இரா. எட்வின் [R.Edwin]'s Blog, page 77

“மாபெரும் ஏதோ ஒன்றைச் சொல்ல வேண்டும்”

இந்த டிசம்பர் பதினொன்றில்,”பெரிதினும் பெரிது கேள்”என்ற பாரதியின் வரியோடு“மாபெரும் ஏதோ ஒன்றைச் சொல்ல வேண்டும்”என்ற ரோசா லக்சாம்பர்க்கின் வரியும் சேர்ந்தே என்னை கிள்ளிக்கொண்டிருக்கிறதுமேலோட்டமாகப் பார்த்தால் இரண்டுமே வேறு வேறு பணிக்கானவைஒன்று,அற்பம் தவிர்த்து பெரியதாய்த் ஜனங்களிடமிருந்து தேடி உள்ளெடுக்கச் சொல்லும்மற்றொன்று,அற்பம் தவிர்த்து மிகப் பெரியதாய் ஜனங்களுக்குத் தரச் சொல்லும்ஆனால் இரண்டிற்கும் தொடர்புண்டுநல்லதைத் தரவேண்டும்எனில்,நல்லதை எடுக்க வேண்டும்இரண்டிற்கும் முயற்சிப்போம்

பகடிகளுக்கு அளவே இல்லை

நித்தியானந்தா எங்கிருக்கிறார் என்று உறுதியாகத் தெரியவில்லைஅவர் தான் வாங்கியுள்ள ஒரு தீவில் இருக்கிறார் என்கிறார்கள்அந்த தீவிற்கு கைலாஷ் என்று பெயர் வைத்திருப்பதாகக் கூறுகிறார்கள்அவர் இமயமலையில்தான் இருக்கிறார் என்கிறார்கள்காவல்துறை தேடிக்கொண்டிருக்கிறார்கள்அவர் தினமும் தினமும் வீடியோவில் உரையாற்றுகிறார்தனது தீவை தனி நாடாக அங்கீகரிக்க வேண்டும் என்று ஐநா சபைக்கு கோரிக்கை வைத்திருக்கிறார் என்கிறார்கள்அது ஒரு இந்துநாடு என்கிறார்கள்அதை அர்ஜுன் சம்பத் மகிழ்ந்து வரவேற்றிருப்பதாக செய்திகள் கூறுகின்றனஅவரது கடவுச்சீட்டை ரத்து செய்துவிட்டதாக வெளியுறவுத்துறை செய்தித் தொடர்பாளர் ரவீஷ் குமார் கூறியுள்ளதாகவும் செய்திகள் வருகின்றனபகடிகளுக்கு அளவே இல்லை. அதில் உச்சம் என்னவென்றால் அவரது கடவுச்சீட்டு காலாவதியாகி பல காலமாச்சு என்பதுதான்

சங்கர் தயாள் சர்மாவின் சாதிய வன்மம்

தமிழ்நாட்டில் 69 சதவிகித இட ஒதுக்கீடு உறுதிப்படுத்தப்பட்டபோது இந்தியாவின் குடியரசுத் தலைவராக இருந்தவர் திரு சங்கர் தயாள் ஷர்மாஅதைத் தாங்கிக்கொள்ள முடியாதவராய் அவர் இருந்திருக்கிறார். அதை இப்படியாக வெளிப்படுத்தியும் இருக்கிறார் என்பதை இந்தியன் எக்ஸ்பிரஸ் 25.09.1994 இல் வெளிவந்திருக்கும் அவரது பேச்சில் இருந்து தெரிகிறது. அவர் கூறுகிறார்“although the quota system might have taken away posts from brahmin, no one could take away brahmin's brain"அதாவது,இடஒதுக்கீடு மூலமாக பார்ப்பனர்களிடம் இருந்து பணியிடங்களை, வாய்ப்புகளைப் பறிக்கலாமே தவிர மூளையைப் பறிக்க இயலாது.மொத்த இந்தியாவின் தலைமகனாக இருந்தவருக்குள்ளேயே இவ்வளவு சாதிய வன்மம் இருந்திருக்கிறது என்பது எவ்வளவு துயரமானது

