André-Pierre du Plessis's Reviews > Country Of My Skull

Country Of My Skull by Antjie Krog
Rate this book
Clear rating

by
7934
's review
Feb 22, 07

Read in January, 2007

COUNTRY OF MY SKULL, deur Antjie Krog.
Vintage, Londen, 1999.
(Sagteband, 454 bladsye, ISBN 0 958 41953 1.)

“The experiences of victims did indeed become part of the national psyche and part of our country’s acknowledged history for the very first time” (bl. 447 – 448).

Antjie Krog skryf nie net oor die vele slagoffers wie se stories sy aangehoor het tydens die Waarheid-en-versoeningskommissie (WVK) se verhore nie, maar sy is ook besig om oor haarself te skryf. In haar bekroonde boek Country of my skull gee sy ’n platform vir nagenoeg 20 000 slagoffers wat tussen 1960 en 1993 onder apartheid gely het. Hierdie verhale het tien jaar later deel geword van Suid-Afrika se kollektiewe geheue waarvan Krog s’n ’n integrale deel vorm.

Tussen 1996 en 1998 het Krog daagliks vir die SAUK verslag gelewer oor die WVK. In haar boek herroep sy die effek wat die verhore op mede-joernaliste gehad het, bieg sy dat haar persoonlike lewe daaronder gely het.

Dis ’n onmoontlike taak om Krog se ervaringe te kategoriseer. Sy vervleg werklikheid met fiksie, waarheid met verdigsel, wit met swart en skud skuld en versoening deurmekaar. As Country of my skull die land van Krog se eie skelet is, is dit ’n gesplete skelet want, in die woorde van pres. Mbeki, Suid-Afrika is “a country of two nations” (435). Dié dualisme is een wat nie net tussen wit en swart of ryk en arm bestaan nie, maar ook tussen man en vrou.

’n Deurlopende tema in Krog se werk (sien ook Kleur kom nooit alleen nie en A change of tongue) is die verwoording van die stem van waarheid. Dié stem is ’n vroulike stem: “Truth is a Woman” soos hoofstuk 16 getiteld is. Is die negatiewe van waarheid dan noodwendig manlik? Skuld, skryf sy, is egter óók vrou (bl. 122). Deur dit te doen maak Krog die vrou los van die Hegeliaanse dualisme waaraan dit nog altyd onderwerp is. Vrou word losgetrek van haar bagasie en word ’n “second sex”.

Om hierdie rede help die “experiences of victims”, soos verwoord deur Krog, om die ervaring van vrou-wees deel te maak van die “national psyche and part of our country’s acknowledged history for the very first time”. Dit is ’n deurbraak in Suid-Afrikaanse literatuur omdat dit die eerste boek is wat die vrou se regmatige plek gee in ’n patriargale sisteem (beide polities en literer) wat die ruimte, wat vrou nou kan bewoon, beide psigies en fisies voorheen beperk het. Nou eers is Sy, in die woorde van Krog, ’n “vry fokken vrou”.
likeflag

Sign into Goodreads to see if any of your friends have read Country Of My Skull.
sign in »

Comments (showing 1-1 of 1) (1 new)

dateDown_arrow    newest »

message 1: by Kirsty (last edited Mar 01, 2007 12:37AM) (new) - rated it 5 stars

Kirsty Every South African should read this book, harrowing / exciting / politically in correct and even funny!


back to top