Goodreads helps you follow your favorite authors. Be the first to learn about new releases!
Start by following فؤاد حداد.

فؤاد حداد فؤاد حداد > Quotes


فؤاد حداد quotes Showing 1-30 of 39

“النهارده كنت كويس قدام الناس .. بس ما كنتش أنا، ومش عارف إمتى هاكون كويس وأنا!”
فؤاد حداد
“و أنا فى الحقيقة ماليش فى الوصف كتير..أنا باحب و باكره”
فؤاد حداد, الأعمال الكاملة ( على الطريق الرمضانى ) - الجزء الثاني
“كلمة أنا ما تحلاش إلا بدفا الجماعة. زى لمّا تخبط على باب الحبايب ويسألوا "مين؟" تقول "أنا" ويعرفوك من حسك”
فؤاد حداد, الأعمال الكاملة ( على الطريق الرمضانى ) - الجزء الثاني
“أنا عندي سؤال سفيه
حبيني وفلسفيه
لو إن الدنيا فيها
شيء غير اللي إحنا فيه”
فؤاد حداد
“بكيت .. مسحت دموعى ... بامسح دموعى ... بكيت”
فؤاد حداد
“لما تقول ابنى اتولد لاجئ يعرفوك عربى .. لما تقول يا رب يعرفوك عربى .. لما تباشر جهادك، ترمى أوتادك فى قلب دابح ولادك يعرفوك عربى”
فؤاد حداد
“لم ازل منصور .... ولم اهزم”
فؤاد حداد
“العدالة والشرف والصدق كلام له معنى وله مضمون وجميل وممكن وحقيقى، بدليل إن الإنسان إللى مايقدرش عليه بيدعيه ويمثله، ودليل إنه بيكلف بعض الناس حياتهم”
فؤاد حداد, الأعمال الكاملة ( على الطريق الرمضانى ) - الجزء الثاني
“أنا مش حانكش القشرة علشان الجرح مايخلنيش أصوت، لكن حاكحت البوية علشان أشوف إللى تحتها”
فؤاد حداد, الأعمال الكاملة ( على الطريق الرمضانى ) - الجزء الثاني
“أقولك الحق واضرب لك مثل ساير
وان كنت ماعرفشي لا اخبي ولا اساير
من صغر سني وأنا صاحب مزاج ثاير
واكمني ثاير لا يمكن يا ألف بائي
تلاقي زيي على عهدك أليف باقي
واكمني ثاير بقول من فات قديمه تاه
لابد للحي يترحم على موتاه
واللي أتى بالجديد لولا القديم ما أتاه
يا أمتاه أنا ابنك عالأثر ساير”
فؤاد حداد, المسحراتي
“أنا طول حياتي ضنا يا طول حياتك أم،
يا مصر يا معلماني الصبر والخضره،
أنا الفقير الضعيف آمنت بالقدره،
يا شبر ايدك في قلب الليل هلال رجبي،
نزل عليّ وقال لي يا ضنا اكتب ،
ولا أحد أغنى من المالك لسان عربي،
ولا أحد أقوى من اللي عمره ما بيكدب،
يا شبر ايدك في قلب الليل هلال رمضان،
نزل عليّ وقال لي اسهر على الأوطان،
وأنا طول حياتي ضنا يا طول حياتك أم.”
فؤاد حداد, المسحراتي
“ياريتني أعمى أشربك باللمس”
فؤاد حداد
“الحمد لله رزقني الفجر بالمواعيد
وبدع في قلبي وخيالي ألف وقفة عيد
وشمس تملى الليالي ولو مكانها بعيد
معرفش إيه اللي كان على خدي بيندي
مشيت أنا خطوه والتانية لقيتني سعيد”
فؤاد حداد, المسحراتي
“تعرف الإنسان ... من الطله
حط قلبى شهود ... على الطبله
تعرف الإنسان ... من الشوفه
لا ترى مهواه ... و لا خوفه
لا ترى أدناه ... بيدلى
لا ترى أعلاه ... و لا بيشهق
فى شحوب النار ... و فى الأزرق
و القمر مسروق ... و ما جانا”
فؤاد حداد
“الأوله و الأصل و المبدأ
أنا كنت صادق و الشهيد أصدق
لولا الكرامة كان لسانى انعقد
و لا قريت فى الرمل و الميه
و لا جبين النجم لما سجد
أنا عشت ليلة قدر
و أنا قمت أوفى الندر
والفجر سمعنى الضحى و البلد
وقلبى نمابيعصاش على عينيه
كل ابن آدم كريم
على ضى صوت الشيخ محمد رفعت
بيقرا فى الذكر الحكيم”
فؤاد حداد, مصر المصرية بتغنى
“الكتمه ولت
والنور حَضَنِّى
كان حق واجب
من غير تجنّى
كل الكواكب
تشهد لفنّى
يا اهل السنيّه
والأستفندى
الفن صادق
والأصل أصدق
والإنسانيه
والحب مبدأ”
فؤاد حداد, المسحراتي
“بكيت مسحت دموعي
بامسح دموعي بكيت
املوا علينا البيت
املوا علينا الطريق
. . . . . . . . .
غنيت لقطر الندى
من كتر ما غنيت”
فؤاد حداد, أيام العجب والموت
“قال و القاتل دايما ناكر ... و السارق تلاقيه مش فاكر
كله ورق و فلوس و تذاكر
بيفهمنى العالم غول ... و انا ساكت.. و الدنيا شيطان”
فؤاد حداد
“رمضان يا شهر الصيام شهر الكرم دايماً
من قبل ما أطالعك كان طالعك أيمن
أنا الذي هام في حب الذي هيمن
سجدت لله ولفيت البلد ودعيت
لا أوحش الله منك المسلمين أبداً”
فؤاد حداد, المسحراتي
“تاريخ جديد
اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم



