مصطفي سليمان's Reviews > كنت رئيسًا لمصر

كنت رئيسًا لمصر by محمد نجيب
Rate this book
Clear rating

by
1963230
's review
Apr 27, 12

Read in April, 2012

قررت اني مكملوش
وقررت اني مدلوش اي نجوم
ولا اي شئ

ليه؟

طيب , انا بكره السير الذاتية
مفعمه بالانا طول الوقت
الملايكه بتكتب ف الغالب مذاكرتها
الكتاب دا مثال حي لحاجتين مهمين قوي
ان التاريخ ممل
فهو بيكرر نفسه بمنتهي منتهي منتهي الرتابه بكافة التفاصيل
الصغيرة والكبيرة
مع اختلاف الاسماء ومفيش اي حد بيتعلم اي شئ

ثانيا
ان محمد نجيب كان مغفل ويستاهل اللي حصله
عارف ان الراي هيصب ف مصلحة اني بحب ناصر
لا ولا بطيق انقلاب 52

ليه؟

طول الكتاب تحس انك بتقرا سيرة عنترة
بطولات وحروب ومعارك ومواقف رائعة
فل جدا

يجي بعد الانقلاب يا عيني
يبقي بوق علي الفاضي
بمزاجه
ودا مهم جدا

يعني فيه مثال قاله
انه ظبط واحد من الظباط
كان بيلعب قمار وخمورجي وكدا
عمله ايه بالصلاة ع النبي
عنفه
كل القرارت الغلط
يقولك انا قولت ليهم
بلاش بس هما مسموعش الكلام
لا والله؟
امال كانت سلطتك ايه؟؟؟

بينما مثلا وافق علي اعدام ظباط طالبوا بثورة تصحيح ف الجيش
لا نظرية برده

سبيك من كمية الكره لعبد الناصر اللي موجودة ف الكتاب
ف تسئل نفسك
وهو كان صابر عليه ليه؟
كان ماسك عليه اسطوانات مثلا؟
كان عاوز يتجوز اخته؟

فيه قصة حكي ان عبد الناصر عرض عليه رشوة بشكل واضح
رد فعله؟
انت اتنرفز عليه

جو اصل الناس اللي حواليه باعوه مش ببلعه

اللي ميشفوش من الغربال يبقي اعمي

انت كان ف ايدك كل السلطات حرفيا
ف ايدك تحاسب
والاهم ف ايدك الناس
والشارع
عملت ايه؟
حليت الاحزاب
اعلان دستوري عقيم
توليت بنفسك الوزارة سمحت بتسلط الظباط
وف الاخر يقولك

انا قولتلهم ان دا غلط
انا جسمي قشعر من الحنيه

سبيك انه شايف ان دا مش غلط منه
سبيك انه شايف ان دا منطقي وعادي
لكن انهم بيلوم ناس
هو اصلا بيتهم فيهم من اول الكتاب
دا مش بالعه
كان واضح علي حسب كلامه
ان الدينا بايظه
امر من اتنين

يا تمشي
يا تعاقب

بس

وحقيقي ومن قلبي


description
93 likes · likeflag

Sign into Goodreads to see if any of your friends have read كنت رئيسًا لمصر.
sign in »

Quotes مصطفي Liked

محمد نجيب
“وقد دفعت أنا ثمن هذه الكلمة الخالدة "الديمقراطية" ودفع الشعب ثمنها أيضاّ...ولكني الآن لا أستطيع ان افعل المزيد، فقد هدتني الشيخوخة واقعدتني، وحاصرتني أمراضها، واصبح علي أن انتظر لقاء ربي بين لحظة وأخري..لكن..الشعوب التي تعوض شيخوختها بشبابها وماضيها بمستقبلها، تملك الفرصة الذهبية في تغيير واقعها السياسي والأقتصادي والإجتماعي..”
محمد نجيب, كنت رئيسًا لمصر


