محال محال discussion


760 views
نادى خيبه امل قراء محال

Comments (showing 1-50 of 98) (98 new)    post a comment »

Hazem El-Essawy عشان هى فعلا مخيبة للأمال من اول الضجة اللى اتعملت عليها قبل ما تنزل لحد الكلام اللى على ظهر الغلاف اللى أول ما تبدأ تقرأ تكتشف إن ليس له أساس
دة غير الملل الملل فى كل حاجة والسرد المطول المبالغ فيه اللى ملهوش أى لزمة
واللغة المتكلفة فى البداية اللى بتتحول تبقى ركيكة بعد كدة
لدرجة إن فيه تعبيرات متخيلتش إنى ممكن ألاقيها فى رواية ليوسف زيدان
والاستسهال إنه جاب قصة جاهزة اصلا ومعملش فيها حاجة غير إنه طولها ومطها عشان تبقى مملة وسخيفة
وكمان حتى الآن معرفتش إيه الهدف أو الرسالة اللى عايز يوصلها


Moustafa انا ايضا عجبني الجزء الاول في الرواية ,, خاصة مع طريقة يوسف زيدان في الوصف و السرد..

لكن الجزء الاخير ( بداية من سفره للامارات ..حتي اخر الرواية ) كان مختصر بطريقة شديدة و الاحداث متلاحقة بلا روابط مما افقد الرواية الكثير من روعتها

أكثر ما عجبنني :
النفس كالطفل ان تهمله شب على حب الرضاع ****و ان تفطمه ينفطم


Ehab Shaaban أنا عجبتني الرواية
- أنا ماتضررتش من أى تمهيدات لنزول الرواية لأني ماتبعتش أى تنويهات عنها وماكنتش مستنيها
- أول حاجة عجبتني في الرواية إنها كانت بعيدة كل البُعد عن المجال اللي كان بيكتب فيه يوسف زيدان قبل كده ( زي عزازيل ، والنبطي ، واللاهوت العربي )
- وبرغم إن موضوع الرواية مباشر ومعروف ( إلا اني شايف إن يوسف زيدان رصد تأثير المرحلة مباشرة على بطل الرواية )
- حبيت جداً وصفه لجو النيل في أسوان والسودان .. وبعد كده لهفة البطل على محبوبته (نورا) وسعية وراها ، ووصفة لجو إسكندرية في ذاك الوقت والمرجعية التاريخية لمناطق بعينها وأصول مسمياتها
- حبيت جداً الكتابة عن الجزء المنسي من أسيا برغم إن المكان دا لازم يتكتب عنه أكتر من كده (باكستان،أفغانستان،سمرقند) وكنت قريت رواية قمر على سمرقند لمحمد المنسي قنديل في نفس المنطقة وشايف إن يوسق زيدان صور المنطقة بشكل معقول بجوها وطباع ناسها
- وأول فكرة في الكتاب معقولة جداً ولازم الناس تاخد بالها منها (الدنيا غير مأمونة المآل كلما أعطت الإنسان أملاً إنتقصت منه واقعاً) ودا إللى حصل في الرواية كل ما يبقى فيه بصيص أمل ينقذ بطل الرواية يطمر هذا الأمل بوعكة أشد سواداً
- أنا مابستناش حاجة لكاتب أنا بشوف الكاتب كتب إيه وإذا كانت كتابته متسقة مع إهتمامتي على أقل تقدير أو جذب إهتمامي بالكلام ولا لأ فقد نجحت الرواية في الوصول إلي .
- وأخيراً اسف إني طولت أو خيبت أمل خائبي الأمل في الرواية بإعجابي بيها


Ehab Shaaban والله يافندم بالنسبة لرأيي في النهاية : انا شايف إنها ممكن تكون أقل ما في الرواية حبكة لإنها مقتضبة ولأني مافهمتش هيا بتشير لإيه بالظبط بس أنا اعتبرت ومش عارف دا صحيح ولا لأ إن النهاية بتقول إن البطل كان كثر وضوحاً وصراحة مما إعتبرته سلطات التحقيق أشد خطراً عليها وأن بطل الرواية لديه جرأة تفوق ما شاهده في أيام المعتقل

