دندنات ليس لها معنى

الحلم تاه
لما افترقنا  في ميت فلاه
جرينا نهتف بالخطاوي مكمله
نسينا ان الدم صامد في الميدان
و جرافيتي شاهد اننا
لما انتصرنا كنا واحد كلنا

بسمة سجين
أشرف معاذ طارق و زاوي مكملين
جابه الأمين في الدراسه يمتحن
صوت الهتاف زلزل ايادي السجانين
أصل الرجولة مش كلام من غير تمن
العمر فاتت منه جوه السجن عام
لكن قلوبهم فيها كبرت بالسنين
أصل البطولة مش جبان بيقول آمين

أجل كمان
احشد كلابك ع البيبان
زود سنين..
هتعيش جبان وتموت جبان
ومفيش مفر من القدر ..
ومفيش أمان
حبس احتياطي للزهور..
يجري القلم يدي البراءه للي خان

في الوهم عيش
خد م الغلابة وقول مافيش
حاصر شبابك بين حقوقهم
في الحيطان لازق كتافهم
واللي رجله تحيد في مره
تظبطه ايد الشاويش