص من قِبل أشخاص غير مصرح لهم للاسف ويؤثر تشخصيهم على من هم أقل دراية من غيرهم، ف القراءة من رأيي الشخصي تنور الكثير لدى الانسان .
رائع بامتياز.

وشكراً لكم

[MOHAMED HAMDY · Rating 5 out of 5]

فى ظل الظروف اللى عايشينها اليومين دول و نسبة الانتحار المتزايدة و سببها الرئيسى الاكتئاب
لذلك أنصح وبشدة بهذا الكتاب
لأنك حتى لو أنت مش المكتئب أكيد حد تعرفه مكتئب فى الزمن ده
الكتاب سهل و بسيط و بيفهم الغير متخصص
ياريت فعلا الناس تقرأه

[Shimaa · Rating 2 out of 5]

الكتاب مختصر بشكل مريب
المفروض مرض الاكتئاب من اهم امراض العصر و من اسباب الانتحار
يعني يكون في تفاصيل اكتر من كده
محتوى الكتاب:
اعراض الاكتئاب
انواع الاكتئاب
العلاج الدوائي بتفاصيله و الكهربي
الاكتئاب و المرض العضوي
الاكتئاب و ارتباطه ببعض الحالات مثل فقدان شخص عزيز

كنت انتظر من الكتاب ان يعرض الاسباب والعلاج النفسي بصورة مفصلة
لان هذا عنوان الكتاب!

الكتاب لم يزيد معلوماتي عن الاكتئاب
:(

[Aymanmahdy75yahoo.com · Rating 5 out of 5]

Good

[Maram Ibrahim · Rating 4 out of 5]

اذا وجدت نفسك على اشراف الاكتئاب أو عزيز عليك فنصيحتي لك ان تنتشل نفسك سريعا أو تساعد غيرك.. فالإكتئاب كبركة من الألم كلما لمس ماؤها جزء منك أصابك بالموات وفقدان الحياة

[Sama alsaeed · Rating 5 out of 5]

الاكتئاب اذا نشرته في الزرع احرقه واذا اطلقته في الهواء افسده واذا سرى في الدم سممه

[عفاف الشاذلي · Rating 3 out of 5]

الكتاب مختصر بشكل مبالغ فيه
كان معظم الكلام عن وصف الاكتئاب كمرض نفسي وعن أنواع الأدوية العلاجية له
اتمنيت لو كان توسع أكتر زي عادته في باقي كتبه وتناوله كموضوع نفسي، أكتر من فكرة "ده مرض وعلاجه أهو"

[Bayan · Rating 4 out of 5]

عصرٌ زادت فيه الهموم والضغوطات، زاد ثقل الحياة على الناس ليصبح الاكتئاب مرض العصر الذي يهدد حياة الكثيرين من الناس لا أحد بمعزل عنه، الأطفال والنساء والرجال، الشباب والشيوخ كل معرضون للإصابة به إذ تقدر إحصائيات منظمة الصحة العالمية عدد مرضى الإكتئاب حول العالم ما يزيد عن 500 مليون إنسان، أي ما يعادل 7% من سكان العالم، إذ يعد من أخطر الأمراض في نفس الوقت لكثرة اعداد المنتحرين بسبب فشل علاجهم إذ يزيد عدد حالات الانتحار في العالم عن 800 الف شخص كل عام، مرض العصر بامتياز.

[Aya · Rating 4 out of 5]

الكتاب قرأته في عدد ساعات قليلة🤍
الكتاب شرح مبسط عن الإكتئاب أسبابه وأنواعه وكيفية علاجه دوائيا ...الكتاب فيه معلومات طبيه بأسلوب مبسط وسهل لكل الفئات تقدر تفهمه وهو كبداية حلوة لتمهيد الطريق لمن يريد أن يتعمق أكثر في موضوع الإكتئاب🌹
أتمني يكون موجود كتب مبسطة لدكتور عادل صادق لمعظم الأمراض النفسية مثل هذا الكتاب🤍

[Yusuf Refay · Rating 5 out of 5]