وبالنسبة لجملة إبن النفيس فهي جملة جيدة على إستقلال ولكنها تنبئ برواية غير الرواية ورأيت انها لا ترتبط بالرواية من أي ناحية - وأنا معك إنها لا تضيف أو تفسر في الرواية أي شئ


message 5: by LonelyRose (new)

LonelyRose نادي خيبة الأمل.. حلوه دي :D

سؤال للي عنده الروايه ورقي: هو الورق شكله إيه؟؟

انا عارفه إنه سؤال غريب, بس اللي عندي خفيف و لونه غامق و الكتاب طلع ناقص كام صفحه كمان :S :S
غريب على دار الشروق؟؟
معقوله تكون مقلده؟؟


2reer LonelyRose wrote: "نادي خيبة الأمل.. حلوه دي :D

سؤال للي عنده الروايه ورقي: هو الورق شكله إيه؟؟

انا عارفه إنه سؤال غريب, بس اللي عندي خفيف و لونه غامق و الكتاب طلع ناقص كام صفحه كمان :S :S
غريب على دار الشروق؟؟
معق..."
فعلا طباعة الكتاب سيئة جدا الورق سىء جدا زى سلاح التلميذ والورق زيالدة ونقص فى الطول والعرض وحاجة سيئة جدا


message 7: by LonelyRose (new)

LonelyRose hmmmm :S :S


message 8: by Eman (new) - added it

Eman Nasr انا كده احبطت...انا لسه جايباها من المعرض ولسه مافتحتهاش :(((


إسراء مقيدم للناس اللى عجبها الجزء الاول؟ايه اللى عجبكوا فى الفيلم العربى دة؟
وللى عجبهم الجزء التانى بالمثل عجبهم ايه فى الفيلم الهندى؟


إسراء مقيدم بالنسبالى الجزء التانى رغم جو الافلام الهندى اللى فيه ارحم من ابتذال الجزء الاول

نورا؛امولة العسولة؛مرات الاب الشريرة؛الليبى الغنى...

حسيت انى وقعت فى فيلم ليلى بنت الفقراء!


message 11: by Amir (new) - rated it 5 stars

Amir Mostafa أكسر إحباطكم , أرى الروايه جميله إجمالاً , بدايه رقيقه وحالمه (زي الأفلام العربي) , ثم تطورات مبرره للشخصيات , (مش هندي) , ونهايه واقعيه وإن كانت كئيبه ولكن تحمل الأمل بعد 7 سنوات


message 12: by Ahmed (new) - added it

Ahmed انا شايف الرواية كويسة ب يوسف زيدان خرج من عباءة الروايات اللى فيها احداث تاريخة بس الرواية فى المجمل كويسة


Sherif Khaled مشكلة الرواية الوحيدة افتكر فى الاخراج, اعتقد ان الرواية اتعملت فى وقت قصير وبسرعة لكن اصل الرواية جميل , والجزء الخاص بالمعلومات العامة كان ممل ,افتكر انوا كان سرد لتجربة شخصية للكاتب نفسوا, ودة مجرد استنتاج شخصى


Mohamed Ahmed wrote: "انا شايف الرواية كويسة ب يوسف زيدان خرج من عباءة الروايات اللى فيها احداث تاريخة بس الرواية فى المجمل كويسة"

لا اتمنى له ان يخرج من عباءة الرواية التاريخية فهو مبدع فيها و لو ركز على هذا النوع اعتقد اننا سنرى الابداع تلو الآخر

و في انتظار رواية الحاكم بأمر الله ليعود دكتور زيدان الى لونه المفضل بالنسبة لي


Mohamed اعتقد لو كانت الرواية بتركز بشكل اكبر على خبايا و اسرار تنظيم القاعدة لكانت رواية ابداعية خاصتا اني اعتقدت هذا عندما قرأت ما كُتب على ظهر الرواية الذي كان خادعا و لا اعلم ما المغذى من كتابة تعريف بالرواية ليس له علاقة بها