Reading Progress

04/02/2012 page 100
24.0% 5 comments
show 2 hidden updates…

Comments (showing 1-27 of 27) (27 new)

dateDown_arrow    newest »

message 1: by Tasneem (new) - added it

Tasneem عندي من زمان و من شهر يوليو اللي فات نفسي أقراه
:\


message 2: by مصطفي (new) - added it

مصطفي سليمان وانا برده كنت مأجله فترة طويله
:)


أحمد سعيد البراجه من‏ ‏اللي‏ ‏قريته‏ ‏من‏ ‏مقتطفات‏ ‏الكتاب‏ ‏مش‏ ‏عاوز‏ ‏اقراه‏ ‏دلوقتي‏ ‏عشان‏ ‏ما‏ ‏اموتش‏ ‏من‏ ‏الغيظ


message 4: by مصطفي (new) - added it

مصطفي سليمان والله تقريبا نفس الفكرة بس انا عاوز اقرأ ف الفترة دي بشدة وكتير


message 5: by Tasneem (new) - added it

Tasneem مامتي كانت قرأته و حِكت لي منه لمحات ع السريع..
في ذكرى إنقلاب يوليو السنة اللي فاتت كنت محضرة نفسي أقراه هو و كتاب فاروق جويدة من يكتب ثورة يوليو 1952..

يمكن أظبط جدولي و أقراه السنة دي في نفس الميعاد


Manal Hafez انا وصلت لنصه تقريبا. هتحس ان التاريخ بيعيد نفسه


message 7: by مصطفي (new) - added it

مصطفي سليمان Manal wrote: "انا وصلت لنصه تقريبا. هتحس ان التاريخ بيعيد نفسه"

التاريخ عامل كوبي وبيست
بس مغير الاكستنشن
علشان يرضي ينزل
دا احساسي


Manal Hafez Mostafa wrote: "Manal wrote: "انا وصلت لنصه تقريبا. هتحس ان التاريخ بيعيد نفسه"

التاريخ عامل كوبي وبيست
بس مغير الاكستنشن
علشان يرضي ينزل
دا احساسي"


هههههههههههههههه عندك حق والله


أحمد سعيد البراجه تصدق نفس إحساسي لما بأقرأ عن الفترة دي

محمد نجيب كان معاه سلاح الفرسان والقوى السياسية وناس كتير من الشعب
ليه ما تملكش من السلطة وأقصى الناس اللي شايف انها بتتصرف غلط
!!!!


message 10: by Mohamed (new)

Mohamed Adel إنت كده خلتني لازم لازم اقراه :)


message 11: by Ziad (new) - rated it 2 stars

Ziad sherief معلش هو اية دور نجيب نجيب كان مجرد واجهة وعروسة ماريونت ناصر هو القائد والمؤسس الحقيقي للحركة وبغض النظر انتو بتحبوا ناصر ولا لا انا بعكسك بوصفها انها ثورة52 وعسكر زمان غير عسكر دلوقتي عسكر ناصر عملوا ثورة ضد الفساد وملكية فاروق الاستبدادية والفقر المدقع اللي كان الشعب عايش فية


message 12: by Ziad (new) - rated it 2 stars

Ziad sherief ناصر لية اخطاء واخطاء كبيرة كمان لكن كل اللي يلخص التجربة الناصرية في 67 يبقي انسان مجحف


message 13: by مصطفي (new) - added it

مصطفي سليمان Ziad wrote: "معلش هو اية دور نجيب نجيب كان مجرد واجهة وعروسة ماريونت ناصر هو القائد والمؤسس الحقيقي للحركة وبغض النظر انتو بتحبوا ناصر ولا لا انا بعكسك بوصفها انها ثورة52 وعسكر زمان غير عسكر دلوقتي عسكر ناصر عم..."