கவிதை

நீண்ட தவத்தை இடைமறித்த
இறைவனிடம்
வரமாய்
சாத்தானின்
அலைபேசி எண் கேட்டான்

வெங்காயம்

வெங்காயத்தின் கைங்கரியத்தால் மத்திய நிதி அமைச்சர் மாண்பமை நிர்மலா சமூக வலைதளங்களின் பகடிக்கும் மீம்சிற்கும் ஆட்பட்டிருக்கிறார்இன்றைக்கு அவையில் வெங்காயமும் பூண்டும் அவ்வளவாக எடுத்துக்கொள்ளாத குடும்பத்தில் இருந்து வந்திருப்பதாக அவர் கூறியதில் இருந்து வலைதளம் அவரை எடுத்து கொண்டதுதோழர் ஜெயதேவன் இதுகுறித்து வைத்திருந்த ஒரு பதிவில் பின்னூட்டம் இட்டிருந்த ரவி (Ravi S) ,வெங்காயப் பற்றாக்குறையைப் போக்குவதற்காக துருக்கி மற்றும் எகிப்தில் இருந்து வெங்காயம் இறக்குமதி செய்யப்படுவதாகவும், பிரச்சினை விரைவில் தீர்ந்துவிடும் என்றும் திருமதி நிர்மலா குறிப்பிட்டார் என்றும்அப்போது ஒரு எதிர்க்கட்சி உறுப்பினர் அந்த நாடுகளின் வெங்காயத்தை அமைச்சர் ருசித்துப் பார்த்திருக்கிறாரா என்று கேட்டபோது வெங்காயம் சாப்பிடும் பழக்கம் தமக்கில்லை என்று அமைச்சர் கூறியதைத்தான் சிலர் இப்படி திரித்துவிட்டார்கள் என்றும் கூறுகிறார்அது உண்மையாகவே இருக்கட்டும்துருக்கியில் இருந்தும் எகிப்தில் இருந்தும் வெங்காயத்தை இறக்குமதி செய்யவேண்டியத் தேவை ஏன் வந்தது?இந்தியாவில் வெங்காய சாகுபடி குறைந்து போனதா?இந்தியாவின் வெங்காயத்தேவை 1,60,00,000 டன் என்றும் ஆனால் இந்தியாவின் சராசரி வெங்காய உற்பத்தி ஆண்டொன்றிற்கு 2,30,00,000 டன் என்றும் இன்றைய (05.12.2019) தீக்கதிர் தலையங்கம் கூறுகிறதுபிறகு ஏன் வெங்காயத்தை இறக்குமதி செய்ய வேண்டியத் தேவை வந்தது?இந்த ஆண்டு 12,40,000 டன் வெங்காயத்தை இந்தியா ஏற்றுமதி செய்ததும்,செப்டம்பர் மாதத்திற்குப் பிறகு அரசாங்கத்திடம் இருந்த வெங்காயத்தில் 30,400 டன் அழுகிப்போனதும்இன்றைய வெங்காயத் தட்டுப்பாட்டிற்கான முக்கியமான காரணங்கள் என்றும் இன்றைய தீக்கதிர் சொல்கிறதுஆக இந்த அரசாங்கம் பதில் சொல்ல வேண்டியது இந்தக் காரணங்களுக்குத்தான்தேவை உணராமல் வெங்காயத்தை குறைந்த விலைக்கு ஏற்றுமதி செய்ததும்அழுகாமல் பாதுகாக்கத் தவறியதும்இன்றைய வெங்காயத் தட்டுப்பாட்டிற்கும் விலை உயர்விற்கும் காரணங்கள் என்பதைத் தவிர்க்க இயலாதுபோக,இவ்வளவு விலைக்கு வெங்காயம் மார்க்கெட்டில் விற்கப்படும் சூழலில் விளைவித்தவன் இந்த ஆண்டு ஒரு கிலோ வெங்காயத்தை ஒரு ரூபாய் ஐம்பது பைசாவிற்கு விற்றான் என்ற கொடுமையையும் மறந்துவிடக் கூடாது

இருக்கேன்பா

நீண்ட நாட்களுக்குப் பிறகு நலக்குறைவால் ஆசிர்வதிக்கப்பட்டுகாலையிலிருந்தே படுக்கையில்அவ்வப்போது எழுந்து அமர்வதும் எதாவது படிப்பதும் மீண்டும் விழுவதுமாய்ஜெயாபுதீன் (Jeyabudheen) அழைத்தான். உங்களால பேச முடியல, பிறகு பேசறேன் என்று வைத்துவிட்டான்மாலை பிள்ளை தமிழ் (Vetrimozhi Veliyeetagam) அழைத்திருக்கிறான். எடுக்கவில்லை என்றதும் எஸ்எம்எஸ் அனுப்பியிருக்கிறேன்“அப்பா, தமிழ்ப்பித்தனோட (Poondi Jeyaraj) அப்பா இறந்துட்டாங்க”அப்பா இறந்து கொஞ்ச நாட்களில் வந்திருந்த எனது கணக்கு சாரிடம் (ரெங்கராஜ் சார்)அவர் கிளம்பும்போது சொன்னேன்,“அப்பாவும் போயிட்டாங்க, நீங்களும் கிளம்பறீங்களே”சார் சொன்னார்,“அப்பா போயிட்டாரா?
இருக்கேனேடா”தமிழ்ப்பித்தனிடம் நான் சொல்வது இதுதான்,“இருக்கேன்பா”