اعتقد ان دكتور زيدان صعبها على نفسه لما كتب عزازيل لان صعب القراء يستقبلوا اي رواية بمستوى اقل بعدها و خصوصا لو كان اقل بكثر كما هو الحل في رواية محال

الا صحيح بالمناسبة هي اسمها مُحال ليه -انا سمعت تفسيره لكن مش مقنع -؟؟


message 16: by Egybookmaster (last edited Mar 01, 2012 09:40AM) (new)

Egybookmaster Kottp لا مش غريب انا شفت نسخ مقلدة من عزازيل / تراب المس / اولاد حارتنا / كتب الاسواني كلها
و لا في أي حد بيتابع


message 17: by Egybookmaster (new)

Egybookmaster Kottp حتي لو الكتاب عجبك أسوأ حاجة الاشتغالات
الاسم ليس لة علاقة بالمضمون
الغلاف الخلفي تحس انة لكتاب غير اللي انت اشتريتة
كون القصة تخص مراسل الجزيرة و لم يتم التنوية عن ذلك في الكتاب برضة مش حاجة ظريفة
الكتاب تجاري بحت


message 18: by Ehab (new) - rated it 3 stars

Ehab Shaaban Mohamed wrote: "اعتقد لو كانت الرواية بتركز بشكل اكبر على خبايا و اسرار تنظيم القاعدة لكانت رواية ابداعية خاصتا اني اعتقدت هذا عندما قرأت ما كُتب على ظهر الرواية الذي كان خادعا و لا اعلم ما المغذى من كتابة تعريف ب..."

أنا معاك جداً فيإن عزازيل هاتفرق جامد في أى حاجة هايكتبها يوسف زيدان


message 19: by zozo (new) - rated it 5 stars

zozo راقت لى كثيرا
على العكس فى انتظار الجزء التانى


عزة عجبت لهذا الشخص التقى الورع اللى عمل كل حاجة مع نورا من غير لحظة تأنيب ضمير واحدة
وفى عدة أجزاء من الرواية حسيتها فيلم هندى
وجزء التعذيب فى الآخر لم يعجبنى لكن ممكن أكون ظلمته لانه بيفكرنى يمشاهد التعذيب فى 1984 رائعة جورج أورويل ولا يقارن بيها
ومشهد الروسيات لم أجد له أى مبرر سوى ان دكتور يوسف يقحم تلك المشاهد فى رواياته بلا مبرر


Paris مستغربة من الدكتور ..حسيت بالإحباط وانا حاليا بالصفحة 75 أتمني اني ماضيعتش وقت عالفاضي

ماقريتش الردود كاملة حتي أكملها


message 22: by Ehab (new) - rated it 3 stars

Ehab Shaaban برغم إني حبيت الرواية ،، إلا إن فيه تعليقات كتير فادتني ووجهت تفكيري لحاجات تاهت مني


Sally Hekal بالنسبه لنهايه الروايه فهى ليها جزء تانى اسمه جوانتانامو
الروايه بالنسبه ليوسف زيدان لاتقارن بباقى اعماله لانه ابدع فى الروايه التاريخيه
بالنسبه للى بيقول الغلاف والطباعه عى طباعته والغلاف كويس كعادة دار الشروق بتهتم بالطباعه جداا
لكن فى نسخ بتنزل ستوك يعنى بايظه او ناقصه او مشكله فى الغلاف وديه بتتباع باقل من نص الثمن وبتنزل فى صور الازبكيه مش فى المكتبه نفسها
الروايه مقارنه بيوسف زيدان اقل اعماله الى قراتها له الى الان


message 24: by ALEF (new) - added it

ALEF Bookstores تتشرف مكتبات أ بدعوتكم لحضور التوقيع الثاني لرواية محال ولكن بفرع كفر عبده (الإسكندرية) هذة المرة وذلك يوم الجمعة 16 مارس في تمام السابعة مساءاً.
يسعدنا تشريفكم لمناقشة د. يوسف زيدان وعرض آرائكم عليه لنقد هذه الرواية.
http://www.goodreads.com/event/show/2...


