Jayvie's Reviews > Bakit Baliktad Magbasa Ng Libro Ang Mga Pilipino?

Bakit Baliktad Magbasa Ng Libro Ang Mga Pilipino? by Bob Ong
Rate this book
Clear rating

by
8864040
's review
May 05, 12

Read in May, 2012

Makabili nga ng pabango bukas!

May naamoy kasi akong di kanais nais.

Ang baho ng Pinas!


Bago natin talakayin kung anu mang baho ang tinutukoy ko, talakayin muna nati ang mga kabalastugan ko bago ko basahin ang librong ito.

Father, patawarin niyo po ako dahil ako'y nagkasala. Ang huling kumpisal ko po ay . . . . . . . hindi ko na maalala kung kailan.

Guilty po ako sa Book Piracy. Inaamin ko po na naging walang kwentang piratang mambabasa ako. Nagdownload lang ako sa internet ng pdf file nang photocopy nitong libro at nagkakasya na po ako sa pagbabasa nito sa aking cellphone tuwing ako po ay walang ginagawa. Nagawa ko lamang po ito dahil sa krisis ng aking bulsa at maitim na pagnanasa na mabasa ang pangalawang libro ng manunulat na si Bob Ong. Patawarin po sana ako ng Panginoon. Patawarin po sana ako ng may akda. Patawarin po sana ako ng taong bumabasa nitong review ko.


Ok, tama na ang kadramahan.
Mas maraming bagay sa bansa ang dapat mas bigyan ng pansin kaysa sa pag iinarte. Mas maraming bagay sa Pilipinas ang mas dapat bigyan ng importansya nang mga Pilipino. Mas maraming bagay sa Pilipinas na dapat nating ipinagmamalaki at hindi ikinahihiya.

Bakit nga ba hindi natin naipagmamalaki ang ating bansa sa halip ay ikinahihiya pa natin ito. Hindi naman ito mahirap gawin.

Sa librong ito, pinapamuka sa iyo na ang pagiging Pilipino ay hindi kasalanang mortal. Ipapamuka sayo na masarap maging Pilipino kung magkakaroon ka lang ng disiplina, responsableng pag iisip at pagmamahal sa bansa. Hindi dapat ikahiya ang Pilipinas dahil wala naman itong kasalanan. At hindi Pilipinas ang dapat sisihin sa mga nangyayari sa bansa kundi ang mga buwaya (hindi yung mga kauri ni Lolong yung ibang uri ng buwaya ang tinutukoy ko).

Sana mas maganda at mas mabangong Pinas ang nararanasan natin ngayon kung hindi lang dahil sa mga makasariling pinuno nang bansa. Pero pinakamaganda at pinakamabango sana ang Pinas kung hindi tayo umaasa sa kanila at sa kanilang mga panis na pangako.

Alam kong walang mababago sa estado ng bansa kung magsisisihan tayo. Wala ding mangyayari kung aasa lamang tayo. Dapat tayo na mismo ang magsimula ng pagbabago para sa ating bansa.

Alisin na natin ang masasamang ugali na nakakasama sa bayan. Ipagmalaki ang sariling pinanggalingan. Ipagmalaki ang Pilipinas.


Bibili talaga ako ng pabango. Yung IMPORTED!!





likeflag

Sign into Goodreads to see if any of your friends have read Bakit Baliktad Magbasa Ng Libro Ang Mga Pilipino?.
sign in »

Quotes Jayvie Liked

“MARAMI ANG MAY AYAW SA PILIPINAS, PERO WALANG NAGTATANONG KUNG GUSTO SILA NG PILIPINAS”
Bob Ong, Bakit Baliktad Magbasa Ng Libro Ang Mga Pilipino?


No comments have been added yet.