65/66 காக்கைச் சிறகினிலே செப்டம்பர் 2019

”இந்த ஐந்து கிராமங்களைச் சேர்ந்த நாங்கள் இனி சாதி பார்க்க மாட்டோம். அப்படி யாரேனும் பார்த்தால் அவரை ஊர்விலக்கம் செய்துவிடுவோம்”
இன்றையதேதியில் ஒரே ஒரு ஊரைச் சார்ந்த மக்கள் இப்படி முடிவெடுத்து அமல்படுத்தினாலே நாம் அதிர்ச்சியில் உறைந்து விடுவோம்
ஐந்துகிராம மக்கள் ஒன்றுகூடி இப்படி ஒரு முடிவெடுத்து அதை அவர்களது மன்னனிடம் கூறி அவனது ஒப்புதலைப் பெற்றிருக்கிறார்கள்
அதைகல்வெட்டாக்கியும்ஆவணப்படுத்தி இருக்கிறார்கள்
அதுவும்எழுநூறு ஆண்டுகளுக்கு முன்னர்
மயிலாடுதுறைக்கு அருகில்உள்ள திருமங்கலம் என்ற சிற்றூரில் உள்ள தொள்ளாயிரம் ஆண்டுகள் பழமை வாய்ந்த சிவன் கோவிலில் இருக்கிறது அந்தக் கல்வெட்டு
வேலூர்கல்யாணராமன் என்பவர் அந்தக் கோவிலில் புதைந்து கிடந்த ஒரு கல்வெட்டைக் கண்டெடுக்கிறார். அதில் என்ன எழுதி இருக்கிறது என்பது  அவருக்குத் தெரியவில்லை. கல்வெட்டு என்கிற வகையில் இதன் வயது பல நூறு ஆண்டுகள் இருக்கும் என்பதும், அது ஒரு முக்கியமான அவணமாக இருக்கக் கூடும் என்பதும் அவருக்குப் புரிகிறது
ஊர்மக்களை அணுகுகிறார்
அவர்களுக்கும் ஏதும்புரியவில்லை. ஆனால் ஒரு பொக்கிஷம் என்பதும் அதை பாதுகாக்க வேண்டியது அவசியம் என்றும் புரிகிறது
அதைஎடுத்து சுத்தம் செய்து நட்டு வைக்கிறார்கள்
குடவாசல்பாலகிருஷ்ணனின்முயற்சியால் கல்வெட்டு விவரங்கள் வெளிச்சத்திற்கு வந்த தகவல்கள்தான் நம்மை அதிர்ச்சியில் உறைய வைக்கின்றன
சாதிதோன்றிய நாளன்றே சாதி மறுப்பும் தோன்றியிருக்கும். அது ஒரு முனகல் வடிவத்தில்கூட இருந்திருக்கலாம்.
அதுஅன்றேகூட நசுக்கப்பட்டிருக்கலாம். ஆனால் அப்போதே நிச்சயமாக தோன்றியிருக்கும்.
பதிமூன்றாம்நூற்றாண்டு முதல் தமிழகத்தில் பல பகுதிகளில் சாதிகள் “இடங்கை சாதிகள்”, “வலங்கை சாதிகள்” ஆகிய இரு பிரிவுகளுக்குள் உள்ளடங்கின என்று இந்தக் கல்வெட்டு கூறுகிறது.
ஒருகட்டத்தில்’இடங்கை பிரிவில்’ 98 சாதிகளும், ‘வடங்கை பிரிவில்’ 98 சாதிகளும் இருந்திருக்கின்றன. இது பையப் பைய இடங்கைப் பிரிவில் 6 சாதிகளும் வலங்கைப் பிரிவில் 30 சாதிகளுமாக ஒரு கட்டத்தில் சுறுங்கி இருக்கின்றன
இவர்களுக்கிடையே அவ்வப்போதுகலவரங்கள் வெடித்திருக்கின்றன. சதா சண்டை போட்டுக் கொண்டே இருந்திருக்கிறார்கள்
இந்தமக்கள்தான் சித்திரை மாதத்தில் ஒருநாள் ஒன்றுகூடி,
1)   குறுக்கைநாடு2)   காளிநாடு3)   விளத்தூர்நாடு4)   மாந்துரைநாடு5)   திருமங்கலநாடு
ஆகியகிராமங்களைச் சார்ந்த குடிமக்களாகிய நாங்கள் இனி இந்த சந்திர சூரியன் உள்ளமட்டும் இடங்கை வலங்கை என்று வேறு எந்த விதமாகவோ எங்களுக்குள் பேதம் பார்க்க மாட்டோம் என்றும் அப்படி பார்ப்பவர்களை விலக்கம் செய்துவிடுவோம் என்றும் அந்தக் கல்வெட்டில் எழுதி வைத்திருக்கிறார்கள்
800 ஆண்டுகளுக்கு முன்பே ஐந்து கிராம மக்கள் தாங்கள் இனி சாதி பார்க்க மாட்டோம் என்று பிரகடனப்படுத்தியிருப்பதை இன்றைய சாதிய இளந்தலைவர்கள் அருள்கூர்ந்து கவனிக்க வேண்டும்
கூடியவிரைவில் அந்த ஐந்து கிராமங்களுக்கும் சென்று அந்த மண்ணை வணங்கிவிட்டு வர வேண்டும்
********************************************************************************** 