Sherif Khaled كان لية سؤال مهم فى الرواية, اسم الشخصية الرئيسة فى الرواية كان اية؟؟؟


Ahmed  Fathi Sally wrote: "بالنسبه لنهايه الروايه فهى ليها جزء تانى اسمه جوانتانامو
"

الكلام ده مؤكد لو تكرمتي؟ و يا تري هتبقي بنفس مستوي محال؟ =(


message 27: by Ehab (new) - rated it 3 stars

Ehab Shaaban Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"

لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)


Sally Hekal Ahmed wrote: "Sally wrote: "بالنسبه لنهايه الروايه فهى ليها جزء تانى اسمه جوانتانامو
"
الكلام ده مؤكد لو تكرمتي؟ و يا تري هتبقي بنفس مستوي محال؟ =("


الكلام دة قريت فى خبر على الانترنت بان يوسف زيدان هيبداء فى الجزء التانيه من الروايه
مع انى اتمنى جزء تانى من عزازيل


Sally Hekal Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"

لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"


يوسف زيدان تعمد عدم القاء اسم للبطل الروايه لانها يرى الاماكن هى التى تضفى على الاشخاص اسمائهم
فى اسوان اسمه الزول
وفى الاسكندريه ابو سمرة
وفى كازخستان ابو بلال
وذلك لان الاماكن هى التى تعطى الاشخاص صفاتهم


Sherif Khaled Sally wrote: "Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"

لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"

يوسف زيدان ..."


رد مقنع


message 31: by Ehab (new) - rated it 3 stars

Ehab Shaaban Sally wrote: "Ehab wrote: "Sherif wrote: "كان لية سؤال مهم فى الرواية, اسم الشخصية الرئيسة فى الرواية كان اية؟؟؟"

لأخر الرواية كنت مركز إنى أعرف إسمه - ويوسف زيدان كان متعمد يخفي إسمه بلقب (الزول)"

يوسف زيدان ..."


- تحليل جيد - واضح إنك ركزت في الرواية أوي - مشكلتي إن على قد مابحب أقرا إلا إنى أخلص الكتاب من هنا ولا يتبقى داخلي إلا الجو العام وانسى معظم التفاصيل - تقريباًَ دا مرض


Mustafa Soliman خسارة الوقت فيها


فجر Amir wrote: "أكسر إحباطكم , أرى الروايه جميله إجمالاً , بدايه رقيقه وحالمه (زي الأفلام العربي) , ثم تطورات مبرره للشخصيات , (مش هندي) , ونهايه واقعيه وإن كانت كئيبه ولكن تحمل الأمل بعد 7 سنوات"


Ahmed Tarek وتبقى عزازيل الاعلى


Asmaa Elwany انا بختلف معاكم الروايه انا شايفاها جميله جدا ممكن فى جزء منها حسيت بالملل بس بعد كده رجعت شيقه تانى


Asmaa Elwany Eman wrote: "انا كده احبطت...انا لسه جايباها من المعرض ولسه مافتحتهاش :((("

اقرأيها هتعجبك كتير


message 37: by Eman (new) - added it

Eman Nasr Asmaa wrote: "Eman wrote: "انا كده احبطت...انا لسه جايباها من المعرض ولسه مافتحتهاش :((("

اقرأيها هتعجبك كتير"


مانا قريتها ومكانتش سيئة بالعكس لقيتها شيقة وخلصتها بسرعة


Hazem el hady يقال انها ثلاثيه في جزء ثاني و جزء تالت


Hajar Agag حرام عليكم !!
خيبة أمل ايه بس
لأول مرة في كتابات يوسف زيدان أحس اني عايشة جوة القصة .. مش مجرد بتفرج عالأحداث من برة !!
في رأيي أول قصة معاصرة لزيدان و موفقة


Walid jeve ملاحظات سريعه كده على راويه محال

- اول روايه ليوسف زيدان تدخل مكتبتى بشكل فعلى كنت انتظر من عبقرى عزازيل الكثير رغم انى لم اقرا عزازيل بعد الا اننى سمعت عنها الكثير