زياد اقرأ الكتاب
هو منكرش علي ناصر تأسيس
الظباط الاحرار
بس فيه كوارث بكل ما تحمله الكلمة تم ارتكابها
باسم الفقراء والحقوق


message 14: by مصطفي (new) - added it

مصطفي سليمان Ziad wrote: "ناصر لية اخطاء واخطاء كبيرة كمان لكن كل اللي يلخص التجربة الناصرية في 67 يبقي انسان مجحف"

مفيش حد ف الكوكب مالهوش جوانب حلوة ووحشة
مفيش انا لسه معرفهوش
:)


message 15: by Ziad (new) - rated it 2 stars

Ziad sherief كنت بدأت اقرأ فية ومعرفتش اكملة كمية الافتراءات اللي فية علي ناصر مقدرش اقبلها


Nouran Gamal مين قال إنها افتراءات؟؟؟؟


message 17: by Yasmin (new) - added it

Yasmin Edris إفتراءات !!!عبد الناصر كان مثال حي لأكبر ظالم ودكتاتور مر علي مصر


message 18: by Ziad (new) - rated it 2 stars

Ziad sherief سعادتك شايفة انة كان ديكتاتور وانا شايف انة حقق انجازات كتيرة لمصر مؤكد مش حتتفقي معايا ودة حقك زي مانا شايف ان حسن البنا فاشي وسيد قطب ارهابي يستحق اللي حصلة


Joseph_soliman زياد احب اقولك ان سيد قطب مبقاش الي انت شايفه ده الا بعد نتيجه التعذيب و المعتقل و الاهانه لو عاوز تعرف يعني و بعدين احب اقولك ان زمان سيد قطب ده كان علماني بيقول شعر فيه جنس و كده...و عبد الناصر محققش حاجه كله بروباجنده و اقرا خالد محي الدين و الان اتكلم..


Mostafa كويس ان الكلام دة موجود لتتعلم الاجيال القادمة


message 21: by Hamdy (new) - added it

Hamdy ده ممكن القيه فين؟


message 22: by FдĐy (new) - added it

FдĐy Sдviоlậ والله نفس الكلام مش عاوز أكمله إلا إني عندي شوية ف القراية .. بس فعلاً زي ما إنت بتقول ف الأول تحس إنه عنتر شايل سيفه .. بعد الإنقلاب عنجهة ع الفاضي بؤ زي ما انت قلت كل القرارات انا قلتلهم لا وما سمعوش كلامي .. طب ماسيادتك زعيم التنظيم ولا القائد زي ما بتقول ودول ولادك ..وم الأخر كل العسكر دم واحد .. أيديولوجية واحدة .. يسقط يسقط حكم العسكر


message 23: by Ahmed (new) - added it

Ahmed Gamal لولا اني شوفت نفس الضعف دة فمرسي ....مكنتش صدقت نجيب


message 24: by Rony (new) - added it

Rony انا مقريتش الكتاب لسه بس حاسه انه شبه الواقع دلوقتي وحاسه محمد نجيب كوبي بيست من مرسي بس الريفيو ماشاءالله فتح نفسي عالكتاب :)


message 25: by Rony (new) - added it

Rony بعد ما قريت الريفيو بتاعك انا عايزة اقرى الكتاب


Pamela معاك فى السلبية الرهيبة اللى ظهرت منه بالذات فى تعامله مع مجلس قيادة الثورة و كمان فى التطابق بين اللى حصل بعد 52واللى بيحصل دلوقتى


message 27: by Hend (new) - rated it 3 stars

Hend mostafa معك حق الانا عندة بزيادة كمان نظرتة لاسرائيل مختلفة عن اى عربى دمة حامى انا لا انتقدة حتى لكن كل واحد هيقرأ التاريخ من وجهة نظرة الشخصية ,, كمان بعد مرور سنين وكبر سنة لم يتخلص من كرهه لشخص ميت وقتها وكان ناصر

ربنا يرحم الجميع


back to top