மாணவர்களேஇல்லாத பள்ளிகள் இழுத்து மூடப்படும். மிகக் குறைவான எண்ணிக்கையில் மாணவர்களைக் கொண்டுள்ள பள்ளிகளில் இருந்து மாணவர்களை அருகில் உள்ள வேறு பள்ளிகளுக்கு மாற்றிவிட்டு அந்தப் பள்ளிகளையும் மூடிவிடுவோம்
மூடப்பட்டபள்ளிகளை நூலகங்களாக மாற்றிவிடுவோம் என்று கூறிக் கொண்டே இருந்தது தமிழ்நாடு பள்ளிக் கல்வித்துறை
10.08.2019 அன்று 46 துவக்கப் பள்ளிகளை இழுத்து மூடவும் செய்தது. அவ்வாறு மூடப்பட்ட பள்ளிகளை நூலகங்களாக மாற்றும் முயற்சியில் இறங்கியது.
இதெல்லாம்வழமையான செய்திகள்தாம். ஆனால் அப்படி மூடப்பட்ட 46 பள்ளிகளில் ஒன்றை மூடிய மூன்றே நாளிலும் மற்றொரு பள்ளியை ஆறே நாளிலும் திறக்க வைத்திருக்கிறார்கள் மக்கள் என்பதுதான் நம்பிக்கையைத் தருவதும் அனைவருக்கும் கொண்டுபோகப்பட வேண்டியதுமான செய்திகள்.
மாணவர்களேஇல்லாத காரணத்தால் புதுக்கோட்டை மாவட்டம் குளத்தூரில் இருந்த பள்ளி 09.08.2019 அன்று பூட்டப் படுகிறது. உடனடியாக ஊர் மக்கள் கூடுகிறார்கள். பக்கத்து ஊர்களில் படிக்கும் தம் வீட்டுக் குழந்தைகளின் மாற்றுச் சான்றிதழ்களைப் பெற்று சான்றிதழ்களோடும் குழந்தைகளோடும் பள்ளியின் முன் திரள்வது என்று முடிவெடுக்கிறார்கள்
துரிதகதியில் செயல்படுகிறார்கள். 11 குழந்தைகளோடு பள்ளியின் வாசலில் திரள்கிறார்கள் ஊர்மக்கள்.
செய்தியாளர்கள் குவிகிறார்கள். மாவட்டக் கல்வி அலுவலர் திரு திராவிடச்செல்வம் அவர்கள் பள்ளிக்கு விரைகிறார்.
”இதோ 11 குழந்தைகள் இருக்கிறார்கள். இன்னும் கூடுதலான மாணவர்களைக் கொண்டுவரவும் முயற்சி செய்கிறோம். பள்ளியைத் திறந்துவிடுங்கள்” என்கிறார்கள்
மாவட்டக்கல்வி அலுவலர் உயரதிகாரிகளைக் கலக்கிறார். 09.08.2019 அன்று மூடப்பட்ட குளத்தூர் பள்ளி 13.08.2019 அன்றுமுதல் மீண்டும் செயல்படத் துவங்கிறது.
ஆவுடையார்கோவில் அருகே உள்ள சின்னப்பட்டமங்கலம் என்ற ஊரில் உள்ள பள்ளியும் இழுத்து மூடப்படுகிறது.
மூடப்பட்டபள்ளியை நூலகமாக்கும் முயற்சியில் அதிகாரிகள் இறங்குகிறார்கள். பள்ளியின் பெயர்ப்பலகையை அகற்றிவிட்டு நூலகத்திற்கான பெயர்ப் பலகையை மாட்டுவதற்காக முயற்சியில் இறங்குகிறார்கள்.
குளத்தூர்தந்த வெளிச்சத்தில் தங்களது செயல்பாட்டினை நம்பிக்கையோடு தொடங்குகிறார்கள் சின்னப்பட்டமங்கலத்து மக்கள். பெரியப்பட்ட மங்கலம் உள்ளிட்ட பக்கத்து ஊர்களில் பயிலக்கூடிய தமது குழந்தைகளின் மாற்றுச் சான்றிதழ்களைப் பெறுகிறார்கள்.
15.08,2019 அன்று பள்ளியின் வாசலில் ஊரே திரள்கிறது. ஒரு கொடிக் கம்பத்தை நடுகிறார்கள். சீறுடையோடு வந்த குழந்தைகள் கம்பீரமாக அணிவகுத்து நிற்கிறார்கள். கொடியேற்றி விடுதலைநாளைக் கொண்டாடுகிறார்கள். வந்திருந்தவர்கள் இனிப்புகளைப் பகிர்ந்து கொள்கிறார்கள்.
செய்தியறிந்து ஆவுடையார்கோவில் வட்டாரகல்வி அலுவலர் திருமதி லதாபேபி விரைகிறார்.
விளைவாக16.08.2019 முதல்அந்தப் பள்ளியும் செயல்படத் தொடங்குகிறது.
பள்ளிமூடப்பட்டதும்ஏதோ அந்தக் கிராமமே ஊனப்பட்டுப் போனதாக அந்த மக்கள் துடிக்கிறார்கள். ஒரு வாரகால அவகாசத்திற்குள் ஒரு பள்ளி செயல்படுவதற்கான குறைந்த பட்ச மாணவர்களை கொண்டு வந்திருக்கிறார்கள்.
அந்தப்பள்ளியை கிராமத்தின் ஒரு உறுப்பாக, இதயமாக பாவிக்கும் அந்த மக்கள் தங்களது குழந்தைகளை ஏன் பக்கத்து ஊர் பள்ளிகளுக்கு அனுப்பினார்கள்?
இந்தக்கேள்வியைத்தான்அரசு அலசி ஆய வேண்டும்.
ஏன்என்பதற்கான காரணங்களுள் ஆசிரியரும் வருகிறார் என்பதைத்தான் சின்னப்பட்டமங்கலம் ஆசிரியர் திரு ஞானபாண்டியன் அவர்களது நடவடிக்கை கூறுகிறது.
பள்ளிக்குஒழுங்காக வராமை, மாணவர்கள்மீது அக்கறை கொள்ளாமை என்பதெல்லாம்போக பள்ளியில் இருந்த குழந்தைகளின் பெற்றோரையும் அழைத்து கட்டாயப்படுத்தி மாற்றுச் சான்றிதழ்களை வழங்கி அந்தப் பள்ளியை மூடுவதற்கான ஒரு காரணமாக இருந்திருக்கிறார்
அதுகுறித்துவிசாரித்து, உண்மையெனில் அவர்மீது கடுமையான நடவடிக்கையை எடுக்கவேண்டும். அவர்மீது மட்டுமல்ல அதுபோன்ற ஆசிரியர்கள் அனைவர்மீதும் நடவடிக்கை எடுக்க வேண்டும்.
ஒருபள்ளியில் இருந்து குழந்தைகளை பக்கத்து ஊர் பள்ளிகளுக்கு கொண்டு போகிறார்கள் என்றால் அதற்குரிய காரணங்களைக் கண்டு அவற்றைக் களாஇய வேண்டும்.
1)   கட்டுமானவசதி இல்லாமல் இருக்கலாம்2)   பக்கத்தில்சாராயக்கடை இருப்பதால் பிள்ளைகளுக்கு பாதுகாப்பு இல்லாமல் இருக்கலாம்3)   பள்ளியைச்சுற்றி புதர் மண்டிப்போய் பாம்புகள் உள்ளிட்ட விஷ ஜந்துக்கள் உலவுகிற இடமாக இருக்கலாம்4)   ஆசிரியர்கள்மோசமான செயல்பாடுகளாக இருக்கலாம்
இதுபோன்றகாரணங்களைக் கண்டறிந்து அவற்றை களைந்துவிட்டாலே பள்ளிகளைப் பூட்டவேண்டிய அவசியம் இருக்காது
அதிகமாணவர்கள் படிக்கும் பக்கத்துப் பள்ளி மாணவர்களில் இருந்து மூட இருக்கிற பள்ளிக்கு பிள்ளைகளைக் கொண்டு வருவதன் மூலமும் பள்ளிகள் மூடப்படுவதைத் தவிர்க்கலாம்
2018-2019 ஆண்டிற்கான வரவு செலவு திட்ட்த்தில் கல்விக்கென்று ஒதுக்கப்பட்ட 28,757 கோடியில் 1,627 கோடி ரூபாய் செலவளிக்கப் படவில்லை என்கிறது கணக்குத் தணிக்கை அறிக்கை. இந்தத் தொகையினை இந்தப் பள்ளிகளின் பக்கம் திருப்பியிருந்தாலே மூடவேண்டிய நிலை வந்திருக்காது
மீதமுள்ள44 பள்ளிகளும் குளத்தூர் மற்றும் சின்னப்பட்டமங்கலம் ஆகிய கிராமங்களை முன்னெடுத்து தமது பள்ளிகளை மீட்டெடுக்க வேண்டும்   