الكتاب بسيط وسلس جدا ينفع للعوام أو حتى إنه يوصل للناس اللي مش مريضة بالاكتئاب إنهم يحسوا الشعور ويعرفوا العوامل والأعراض والعلاج ، بس أرشح ده يتقرأ في قعدة وبعديه على طول الشخص يبدأ في قراءة كناب الاكتئاب طبعة عالم المعرفة الكويت

[Mona Shaban · Rating 4 out of 5]

من الجميل فى أغلب كتب دكتور عادل صادق أن محتوياتها سهلة وبسيطة ومش معقدة مش بتكون موجهه للمتخصصين بحيث أن أي حد مر بحالات الاكتئاب او بيتعامل مع ��شخاص قريبين منه بتمر باكتئاب هيعرف على الاقل يتعامل معاهم ازاي
كتاب سهل وبسيط وصغير انصح بقراءته

[Esraa Mohamed · Rating 3 out of 5]

مفيد ولكن مختصر أكثر من اللازم.

[Youssef SAADALLAH · Rating 4 out of 5]

كتاب خفيف و جيد

[Mha · Rating 2 out of 5]

كلام طبي سلس ومختصر عن الاكتئاب يشوبه شيء من التكرار وشيء من التخصص
...............................................
تتمة مراجعة الكتاب على مدونتي: ((( همى الغيث )))
https://www.hma-algaith.com/%d8%a7%d9...

[Mohamed · Rating 2 out of 5]

كتاب مختصر ومفيد ولكنه يحتوي علي كثير من الاسماء العلمية ووصفات علاجية. من الخطأ ان يعتمد احد علي هذا الكتاب في ان يشخص نفسه او يشخص احد ثم يعطي الدواء، لذلك لا اري فائدة من ذكر اسماء الادوية والجرعات وكل تلك التفاصيل الطبية ! الكتاب قد يعطيك نظرة عامة علي مرض الاكتئاب والهوس،ولكنك قد تشعر بعد قراءة الاعراض ان المرض قد اصابك وهذا خطأ كبير. فيما يخص الامراض النفسية، يجب الرجوع الي الطبيب اولا واخيرا.

[Fatma Mansour · Rating 5 out of 5]

انا شايفه كل كتابات د عادل صادق مهمة و لازم اي حد بيفرق معاه صحته النفسيه و صحه اللي حوليه يقراها... الاسلوب بسيط جدا و رغم كدة قادر يغطي المرض و علاجه و اعراضه.. خصوصا انه مرض منتشر لو مش بنعيشه شخصيا ممكن يكون في اتنين علي الاقل حولينا بيعانوا منه و احنا مش حاسين و كمان مرض ممكن يوصل للانتحار في اخر مراحله و الموضوع ملوش علاقه بالشخصيات اللي بتميل للنكد بالعكس الموضوع عضوي جدا و بيبقي بسبب هرمونات مش متضبطه.. يا ريت كل الناس تقراه علشان تنتبه ليه.

[jana♡ · Rating 3 out of 5]

قرأته في ساعة تقريبا، قراءته يسيرة، بسبب انه صغير حسيته مختصر بزيادة؟ مافيش حلول عملية غير الأدوية كل الحلول المذكورة يا اما أدوية يا جلسات كهرباء، بجد خلص بسرعة اوي لدرجة اني حسيت انه الكتاب غير مكتمل كان محتاج تفصيل أكثر من كده حتى مافيش خاتمة، ماعتقدش انه هيساعد اوي حد عنده اكتئاب ممكن نقرأ الكتاب كزيادة وعي فقط لكن مش هيساعد حد مكتئب فعلا

[Maio13611 shalaby · Rating 4 out of 5]

ىكتاب لطيف و ملخص لمرض الإكتئاب و يعرفك أنت و من حولك تعانون من الإكتئاب أم لا أم أنك عرضة له أو لا
أنصح بقراءتة لأنة مفيد و مختصر ولا يكلفك الكثير من الوقت

و شكراً

[Alia Atef]

عموما انا بحترم الكتاب اللي بستفيد منه :)
والكتاب ده افادنى جدا

[Menna · Rating 3 out of 5]

good book

[Amanysky731135]

عاوزه اقرا هذا الكتاب او تحميله ارجو المساعده