مسحراتي

منقراتي

وأنا قلبي راضي

أنا قلبي رايق

أنا قلبي طايق

سبع طرايق

علي الوريد

الأوله دي

عيون ولادي

صبح ميلادي

بتاريخ جديد

والتانيه ساير

تحت المناير

رمضان يناير

طالع سعيد

والتالته عيني

علي البريد

بينك وبيني

سكه حديد

والرابعه داخ اللي

قلبه داخل لي

يبقي داخلي

بالأكيد

والخامسة أمسى

فارش في شمسى

أنا اللى همسى

صبح نشيد

والساتته يومي

جميل فى قومى

أنا اللى صومي

وصلاتى عيد

والسابعه بشرى

من قبل بكره

علي كل أكره

يبقى لي إيد

عصر العجايب

جايب ماجايب

جايب ما جاب لى



المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال



يا ليلى يا عين أنا حالف ما اغمض عين

دا أنا إن شقيت قلت آه ريحت قلت آهين

صبح الشقارين

لعيون تزامل قمر كامل يؤانسها

وعيون كما العيله دايره بفوانيسها

وعيون تقول أنا حاهدي الفجر موالى

ولا حد يسهر ليالي وفي الأوان يسهى



اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق”
فؤاد حداد, المسحراتي
“الإنسـانيه كرامـه..
والطيبـه والأخـلاق..
مايقبلوش الملامـه..
مجـروح كـأن السلامــه..
إهانـه للشـهداء”
فؤاد حداد, استشهاد جمال عبد الناصر
“دي هي كلمة لشعبي ولقمة لولادي
ماطلبش غيرها وغير الحق في جهادي
يارب يا هادي
بحق الليلة دي أسألك يارب
كرامة المؤمنين والنصر لبلادي”
فؤاد حداد, المسحراتي
“لا للقِط ولا للفارْ
الإثنانِ طويلا الذيلِ
من أمكرِ أبناء الليلِ
الأول يدعو بالويل
والثاني وغد فرّار
لا للقِط ولا للفار 
الاولُ فيه ما فيه
من غدرِ اسوَدَ يخفيه
والثاني تبرزُ من فيهِ
أسنانٌ مثل المنشار
لا للقِط ولا للفار 
لا يجدي الفكر الإنساني
أن يعلمَ أيهما الجاني
في رأي الأول والثاني
أن الحق مع الأظفار
لا للقط ولا للفار 
في رأي الثاني والأول
أن الدنيا لا تتبدل
إما أن تأكلَ أو تؤكل
هل للعاقلِ أن يختار؟
لا للقِط ولا للفار”
فؤاد حداد
“يا دمعة العين ما تخافيش تجرى
لابد منك فى الحماس الحق”
فؤاد حداد
“خلي صوتنا بعد موتنا مليح
مش عمل باطل وقبض الريح
مش كلامنا اللي هيبقى تراب”
فؤاد حداد, أيام العجب والموت
“مسحراتي ومعدي
منقراتي ومين قدي
الطبلة عاليه في احضاني
زي البيان زي النشره
في ستة اكتوبر عشره
من الهلال الرمضاني
كان قلبي صخر الحنيه
في المعركه للحريه
وللسلام اللي هداني
والنسمة هلت بحريه
يا مصر يا شهد الشهدا
الجنة شمسك وترابك
اصوم واصلى في محرابك
واسمع الشط الثاني
الله اكبر وأداني
اه من هواي في اوطاني
اه من شقاي ومن طربني
الارض تتكلم عربي
والدنيا تسمع بوداني
نور الوجود من وجداني
زقاقي يفتح لي ميداني
حبيبي خدني وعداني”
فؤاد حداد
“يا سامعين أبناء بلد واحده
تحت السما الواحده
خشوا الجنينه واقطفوا الورده”
فؤاد حداد, من نور الخيال وصنع الأجيال في تاريخ القاهرة
“كل شئ راجع ومش راجع
بنت بنتى يعلّموها المشي
قلبي بيحاول فى وادي الجوف
ارتخى وزال الوتر والخوف
يفتكر أيامنا ويهدى”
فؤاد حداد, أيام العجب والموت
“كنت دايخ
وللا خايف أقع
وللا بسأل نفسي لجل المُر
اللي يتلقاني بين الرياح
إمتى كان ممكن يضيق البراح
قالوا هات شَقفة مراية وضيق
جبتها من الشارع النوّاح
جبتها من الشارع التايه
اللي بيدور عليه الهوا
لما تجري دموعي زي الريق
المراية في إيدي زي الدوا
المراية في إيدي زي السلاح”
فؤاد حداد, أيام العجب والموت
“البـراح مجروح بشقفة قزاز
لو تشوفها الشمس تتزلزل
انتباه ان كنت بتمثل
انتباه ان كنت بتغني
انتباه ان كنت شاعر عويل
الفرح والكدب حبله قصير
والعذاب والصدق حبله طويل
نمرة الدبابة راح تتغير
الحجر مش راضي بالتدويل”
فؤاد حداد, أيام العجب والموت
tags: عرب

« previous 1

All Quotes | Add A Quote


المسحراتي المسحراتي
314 ratings