     

பக்க எண்களுக்குள் கட்டுப்படாத ”இந்த நூற்றாண்டின் போதிமரம்”

நேற்று (23.08.2019) தோழர் பசு கௌதமன் அவர்களது ரிவோல்ட் அமைப்பும் தஞ்சை அன்னை வேளாங்கண்ணி கலை அறிவியல் கல்லூரியின் காட்சித் தொடர்பியல் துறையும் இணைந்து நடத்திய தந்தை பெரியார் குறித்த கருத்தரங்கில் உரையாற்றிவிட்டு பெரம்பலூர் வருவத மாலை ஐந்தாகிவிட்டது.வரும்போது ஒரு ப்ளக்ஸ் கண்ணில் பட்டதுதோழர் ச.மோகன் அவர்களது ”இந்த நூற்றாண்டின் போதிமரம்” என்ற கவிதை நூலின் வெளியீட்டு விழாதம்பி நாணல் ( Naanarkaadan Sara ) வருவதாகவும் ப்ளக்ஸ் கூறியதுவீடு சென்று திரும்புவதற்குள் நிகழ்ச்சி முடிந்திருந்ததுதம்பி மோகன் நூலைக் கொடுத்தான்எப்படி இருக்கு என்று புரட்டத் தொடங்கினேன்இறுதிப் பக்கத்தில்,“வீணையோ யாழோ
இன்னபிற எதன் நரம்புகளாலும்
மீட்டிட முடியாத
எல்லையற்ற ஏகாந்த இசை”என்று மௌனத்தைக் கொண்டாடுகிறான்அந்தக் கவிதையை இப்படி முடிக்கிறான்,“மௌனத்தின் இசையை
உணாரும் மனதை
அன்பினால் நிறைத்துப் பார்
சொர்க்கமாகும் இந்த பூமி”ஆச்சரியமாய் இருக்கிறது,மௌனமும் அன்பும் சேரும் புள்ளியில் சொர்க்கமாகும் பூமி என்கிற ஞானம் கசிகிற வயசா இவனுக்கு?உற்றுப் பார்க்கிறேன்,அந்தப் பக்கத்தில் பக்க எண் இல்லை. விடுபட்டு போயிருக்கும் என்று எண்ணியவனாய் தேடுகிறேன்,எந்தப் பக்கத்திலும் பக்க எண் இல்லைஎனில், வேண்டும் என்றே விட்டிருக்கிறான்உண்மைதான்பக்க எண்களுக்குள் கட்டுப்படாதவையாகவே அவனது கவிதைகள் இருக்கின்றன”உன்னில் இருந்து உன்னைக் கழட்டி எறி” என்று சொல்வதற்கே ஞானிகளுக்குக் கூட ஐம்பது ஆண்டுகள் ஆகிறதுஇநதச் சின்னப் பிள்ளை எழுதுகிறான்,“என்னை நான்
தூர எறிந்துப் பழகுகிறேன்
எதுவும் நிகழவில்லை”இந்த இடத்தில் இருந்தே நகரமுடியாதவனாய் அதிர்ந்து நிற்கிறேன். அடுத்து அடிக்கிறான்நிகழ்வுகள் என்பதிலும்
எதுவுமில்லைஎப்படி வாய்க்கிறது இந்தப் பிள்ளைக்கு அறுபது வயதின் அனுபவ முதிர்ச்சி என்று அசைபோடக்கூட அனுமதிக்காமல் அடுத்து சாத்துகிறான்“”தொலைவில் நம்மை எறிகிறபோது
அருகே முத்தமிடும் வாழ்க்கைசத்தியமாய் நெஞ்சிலே கை வைத்து கொஞ்சமும் ஆசுவாசப் படுத்த அனுமதிக்காமல்“நீங்கள் நினைக்கும்
முத்த ரகமல்ல
அது ஒரு குழந்தையினுடையது”என்கிறான்.அய்யோ அய்யோ,என் கண்களில் படாமல் எங்கேடா இருந்தாய் இத்தனை நாளாய்?மரணத்தைக் கண்டு அஞ்சுபவர்களைப் பார்த்திருக்கிறேன்மரணத்தை நேசித்தவர்களை நான் அறிவேன்மரணத்தையும் பிறத்தலையும்“உறங்குவதுபோலும் சாக்காடு
உறங்கி விழிப்பது போலும்” என்று ஜனனத்தையும் மரணத்தையும் வாழ்க்கையின் மனித செயல்பாடுகளில் ஒன்றாகவே கண்டிருக்கிறார்கள் நம் கிழவர்கள்“ஒரே ஒரு முறை
செத்துப் பார்
மரண பயம் போய் விடும் “என்கிறான் ஒரு ஜென்காரன்மோகனோ“”பெரு நகரத்தில்
விலாசம்
தொலைந்தவனின்
தேடலைப் போல்தான்
வாழ்க்கையும்
மரணமும்”என்கிறான்.வாழ்க்கையும் மரணமும் ஒன்றுதான் என்று நிலை வருவதற்கு ஒருவன் நிறைய வாழ்ந்திருக்க வேண்டும்.முப்பது வயதிற்குள் ஒரு முன்னூறு ஆண்டுகால வாழ்க்கையை வாழ்ந்து முடித்திருக்கிறான் பிள்ளைஒரு கவிதையின் முடிவில் சொல்கிறான்“”இனி புராணங்களைத்தான்
வாசிக்க வேண்டும்
அவைகளில்தான்
இன்னும் அப்படியே இருக்கின்றன
பொற்றாமரைக் குளங்கள்”இன்னொரு கவிதை“மரங்களை நான்
கவிதையாக்கி முடிக்கும்வரை
இலையுதிர்காலமே
நீ கொஞ்சம் எட்டி நில்”இவை இரண்டும் எனக்கு கீட்ஸின் “ODE ON A GRECIAN URN" என்ற உலகப் புகழ் பெற்ற கவிதையை நோக்கி த் தள்ளுகின்றனBold Lover, never, never canst thou kiss,
Though winning near the goal – yet, do not grieve;
She cannot fade, though thou hast not thy bliss,
For ever wilt thou love, and she be fair!என்று கீட்ஸ் எழுதுவான்ஒரு இளைஞன் ஒரு யுவதியை முத்தமிடப் போகிறான்அவள் ஓடுகிறாள்ஒரு தேநீர்க் குவளையில் இருக்கும் படம் இதுஇதைப் பார்த்ததும் கீட்ஸ் மேலே சொன்னதை எழுதுகிறான்எப்படி இவனால் இப்படி முடிகிறது?அவனே சொல்கிறான்,“எதிர் வீட்டுக்காரனின்
எப்போதோ
நண்பனாக இருந்தவனின்
மனைவியின்
மகனின்
அவனின் இவனின்
எவனின் வசுவகளையும்
கடந்து போகிறேன்”இந்தக் கடந்துபோகும் ஞானம் எளிதில் வாய்க்காததுஇவனுக்கு வாய்த்திருக்கிறதுவெகுநாட்களுக்கு அப்புறம் ஒரு நூல் முழுக்க கவிதைகளைப் பார்த்த ஆனந்தம்தொடர்புக்குமோகன்
5/352 - செல்லியம்மன் நகர்
கிருஷ்ணாபுரம்
பெரம்பலூர் மாவட்டம்
621116

