ويسترن يونيون فرع الهرم Quotes

Rate this book
Clear rating
ويسترن يونيون فرع الهرم: ديوان بالعامية المصرية ويسترن يونيون فرع الهرم: ديوان بالعامية المصرية by مصطفى إبراهيم
5,084 ratings, 4.22 average rating, 699 reviews
ويسترن يونيون فرع الهرم Quotes (showing 1-30 of 33)
“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
مصطفى إبراهيم, ويسترن يونيون فرع الهرم: ديوان بالعامية المصرية
“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
مصطفى إبراهيم, ويسترن يونيون فرع الهرم: ديوان بالعامية المصرية
“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
مصطفى إبراهيم, ويسترن يونيون فرع الهرم: ديوان بالعامية المصرية
“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
مصطفى إبراهيم, ويسترن يونيون فرع الهرم: ديوان بالعامية المصرية
“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
مصطفى إبراهيم, ويسترن يونيون فرع الهرم: ديوان بالعامية المصرية
“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
مصطفى إبراهيم, ويسترن يونيون فرع الهرم: ديوان بالعامية المصرية
“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
مصطفى إبراهيم, ويسترن يونيون فرع الهرم: ديوان بالعامية المصرية
“عيشوا المشاهد
كل مشهد
زى ما يكون الاخير
واشبعوا ساعه الوداع
وأحضنوا الحاجه بضمير
دا اللى فاضل مش كتير
اللى فاضل مش كتير”
مصطفى إبراهيم, ويسترن يونيون فرع الهرم: ديوان بالعامية المصرية
“و العمر دايرة..
مقفولة صح ..
اولها..
نلقاه ف الختام”
مصطفى إبراهيم, ويسترن يونيون فرع الهرم: ديوان بالعامية المصرية
“بلالين عايشين نِفسها
تلقى حد يصدَّق و يقدرها
مُتأكِده مِن إنه عاوِزها
مِن غير ما يجرَب يخسرها”
مصطفى إبراهيم, ويسترن يونيون فرع الهرم: ديوان بالعامية المصرية
“لوح البنور الصافي
الرايق زي الميه
كان اجمل جايز لاكن
الأجمل دايما هش
علشان كدا لما اتجرح
كان عارف ان الدنيا
بتبدل نعمة بتانية
و خلته ميخافش الخدش”
مصطفى إبراهيم, ويسترن يونيون فرع الهرم: ديوان بالعامية المصرية
“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
مصطفى إبراهيم, ويسترن يونيون فرع الهرم: ديوان بالعامية المصرية
“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار...

ونا قلبي لف و دار.....

ميت ألف ليل ونهار....

نفسه ف فرحه كادوه.....

وحلاوه من غير نار....

ومّا الزمن تعبه...

قصقص شريط الفيلم....

وخَد كادر كان عاجبه....

وقرر يعيش ف الحلم.....”
مصطفى إبراهيم, ويسترن يونيون فرع الهرم: ديوان بالعامية المصرية
“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
مصطفى إبراهيم, ويسترن يونيون فرع الهرم: ديوان بالعامية المصرية
“ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد”
مصطفى إبراهيم, ويسترن يونيون فرع الهرم: ديوان بالعامية المصرية
“أصل الحياه للعلم….
مفهاش حاجات ببلاش….
وعشان ماتصبح فيلم…..
وأصلا عشان تتعاش….
كادر الحياه المشحون…
فرح والم وشجون….
لازم يكون …بيلف….
لازم يكون…. بيدور….
يتقل عليك ويخف….
ويعشّمك بالنور….
ف نهاية المشوار…..
ونا قلبي لف و دار…..
ميت ألف ليل ونهار….
نفسه ف فرحه كادوه…..
وحلاوه من غير نار….”
مصطفى إبراهيم, ويسترن يونيون فرع الهرم: ديوان بالعامية المصرية
“يا أيُها العَبد الملول
ربَك طِلع مش زيِنا
و طِلع بيرضى مِننا
حتَّى بأنصاف الحِلول”
مصطفى إبراهيم, ويسترن يونيون فرع الهرم: ديوان بالعامية المصرية
“للأسف من صغر سني
علتي .. بزهق قوام
ابتدى و أسخن لكنى
بعد فترة أبرد و أنام
كله في الأول بميل له
و كله في الأخر بمله
حتى لو كان شئ فاضله
خطوة واحدة ع الختام”
مصطفى إبراهيم, ويسترن يونيون فرع الهرم: ديوان بالعامية المصرية
“بدون سبب واضح