- عشت فى الرواية جو اسكندرايه بجد يوسف زيدان عبقرى وصف بصراحه وحاجة تحسبه له فى الرواية

- الرواية ممله شويه فى سردها خصوصاً فى الجزء الثانى منها

- مشاهد التعذيب يوصف زيدان اعجبنى كثيراً فى صياغه حوارها بشكل مبهر

- فى المجمل تجربة اجمالاً لا ترتقى لاكثر من 3 نجوم تفتقد كثيراً للحبكه الدراميه والتسلسل المشوق


Mohammed قرأت الرواية منذ فتره بعد نزولها مباشرة
ولكنى لم اقرأ اية مقدمات كتبت عنها
ويظهر لى انها رواية تعد من الروايات التجاريه والتى اختال فيها الكاتب بنفسه بعد كتابات محبكه كرواية عزازيل و النبطى حيث انها اعقبتهم حيث ان الكاتب قد قام بالحشو الكثير فيها وهى اما احداث سريعه وغبر مكترث بها وهى اعتقد هامه واحداث بطيئة و مفنده وهى غير هامه.
عموماً الروايه قد تستحق القرأه الى حد ما
والامر الغريب اخفاء الكاتب لاسم البطل
على الرغم من ذكر جميع اسماء الاشخاص الظاهرين فى القصه على الرغم من اننى قرأت مثل هذه الطريق فى روايه "هكذا خلقت" للكاتب/محمد حسين هيكل الا ان هيكل كان اكثر حبكة من كاتب هذه الرواية
اخيراً وليس اخراً
من يعرف اسم القصه الحقيقى
هل هى محُال - بضم الحاء
ام محَال -بفتح الحاء
اعتقد هذا هو اللغز
تحياتى
واسف على الاطاله


message 42: by Hajar (last edited Jun 04, 2012 05:20PM) (new) - rated it 4 stars

Hajar Agag في رأيي هي مش لغز
الكاتب تركها مفتوحة ليبني القارئ على معناها كل القصة
فمحال بضم الحاء هو المستحيل
حبه لنورا و كل اللي حصل مستحيل يحصل لكائن بشري عادي !!
اما محال بفتح الحاء فهي جمع محل و هو المكان الذي يحل فيه الانسان
و دة بيرجع لكثرة تنقله
و شخصيا اميل للمعنى الاول :)


Bolla Nobel ماليش تعليق غلى الرواية غير انها ممطوطة بشكل مبالغ فيه
في حتت و بعدين تسلسل سريع غير منطقي في حتت تانية


Bolla Nobel غير كده هي روايه رائعة الى حد ما


Yossra روايه معبره عن شقى المصريين جوه و بره و طول العمر


message 46: by Sara (new) - rated it 4 stars

Sara Mehrez هي مش حلوة مقارنه بـ عزازيل


message 47: by Sara (new) - rated it 4 stars

Sara Mehrez كمان كنا في ندوة ليه وقال ان ليها اجزاء كمان ,, والجززء الجاي اسمه نورا


message 48: by Sara (new) - rated it 4 stars

Sara Mehrez كان قال هي ثلاثيه , بس ده سر :D


message 49: by عبد (new) - added it

عبد الله اوحش احساس انها خلصت وأنا بقرأها وأنا حاسس انها لسه مخلصتش بس تركه للعنوان بدون تشكيل مما ادى لاحتمال ثلاث معاني ..ميعملهاش الا يوسف زيدان االرواية كانت ماشية حلو الاول بس طارت في الاخر كنت منتظر تفاصيل أكتر خاصة في افغانستان ....


Lamia A.moez عزة wrote: "عجبت لهذا الشخص التقى الورع اللى عمل كل حاجة مع نورا من غير لحظة تأنيب ضمير واحدة
..."


بالظبط الحكايه دي لفتت نظري جدا وخصوصا بعد كلامه عن تدينه في اول الروايه
في المجمل الروايه عجبتني بس اتضايقت من تسارع الاحداث في الاخر والنهايه الصادمه


« previous 1
back to top

all discussions on this book | post a new topic


Books mentioned in this topic

محال (other topics)