65/66, காக்கைச் சிறகினிலே ஆகஸ்ட் 2019

”சிவன் பிறந்தது எப்போது?சொல்லமுடியுமா நீங்கள்?
இயேசுபிறந்தது எப்போது?சொல்லமுடியுமா நீங்கள்?
கடவுள்கள்பிறப்பதற்கு முன்பேநாங்கள்இங்கே இருந்தோம்
நாங்கள்பிறந்து ரொம்பகாலத்திற்குப் பிறகுதான்கடவுள்கள்பிறந்தார்கள்
மனிதர்கள்மத்தியிலிருந்துதான்அவர்கள்பிறந்தார்கள்
நாங்கள்கடவுளுக்குமுன் பிறந்தவர்கள்”
தெற்குபீஹாரில் கட்டப்படவிருந்த, தமது வாழ்வைக் காவு கேட்கக்கூடிய அனைக்கட்டிற்கு எதிராக நடந்த கூட்டமொன்றில் ஆதிவாசி ஒருவர் பாடிய பாடல் இது. இதை தான் தொகுத்த ”கடவுளுக்கு முன் பிறந்தவர்கள்” என்ற ஆதிவாசிகளின் கவிதை நூலில் வைத்திருக்கிறார் தோழர் இந்திரன்.
ஆதிவாசி, காடு, கடவுள் என்கிற வரிசைக்கிரமத்தில் நிச்சயமாக கடவுள்தான் இளையவன். ஏனெனில் ஏதோ ஒரு கட்டத்தில் மனிதனால் படைக்கப்பட்டவனே அவன். ஆதிவாசியா காடா? யார் மூப்பு என்பதற்கு என்னிடம் ஆதாரம் இல்லை.
ஆதிவாசியும், காடும் ஒன்றிற்காக மற்றொன்று என்ற வரலாற்றிற்கு சொந்தக்காரர்கள். காடு அழிந்தால் கூடவே ஆதிவாசிகளும் அழிந்துவிடுவார்கள். ஆதிவாசிகள் அழிந்தால் காடு அழிந்துவிடும். இன்னும் கொஞ்சம் சரியாய் சொல்வதெனில் இருவரையும் பிரித்துவிட்டால் இருவரும் அழிந்துபோவார்கள்.
அவர்கள்காடுகளில் சுள்ளி பொறுக்கினார்கள். ஆனால் காடு அழிந்துவிடவில்லை. காரணம் ஒரு டசன் கன்றுகளையேனும் நட்டுவிட்டுதான் ஒரு காய்ந்த மரத்தில் அவர்கள் கை வைப்பார்கள்.
வேட்டையாடுவார்கள்தான். ஆனால்அவர்கள் வேட்டையாடி விலங்குகள் அழிந்ததாய் வரலாறு இல்லை.
அவர்கள்காடுகளின் புதல்வர்கள் அல்ல. அவர்களே காடுகள். காடுகளே அவர்கள்.
காடுகளைஅழித்து பணப்பயிர்களை விளவித்து கொள்ளை அடிப்பதென்றும், கனிமங்களை சூறையாடிக் கொண்டுபோய் தங்களது ஆயிரமாவது சந்ததிவரைக்கும் சொத்து சேர்ப்பதென்றும் கார்ப்பரேட்டுகளுக்கு வெகுகாலமாய் ஆசை.
இதற்குகாட்டை அழிக்க வேண்டும். எப்படி இத சாத்தியப் படுத்துவது?
யாருக்குயார் எஜமானன் என்று அறுதியிட முடியாத கார்ப்பரேட்டுகளும் ஆளும் கனவான்களும் இதற்காக நிரம்பக் கசக்கிக்கொள்ள வேண்டிய அவசியமே இல்லாமல் போனது. இருவருக்கும் அந்த சூட்சுமம் தெரிந்தே இருந்தது.
காடுஅழிய வேண்டும் என்றால் ஆதிவாசிகளை அங்கிருந்து அப்புறப்படுத்த வேண்டும் என்பது புரியாத அளவு மக்குகள் அல்ல அவர்கள்.
இதற்காகஅரசுகள் அவ்வப்போது வனச் சட்டத்தில் திருத்தங்களைக் கொண்டு வருவதை வாடிக்கையாக் கொண்டிருக்கின்றன.
இந்தஅடாவடியை 1970 களின் தொடக்கத்தில் இருந்து அரசுகள் ஆரம்பித்துவிட்டன. ஆதிவாசிகளை காடுகளில் இருந்து வெளியேற்ற என்ன வன்முறைகளை எல்லாம் செய்ய முடியுமோ அத்தனை வேலைகளையும் செய்துகொண்டே இருக்கின்றன.
காடுகளில்இருந்து வெளியேறுவதும் செத்து அழிவதும் ஒன்றுதான் என்பதை உணர்ந்த அந்த வன மக்கள் வலுவாக அதை எதிர்த்துப் போராடிக்கொண்டுதான் இருக்கிறார்கள். இதன் விளைவாக இந்திய வன அமைச்சகம் 18.09.1990 அன்று ஒரு வழிகாடுதலை வெளியிடுகிறது. 25.10.1980 வரை ஆதிமக்கள் அனுபவித்துவரும் நிலங்களை அவர்கள் உரிமை கோருகிற பட்சத்தில் ஒப்படைக்கலாம் என்கிறது அந்த வழிகாட்டுதல் உத்தரவு.
இட்துசாரிகள்பாராளுமன்றத்தில்வலுவாக இருந்த காலத்தில் ஆதிமக்களுக்கான ஒரு ஆதரவுச் சட்டத்தை அவர்கள் கொண்டுவரச் செய்தனர். அதன்படி வனத்தைப் பயன்படுத்தும் உரிமை அவர்களுக்குக் கிடைத்தது.
இதற்கிடையில்அனுபவ உரிமை கோரிய ஆதிமக்களின் பெரும்பான்மை மனுக்கள் நிராகரிக்கப்படுகின்றன. தமிழ்நாடு விவசாயிகள் சங்கத்தின் பொதுச் செயலாளர் தோழர் பி. சண்முகம் அவர்களின் கூற்றுப்படி நாற்பத்தி இரண்டரை லட்சம் கோரிக்கைகளில் பத்தொன்பதே முக்கால் லட்சம் கோரிக்கைகள் மட்டுமே ஏற்கப்பட்டுள்ளன.
இந்தநிலையில் தங்களது கோரிக்கை நிராகரிக்கப்பட்டவர்களை ஆக்கிரமிப்பாளர்கள் என்றும் அவர்களை உடனடியாக அப்புறப்படுத்த வேண்டும் என்றும் உச்சநீதிமன்றம் உத்திரவிட்டுள்ளது. பிரச்சினைகள் வலுவடையவே இதை தற்காலிகமாக நிறுத்தி வைத்துள்ளது.
இதன்தீர்ப்பு 24.07.2019 அன்று வரும் என்று தெரிகிறது.
வனம்தவிர ஏதும் அறியாத ஆதிமக்களுக்கே வனம் சொந்தம்.