بدون م أعرف سبب واضح
عشان أزعل
أنا زعلان
و فجأة بدون سبب برضه
يفرحنى
بكون فرحان
لا منى عرفت أعمل إيه
عشان مزعلش من تانى
و لا منى
عرفت إزاى
أدوق الفرحة بالمجان”
مصطفى إبراهيم, ويسترن يونيون فرع الهرم: ديوان بالعامية المصرية
“الكوتشى اللى باش ..
م اللف فى شوارعك ..
يحرم عليه ..
يبوس أرض غيرك ..
و القلب القماش ..
المكوى بعمايلك ..
لساه معبق ..
بريحة عبيرك ..
و الواد اللى عاش ..
طول عمره يحايلك ..
و نفسه إسمه ..
ييجى فى رسايلك ..
و تبعتيله تطمنيه ..
إن انتى عارفة ..
إن أنتى ليه ..
و إن أنتى قايمة و نايمة بيه ..
وقت الشتا يتدفى بيكى ..
ووقت الخطر تتحامى فيه ..
وساعة أما بيقسى عليكى ..
وساعة أما بتدعى عليه ..
محدش فيكوا بيهداله بال ..
وأول ما تصفى تفكى الريال ..
و تروحى تجيبيله كوتشى بدال ..
الكوتشى اللى باش ..”
مصطفى إبراهيم, ويسترن يونيون فرع الهرم: ديوان بالعامية المصرية
“في حاجات لازم... علشان نعرف....درجة قوتها...بنكسرها

وحاجات ف ادينا... عشان نعرف.... اننا عايزينها ....بنخسرها

كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
مصطفى إبراهيم, ويسترن يونيون فرع الهرم: ديوان بالعامية المصرية
“صاحب المكان..ينده عليا و يقوللى ها..نفسك ف ايه؟ اسكت واتهته و اقول رضاك يقول تعبت ولا ايه؟ اقوله خدنى افضل معاك..”
مصطفى إبراهيم, ويسترن يونيون فرع الهرم: ديوان بالعامية المصرية
“لما قلتوا الدنيا فانية و قلت ايوة
فزتوا انى امنت بيكو
و فاتكوا انى بعد فترة
هبقى زاهد
حتى فيكو”
مصطفى إبراهيم, ويسترن يونيون فرع الهرم: ديوان بالعامية المصرية
“كل أما بفتح صفحة
ف الدنيا بلقاها
بتتقلب مني
من قبل ما أقراها”
مصطفى إبراهيم, ويسترن يونيون فرع الهرم: ديوان بالعامية المصرية
“الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.”
مصطفى إبراهيم, ويسترن يونيون فرع الهرم: ديوان بالعامية المصرية
“الأوّله… أرزاق ...
والتانيه…. أسماء...
والتالته…. بشتاق....
الأوّله… أرزاق مفيش حيلة ولا سكّة....
والتانيه…. أسماء عيال بتحب ع الدكّة....
والتالته… بشتاق لطعم الفرح والضحكة.....
الأوّله… أرزاق مفيش حيلة ولا سكّة غير المكتوب....
والتانيه…. أسماء عيال بتحب ع الدكّة و راسمة قلوب....
والتالته… بشتاق لطعم الفرح والضحكة يا شيخ أيوب ....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة…
والتانيه…. أسماء عيال بتحب ع الدكّة و راسمة قلوب لكل الخلق إلا انت....
والتالته… بشتاق لطعم الفرح والضحكة يا شيخ أيوب أنا ملّيت ..حدوق امتي ؟....
الأوّله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....
متزعلشي…..
والتانيه…. أسماء عيال بتحب ع الدكّة و راسمة قلوب لكل الخلق إلا انت ملكش حبيب ...
متزعلشي….
والتالته… بشتاق لطعم الفرح والضحكة يا شيخ أيوب أنا ملّيت..حدوق امتي ؟ ف قاللي قريب ....
متزعلشي…..”
مصطفى إبراهيم, ويسترن يونيون فرع الهرم: ديوان بالعامية المصرية
“أصل اللي زيي حيعيش لماذا ؟
لو عاش لوحده
العمر كله ؟؟”
مصطفى إبراهيم, ويسترن يونيون فرع الهرم: ديوان بالعامية المصرية
“ساب الجاكت في الفاترينة..
بعد ما قاس..
ساب الجزمة في الكرتونة..
بعد ما داس
حطّ التلج وبلّع بُق وساب الكاس..
ساب حكاياته للي حاكيها..
وقضّى حياته م اللي ماليها..
ساب الدنيا بكل ما فيها..
بعد ما جرّب كل الناس..”
مصطفى إبراهيم, ويسترن يونيون فرع الهرم: ديوان بالعامية المصرية
“الدنيا أساسا م الأول
شيء يشبه سلك السماعة
يتلعبك منك في ثواني
وعشان يرجع مفرود تاني
لازم تتعذب وتعاني
وتفكه في أكتر من ساعة”
مصطفى إبراهيم, ويسترن يونيون فرع الهرم: ديوان بالعامية المصرية
“مين فينا عارفك يا رب...
و مين فينا لأ...
مين اللى فينا لو قال بحبك... قالها بحق
واحد بدقن...
بيقول حلال و يقول حرام...
وللا فواعلى أرزقى شادد الحزام...
وللا خمورجى استسمحك قبل أما نام...
وللا عيل لسه معرفش الكلام...
وللا حاطلع انا اللى عارفك...
انا اللى تايه ف الزحام...”
مصطفى إبراهيم, ويسترن يونيون فرع الهرم: ديوان بالعامية المصرية

« previous 1

All Quotes
Quotes By مصطفى إبراهيم
Play The 'Guess That Quote' Game