ஆதிவாசிகளைவனத்தில் இருந்து அப்புறப் படுத்தினால் வனம் அழியும். வனம் அழிந்தால் வன உயிர்கள் அழியும். இது இயற்கை சமநிலையை மிகப் பெரிய அளவில் பாதிக்கும்.
ஒன்றைச்சொல்லி முடிக்கிறேன்,
இதுகுளிர்சாதன அறைகளில் வாழும் நம்மையும் பாதிக்கும்.****************************************************   
அரசுப்பள்ளிஆசிரியர்களும்அரசு உதவிபெறும் பள்ளிகளில் வேலை பார்க்கும் ஆசிரியர்களும் சரியான நேரத்தில் பள்ளிக்கு வருவதில்லை, அப்படியே வந்தாலும் பள்ளி  வேலைநேரம் முடியும் வரைக்கும் பள்ளியில் இருப்பதில்லை என்று தமிழக அரசின் அமைச்சர்கள் மிக நீண்டகாலமாகவே புகார் சொல்லிக் கொண்டே இருக்கிறார்கள். இதைக் கல்வித்துறை அதிகாரிகளும் வழிமொழிந்துகொண்டே இருக்கிறார்கள்.
இதைநெறிப்படுத்த வேண்டும் என்று முடிவெடுத்தார்கள். அதன் விளைவாக அனைத்து அரசு மற்றும் அரசு உதவிபெறும் பள்ளிகளிலும் “BIO METRIC ATTENDENCE SYSTEM” கொண்டு வரப்பட்டது.
ஆசிரியர்களின் வருகையைநெறிப்படுத்தவேஇந்த நடைமுறை என்று சொல்லப்பட்டாலும் ஆசிரியர்களை அச்சுறுத்தவே என்பது எல்லோருக்கும் புரிந்தே இருந்தது.
ஆனாலும்இந்த நடைமுறைக்குப் பின்னால் நல்ல பலன் இருந்ததை கண்கூடாகப் பார்க்க முடிந்தது. அந்த வகையில் பையோ மெட்ரிக் சிஸ்டத்தை வரவேற்கவே செய்கிறோம். நாம் இப்போது எழுத வந்தது  அதுகுறித்தெல்லாம்இல்லை.
அந்தAPP ஐ திறந்ததும் அங்கு அனைத்தும் தமிழிலும் ஆங்கிலத்திலும் இருந்தன.
“EDIT LANGUAGE” என்றொருபகுதியும் இருந்தது. அதைத் திறந்து உள்ளே சென்றால் வேறு சில மொழிகளையும் அந்த நடைமுறைக்குள் கொண்டு வருகிற வசதி இருந்தது.
கேரளாவைஒட்டியுள்ள பகுதிகளில் மலையாளம் பேசுகிற மக்கள் அதிகம் இருப்பார்கள். அந்தப் பகுதியில் உள்ள பள்ளிகளில் இந்த எடிட் ஆப்ஷனைப் பயன்படுத்தி மலையாளத்தை சேர்த்துக் கொள்ள முடியும்.
அதேபோல்தான்ஆந்திராவிற்குஅருகில் உள்ள பள்ளிகளில் தெலுங்கையும், கர்நாடகாவிற்கு அருகில் உள்ள பகுதிகளில் கன்னடத்தையும் இணைத்து பயன்படுத்திக் கொள்ள ஏதுவாக இருந்தது.
திடீரென்றுபோன வாரத்தில் ஒருநாள் தமிழ் மற்றும் ஆங்கிலத்தில் இருந்த பையோ மெட்ரிக் இந்தி மற்றும் ஆங்கிலத்திற்கு மாறிப் போயிருந்தது. அனைவருக்கும் அதிர்ச்சி. சரி, மொழியை திருத்துகிற “EDIT LANGUAGE”குள் நுழைந்து தமிழை சேர்க்கலாம் என்று பார்த்தவர்கள் கொதிநிலையின் உச்சத்திற்கே செல்லவேண்டிய நிலை. காரணம் “EDIT LANGUAGE” என்பதே எடுக்கப் பட்டிருந்தது.
தமிழ்மண்ணில் தேவை இல்லாமல் இந்தியை சேர்த்திருந்தாலே கொந்தளிப்பு ஏற்படும்.
இங்கோதமிழை எடுத்துவிட்டு அந்த இட்த்தில் இந்தி கொண்டுவரப்பட்டிருக்கிறது.
இத்தையநிலையை எப்பாடு பட்டேனும் இந்தியைத் திணிப்பது என்ற முடிவோடு இருக்கும் மத்திய பாரதிய ஜனதா அரசு செய்திருந்தால்கூட அதை நம்மால் புரிந்துகொள்ள முடியும்.
மூன்றாவதுமொழியாக இந்தியை ஒருபோதும் ஏற்க மாட்டோம் என்று உணர்ச்சி பொங்க முழங்கும் அதிமுக அரசு இதை செய்திருப்பதைத்தான் நம்மால் புரிந்துகொள்ள முடியவில்லை.
பொறுக்கமுடியாமல் காக்கை ஆசிரியர் தோழர் முத்தையாவை அழைத்து இதுகுறித்து உரையாடினேன்.
பொறுமையாகஅனைத்தையும் கேட்டவர் மார்க்சிஸ்ட் கட்சியின் மாநிலப் பொதுச் செயலாளர் தோழர் பாலகிருஷ்ணன், இந்தியக் கம்யூனிஸ்ட் கட்சியின் செயலாளர் தோழர் முத்தரசன்,  தோழர் திருமாவளவன் ஆகியோரைத் தொடர்புகொண்டு இதைக் கடத்தச் சொன்னார்.
தோழர்கள்முத்தரசனும் திருமாவும் அலைபேசியை எடுக்காத இயலாத நிலையில் தோழர் கே.பி அனைத்தையும் பொறுமையாக காதுகொடுத்து கேட்டார்.  
அவர்உரையாடலை முடித்தவிதம் நிச்சயமாக ஒரு கண்டன அறிக்கையேனும் அவரிடம் இருந்து வரும் என்ற நம்பிக்கையைத் தந்தது.
மாநிலசெயற்குழுவே கண்டனத் தீர்மனத்தைக் கொண்டு வந்திருந்த்து மகிழ்ச்சியாய் இருந்தது.
அடுத்தநாள்சட்ட சபையில் திமுக உறுப்பினர்கள் கொந்தளித்திருக்கிறார்கள்.
மகிழ்ச்சியாய் இருந்தது
 அமைச்சர்மாண்புமிகு பாண்டியராஜன் இது அதிகாரிகள் மட்டத்தில் நடந்த தவறு என்றும். திருத்திக் கொள்ளப்படும் என்றும் கூரியிருக்கிறார்.
பெருமகிழ்ச்சியாய்இருந்தது
ஆனால்இன்று மாலை ஆறுமணிக்கு நான் ரேகை வைக்கிறவரை இது மாறவில்லை.************************************************ 
                  

ஜனங்களோடு ஒன்றித்தால் தவிர...

திருவாளர்கள் டி.ஆர்.பாலு, வைகோ போன்றோரின் காஷ்மீர் மசோதாவிற்கெதிரான அவைக் களமாடலை பார்க்க வாய்த்ததுஇன்னும் யார்யார் பங்குபெற்றார்கள் என்ற விவரம் தெரியவில்லைதோழர் வை.கோ வின் உரை சிலிர்க்க வைத்ததுஅவர்களுக்கென் வணக்கமும் நன்றியும்இத்தகைய எதிர்வினை அவைப்பதிவுகள் அவசியம்அவர்களதை இன்னும் வீரியத்தோடு செய்ய வேண்டும்ஆனால் அவர்களது அவைக்குள்ளான எதிர்வினைகள் பாஜகவின் முரட்டு அட்டூழியங்களை ஒருபோதும் தடுத்து நிறுத்த முடியாதுகாரணம் உறுப்பினர்களின் எண்ணிக்கை விளையாட்டு முழுக்க முழுக்க அவர்களது கட்டுப்பாட்டிற்குள் வந்துவிட்டதுஇனி அவையை மட்டும் நம்ப இயலாதுஆதரவு இயக்கங்கள் தங்களது ஊழியர்களையும் பொதுமக்களையும் தெருவிற்கு கொண்டு வரவேண்டும்ஜனங்களோடு கலந்து கரைந்து அவர்களோடு ஒன்றித்தால் தவிரஅழிந்து போவோம்